Read Apatani HIBRU 13 Bible Online

HIBRU 13 - Apatani bible

HIBRU 13

¹Anubarmii pa hensu niimi henka ari hensuto.

²Nyibo mika hapumibya sanii mi byalya yo, niimpalukoda tonge hiila miibii dola miidopopi miilañmi chimapa miihoke.

³Hempa nyato hutiina patiihude ho dunii, mohluka agiñho patiihude hoka dubo donii hiilyañ; ho huna ayamapa miikobiidonii, niimpalukoda nunu apo mika miibii donii hiilyañpa.

⁴Mihie-millo lasuniimi miilañruko khiitolya, ho mihie millo lasu lyiho hoka dota naniimi miibḛr lyayo; niimpalukoda Pinii halii kendoke ayamanii henju la ipfyo bomi.

⁵Nunuka sango mi tiicko hembyo saniiñ hokii dasa giitolya, ho niihna niiko donii hiimi hembyañ biitolya; niimpalukoda mo lutii, “Ngo nunumi pema kapa tamake malo apatama ke.”

⁶Hopa ngunu hatiimiilii lula kendo, “Attoh ngiimika hembyuñ nii, ngo biiso tama; miyu ngiimi nii miila kendo?”

⁷Nunumika sangii nii atañmi hempato, hutiina nunumi Pinii ka aguñmi luko nenii; mohluka sango niihtañ nena hiimi henkato, ho mohluka henje mi katiñ giito.

⁸Jisu Kristo hiira siisu ke biilyo ho siilo ho ayudahepa.

⁹Ngogii kolya yo ponsa ponsa tonsḛr niilo; niimpalukoda siikasi aya doke ahha mika aroh-aya loka alḛr miiko niisi, diigo loma ke, niihna hang aya giimanii mohluka dupur kone mi.

¹⁰Ngunu kii hiitañ yugyañ do huna hiika tabyo ho miiho donii hii diila kema.

¹¹Niimpalukoda apo atañ nii achu-amyo ka ai mina dariinenchañ ho biilii donii bukuñ nyibu ingyamiigya atañ paka membinii hii tabyoude dukuñ ko agoho byamutii.

¹²Hopa Jisu tiirḛ hagya agoho heru hembi tii niimpalukoda miyu atañmi darii miidupa mohka atoh ai lo.

¹³Hopa kiije ngunu mohka agiñho tabyoude dukuñko agoho linsa, ho hembosa hiinyañmohi mohka pigii niimi.

¹⁴Niimpalukoda siikaso ngunu kii dokañ saniiñ citi nyima ke, hojalo ngunu medu ahsanii citi mi.

¹⁵Mo kiilo kiije ngunu bikañ ari bisa assañ niiloka membi niimi Pinii mi, hiika hii, aguñ loka mohka armyañ mika lukonii.

¹⁶Aya miigo miisa niimi byalya yo ho tache bidupa niihna niiko donii, niimpalukoda sitañ hempa biniiñ hiike Pinii mi hempyo miipa dunii.

¹⁷Nunu mika sangii bomi talii tolya ho mohluko tiilii siibito; niimpalukoda mohlu nunuka yallo mi kalyañ doke, mohluke piijo da taka lyiko ho luko kendo kunii. Mohlumi siimi hempyo biidola miike nento, ho heru biido lamapa, niimpalukoda hiikahii nunupa hang aya giikiñ make.

¹⁸Ngunu pa kuto lyape, niimpalukoda ngunu jije mike ludunii ngunuko didḛr henju hii doke, kapane drih atañ ho khiiko dopa miinañla.

¹⁹Ngo nunumi yardu uroyapa siika atañ siimi miitolya niimpalukoda ngiimi nunuko hempḛr nyibya ahkur ladopa.

²⁰Siisi chimie ka Pinii huna hiira shiiniiñ hokii turdo pa miitiinii ngunuka Attoh Jisu mi, hempḛr kahe subuñsornii, ai loka ayudahe paka hemmesiiniiñ,

²¹nunumi kapane aya mi bikiñ cho niimpalukoda nunu mohka heniiñ jami miidupa, nunuko miila do hiikahii niihna mohka kataho kaji donii, Jisu Kristo kiilo, humina ayu dahepa assañ kendonii. Amen.

²²Ngo nunumi yarlyi, anubarmii atañ, ngiika harolupa laka aguñmi tato, niimpalukoda ngo nunupa tudiipa kebii lyike.

²³Nunu tala kendo ngunuka anu Timoti mi apalintii ku, huka agiñ hona ngo nunumi kapa talyinii mo matiirḛ nyibya ahlyi kumilo.

²⁴Ayahelyi hikha nunumika sangii bomi ho hikha piniimiyu atañmi. Hutiina Italy hokii ahdonii nunumi ayahelyi bilii bilyike.

²⁵Aroh-aya nunu miilañ ruko dokiñ cho. Amen.