Read Apatani METHU 17 Bible Online

METHU 17 - Apatani bible

METHU 17

¹ Ho allo lokhe daku lala Jisu mo agiñho Pitar ho Jems ho mohka anu Jon mi ingiitii, ho mohlumi hempḛr putoo ayoh ho chagiitii.

²Ho mo lyilutii mohluka kadopa, ho mohka nyimohii danyi chitañ byotii, ho mohka abitarii hii hudakiila puloo tii.

³Ho kato, hiiko Mose la Elija nyi mohluka agiñho ahtii, mohmi luriitii.

⁴Ho Pitar Jisu mi lutii, “Attoh, ayado ngunu so da; no matiirḛ hendo milo, ngo so tabyo pehiñhe pentoso, kone niipa ho kone Mose pa ho kone Elija pa.”

⁵ Mo luriila datiirañ, kato, hempḛr puloo jomii mohlumi hipu biitii, ho jomii hokii aguñ gonge lutii, “Siikasi ngiika heniiñja Oho[5] ke, humina ngo ano hempyo biidunii; mo luniiñ tatolya.”

⁶Siimi henjeajiñ atañ tapa lala, mohlu mohluka nyimo mi nyañki giitii, ho miilañru biiso nyatii.

⁷Hojalo Jisu ahbiila ho mohlumi tennetii, lubiidola, “Gurito, ho biiso nyayo.”

⁸Ho mohlu amee kacha biikele, mohlu kone mitrḛ kappa kuma hojalo Jisu kontii misu.

⁹ Ho mohlu putoo hokii tola doku kiile, Jisu mohlumi lubiido, “Kone mitrḛ siika kappa niimi lukoyo, nii dahepa miyu ka Oho turiturku tama shiiniiñ hokii.”

¹⁰ Ho henjeajiñ atañ mohmi tahii biido, Hokoda niimpa pagenii atañ ludo kapyopa Elija ahpyo kendo lodake hiila?

¹¹Mo lusitii, “Elija ahkiñdo, ho mo hikha drih atañmi miilyañ kendo;

¹² hojalo Ngo nunumi lukoso Elija ahto kula datiiku, ho mohlu mohmi kala matii, hojalo nii mohlu miinatii mohmi miitii. Hopa miyu ka Oho tiirḛ mohluka alah ho heru henkiñdo.”

¹³Ho henjeajiñ atañ helanyatii mo Jon Baptisma binii bomi ngunumi lukodo hiila.

¹⁴ Ho mohlu miyuapur ahbii kiile, miyu kone mohko ahbiila ho mo hataho liibañ khangala lutii,

¹⁵“Attoh, ngiika oho mi aroh tope, niimpalukoda mo tahiñ shiitiñnii ho hempḛr uropa herudo; kiirañ mo yamuho chuhado, ho yasie hotiirḛ chuhado.

¹⁶Ho ngo mohmi niika henjeajiñ ko ahgii bihañ kiile, ho mohlu mohmi miipya lama.”

¹⁷Ho Jisu lusitii, “O henje manii ho ingyamiigya halugiira atañ, nii dahepa Ngo nunu agiñho dabo monchi? Nii dahepa Ngo nunumi hembyuñ mola dachi? Mohmi so ngiiko ahgii.”

¹⁸Ho Jisu mohmi gatii, ho igii mohkokii lintiiku, ho himme mi atta jaho miipyatii.

¹⁹ Ho henjeajiñ atañ ahsiela Jisu ko ahbiila ho lutii, Niimpa ngunu hiimi mompa lamato?

²⁰Mo mohlumi lutii, “Nunuka henje papo kopa. Niimpalukoda jijeloda, Ngo nunumi lukoso, nunuko matiirḛ gihañ kormo kane jalo henje giido koda, nunu siika putoo mitrḛ luto, sokii inkaso iehi he, ho hii iehi kendo; ho hang miila manii hiila nyikiñma nunupa.”

²² Mohlu Galili ho dakele, Jisu mohlumi lutii, “Miyu ka Oho mi miyu atañmi nembi kendo,

²³ho mohlu mohmi menkiñdo, ho mo lohiñ niika allo ho turi kendoku.” Ho mohlu hempḛr hengahenkhatii.

²⁴Mohlu Keparnam ho ahbii kiile, piniiude daka biijokajo myanii atañ Pitar ko ahbiila ho lutii, “Nunuka tonsḛrbo biijokajo bima ehna?”

²⁵ Mo lutii, “Ḛh.” Ho mo ude ahbii kiile, Jisu kapyopa mohmi lutii, lubiidola, “No nii hiila hendo, Saimon? Kiiddiapiñ daka radde hukohokii biijokajo myadu malo bibyuñkodu? Mohka oho atañ kokii ha malo miko hokiiha?”

²⁶Ho mo hiila lutii, “Miko hokii,” Jisu mohmi lutii, Hokoda oho atañ dasḛr kuke.

²⁷ Hojalopa, mohlumi khiilii madopa, yasie siimie ho ingela ngiiyyi akho mi kulohe, ho kapyo japa ka ngiiyyi kubiiniimi lacha lala, ho hiika ngiiyyi ka aguñmi no khoko dokoda ho posa pere kappa kendoke; hiimi labiila mohlumi bito Ngiipa ho nunu pala.