Read Angguruk Yali YOSUA 15 Bible Online

YOSUA 15 - Angguruk Yali bible

YOSUA 15

¹Ununggul unuk Yehuda inap onowesi wal taneg welatfahon kinang og isahuk ulug enehangge hik turuk lit og isibag ambeg hili imbibahon tuma ul: Hili-hili ik ambut fil o Edom kinang iraham Zin lekma imbibag.

²Hili ino imbil laruk lit ik Il Warehon atog filen tulug

³ik ambut fil laruk lit o Akrabim horogma tom laharuk abunggalem lahuk fug angge tom alem keyen nunggulig laruk lit o Zin keyen o Kades-Barnea ik ambut fil lalug o Hezron keyen o Adar lahalug hebeloho o Karka men

⁴Azmon men keyen o Mesir kinang hilimu ik som wirihig ik saho ahik ayegma imbik libag. Ari roho imbil laruk lit Yehuda kinang ik ambut fil imbibag.

⁵Hili yali fil ik Il Warehon famen tulug ik Yordan kilaptuk ambeg imbibag. Hili ik Yordan ambut filen tulug ik eleruk fil imbil laruk lit

⁶o Bet-Hogla lahalug o pumbuk Bet-Araba horogma ik eleruk fil nunggul atug Ruben amloho Bohan ahalep fam imbik libag.

⁷Helep ino famen tulug o Akhor tonggoman lahalug o Debir keyen o Adumim horogma ik ino paloho nindig atuk ambeg fuma fil tom laharuk ke alukema ik eleruk fil o Gilgal lalug ik En-Semes men En-Rogel men eleruk keyen

⁸ik ambut fil Ben-Hinom tonggoma laharuk lit Yebus inap inibam Yerusalem tom fam witfag ambeg ino luharoho tom alem ik ambut keyen nunggul atug tom o Hinom tonggo hubula fil, Refaim tonggo ik eleruk fil werehon atelma lahalug

⁹hebeloho ik Neftoah eleruk keyen o pumbuk tom Efron fam wirigmu lahalug nin hebeloho o pumbuk Baala unuk keron Kiryat-Yearim suwaleg ambeg imbik libag.

¹⁰Imbik libareg hili hubula fil imbil laruk lit o pumbuk Baala luharoho lalug tom Seir alo suhan tulug ik eleruk fil tom Yearim unuk winon tom Kesalon suwalehon altukmu nunggul atug o Bet-Semes wambulug o Timna imbik libag.

¹¹O Timna famen tulug hili ino tom Ekron altuk ik eleruk keyen hebeloho o Sikron keyen tom Baala feneyen tulug o pumbuk Yabneel keyen ik saho ahik ayegma imbik libag.

¹²Yehuda kinang hili hubula fil ik saho ahik wereg. Hili walinggoho imbil libag ambeg arimano Yehuda inap onowesi wal taneg welatfahon ngi roho welamuhup ambeg ulug imbibag.

¹³NINIKNI Allahn Yosua hiyag itfag ane hikit toho Yosuan hun Yefune amloho Kaleb ino Yehuda kinang pulmu o pumbuk Hebron Enak inap unumba Arba inowen witfag ambeg ino og itfag.

¹⁴Og itfagma Kaleb inowen o ino ilmig taruk lit Enak inap hinahan ununuk Sesai men Ahiman men Talmai men yanggal enepfag.

¹⁵Yanggal enepfareg o Debir unuk tamon Kiryat-Sefer suwalfag ambeg wereg inap unusik libag.

¹⁶Libareg Kaleb inowen ele uruk lit, ”O Kiryat-Sefer tu atamtam kuruk lit ilmig tamisi ahun ino an nahaloho Akhsa ino uhe welaruhuwen og uruhuk,” ibag.

¹⁷Ibagma hun Kenas amloho Kaleb ot Otniel inowen o ino ilmig tibag. Ilmig tibagma Kaleben ahaloho Akhsa ino Otniel og itfag.

¹⁸Og itfagma Akhsa ino Otniel ibam kibag sambil ino Otnielen uhe ele ying turuk lit, ”Hat hikni fam kinang eke og nisamisiyen heng tik lamihin,” ibag. Ibagma Akhsa ino wam keledai fam lahalug ikni ambeg libareg keledai famen wamburukmu ikni Kaleb inowen yet hibareg at ubam, ”Nungge pehenteg wahen?” ulug hinog og hibag.

¹⁹Hinog og hibagma Akhsa inowen hiyag utuk lit, ”Nikni, fano angge eke og nitmihin ulug hambeg wahi. Hahun hilahun ulug mon nabik waharikin ambeg ino wal eneg tehen kinang simu eke og nitmihin,” ulug heng tibag. Heng tibagma Kaleb inowen ahaloho kinang simu ik eleruk eke, ik ambut fil eke og itfag.

²⁰Yehuda inap onowesi welatfahon wal taneg kinang ngi roho welamuhup ambeg ulug og isibahon arimano tuma umbul:

²¹O pumbuk ik ambut fil Edom kinang hilimu og isibahon ununuk tu: Kabzeel, Eder, Yagur,

²²Kina, Dimona, Adada,

²³Kedes, Hazor, Yitnan,

²⁴Zif, Telem, Bealot,

²⁵Hazor-Hadata, Keriot-Hezron unuk eke Hazor suwaleg ambeg ino,

²⁶Amam, Sema, Molada,

²⁷Hazar-Gada, Hesmon, Bet-Pelet,

²⁸Hazar-Sual, Bersyeba men o pumbuk toron walinggoho werehon men,

²⁹Baala, Iyim, Ezem,

³⁰Eltolad, Kesil, Horma,

³¹Ziklag, Madmana, Sansana,

³²Lebaot, Silhim, Ain, Rimon men og isibag. O pumbuk ik ambut fil werehon teng misigmen nubam hilag piren 29 arimano men o pumbuk toron walinggoho werehon men og isibag.

³³O pumbuk hebema wirihon og isibahon ununuk tu: Estaol, Zora, Asna,

³⁴Zanoah, En-Ganim, Tapuah, Enam,

³⁵Yarmut, Adulam, Sokho, Azeka,

³⁶Saaraim, Aditaim, Gedera, Gederotaim men og isibag. O pumbuk hebema wirihon nunggul huriken arimano men o pumbuk toron walinggoho werehon men og isibag.

³⁷Nin o pumbuk winon og isibahon ununuk tu: Zenan, Hadasa, Migdal-Gad,

³⁸Dilean, Mizpa, Yokteel,

³⁹Lakhis, Bozkat, Eglon,

⁴⁰Kabon, Lahmas, Kitlis,

⁴¹Gederot, Bet-Dagon, Naama, Makeda men Yehuda inap og isibag. O pumbuk nisanggo fumahen arimano men pumbuk toron walinggoho werehon men og isibag.

⁴²Nin eke og isibahon ununuk tu: Libna, Eter, Asan,

⁴³Yiftah, Asna, Nezib,

⁴⁴Kehila, Akhzib, Maresa men og isibag. O pumbuk sohowen arimano men pumbuk toron walinggoho werehon men og isibag.

⁴⁵Nin eke og isibahon tu: O Ekron men pumbuk toron walinggoho werehon men

⁴⁶o pumbuk obog toho o Ekron famen tulug ik saho ahik ayegma werehon men

⁴⁷o Asdod men Gaza men o pumbuk walinggoho werehon men o pumbuk ik saho ahik ayegma wirig latfahon obog toho men ik Mesir kinang hilimu werehon horogma wirig latfahon arimano obog toho Yehuda inap og isibag.

⁴⁸O pumbuk punumu wirihon og isibahon ununuk tu: Samir, Yatir, Sokho,

⁴⁹Dana, Kiryat-Sana unuk eke Debir suwaleg ambeg ino,

⁵⁰Anab, Estemo, Anim,

⁵¹Gosyen, Holon, Gilo men og isibag. O punumu wirihon nanggoloben arimano men pumbuk toron walinggoho werehon obog toho og isibag.

⁵²Nin eke og isibahon ununuk tu: Arab, Duma, Esan,

⁵³Yanum, Bet-Tapuah, Afeka,

⁵⁴Humta, Kiryat-Arba unuk eke Hebron suwalehon ino, Zior men og isibag. O sohowen arimano men pumbuk toron walinggoho werehon men og isibag.

⁵⁵Nin eke og isibahon tu: Maon, Karmel, Zif, Yuta,

⁵⁶Yizreel, Yokdeam, Zanoah,

⁵⁷Kain, Gibea, Timna men og isibag. O numen arimano men o toron walinggoho werehon men og isibag.

⁵⁸Nin eke og isibahon tu: Halhul, Bet-Zur, Gedor,

⁵⁹Maarat, Bet-Anot, Eltekon men og isibag. O falfaliken arimano men o toron walinggoho werehon men og isibag.

⁶⁰Nin eke og isibahon tu: O piren Kiryat-Baal unuk eke Kiryat-Yearim suwalehon ino men Raba men o toron walinggoho werehon men og isibag.

⁶¹O pumbuk lekma werehon og isibahon ununuk tu: Bet-Araba, Midin, Sekhakha,

⁶²Nibsan, Ir-Melakh saho wereg ambeg ino, En-Gedi men og isibag. O lekma werehon falfaliken arimano men o toron walinggoho werehon men og isibag.

⁶³O pumbuk arimano obog toho Yehuda inap ngi atfag angge famen Yebus inap o Yerusalem welatfahon arimano Israel inaben yanggal enebuk fug teg latfagma ketiya oho Yehuda inap sehelimu wereg.