Read Apatani 1 TIMOTI 1 Bible Online

1 TIMOTI 1 - Apatani bible

1 TIMOTI 1

¹Pol Kristo Jisu ka kiiniñkonii kone Pinii ka luniiñ ngunu mika lyangurbo ho Jisu ngunuka hentiñnanii,

²Timoti mi, ngiika jije wiinga henjeho: Aroh-aya, aroh, ho chimie Pinii Aba kokii ho Kristo Jisu ngunuka Attoh kokii.

³Ngiika niimika yarnii hiilyañpa ngiika Masedonia hoka bopa miilyiho, Ipisia ho dutolya niimpalukoda no miyu tonge mi khiibe tonsḛrkhenyo mi tonsḛr yo hiila ludupa,

⁴malo mohlumi atohpa jijemaniimi ho khiichi lakumanii aba-apa mi chibiinyayo niihna uroyapa lucha donii jijemanii mi hiilamapa piniimiikiñ niimi hentola hiikahii henje ho;

⁵hiilamapa ngunuka nunumika miitote hiila ka luniiñsi hensuniimike niihna darii ahha hokii lindonii ho henju aya ho denki henje hokii.

⁶miyu tonge siika atañ sokii legyala ngonyada piigo amanii takatara siiniiñho,

⁷dapo ka sariipa lyinala henyasiido, hang chimapa mohlu nii ludo malo drih atañmi niihmi mohlu rahedado ludonii.

⁸Siisi ngunu chindo dapo si ayado hiila, hujalo matiirḛ siimi miidiko miita nanchi,

⁹siika siimi chinto, dapo si parda miyu pa miitola atii make hojalo diimmah ho luniiñtama niipa, piniimika henjemaniipa ho ingyamiigyanii atañpa, kacho ho luhoniiñ atañpa, aba atañ mika menii atañpa ho annii atañ mika menii atañpa, miyu menii atañpa,

¹⁰henjumiiju aya manii atañpa, ahiñ-amey siinii atañpa, nyimalanii atañpa, gollumisu atañpa, amuh hemmebo atañpa, ho niijalo niihna jije tonsḛr niimi chekho donii.

¹¹tatukatu ayapuyu lyaniiñ Pinii ka agiñho nii mina ngiimi miitote hiila khelii tiinii.

¹²Ngo mohmi payapacho ludu huna ngiimi siika tamo siimi bitiinii, Kristo Jisu ngunuka Attoh, niimpalukoda mo ngiimi lotiido hiila ayakacho katiiku ngiimi mohka miigomi bibii dola,

¹³kapyo ho ngo mohmi nipakoya la ho miihimiire la ho nyapakoya la miisutiijalo; hojalo ngo aroh mi patiiku niimpalukoda ngo chimapa miito henje mapa,

¹⁴ho ngunuka Attoh ka aroh-aya ngiipa bipo biila biliñ henjeho ho hensu nyika agiñho hiikahii Kristo Jisu koka donii.

¹⁵Luniiñsi jije ho khiiniiñ poteje talii mondopa giido, Kristo Jisu dohadolo so ahtii ingyamiigyanii atañmi lyangur dupa hiila. Ho ngo ingyamiigyanii atañ hopa koda akhoja;

¹⁶hojalo ngo aroh mi patiiku siika piigopa, niimpalukoda ngo, akhojalyinii, Jisu Kristo mohka digoabiaya pigiiniimi kakiñ ladopa katiñ naniipa hiika atañpa hutiina mohmi henje kendonii santḛrlamanii sango pa.

¹⁷Ayudahe paka dusanii radde, shiilamasanii, kapalamanii, Pinii kontii mi, khiikiñcho ho ayu dahepa tatukatu kencho. Amen.

¹⁸Siika khelii niisi mi niiko tiilii biilyi ke, Timoti, ngiika oho, nyibuhenii atañka lukojaho niihna niimi lugeliitiinii, niimpalukoda mohluka harolupa niilo hiilo no aya pagomi pana nala dopa,

¹⁹henjemi giitola ho aya henjumi hembiidola. Henjumi khiipa du hiila, miyu tonge mohluka henjeka yasiejaji mi tatu dopa miibiisiida,

²⁰hiika punko hokii Himenas la Alejandar nyi, humina ngo saitan ko tiilii bitiinii mohlumi chingiikiine dupa nipakoya kema hiila.