Read Apatani 1 TESOLONIA 4 Bible Online

1 TESOLONIA 4 - Apatani bible

1 TESOLONIA 4

¹Kamijapa, anubarmii atañ, ngunu nunumi yarlyike ho harolupa lyike Attoh Jisu ko, nunu ngunu kokii chingiine niihtañpa sankiñ do ho Pinii mi hempyo miipa kendo, nunuka siisi ka miichañho, nunu sitañpa abu yaya miito.

²Niimpalukoda nunu chindo ngunuka nunumika luko niimi Attoh Jisu kiilo.

³ Niimpalukoda siika sike Pinii ka henju, nunuka dardḛkunii ho: nunuka ipfyosiiniiñ hokii ka adho dasa giinii si;

⁴ nunu kone abi chindo niihtañpa atohka mihie mi biikiñdo darii ho khiiniiñ pa,

⁵mula helyihembyo homapa henjemanii miyu hiilyañ huna Pinii mika kachiñmanii ka miichañ homapa;

⁶miyu kone hetrḛ taleyo, ho atohka anuabañ mi siika piigo so miigya yo, niimpalukoda Attoh siika drih atañ so miili duke, ngunuka kapyo hoka nunumika jijeloda luluñnii hiilyañ.

⁷Niimpalukoda Pinii ngunumi kachotaniipa gyomake, hojalo darii pake.

⁸Hopa hujalopa siika siimi khiima pama miichi, miyu mi khiima miima hojalo Pinii mi, huna nunumi mohka Darii Yajiyallo mi bidonii.

⁹Hojalo anubarmii mika hensu nii piigoho nunu kone lotrḛ keko dopa lyima, niimpalukoda nunu atoh loda Pinii lo luko kotii niihtañ pana kone anyañ hensu kendonii;

¹⁰ho hiila nunu miido hikha anubarmii atañmi hendo Masedonia hoka dunii hemi. Hojalo ngunu nunumi haro lupadu, anubarmii atañ, siika siimi uro yayapa miito,

¹¹ sitañmi tapa mapa sanchi hiila hento, atoh ka miigomi kontii henga biidola, ho nunuka alah lo miibii dola, ngunuka nunumika luniiñ hiilyañ;

¹²niimpalukoda nunuka hiika miiniiñlo agomiyu lo khiiko dupa, ho kone mitrḛ hentiñla duyo.

¹³ Hojalo ngunu nunumi chima dopa atii tamake, anubarmii atañ, hutiina imila donya dokunii, niimpalukoda nunumi heru madopa khiibe atañka heru henchañho hukiina hentiñ naniiñ nyimanii.

¹⁴ Niimpalukoda ngunu henjedu Jisu shiite hela ho hiira turiku, hii chulipa, Jisu kiilo, Pinii ahgii kendo mo agiñho hutiina imi lyado kunii.

¹⁵Niimpalukoda siimi ngunu nunumi lukodu Attoh ka aguñlo, ngunu hutiina turla dunii, huna dulya dukunii Attoh ka amiñ dayemi, impyo yakiñma hutiina imilyado kunii.

¹⁶ Niimpalukoda Attoh mohloda dariiganda hokii tokiñdo gyula lubiidola, akuñmiidopopi ka gyoniiñ agiñho, ho Pinii ka siirii muniiñ agiñho. Ho Kristo koka shiinii hii turi turpyo kendoku;

¹⁷hiikahiiba ho ngunu hutiina turla dunii, hutiina dulya dukunii, tongepa ngunumi chagii kendoku jomiiho Attoh mi yapuñ ho kapa dukupa; ho ngunu kiirañ Attoh ka agiñho dubo kendoku.

¹⁸Hopa kone anyañmi hembyuñ siitolya siika aguñ atañlo.