Read Apatani ROM 12 Bible Online

ROM 12 - Apatani bible

ROM 12

¹ Ngo nunumi yardu hopa, anubarmii atañ, Pinii ka aroh lo, nunuka apo mi turdopa hempa siibito, darii ho Pinii mi lariidopa, hiikahii nunuka yajiyallo loka herii niike.

² Siika kiiddiapiñ ka luko talya yo hojalo lyiguhto nunuka ahhami niti dopa, hosuke nunu kakiñ lakiñ siidonii niihna Pinii ka henju, niihna aya donii ho larii lasanii ho digoabiaya nii.

³Niimpalukoda ngiimika aroh-aya biniiñ lo ngo nunuka punkoho kone abimi lubii lyike niimkane no henkiñdo hiimi uroyapa attohmi kaye pa hensu lyayo, hojalo hendiko jaho ayakacho mi katolya, kone abi niimkane Pinii mohmi henje bitii.

⁴ Niimpalukoda apo kone ho abuje hakhu giido ngunuko, ho hikha hakhu ka miijuluju ahiñ siima ke,

⁵ Hopa ngunu, abuje dasuda, apo kone ke Kristo ko, ho kone kone ngunu ako anya ko giidiñ siido.

⁶ Ponsa ponsa ahmiñayiñ giido aroh-aya laka ngunu mika biniiñ, hiimi ngunu miita nansa: nyibuheniipa matiirḛ bitii koda, ngunuka henje giinii kane lo hensa;

⁷miihoniipa koda matiirḛ, ngunuka miihoko; mo huna tonsḛr donii, mohka tonsḛr koho;

⁸mo huna haro lupa donii, mohka harolupa koho; mo huna bibo donii, hempakaya biidola; mo huna bibyuñ donii, bichi hiila hembiidola; mo huna aroh ka miigomi miido nii, ngarka jije biidola miito.

⁹Hensu niimi henju ho hento; niihna diimmah nii hiimi kachoto, niihna aya donii hiimi gabiito;

¹⁰kone anyañ mi anubarmii ka henchañho hensuto; kone anyañ mi khiisu tolya.

¹¹Sacha laka miiniiñmi pema assu lyayo, Yajiyallo mi haropa giitolya, Attoh mi miiho to.

¹² Nunuka hentiñ naniiñ ho hempyo tolya, hentḛrkanyi ahlyiho yanu tolya, kuniiñ mi kukañla dutolya.

¹³Bibo tolya piniimiyu atañka anna ho, nyibo ahnii atañmi helakala tolya.

¹⁴ Lyanto lya niimi ka miihimiire bomi; lyanto ho pema belya yo mohlumi.

¹⁵Hempyo monto lya huna hempyo donii, khebo tolya huna khedo nii.

¹⁶Ahiñpa hembiidola kone anyañ agiñho santo lya; hentii siilya yo, hojalo arro yama agiñho dahiñ montolya; pema hentii siilyayo.

¹⁷ Kone mitrḛ diimmah miiniiñmi diimmah miili yayo, hojalo niihna hikha koneabi ka kata ho ayado hendo nii hiimi miitolya.

¹⁸ Miila lyimilo matiirḛ, hojalo si niika henko hoke dokiñ donii, hikha miilañ ruka agiñho chimiepa sandu pa miitolya.

¹⁹ Heniiñatañ, pema attohpa miili lyayo, hojalo hiimi apabitolya Pinii ka hadii ho; niimpalukoda hiila ketola do, “miilisanii hii ngiikii ke, ngo miili talyike, Attoh ludo.”

²⁰ Ma, “nunuka ahha-banii matiirḛ haya domilo, diigobito; mo matiirḛ hangḛr domilo, tansa bito; niimpalukoda hiila miibiidola nunu mohka dinta ho lyala donii miiri ke piipu biido nii.”

²¹Diimmah lo pamiñ kolya yo, hojalo diimmah miya aya lo pamiñ tolya.