Read Apatani HIBRU 3 Bible Online

HIBRU 3 - Apatani bible

HIBRU 3

¹Hopa, darii anubarmii atañ, hutiina dariiganda ka gyoniiñmi henche mondo nii, Jisu mi taliimonto, kiiniñkonii ho bukuñ nyibu ngunuka khako ko.

²Mo lotii bitii huna mohmi kahe tiinii, Mose ka lotii lochañ ho Pinii ka ude ho.

³Hojalo Jisu mi uro yapa khiinyatii tatukatu ho Mose mi hentola niihtañpa ude punii bomi uro yapa khiidu ude mi hentola.

⁴(Niimpalukoda ude penge abimi kone lo pencha kodu, hojalo kapane drih mika peniibo Pinii ke)

⁵Siisi Mose lotii tii hikha Pinii ka ude ho miira pa lyila, pyakola drih atañmi piijo daka luko saniiñmi,

⁶hojalo Kristo lotii tii Pinii ka ude ho oho pa lyila. Ho ngunu mohka ude ngunu matiirḛ ngunuka hatii la hentii nyimi biitola dukoda ngunuka hentiñho.

⁷Hopa, Darii Yajiyallo ka lunii hiilyañpa, “Siilo, nunu mohka aguñmi tapa lyiho,

⁸nunu ahha mi alḛrpa miiyo chekho lyiyo hokii hiilyañ, zabyo hoka tenkalarka allo ho,

⁹nohna nunuka aba atañ ngiimi tenka nii ho ngiika miigomi kapa biine nyang alyañpiilye he.

¹⁰Hopa ngo hiika santuñ atañmi gato, ho luto, ‘Mohlu kiirañ ngonyane mohluka ahha ho; mohlu ngiika lembo mi chinya mane.’

¹¹Ngo ngiika hadii ho hemme to, ‘Mohlu pema ngiika dumo ko ahla kema.’”

¹²Hendi nyatolya, anubarmii atañ, hiilamakoda hiiko nunuka punkoho diimmah dokiñ doke, henjemanii ahha, ngogiila nunumi turnii Pinii kokii huhi dopa.

¹³Hojalo kone anyañ mi haro lupa siito allo karmyañmi, nii dahepa luchi “siilo,” niimpalukoda kone hetrḛ henje madopa miiko lyayo ingyamiigya niika gollumisu lo.

¹⁴Niimpalukoda ngunu Kristo ko tache siidu, ngunu matiirḛ ngunuka kapyo daka hatii mi abyu mapa gabii tola dokoda kamikalo lohe,

¹⁵hiila siikasi lutii, “Siilo, niida nunu mohka aguñmi tapa talyi, pema nunuka ahha mi alḛrpa miilyo chekho lyiyo hokii hiilyañ.”

¹⁶Hutiina hiika atañ huna tapa lala ho chekho tiinii? Hiika atañ masupeha hikha hutiina Egip hokii lintii kunii Mose ka sangii laka lyiko?

¹⁷Ho humina mo nyang alyañpiilye hatii tiinii? Hiika atañ hutiina ingyamiigya nyatiinii hiima siipeha, huka shiimana zabyo ho huhi nyanenii?

¹⁸Ho humina mo hemme nyanenii mohlu pema ngiika dumoko ahkiñ make, hojalo hiika atañpa hutiina luniiñ tamanii?

¹⁹Ho ngunu kapado mohlu ahla matii niimpalukoda henje mako hopa.