Read Apatani HIBRU 5 Bible Online

HIBRU 5 - Apatani bible

HIBRU 5

¹Bukuñ nyibu kone abi miyu atañka punko hokii ka kahe niisi miyuatañ paka miigomi miiniipa kaliñtii Pinii mi yarnii pa, ahmiñayiñ biniipa ho membi niipa ingyamiigyanii atañpa.

²Mo yanupa yarkiñdo chimanii la luniiñ tama bomi, niimpalukoda mo attoh tiirḛ abuje ajju giido.

³Hiikohopa sipa mo membi dopa lyido mohka atoh ingyamiigyaniipa ho miyuatañ pata.

⁴Ho kone hetrḛ atoh atoh mi khiisu make, hojalo mo Pinii loke gyoko dunii, niihtañpa Aron mi gyotii.

⁵Hopa Kristo tiirḛ atohmi assañ siima ke bukuñ nyibu pa miisula, hojalo mo kahekotii hiilo huna mohmi lutii nii, “No ngiika Oho, siilo kii ngo niimi chibii lyikuke”;

⁶mo hiira pongelyaho lutii, “No nyibu ayudahe pake, Melkizedek ka hiiba hoka dusiniipa.”

⁷ Mohka kiiddiapiñ soka darañho, Jisu kubitii ho arohtapa pa kutii, hempḛr goropa mila lila khebiidola, hiimi huna mohmi shiiniiñ hokii lyangur lakiñ donii, ho mohkiimi tagetii mohka piniihenju biiso giiko hopa.

⁸Mo Oho siitii tiirḛ, mo chingiitii luniiñtaniiñmi mohka heru heniiñlo;

⁹ho digoabiaya dopa miiko lala mo santḛrlamanii sangopyako pa lyibitii miilañ rupa hutiina mohka luniiñ tadonii,

¹⁰Pinii loka kahe kokunii bukuñ nyibupa Melkizedek ka hiiba hoka dusiniipa.

¹¹Siika piigo siimi abuje ngunuko lusa giido niimina luko luru donii, niimpalukoda nunu luniiñ tage giila mapa lyido.

¹²Niimpalukoda siika myodu lyihepa nunu sariipa lyinya kensu tiiku tiirḛ, nunu hojalo mi konelo tonsḛr kodopa lyidorañ hiira kapyo hoka Pinii aguñ ka miijumi. Nunu anyi ke anna donii, apiñ make;

¹³niimpalukoda koneabi huna anyilo sandonii hii luchiñ marañke denki ka aguñmi, niimpalukoda mo ajañ ranke.

¹⁴Hojalo apiñ si akha kunii pake, niimpalukoda huna mohka henju mi miinyolunyo giitii kunii ayamanii hokii la aya mi kangukare la miinyo niilo.