Read Apatani 2 KORINTIA 3 Bible Online

2 KORINTIA 3 - Apatani bible

2 KORINTIA 3

¹ Ngunu hiira atohmi hentii shiipa miido peha? malo ngunu miidopa lyikiñ dopeha, tonge ka miichañ ho, aya doke hiila ka siiti kela nunuko, malo nunukokii jalo?

²Nunu atoh siike ngunuka ayadoke hiila ka siiti, nunuka ahha hoka kenya tola doniiñ, chinke nendupa ho hikha miyu atañmi puri kiinedupa;

³ho nunu kakiñ do nunu Kristo kokiika siiti hiila ngunuka biniiñ, pagenaniiñ laka keniiñ mapa turnii Pinii ka Yajiyallo laka keniiñ, yalañ mata homapa hojalo miyu ka ahha ho.

⁴Sitañ ka henje naniiñ ke ngunu ko donii Kristo kiila Pinii kii dalyi.

⁵Hiilamake ngunu ko miilalula nanii do hiila lubiidola miilalula naniisi ngunu kokii sii ahsu donii hiila; ngunuka miilalula nanii si Pinii kokii siike,

⁶huna ngunumi miilalula dopa bitiinii niti hemmesiiniiñ ka miirapa, keto laka dapo homapa hojalo Yajiyallo ho; niimpalukoda dapo hii mendu, hojalo Yajiyallo hii sango bidu.

⁷Siisi shiigo mika biniiñ matiirḛ, yalañ ho keto la dotii koda, hiitañ tatukatu pa ahtii Isrel miyuatañ Mose ka nyimo mi karii lamatii kanyañ kopa, hiitiirḛ ya moyo yutii,

⁸hiila lyikiñma ha Yajiyallo mika biniiñ hii uro yapa tatukatu giikiñ masu peha?

⁹Niimpalukoda tatukatu hii dotiikoda halii niimi ka biniiñ ho, denki mika biniiñ ho hiimi uro yala tatukatu kendo.

¹⁰Jije lupa koda, siika lugo so, niihna ronge tatukatu tiikunii hii siisi tatukatu giikuma loda, niimpalukoda siisika tatukatu hii hiimi hamiñ lobii doku.

¹¹Niimpalukoda niihna lyune kunii hii matiirḛ tatukatu ho ahla tiikoda, niihna dopekendo nii hii uroya tatukatu kendo.

¹²Ngunu ko sitañ ka hentiñ naniiñ doko hopa, ngunu hempḛr harodo,

¹³Mose chulima, huna byoke kepu giinii nyimo ho niimpalukoda Isrel atañmi kamikalo hoka tatukatu ka lyuhi niimi kapa maya pa hiila.

¹⁴Hojalo mohluka ahha hii alḛrtii; siika allo lohepa, mohlu khu hemmesiiniiñ mika puri lyiho, hiika byoke hii khongko mapa dorañ, niimpalukoda Kristo lo kontii lasu lapa lakiñ siido nii.

¹⁵Ḛh, siika allo lohepa niida Mose mi puri talyi byoke hii dorañ mohluka ahha ho;

¹⁶hojalo niida miyu Attoh ko dalyi mobo talyi byoke mi lapa bitii.

¹⁷Siisi Attoh Yajiyallo ke, ho nohna Attoh ka Yajiyallo danii, hiiko dasḛr hii dodu.

¹⁸Ho ngunu miilañru, byoke giimanii nyimo, giinyado Attoh ka tatukatu mi, mo kapu pa lyiguh lado koneya tatukatu hokii koneya lohepa; niimpalukoda si Attoh kokii ahdo huna Yajiyallo nii.