Read Apatani ROM 2 Bible Online

ROM 2 - Apatani bible

ROM 2

¹ Hopa nunukii lugii sanii nyimake, miyu, hujalopa nunu, nunuka mi mika halii lyiho; mohmika ayakacho kalyiho no atohmike khiilii siidonii, niimpalukoda no, haliibo, hiika drih atañ misu miisu danii.

²Ngunu chindo Pinii ka ayakacho kaniiñ hii ahdiko ahdu huna sitañ drih atañmi miinya danii.

³No hendoha, miyu, no mihmi halii lala huna sitañ drih atañmi miidonii ho no atohlya miila lala, no Pinii ka ayakacho kaniiñ hokii hargii todo hendoha?

⁴ Malo no helii henga lakiñ doha mohka hiimkane helakala ho yanupa pigiiniimi ho yanuniimi? No chimapo Pinii ka helakala niisi niimi henkur kiine dukupa hiila?

⁵Hojalo niika ahha alḛr ho henkur manii hii, niiko atii tiikuñ siibiido hadii mi niipa, hadii diidu ka allo hopa, niidana Pinii ka denki ayakacho kaniiñmi kakiñ talyinii.

⁶ Niimpalukoda mo kone abi miyu mi mohka miiniiñ chulipa bikiñdo:

⁷hutiina pigiibiidola aya miigo miibii dola medonii tatukatu mi ho khiiniiñmi ho lyula sama niimi, mo santḛrlamanii sango bikiñdo;

⁸hojalo hiika atañpa hutiina atohpa hensula ho jije mi luniiñ tamapa, hojalo diimmah mi miidonii, hiiko hadii ho hempḛrhadii dokiñdo.

⁹Hiiko ho hentḛrkanyi ho hengahenkha dokiñdo miyu koneabiko huna diimmah miidonii, Jew ko kapyopa ho Grik kotrḛ,

¹⁰hojalo tatukatu ho khiiniiñ ho chimie dokiñdo koneabiko huna aya miidonii, Jew ko kapyopa ho Grik kotrḛ.

¹¹ Niimpalukoda Pinii khiingu khiire make.

¹² Hikha hutiina ingyamiigya nyadonii dapo nyimapa hiika atañ dapo nyimapa lyukiñ do, ho huna ingyamiigya nyadonii dapo ho hii dapo lo halii kokiñdo.

¹³ Niimpalukoda siikasi dapo mika tapanii atañ hii denki hiila make Pinii ka hataho, hojalo dapo hokii chulipa miinii mike denki lukiñ donii.

¹⁴Midomiyu atañ dapo nyima siitrḛ dumiñ henjuhii dapo hoka anna niimi miido koda, hiikahii mohlupa dapo pa lyido, mohlukii dapo nyima siijalo.

¹⁵Mohlu kakiñdo nii dapo anado hii mohluka ahha ho ketola do hiila, hiilamiibii dola mohluka henju hiitiirḛ haki bido ho mohluka chesu laka henju hii haliido malo mohlumi hellodo

¹⁶ hiika allo ho niidana, ngiika ayapuyu luniiñ pakoda, Pinii halii kendo hensi laka miyu ka heniiñmi Jisu Kristo kiilo.

¹⁷Hojalo no matiirḛ atohmi Jew hiila lusu dokoda ho dapo mi hentiñla ho niika Pinii niinyi ka hensu niimi hentii siila ludo koda

¹⁸ ho mohka henju mi chinto ho niihna aya donii hiimi ayado hiila pato, niimpalukoda niimi dapo ho lukotola doke,

¹⁹ho no matiirḛ jije ngo micha mika lembo pagiinii hiila hendo milo, hiipa hutoh ke huna kamo ho danii,

²⁰ piicha mika lulyañ giinii, himme atañ mika tonsḛrbo, dapo ho dabiidola chiniiñ la jije mi giido

²¹ no hokoda huna mihmi tonsḛr danii, no atohmi tonsḛr siitema ha? No diipyo make hiila tonsḛr khenyo biidola, no diipyo duha?

²²No huna ipfyo make lubii dola, no ipfyo duha? No huna puchi niimi khiipa biidola, no piniiude hokii rododuha?

²³No huna dapo mi hentii siila ludunii, Pinii mi khiima miiduha dapo mi chekho biidola?

²⁴Niimpalukoda, hiila ketola do, “Pinii ka armyañ mi nipakoya biido Midomiyu atañka punkoho nunukiipa.”

²⁵Mitupipakoniiñ hii khiiniiñ pa lyido no matiirḛ dapo ka luniiñmi tado koda; hojalo no matiirḛ dapo mi chekho dokoda, niika mitupikonii hii pikomanii paya lyido.

²⁶ Hopa, miyu matiirḛ huna mitupikomanii dapo ka lujju mi atii dokoda, hiika hii mohka mitupikomaniimi mitupikoniipa khiikiñ masu peha?

²⁷ Hopa hutiina apo-loda lo mitupikomanii hojalo dapo ka luniiñmi atii donii nunumi khiilii kendo huko hona keniiñ hii donii ho mitupipakosu lala hojalo dapo mi chekho donii.

²⁸ Niimpalukoda mo jijeka Jew ma huna ago-amo kontii kakiñ donii, malo jije mitupikoniima ago hosu ho asiialyo hosu.

²⁹ Mo Jew huna ura hokiila aya donii, ho jije mitupikonii hii ahha hoke donii, yajiyallo hoke ho keto laka donii make. Mohka assañ nii hii miyu kokii make hojalo Pinii kokiike.