Read Apatani MAK 13 Bible Online

MAK 13 - Apatani bible

MAK 13

¹ Ho piniiude hokii linku kiile, mohka henjeajiñ kone mohmi lutii, “Kato, Tonsḛrbo, niimkane yalañ puro ho niimkane ude kapyo!”

² Ho Jisu mohmi lutii, No siika ude kaye atañmi kapa doha? Sokii yalañ puhe tiirḛ opakema puheka ayoh ho, hiikahii giipa lomapa.

³ Ho mo Olives Putoo ka piniiude pache dalyiho dukele, Pitar, Jems, Jon, ho Andrew mohmi tasi la takatii,

⁴ Ngunumi lukope, si niida lyikiñdo, ho hang kagiñnanii dopeha siika atañ sika lyisa niika piigo mi?

⁵Ho Jisu mohlumi lusitii, Hendi nyatolya nunu kone lotrḛ ngogii kolya yo.

⁶ Abuje ngiika armyañ pa ahkiñ doke, lubiidola, Ngoke mo! ho mohlu abujemi ngogii kendoke.

⁷Ho niida nunu gyambo pasuniimi tapa talyi ho tatula gyambo pasu niimi; aluñ nyayo, si lyikiñdo lodake, hojalo allo lotrḛ hii ahkiñ marañke.

⁸Niimpalukoda ganda ponge hii ganda ponge mi cheri kendo, ho raddeganda hii raddeganda akoyami cheri kendo; abuje gandaho myobu hula lyilyi diike; diime ahlyi diike. Siikasi hojalo wiinga akhii achih chitu siike.

⁹ Hojalo nunu hendi nyatolya; niimpalukoda mohlu nunumi bulyañ ko tiilii bilyi diike; ho nunumi sinagog ho higor palyi diike; ho ngiika piigo pa nunu govonor la radde nyika hata hotiirḛ dalyi diike, ngiika piigo mi mohlumi luko lutiñnaniiñ pa.

¹⁰Ho ayapuyu mi kapyopa hikha ganda-siiko ho tonsḛr kendo lodake.

¹¹ Ho mohluka tenkalarka nunukoka ahgii lyiho ho nunumika tiilii lyiho, iche hetḛr hena yayo nii hiilayu luchinii; hojalo nii nunumi ludopa bichi hiika myoduho hiimi luda tolya, niimpalukoda hii nunu make ludonii, hojalo Darii Yajiyallo ke.

¹²Ho anuabañ hii siidopa talubalo siilyido, ho aba hii mo oho mi, ho himme-oho atañ annii-aba mi chekho rikiñ do ho mohlumi siidopa miikiñdo;

¹³ ho nunu kone abilo kahu kokiñdo ngiika armyañ pa. Hojalo huna kami kalo lohepa pigii talyinii hii lyangur kokiñdo.

¹⁴Hojalo nunu niida biisokacho jirara kapa talyi niihona dokiñ matiinii (puri rinii atañ siimi tala nyato), ho hutiina Judia ho dunii putoo hahoho hagii nyakiñdo.

¹⁵ude mitu hoka danii akañ tonya kuyo, malo ude ura hotiirḛ ahyo, hang drih pachi laliñ budupa;

¹⁶ho huna aji ho danii hiitḛr ahkur kuyo tariimi la talyiku hiila.

¹⁷ Ho aiya la hembido wiinga giinii atañ pala ho himme aso laka dunii atañpa hiika allo ho!

¹⁸Hiila kuto siika drih siimi dorii piilo ho lyike neyo.

¹⁹Niimpalukoda hiika allo ho hiitañ hentḛrkanyi kendo Pinii ka puliñ biihokii siilo lohe paka lyika manii, ho ronge hetḛr lyikiñ mata.

²⁰Ho Pinii matiirḛ allo mi tunii dopa miima tiikoda, kone mitrḛ lyangur lakiñ matii; hojalopa kahenii atañpa, humina mo kahetiinii, mo allo mi tudii dopa miibitii.

²¹Ho mi kone matiirḛ nunumi lulyi milo, Kato! Sike Kristo! malo Kato! Inka sike mo! hiimi henje lyayo.

²² Amuhpa Kristo ke ho amuhpa nyibuhenii ke hiila linkiñ doke ho kagiñnanii la kahotamo drih kakiñ kendo, ngogya giipa, miila dokoda kahenii atañmi miipa miido.

²³Hojalo hendi nyatolya; Ngo nunumi hikha luko lumbyo biilyi ke.

²⁴“Hojalo hiika allo ho, hiika hentḛrkanyi ka hiiba ho, danyi hii kamorikiñ do, ho piilo hutoh byobi kemma,

²⁵ho takḛr atañ hii yapuñ hokii huhi kendo, ho yapuñ daka tamo-chikho hii abyu rikiñ do.

²⁶ Ho mohlu ‘Miyu ka milobo oho’ mi jomii ho ahla dopa kappa kendo hempḛr kaye harchichike ho huda khada agiñho.

²⁷Ho mo miidopopi atañmi kiiniñ kendo, ho mohka kahenii atañmi ale tape lo gyokuñ kendo, kiiddi miido ka dotḛr hokiila yapuñ ago ka dotḛr lohepa.

²⁸“Tarro sannii hokii siika drih mi chingiito: halloh giiliñ dalyiho annii saliñ niimi kappa dalala, nunu chindu darupiilo ahlyiku hiila.

²⁹Hii chulipa, niida nunu siika drih siimi lyila dopa kappa talyi, nunu chintolya mo aruñho daku, hagya aruñ jaho.

³⁰ Jijeloda, Ngo nunumi lukoso, siika santuñ rongesi santḛr kemma ke niida lohepa siika drih si lyitema.

³¹ Dariiganda la kiiddi apiñ lyukiñ do, hojalo ngiika aguñluniiñ hii lyukiñ make.

³² “Hojalo hiika allo malo hiika myodumi kone hetrḛ chimma, dariiganda daka miidopopi tiirḛ, malo Oho, hojalo Aba kontiisii chinsu donii.

³³ Hendi nyato, piibila duto; niimpa nunu chimma myodu ahsaniimi.

³⁴ Siikasi miyu koneka myodi innii chitañ ke, mohka ude mika ile lyiho ho mohka miira atañmi kage niipa atiitii, kone abimi mohluka miigo mi bitii hela, ho alyeh ago hoka dabii bomi ayapa kabii tolya hiila lutii.

³⁵ Hopa kala datolya niimpalukoda nunu chimma ke nii datḛr ude atoh ahlyi kusanii, alyiñdalyi, malo ayoh liipa, malo paro khodu, malo aro konchi hoyuha,

³⁶hiila mapa mo aluñpada ahkoda ho niimi imila dopa kappa lyido.

³⁷Ho nii Ngo nunumi ludo Ngo miilañ rumike ludunii: hendinyato.”