Read Angguruk Yali YOSUA 19 Bible Online

YOSUA 19 - Angguruk Yali bible

YOSUA 19

¹Yosua inowen enehangge pirenehon hik turukmu ununggul unuk Simeon inap onowesi wal taneg welatfahon unubam atfag. Unubam atfagma yug toho welamuhup ambeg ulug Yehuda inap inibam sehelimu kinang og isibag.

²O pumbuk Simeon inap ngi atfahon arimano tuma umbul: O Bersyeba, Syeba, Molada,

³Hazar-Sual, Bala, Ezem,

⁴Eltolad, Betul, Horma,

⁵Ziklag, Bet-Hamarkabot, Hazar-Susa,

⁶Bet-Lebaot, Saruhen men og isibag. O pumbuk nuwalen arimano men pumbuk toron walinggoho werehon men it ngi atfag.

⁷Nin eke o pumbuk uhan ununuk Ain, Rimon, Eter, Asan men pumbuk toron walinggoho werehon men og isibag.

⁸Kinang og isibahon arimano hili ik Yordan ambut filen o Baalat-Beer unuk eke Rama suwalehon fam imbibag. Kinang arimano obog toho Simeon inap onowesi wal taneg welatfahon ngi atfag.

⁹Yehuda inap enengginang yat anggolo rehen it enengginang minggiroho winon Simeon inap og isibag.

¹⁰Yosua inowen enehangge hinahanehon hik turukmu ununggul unuk Zebulon inap onowesi wal taneg welatfahon unubam atfag. Unubam atfagma kinang og isibag ambeg hili imbil laruk lit o Sarid famen tulug

¹¹hubula fil o Marala lahabeg o Dabeset pisan isalug ik o Yokneam horogma werehon fam imbik libag.

¹²Hili yali filen imbil laruk lit o Sariden tulug ik eleruk fil o Kislot-Tabor keyen Dobrat pisan isalug o Yafia lahibareg

¹³yali fil o Gat-Hefer men Et-Kazin men pisan isalug o Rimon keyen tulug nunggulig o Nea fam imbik libag.

¹⁴Hili ik Yordan eleruk filen hubula fil laruk lit o Hanatan keyen tulug o Yiftah-El tonggoma imbik libag.

¹⁵Nin o pumbuk nisanggowen ununuk Katat, Nahalal, Simron, Yidala, Betlehem men winon eke men pumbuk toron walinggoho werehon men og isibag.

¹⁶O pumbuk arimano obog toho Zebulon inap onowesi wal taneg welatfahon ngi atfag.

¹⁷Yosua inowen enehangge uhanehon hik turukmu ununggul unuk Isakhar inap onowesi wal taneg welatfahon unubam atfag.

¹⁸Unubam atfagma o pumbuk it ngi atfahon ununuk tuma umbul: O Yizreel, Kesulot, Sunem,

¹⁹Hafaraim, Sion, Anaharat,

²⁰Rabit, Kisyon, Ebes,

²¹Remet, En-Ganim, En-Hada, Bet-Pazes men og isibag.

²²Og isibag ambeg arimano hili ik Yordan eleruk filen tom Tabor famen tulug o Sahazima men Bet-Semes keyen ik Yordan fam imbik libag. Hili imbil libag ambeg o pumbuk suwon nisanggo fumahen men pumbuk toron walinggoho werehon men og isibag.

²³O pumbuk arimano obog toho Isakhar inap onowesi wal taneg welatfahon ngi atfag.

²⁴Yosua inowen enehangge fuwabon hik turukmu ununggul unuk Asyer inap onowesi wal taneg welatfahon unubam atfag.

²⁵Unubam atfagma kinang it ngi atfahon hili ik Yordan ambut filen imbil laruk lit o Helkat, Hali, Beten, Akhsaf,

²⁶Alamelekh, Amad, Misal men keyen hubula fil lalug tom Karmel men ik Libnat fam imbik libag.

²⁷Hili yali fil imbil laruk lit o Helkat famen tulug ik Yordan eleruk fil lalug o Bet-Dagon pisan isalug Zebulon inap enengginang hili wereg ambeg men o Yiftah-El tonggo keyen tulug o Bet-Emek, Nehiel, Kabul,

²⁸Ebron, Rehob, Hamon, Kana men keyen o pumbuk suwon Sidon fam imbik libag.

²⁹O Sidon famen tulug hili ino nunggulig o Rama keyen o Tirus elehet yaron walinggoho ohowon pisan isalug nin nunggulig o Hosa keyen ik saho ahik ayegma imbik libag. Hili imbil libag ambeg arimano o pumbuk suwon falfalik fumahen 22 men pumbuk toron walinggoho werehon men og isibag. O pumbuk Mahalab, Akhzib, Uma, Afek, Rehob men oho it ngi atfag.

³⁰

³¹O pumbuk arimano obog toho Asyer inap yug toho welamuhup ambeg ulug og isibag.

³²Yosua inowen enehangge falfalikon hik turukmu ununggul unuk Naftali inap onowesi wal taneg welatfahon unubam atfag.

³³Unubam atfagma kinang og isibag ambeg hili ik Yordan ambut fil imbil laruk lit o Helef famen tulug yali fil usa ahen o Zaananim werehon pisan toho lalug o Adami-Nekeb, Yabneel, Lakum men keyen tulug ik Yordan ayegma imbik libag.

³⁴Hili hubula fil imbil laruk lit o Aznot-Tabor men Hukok men luharoho lalug ik Yordan ambut fil Zebulon inap enengginang hili-hili keyen tulug hubula fil Asyer inap enengginang atog keyen yali fil ik Yordan ayegma Yehuda inap enengginang hili-hilimu imbik libag.

³⁵Imbil libag ambeg o pumbuk elehet walinggoho ohowon Naftali inap og isibahon ununuk tuma umbul: O Zidim, Zer, Hamat, Rakat, Kineret,

³⁶Adama, Rama, Hazor,

³⁷Kedes, Edrei, En-Hazor,

³⁸Yiron, Migdal-El, Horem, Bet-Anat, Bet-Semes men og isibag. O pumbuk soho fumahen arimano men pumbuk toron walinggoho werehon men Naftali inap ngi atfag.

³⁹O pumbuk arimano obog toho Naftali inap onowesi wal taneg werehon yug toho welamuhup ambeg ulug og isibag.

⁴⁰Yosua inowen enehangge sabiron hik turukmu ununggul unuk Dan inap onowesi wal taneg welatfahon unubam atfag.

⁴¹Unubam atfagma o pumbuk og isibahon ununuk tuma umbul: O Zora, Estaol, Ir-Semes,

⁴²Saalabin, Ayalon, Yitla,

⁴³Elon, Timna, Ekron,

⁴⁴Elteke, Gibeton, Baalat,

⁴⁵Yehud, Bene-Berak, Gat-Rimon,

⁴⁶Me-Yarkon, Rakon men kinang o Yafo walinggoho werehon men og isibag.

⁴⁷O pumbuk arimano men pumbuk toron walinggoho werehon men Dan inap onowesi wal taneg werehon yug toho welamuhup ambeg ulug og isibag angge famen kinang og isibahon arimano tot tehen Dan inap arimanowen o Lesem ilmig tul ulug tog abik libareg ilmig toho kuruk lit ap obog toho unusibareg yug toho welatfag. Wereg lit o Lesem ino it unumba Dan unuk salikap toho o Dan suwalfag.

⁴⁸

⁴⁹Israel inap ununggul unuk wal taneg yug toho welamuhup ambeg ulug kinang arimano obog toho fibir isibareg Israel inap arimanowen hun Nun amloho Yosua ino nit nenesehelimu welaruhu ulug kinang iren tohon eke hiyag itfag.

⁵⁰NINIKNI Allahn hiyag isibagma iren Yosuan heng enepfag ane hikit toho Efraim punumu o Timnat-Serah ino og itfag. Og itfagma Yosua inowen o ino nin hebeloho wiri fibareg yug toho welatfag.

⁵¹Ari roho turuk lit Allah amingmingangge imam Eleazar men hun Nun amloho Yosua men Israel inap onowesi wal taneg welatfahon menen NINIKNI Allahn enehangge fam hiyag nisamisi ulug o Silo inowen o sabo Allah men Ambi Atuk Ambeg owahalman enehangge hik turuk lit Israel inap ununggul unuk wal taneg werehon kinang obog toho fibir isibag.