Read Apatani METHU 1 Bible Online

METHU 1 - Apatani bible

METHU 1

¹ Jisu Kristo ka aba-apa piigo ka kheta, David ka oho, Abraham ka oho.

²Abraham Isak ka abatii, ho Isak Jakob ka aba, ho Jakob Juda la mohka anuabañ atañka aba,

³ho Juda Perej la Jera nyika aba Tamar ka buniiñ, ho Perej Hejron ka aba, ho Hejron Ram ka aba,

⁴ho Ram Aminadab ka aba, ho Aminadab Nason ka aba, ho Nason Salmon ka aba,

⁵ho Salmon Boaj ka aba Rahab ka buniiñ, ho Boaj Obed ka aba Ruth ka buniiñ, ho obed Jesse ka aba,

⁶ho Jesse David radde ka aba. Ho David Solomon ka aba, mohka mihie Uria ka buniiñ,

⁷ho Solomon rehoboam ka aba, ho Rehoboam Abija ka aba, ho Abija Asa ka aba,

⁸ho Asa Jehosapat ka aba, ho Jehosapat Joram ka aba, ho Joram Ujjia ka aba,

⁹ho Ujjia Jotam ka aba, ho Jotam Ahaj ka aba, ho Ahaj Hejekia ka aba,

¹⁰ho Hejekia Manase ka aba, ho Manase Amos ka aba, ho Amos Josia ka aba,

¹¹ho Josia Jekoria la mohka anuabañ atañka aba, Babilon hoka dorlyi myodu ho.

¹²Ho Babilon ho dorku lala: Jekoria Salatiel ka aba tii, ho Salatiel Zerubabel ka aba,

¹³ho Zerubabel Abiud ka aba, ho Abiud Eliakim ka aba, ho Eliakim Ajor ka aba,

¹⁴ho Ajor Jadok ka aba, ho Jadok Achim ka aba, ho Achim Eliud ka aba,

¹⁵ho Eliud Eleajar ka aba, ho Eleajar Matan ka aba, ho Matan Jakob ka aba,

¹⁶ho Jakob Josep ka aba Mary ka millo, hulona Jisu bukotiinii, humina Kristo hiila lutii nii.

¹⁷Hopa hikha aba-apa khiila Abraham kokiila David lohepa alyañhela piilye; ho David kokii la Babilon hoka dorlyi lohe pa alyañhela piilye aba-apa dutii; ho Babilon hoka dorlyi hokii la Kristo lohepa alyañhela piilye aba-apa dutii.

¹⁸Ho Jisu Kristo mika wiinga buniiñ sichuli pa butii. Mohka annii Mary mi Josep mabo inchi tola dotii, mo anye ka mihie millo busu marañpa mo Darii Yajiyallo kokii wiinga giidopa chimpa tii;

¹⁹ho mohka millo Josep, lotii miyu lyinii ho mohmi hiinyañ mohi mupyu namapa, chomyopa byasu dupa miitii.

²⁰Hojalopa mohka hiila hendalyi, kato, Attoh ka miidopopi mohka emmako ahtii, lubiidola, “Josep, David ka oho, no biisoyo Mary mi niika mihie paka biisa niimi, mohka wiinga giiniiñsi Darii Yajiyallo loke;

²¹ mo milobo oho kone bukiñ do, ho nunu mohka armyañ mi Jisu hiila gyokiñ do, niimpalukoda mo miyu atañmi mohluka ingyamiigya hokii lyangur kendo”.

²²Hikha siika lyiniiñ si Attoh ka nyibuhenii atañ mika luna nala luniiñmi miipe kiine dupa lyitii:

²³“Kato, dokasanka manii kone wiinga giikiñ do ho milobo oho bukiñdo, ho mohka armyañ mi Emmanuel hiila gyokiñ do” (siika luniiñsi, Pinii ngunu agiñho daboda).

²⁴Josep eminii guri bukula, mo Attoh ka miidopopi ka mohmika luniiñ chulipa miitii; mo mohka mihie pa biitii,

²⁵hojalopa mohka oho bumiñ rañhemi doba siila lyimatii; ho mo Jisu hiila mohmi armyañ tii.