Read Apatani IPISIA 1 Bible Online

IPISIA 1 - Apatani bible

IPISIA 1

¹Pol, Kristo Jisu ka kiiniñkonii Pinii ka henko jaho, Pinii miyu atañmi hutiina lotii nyadonii Kristo Jisu ko:

²Nunumi aroh-aya ho chimie lulyi Pinii ngunuka Aba ho Atoh Jisu Kristo kokii.

³ Pinii ho Atoh Jisu Kristo ka Aba mi assañsa, huna ngunumi Kristo ko lyantii nii kapane yajiyallo ka lyaniiñ mi dariiganda ho,

⁴mo ngunumi dohadolo mika puma rampa mohpa kahetii, ngunumi mohka hataho darii ho pahañ hansa giima dopa.

⁵Mo ngunumi hensu dopa bardiñ bitii mohka oho atañpa Jisu Kristo kiilo, mohka henko jaho miidiñ kiiliñ miitii,

⁶ mohka tatukatu aroh-aya mika assañ naniipa nii mina mo danyo loda pa ngunumi bitii nii heniiñjapa.

⁷ Mohko ngunumi tupyabiniiñ doku mohka ai lo, ngunuka palleniimi hello kuniiñ, mohka hempḛr aroh-aya doniiñlo

⁸nii mina mo ngunumi abuje bitiinii.

⁹Niimpalukoda mo ngunumi chinke nentii hikha chilalo ho chiniiñlo michilamanii mi mohka henjumi, mohka miidiñ loda la Kristo kiilo atii biniiñ mi

¹⁰ henju niihtañ myodu ka hikha ahlyi kuho, hikha drih atañmi mohko tongepa lyigii kendo, drih atañ dariiganda hoka la kiiddiapiñ hoka doniiñ mi.

¹¹Mohko, miidiñ ahiñ mohka miipe laka lyiniiñmi hikha drih atañmi huna ngunumi gyotiinii mohka henju jaho,

¹²ngunu hutiina kapyopa Kristo ko hentiñ giitiinii bardiñ bitii ho kahetii sando pa mohka tatukatu mi assañ nanii pa.

¹³Mohko nunu tiirḛ, hutiina jije ka aguñmi tapa tiinii, nunuka sangopyako ka ayapuyu mi, ho mohmi henjetii, ho tiiho tola dotiiku hemme biniiñ Darii Yajiyallo lo,

¹⁴ nii mina ngunumika hentiñ naniiñpa bitiinii ngunuka pensi kosa niimi nii dahepa ngunu hiimi biitema, mohka tatukatu mi assañ naniiñpa.

¹⁵ Siika piigopa, niimpalukoda ngo tapatii nunuka Atoh Jisu mika henje niimi ho nunuka hensu niimi hikha piniimiyu atañpa,

¹⁶ Ngo nunupa payapacho hiila lungo ma, nunumi ngiika kuniiñ atañ ho hempa biidola,

¹⁷ngunuka Atoh Jisu Kristo ka Pinii, tatukatu ka Aba, nunumi chilaniika Yajiyallo bikiñcho ho mohka chiniiñmi kakiñ kencho,

¹⁸nunuka ahha ka amee mi hutoh byohu kencho, niimpalukoda nunumi chinke nendupa niitañka hentiñ naniiñ pana nunumi gyotii nii, niihna mohka hempḛr tatukatu atañ piniimiyu atañ mika pensi sanii,

¹⁹ho niihtañ lukolamanii mohka harchichike ngunu ko do hutiina henje nyadonii, mohka hempḛr kahe tamo miigo miiniiñ hiilyañ

²⁰nii mina mo miipetiinii Kristo ko mohmika shiiniiñ hokiika turiturku dopaka miilyiho ho mohmika mohka lahbi dalyi hoka dudo paka miilyiho dariiganda ka duko atañ ho,

²¹ hikha sangiinii bomi kayeyapa ho otority mi ho harchichike mi ho domiñ bomi, ho hikha armyañ mika kayeyapa myaniiñ myantii, siika santuñ so kontii mapa hojalo ahsanii santuñ hotiirḛ;

²² ho mo hikha drih atañmi mohka alih liidi ho atiitii ho mohmi hikha drih ka atohpa miitii gyoliñkonii pa,

²³ Niina mohka apo, kapane mohko do huna hikha ka hikha rumi pote dopa miidonii.