Read Apatani 2 TIMOTI 3 Bible Online

2 TIMOTI 3 - Apatani bible

2 TIMOTI 3

¹Hojalo siimi chintolya, kami kalo allo atañ ho henga henkha ka myodu hii ahkiñ doke.

²Niimpalukoda miyuatañ atohmi hensu kendo, tiicko hembyo kendo, hentii, hentiisiinii, lujutaru, annii-aba atañka luniiñ tamanii, payapacho hiila hemanii, dariimanii,

³kiinyinii, cheche, nipanii, hiinyañ henchiñ mapa ka miiniiñluniiñ, kiinyi, aya mika kanamanii,

⁴lyolyichochi, chuduchubo, hengiñ-hentii siinii, Pinii mika hensa niimi hentola hempyo soniiñ mika hembyoniiñ,

⁵henjemiiju miidu hiisu lala hojalo hiika harchichike mika chekhonii. Sitañ miyuatañ kokii dasa giitolya.

⁶Niimpalukoda hiika punko hokiike hiika atañ hutiina mika ude ho ahla ho ajju nyimii atañmi latubiikiñ donii, ingyamiigya niika agiñho alluaba ho kapane huckmuk mi miikiñ donii,

⁷huna kone abika luniiñmi takiñ donii ho pema jije ka chiniiñ ho ahchi kema.

⁸Niitañpa Jannes la Jambres nyi Mose mi chekho, hii chulipa siika miyuatañ tiirḛ jije mi chekho kendo, surudonyo ahha giinii miyuatañ ho amuh henje giinii atañ;

⁹hojalo mohlu ano adho keñku make, niimpalukoda hikha mohluka piicha mi kadḛr kendoke, hiika bilo miyu anye hiilyañ.

¹⁰Siisi no ngiika tonsḛr niimi kabiilyi, ngiika miijuluju mi, ngiika sango hoka miichi heniiñmi, ngiika henje mi, ngiika pigiiniimi, ngiika heniiñmi, ngiika ranttiniimi,

¹¹ ngiika miihimiire koniiñmi, ngiika heru heniiñmi, niihna ngiiko lyinenii Antiok ho, Ikonium ho, ho Laistra ho, niihtañ miihimiire ngo pitto; hojalo hikha hiika atañ hokii Attoh ngiimi papya tiiku.

¹²Jije lusu dokoda huna piniihenju giitola sango sannañ donii Kristo Jisu ko miihimiire kokiñdo,

¹³diimmah miyuatañ la surudonyo atañ diimmah hokii diimmah yaya kendo, gollunii ho gollu kokiñdo.

¹⁴Hojalo niipa koda, miikañari miito niihna no chingii tiinii ho alḛr pa henje tii, chimbii dola hukii hokiina no siimi chingii tiinii

¹⁵ho niihtañ no himme jaho hokii chiribiitii dariiaguñ ketolaka doniimi niihna luko lakiñ donii sangopyako niimi Jisu Kristo mika henje giiko hopa.

¹⁶Hikha piniipota si Pinii ka saheniiñ[1] ho tonsḛr naniiñpa ayado, galyañ siina naniiñpa, lulyañ siina naniiñpa, ho denki mika lukosiina naniiñpa,

¹⁷niimpalukoda Pinii ka miyu mi lyipe kiinedupa, kapane aya miigo miina naniiñpa.