Read Apatani 2 KORINTIA 4 Bible Online

2 KORINTIA 4 - Apatani bible

2 KORINTIA 4

¹Hopa, Pinii ka aroh kopa siika miigo siimi biidola, ngunu ahha mi hame masa.

²Ngunu hiinyañmohi mi apatiiku, miisilaka miigo miiniiñmi; ngunu surudonyo lembo mi apatiiku malo Pinii ka aguñmi miibḛr miilyi ma, hojalo jije lugo mi ngunu atohpa lubii dola miyu kone abika henju mi Pinii ka hataho atii bidu.

³Ho ngunuka ayapuyu mi matiirḛ byoke byotiñ biido koda, siikasi hiika atañ misu byotiñ biisu donii huna lyunya danii.

⁴ Mohluka piigo ho siika dohadolo ka uyi ke henjemanii atañka ahha mi micha dopa miibii donii, mohlumi ayapuyu ka hutoh Kristo ka tatukatu mi kapa madopa, huna Pinii kapu donii.

⁵Niimpalukoda niihna ngunu tonsḛrkhenyo donii hii ngunu atoh mima ke, hojalo Jisu Kristo mi Attoh hiila, ngunu atohmi nunuka miira atañ hiila Jisu kiipa.

⁶Niimpalukoda siikasi Pinii ke lunenii, “Hutoh mi kamo hokii byoliñ kiineto,” huna ngunuka ahha ho kakiñ tiinii chiniiñ ka hutoh Pinii ka tatukatu mi Kristo ka nyimo ho byoke nentii nii.

⁷Hojalo ngunu ko siika alḛrdrih si dekiñ piichañ ho do, hiila kakiñ naniiñpa luchilamanii harchichike hii Pinii kiike ho ngunu kiimake.

⁸Ngunu mi kapakohe herumyanka miipada, hojalo nyorpi make; hendḛr lama siitiirḛ, hojalo sakhii giidopa miipama;

⁹miihimiire siitii, hojalo kapa ma; giihidopa miisutii, hojalo pyadu loma;

¹⁰kiirañ apo ho Jisu ka shiiniiñ mi bagii tola, niimpalukoda Jisu ka sango mi ngunuka apo atañ hotiirḛ kakiñ dupa.

¹¹Niimpalukoda ngunuka sala ka dohoso ngunu kiirañ shiigo lohe pa hempa bitii Jisu kiipa, niimpalukoda Jisu ka sango mi ngunuka shiila sanii apo ho kakiñ dupa hiila.

¹²Hopa shiigo hii ngunu ko miigo miikañ la do, hojalo sango hii niiko.

¹³Ngunu ko henje ka yajiyallo ahiñpa giido huna ketiinii, “Ngo henjedu, hopa ngo ludu,” ngunu tiirḛ henjedu, hopa ngunu ludu,

¹⁴ chimbiitola huna Attoh Jisu mi seri tiinii hii ngunu mitrḛ Jisu ka agiñho seri kendo ho ngunumi nunuka agiñho mohka dako ho ahgii kendo.

¹⁵Niimpalukoda siikasi hikha nunu kiipa ke, aroh-aya mi abu yaya miyu ko doke nendupa payapacho luniiñmi, Pinii ka tatukatu pa.

¹⁶Hopa ngunuka ahha hame ma. Ngunu ka ago-amo daka henju hii lyuja siine jalo, ngunuka ura daka henju hii hiira niti nikañdo allo karmyañmi.

¹⁷Niimpalukoda siika attahepa ka herumyanka hii ngunupa lyula samanii tatukatu mi miimyo bido hiika hii hang khiitiñ lasa manii,

¹⁸niimpalukoda ngunu nii mina kapa donii hiimi kama ke hojalo drih nii mina kapa manii; niimpalukoda kapa laka donii drih hii lyusa niike, hojalo kapamanii drih hii lyula masanii.