Read Apatani 2 TIMOTI 2 Bible Online

2 TIMOTI 2 - Apatani bible

2 TIMOTI 2

¹No hokoda, ngiika oho, chikhopa datolya aroh-aya ho Kristo Jisu koka doniiho,

²ho niihna no ngiiko hokii tapa tiinii abuje tapaniika hata hoka luniiñmi, lotii miyu atañmi khelii tolya huna khiibemiyu mi tonsḛr tonsi lakiñ donii.

³Heru henko ho henche monto Kristo Jisu ka denki sipahi hiilyañpa.

⁴Sipahi kone tiirḛ mohka miigo miilyiho dumiñ miyu ka miijuluju lo hatu komake, niimpalukoda mohka miigo hii huna mohmi kahe tiinii hiimi hembyañ dopa miipa talyi hiilaka heniiñ.

⁵Kheli nii miyu kone mi tayyiñbyopa agii make nii dahepa miiju jaho miigomi miipe tama.

⁶Siikasi kiirañ laka aji miinii hiike kapyo japa ka amoo tache siiniiñ mi lapa kendonii.

⁷Henka to niihna ngo ludonii, niimpalukoda Attoh niimi chilananiiñ bikiñ doke amane drih ho.

⁸Jisu Kristo mi hempato, shiiniiñ hokii turitiiku, David ka ohoasi, ngiika ayapuyu tonsḛrkhenyo kokii hiilyañ,

⁹ayapuyu nii pana ngo heruhembi danii ho dachañranyi mi giida nii ingyamiigya miyu hiilyañ. Hojalo Pinii ka aguñmi dachañranyi hii koppo make.

¹⁰Hopa ngo kapane drih mi pigiidu kahe koniikiipa, niimpalukoda mohlumi tiirḛ sangopyako mi pake nendupa Kristo Jisu ko lyulasamanii tatukatu ka agiñho:

¹¹Luniiñsi jije: Ngunu matiirḛ mo agiñho shiibo tiikoda, ngunu mo agiñho sambo kendo;

¹²ngunu matiirḛ pigii dokoda, ngunu mo agiñho sangii monkiñdo; ngunu matiirḛ mohmi mapa dokoda, mo tiirḛ ngunumi mapa kendo;

¹³ngunu lotii mada jalo, mo lotii lokañdu, niimpalukoda mo atohmi mapa siila kema.

¹⁴Mohlumi siika siimi hempa dopa lupato, ho Attoh ka hataho mohlumi luto gasusaniiñ aguñmi apanyato hiila, niihna hang aya giimanii, hojalo tanii atañmi byagii laya byagiido.

¹⁵Niika miikhe jami ayapa miito atohmi Pinii ka taliikokunii kone hiila kakiñ siidupa, miigomiinii miyu huna hang hiinyañ dopa lyimanii, miidiko jaho miila jije ka aguñmi gabiitola.

¹⁶Piniihenje manii chenii kokii dasa giitolya, niimpalukoda hii miyu atañmi uro yaya piniihenju mako ingii kendoke,

¹⁷ho mohluka luniiñhii une ka alyo mika yagiidonii hiilyañ pa yaja giikiñ doke. Hiika punko hokii Himenas la Piletas nyi,

¹⁸huna jije hokii ngone kunii lubiidola turiturku kuniiñ hii bilo lyine kuke. Mo anye tonge ka henje mi heru miipa biine.

¹⁹Hojalo Pinii ka alḛr paka liidi ranii hii dukañdu, siika tiiho niimi giitola: “Attoh chindo ke huna mohkiinii,” ho, “kone abi huna Attoh ka armyañ mi myandonii ingyamiigyanii hokii dasa toku.”

²⁰Ude pero ho piichañturla rupuayyiñ hokii kontii domake hojalo yasañ ho dekiñ hokii tiirḛ dodu, ho tonge hii aya miigo miina naniipa, tonge hii ayamaniipa.

²¹Hujalopa atohmi darii miisu talyi ayamanii hokii, ho mo piichañturla aya miigo miina naniipa lyikiñdo, darii miikunii ho ude ka atoh loka miita naniiñpa, hendila niijalo aya miigo miina naniiñpa.

²²Hopa nyimuyapa ka helyihembyo mi apato ho denki mi meto, henje, hensunii, ho chimie, hiika atañka agiñho hutiina Attoh mi darii ahha lo gyodo nii.

²³Piicha agiñho hang miilyayo, piigoamanii chesuresu; no chindo hiika hii gasu niimi sii lingii siidonii.

²⁴ho Attoh ka miira atañ gasupasu kemake hojalo kone abimi helakala kendo, denki tonsḛrbo pa lyikiñdo, pigiibiidola,

²⁵mohmika cheriibomi ahhakeyiñ lo lulyañ biidola. Rongkoda Pinii mohlumi henkur dopa ho jije mi chindopa binedo,

²⁶ho mohlu igii ka gyoh hokii hargii kencho, mohlo latu kobii tola mohka henko hoka miila dunii hokii.