Read Apatani IPISIA 4 Bible Online

IPISIA 4 - Apatani bible

IPISIA 4

¹Hopa ngo, Attoh paka pattiih tunkobo, yarlyi ke nunumi gyoliñ niimi khiiniiñ pa sango mi santo nii pana nunumi gyotiinii,

² hikha chimeeñ ho yanu, ahhakeyiñ ka agiñho, koneanyañ mi hello siibii dola hensu ho,

³kiirañ miilyañ siibii dola Yajiyallo hoka tongepaka daniimi chimie hoka gadiñ siitola doniimi.

⁴Apo kone siike dosudonii ho Yajiyallo kone siike, niihtañpa nunumi hentiñ naniiñ kone ho gyotii hiika gyoniiñ hii nunukiike,

⁵Attoh kone, henje kone, baptisma kone,

⁶Pinii kone ho hikha ngunuka Aba, huna miilañ ruka haho dunii ho miilañ ruka punkoho dunii ho miilañ ruka ura ho.

⁷Hojalo aroh-aya mi kone abimi bitola do Kristo ka ahmiñayiñ loka tuka niilo.

⁸Hopa siikasi lutii, “Mohka haho hoka chalyi ho mo abuje dornii atañmi chagiitii, ho mo miyu atañmi ahmiñayiñ bitii.”

⁹(Lubiidola, “Mo chatiiku,” nii hiisa niimi siika luniiñsi hojalo mo hiira totiiku kiiddiapiñ daka liidi dalyiho?

¹⁰Mo huna totiinii mo chala tiirḛ chaku tiiku hikha haho jaho dariiganda ho, niimpalukoda mo hikha drih mi pote dopa miidupa hiila.)

¹¹Ho mohka ahmiñayiñ hii tonge mi kiiniñkonii pa, tonge mi nyibuhenii pa, tonge mi puyubakonii pa, tonge mi pastor pa ho tonsḛrbo atañpa,

¹²piniimiyu atañmi miigo miilananiiñ mi giike nendupa hiila, niimpalukoda Kristo ka apomi pencha naniiñpa,

¹³nii dahepa ngunu hikha ahhapuhe paka giiniiñ mi giitema henjeho ho Pinii Oho ka henju mi chintema, miyupa hengḛr tama, Kristo kane henjupa hentema;

¹⁴niimpalukoda ngunu himme pa lyikiñ kuma, tiihii tiikhe puduñ biikola kapane tonsḛr niika allyi lo, surudonyo miyu atañlo, mohluka lyolyichochi gollumisu lujubenju lo.

¹⁵ Hiilamapa, jije mi luto hensu biidola, ngunu sambo mondu pake kapa kohe lembo ho mo agiñho huna akho janii, Kristo ko,

¹⁶ hukohona hikha apo, giidiñdonii ho nyudiñtiinii tongepa kapane mitumi nohkiina lindonii, niida hakhu kone abi aya pa miigo miichi, apo mi sandopa miido ho atoh atoh hensu ho sanchado.

¹⁷Siisi ngo siimi lulyi ho Attoh ko pyakolyi, nunu siisi kiija Midomiyu ka sancha ho sanku yo, mohluka ayamanii henjuho;

¹⁸mohlu kamonyada mohluka chilananiiñho, Pinii ka sango hokii nempa linko kunii niimpalukoda mohluka tamkalo mako hopa, mohluka ahha ka alḛr kopa;

¹⁹mohlu tasiitape nyada ku ho atohmi helyihembyo ho bisu nyada, kapane kachodrih mi miinala henyada.

²⁰Nunu Kristo mi hiila chingii nyamane!

²¹helliido nunu mohka piigo mi tapa tiikudo ho mohko tonsḛr kotiido, niihtañpa jije hii Jisu ko giido.

²²Khu henju mi opa toku niihna bilo kapyo sango ka sanju tiinii ho surudonyo dopa miitiinii golluniika kalyikabyo lo,

²³ho niti miitoku Yajiyallo lo nunuka henju mi,

²⁴ho niti henju mi giitoku, Pinii kapu ka jije denki ho darii loka puniiñmi.

²⁵ Hopa, gollumisu mi opatoku, kone abi jije mi luto atohka ariapii mi, niimpalukoda ngunu uru koneka ahiñke.

²⁶Hadiito hojalo ingyamiigya yo; nunuka hadiimi danyi ahpu kolya yo,

²⁷ho igii mi myodu myolo bilya yo.

²⁸Diipyo bo diipyo kulya yo, hojalo mohmi injo diike nento, khiiniiñ miigo mohka atoh alah lo miibii dola, niimpalukoda mo tiirḛ bila dopa hutiina anna la lyidonii.

²⁹Nunuka aguñ hokii lusamanii lulya yo, hojalo hiitañ drih lutolya niihna lulyañ giikiñ donii, myodumyolo mi kabii dola, niimpalukoda hiimi tala lala huna tadonii hiipa aya dopa.

³⁰Ho Pinii ka Darii Yajiyallo mi heru miipa lyayo, huko hona nunumi tiiho tola dokunii tupyabiniiñ allo hopa.

³¹Hikha kochi ho uropakahadii ho hadii ho rukha adunii ho nipasiiniiñ mi nunukokii lapato, hikha kanatana manii agiñho,

³²ho kone anya mi helakala siito, yanuahha lo, kone anyañ mi hello siito, niihtañpa Pinii ko Kristo nunumi hellotii.