Read Apatani 1 KORINTIA 8 Bible Online

1 KORINTIA 8 - Apatani bible

1 KORINTIA 8

¹ Siisi puchinii mika diigo biniiñ piigo mi: ngunu chindo, “hikha ngunu chiniiñmi giido.” “Chiniiñhii” hentii giila pyagii do, hojalo hensunii hii hata chagii do.

² Mi kone matiirḛ hendo koda mo hangdrih chindo hiila, mo siisi lohe pa chima mohka chinsa niimi.

³ Hojalo kone matiirḛ Pinii mi hendo koda, kone hii mohlo chinko do.

⁴ Hopa, puchinii mika diigo biniiñ mika diiniiñmi, ngunu hiila chindo “puchinii hii jije ho nyima sii,” ho hopa “Pinii nyima hojalo kone sii.”

⁵Niimpalukoda rongkoda-pinii gyokonii atañ dudo dariiganda ho malo kiiddiapiñ so-niihtañpa abuje “pinii” ho “attoh atañ” du lunyada

⁶ hojalopa ngunupa Pinii kone sii dunii, Aba, nohkiina hikha drih atañ ho hupana ngunu dunii, ho Attoh kone sii, Jisu Kristo, hukohokiina hikha drih atañ ho hupana ngunu dunii.

⁷ Hojalopa, hikharu siika chiniiñ siimi giima ke. Hojalo tange sii, urohaja miichinii atañmi henga kula, diinyada diigomi jije si puchiniimi ka biniiñ hiila; ho mohluka henju, ajju siilya lyinii, hopa miibḛr biido.

⁸ Diigo hii ngunumi uroyapa Pinii ko ahde dopa miigii kemake. Ngunu ayamaya pa lyikiñdo hiila lyimake siimi diimmah kopa hiila, ho aya lyakiñdo hiila tiirḛ lyimake ngunu matiirḛ diido koda.

⁹ Hendi laya hendito hiilamakoda siika niimika atoh henko miila dopaka biniiñsi niitañpajalo ajju nii atañmi liichi dopa lya lyigii kendoke.

¹⁰Niimpalukoda mi kone matiirḛ niimi kapa dokoda, chiniiñ miyu, puchiniika piniiude ka diitananii ho, ajubo hiimi kala la haro kemasa, mohka henju matiirḛ ajju dokoda, puchinii mika diigo biniiñ mi diido koda?

¹¹ Hopa nunuka chiniiñlo siika ajju miyu mi mudu lotii, anubarmii hupana Kristo siibi tiinii.

¹² Hopa, nunu anubarmii atañmi ingyamiigya dokoda mohluka henju mika une agii niisi mohluka ajju laka doho ho, nunu Kristo mi chekho la ingyamiigya do.

¹³ Hopa, diigo matiirḛ ngiika anubarmii mi huhi giido koda, ngo pema diitema yoh mi, hiila makoda ngo ngiika anubarmii mi huhi giido.