Read Apatani GELESIA 1 Bible Online

GELESIA 1 - Apatani bible

GELESIA 1

¹Pol kiiniñkonii kone. Miyu kokiima malo miyu loma, hojalo Jisu Kristo ho Pinii Aba kiilo, huna mohmi shiinii hokii seri tiinii,

²ho hikha anubarmii hutiina ngiika agiñho dabo danii, Gelesia daka gyoliñkonii atañ mi:

³ Nunumi aroh-aya ho chimie Pinii Aba kokii ho ngunuka Attoh Jisu Kristo kokii dokiñcho,

⁴ huna atohmi ngunuka ingyamiigya kopa bisu tiinii ngunumi tupya dupa siilobiilyo ka diimmah myodu sokii, ngunuka Pinii ho Aba ka henju jaho;

⁵ mohmi assañ kencho ayu dahepa. Amen.

⁶Ngo hemurdo nunuka hiimkane nyibya nunumika Kristo ka aroh-aya laka gyoniiñ bomi apatela ho pongelya ayapuyu hoka larii danii,

⁷ayapuyu koneya do hiilama, hojalo tonge da hutiina nunumi ahiare miipa danii ho Kristo ka ayapuyu mi ngogiinala henya danii.

⁸ Hojalo ngunu jalo, malo miidopopi dariiganda hokii jalo, tonsḛrkhenyo dokoda nunumi ayapuyu ngunuka tonsḛrkhenyo niimi pongeyapa, hiimi beko kiinesa!

⁹Ngunu kapyo ho luto, siisi hiira ngo luchi, mi kone matiirḛ nunumi ayapuyu tonsḛrkhenyo dokoda nunuka talii kunii hokii pongeyapa, hiimi beko kiinesa.

¹⁰ Siisi ngo miyu atañlo khiiko dupa peha miidonii malo Pinii lopeha? Malo ngo miyu atañmi hempyo miipa papeha miidonii? Ngo matiirḛ siisijalo miyu atañmi hempyo miipa pa miido milo, ngo Kristo ka miira pa lyimake.

¹¹ Ngo nunumi chinke nenkiñtii, anubarmii atañ, ayapuyu ngiika tonsḛrkhenyo niisi miyu ka ayapuyu make.

¹²Niimpalukoda ngo siimi miyu kokii larii make, malo ngo simi luko komake, hojalo siikasi Jisu Kristo ka mihukakiñ laka ahniiñ.

¹³ Nunu ngiika bilo ka Judaism hoka sanju mi tapa biine, niihtañpa ngo Pinii ka gyoliñkonii atañmi patogato ho hiimi pyadu lopa miito;

¹⁴ ho ngo Judaism ho abuje ngiika atohka santi ajiñ miyu atañmi chila yala lyito, hempḛr uropa ngo ngunuka aba-apa ka miijuluju mi hengala miito.

¹⁵ Hojalo mo huna ngiimi kahe kapyo tiikunii ngiimika biima rampa, ho mohka aroh-aya lo ngiimi gyotii nii,

¹⁶hempyo biidola mohka oho mi kakiñtii ngiimi, niimpalukoda ngiimi Midomiyu atañka punkoho tonsḛrkhenyo kiine dupa, ngo asiialyo la ai nyimi taka mato,

¹⁷malo ngo Jerusalem ho chama taka dupa ngiimika kapyo yapa ka kiiniñkonii atañmi, hojalo ngo Arabia hoya inte; ho hiira ngo Damaskas ho ahkur ku.

¹⁸ Ho danyi nyahiñ niika hiiba ho ngo Jerusalem ho chate Cepas mi kapa dupa, ho mo agiñho lolyañ hela longohe dutiihe.

¹⁹Hojalo ngo kone mitrḛ kapa mate kiiniñkonii atañmi Jems Attoh ka anu mi apa lala.

²⁰(Niihna ngo nunumi kedonii, Pinii ka hataho, ngo amuh make!)

²¹Hiikahiibaho ngo Sairia la Silisia gandaho inte.

²²Ho ngo siisi lohepa Judia daka Kristo ka gyoliñkonii atañlo kachiñ komato;

²³mohlu luniiñmi kontiisii tapa siinenii, “Mo huna ronge miihimiire nenii ngunumi siisi tonsḛrkhenyo la daku henje mi ronge mohka pyadu lopa ka miiniiñmi.”

²⁴Ho mohlu Pinii mi assañne ngiika piigopa.