Read Apatani 1 KORINTIA 13 Bible Online

1 KORINTIA 13 - Apatani bible

1 KORINTIA 13

¹Ngo matiirḛ miyu atañka aguñ ludo koda ho miidopopi atañ kiijalo, hojalo hensu giima koda, ngo tasubo uyitalo malo piigoamanii talo hiilyañ.

² Ho ngo matiirḛ nyibu hela naniiñ tamo giido jalo, ho hikha mi-chima niimika chiniiñ la hikha chila naniiñ giido jalo, ho ngiiko matiirḛ hikha henje giido jalo, putoo mika jopa naniiñpa, hojalo hensu giima koda, Ngo hangma.

³Ngo matiirḛ hikha ngiiko hoka doniimi bipa siitii jalo, ho ngo matiirḛ ngiika apo mi yamu hompa kodopa bisu tiijalo, hojalo hensu giima koda, ngo hang kapa kema.

⁴Hensu hii ahhakeyiñ niike ho helakala ke; hensu hii kariñsiiniiñ make malo khansu niima ke;

⁵ siikasi hentii siinii make malo lukheluniiñ make. Hensu hii atoh henko miichi hiila miimake; siikasi hadii diiga niimake malo hadiimikha make;

⁶si miikha lyiho hempyo make, hojalo miida lyiho hempyo du.

⁷ Hensu hikha rumi pigiidu, hikha drih mi henje du, hikha drih mi hentiñ du, hikha drih mi pigiidu.

⁸Hensu hii henguñ kemake; nyibuhenii mi ludo koda, hiika atañ lyukiñ do; aguñ atañmi ludo koda, hiika atañ lyikiñ kuma; chiniiñmi ludo koda, hiika hii lyukiñdo.

⁹Niimpalukoda ngunuka chiniiñhii digoabiayama ho ngunuka nyibuhenii hii digoabiayama;

¹⁰hojalo niida digoabiaya hii ahchi, digoabiaya manii hii lyukiñdo.

¹¹Ngiika wiinga ajañ paka doho, ngo himme chuli luto, ngo himme chuli hento, ngo himme chuli lukoto; ngiika yapa lyikuho, ngo himme henju mi apatiiku.

¹²Niimpalukoda siisi ngunu keretalo ho kamukage pasu kasu donii, hojalo hiikahiiba ho kaniiñla kasu kendo. Siisi ngo tache misu chinsu donii; hiikahiiba bo ngo hikharumi chiñkiñdo, niihtañpa hikha rumi ngo chiñkotii.

¹³Hopa henje, hentiñ, hensu dokiñdo, siika hinge hokii; hojalo siika sokii kahe jahii hensu ke.