Read Apatani HIBRU 9 Bible Online

HIBRU 9 - Apatani bible

HIBRU 9

¹Siisi kapyo hemmesiiniiñ ho lutola done kiiddiapiñ ka dariinenchañ hoka heriinaniiñpa.

²Niimpalukoda tabyoude[2] mi miimyotii, ago ahtajaho, niihona muru ahiiko dotiinii ho miitananii hii ho Pinii mika yatañ biniiñ hii; siika siimi Darii Lengo hiila lutii.

³Bernye niipaka tonkhu naniiñ ka kiiliñ ho tabyoude dotii hiimi Darii jaka Darii hiila lutii,

⁴ayyiñ agyañ ka byamunanii mi giitola ho hemmesiiniiñ ka bako hii hikha aruñho ayyiñ loka mupunii, niihona dotiinii ayyiñ pinchu ho manna, ho Aron ka panyi ho annii armyuñ lintii, ho hemmesiiniiñ ka miitananii;

⁵hiimi hahoyaho cherubim ka tatukatu hii aroh duko mi hipu biitii. siika drih atañmi siisi ngunu didḛr pa lusu lakiñma.

⁶Siika miimyo biniiñ atañmi miitii, nyibu hii inkañ ari tabyoude ka agoho intii, mohluka uyimuju mi miila;

⁷hojalo anyeniiho bukuñ nyibu kontiisii ahsu tiinii, ho mo nyange ho ronge sii, ho ai mi biima pa ahma nii mi mo atohpa bisutii ho miyu atañka miigya niipa.

⁸Siika silo Darii Yajiyallo kakiñdo dariinenchañ ka lembo hii siisi lohe pa miiko marañ nii dahepa ago daka tabyoude hii dochirañ

⁹(niihna siilobiilyo ka santuñ ho kagiñnaniipa donii). Siika miiniiñlo, ahmiñayiñ la membi niimi bikañ la do niihna heriiboka henju mi digoabiaya dopa miila kemanii,

¹⁰hojalo diigo la tango nyilo miita nando ho ponsa ponsa dariiasenii miiniiñlo, apopaka miijulujulo nii dahepa hikha niti dopa miita nantema.

¹¹Hojalo Kristo ahtii aya drih atañka bukuñ nyibu pa niihna ahto kula dotiinii, kayeya hokii ho uroya digoabiaya ya tabyoude hokii (alah atañ loka puniiñ mapa, hiika hii, pulyi hoka puta maniiñ)

¹²mo ronge pada hikha rupa Darii Lengo ho ahtii, siibiñ la siih atu nyika ai biito lamapa hojalo mohka atoh ai mi, hiilo ayudahepa tupyabiniiñ mi patiiku.

¹³Niimpalukoda miibḛrnii miyu mika pyappu nii matiirḛ siibiñ la hiibo nyika ai lo ho siih hiiniiñ byamu naniika mubulo dardḛ dokoda asiialyo darii miila,

¹⁴niimkane abulyakiñdo Kristo ka ai hii, huna santḛrlamanii yajiyallo lo atohmi bisu tiinii hang Pinii mi pahañ hansa giima dopa, nunuka henjumi darii miibila shiiniiñ miigo miiniiñ hokii turnii Pinii mi miiho dupa.

¹⁵Hopa mo niti hemmesiiniiñ ka punko hoka lubinii, niimpalukoda humi jalo gyotii labii kiine dupa hemme biniiñ ayudahe paka pensi kosa niimi, niido hokii shiiniiñ hii ahtii hiiko hokii mohlumi darii miitii ku ingyamiigyanii atañmi kapyo hemmesiiniiñ ka ura ho.

¹⁶Niimpalukoda nohna shiihiñ luniiñ hii donii, huna hiimi lutii nii hiika shiilyi ko hiimi luliñ duku.

¹⁷Niimpalukoda shiihiñ luniiñhii shiilyi ko hosu hiimi miila siidonii, hiimi cheche pa lula ma nii dahepa hiimika luniiñbo turla duchirañ.

¹⁸Hopa kapyo daka hemmesiiniiñ hiitiirḛ ai nyimapa miila matii.

¹⁹Niimpalukoda kapane lujubiniiñ dapo mika Mose ka hikha miyuatañ mika luko lyiho, mo siih atula siibiñ lyika ai mi latii, yasie ho lanchañkoma la tajer nyika agiñho, ho kheta tanye rumi pippu biido ho hikha miyu atañmi,

²⁰lubiidola, “Siikasi ai loka hemmesiiniiñ ke Pinii ka nunu paka lujju biniiñ.”

²¹Ho hii chulipa mo tabyoude penye rumi ai lo pippu biido ho hikha piichañ turla herii koka miina naniiñ mi.

²²Jije lusu dokoda, dapo ka miijuhii kapane drih mi ai lo darii miidu, ho ai bipa kiine mapa ingyamiigyanii atañmi hello ko hiila nyima.

²³Hiikohopa siimi dariiganda ka drih atañka kapu atañmi siika miijulo darii miidupa lyido, hojalo dariiganda ka drih atañ siika atañ mitrḛ ayaya membi siinyatii atoh atohpa.

²⁴Niimpalukoda Kristo ahtii, alah loka dariinenchañ peniiñ homa, jije kapu kone ako, hojalo dariiganda loda ho, siisi Pinii ka dako ho ahtii ngunuka ahsa niipa.

²⁵Hiilamaje mo atohmi bitie bitie bisu pama, niihtañpa bukuñ nyibu Darii Lengo ho ahdu anya menda mi ai biitola hiitiirḛ mohka atoh ai ma;

²⁶niimpalukoda hopa mo hiimi heru hentiñ hentiñ hendo pa lyitii dohadolo mika liidi rabii jaho hokii. Hojalo hii hiila siila, mo ronge pada hikha rupa ahtii kamikalo ka santuñho ingyamiigya mi lapa bidupa hiila mo atohmi membi shiibii dola.

²⁷Ho niihtañpa miyuatañ mo ronge shiido pa miimyo tola do, ho hiika hiiba ho ayakacho kako kendo,

²⁸hopa Kristo, rongepa bisutii abujeka ingyamiigya atañmi bagii dupa, ahti kendo ronye niipa, ingyamiigyaniimi miilyañ dupa hiilama hojalo lyangur dupa huna mohmi kalya rela dunii.