Read Apatani JEMS 2 Bible Online

JEMS 2 - Apatani bible

JEMS 2

¹Ngiika anubarmii atañ, henguhere la miiyo nunu ngunuka Attoh Jisu Kristo mi henje biilyila, tatukatu ka Attoh.

²Niimpalukoda miyu matiirḛ ayyiñ lachañ ho abitarii aya giitola nunuka dukuñko ahdo koda, ho arro miyu ayamanii abitarii giitola motrḛ ahdo koda,

³ho nunu hensañ yala henda huna abitarii aya giidonii ho ludu, “So duto, malokalohe,” ho arro miyu mi nunu ludo, “Ho dato,” malo “Ngiika alih aruñho duto,”

⁴nunu khiingukhiire masu peha nunuka punkoho, ho diimmah henju giitola ayakacho kama siipeha?

⁵Tageto, ngiika heniiñja anubarmii atañ. Pinii kahe masu peha dohadolo daka arro miyu mi henje ho mingo kiine dupa ho mohka hemme biniiñ raddeganda mi pensi dupa huna mohmi hendonii?

⁶Hojalo nunu arro miyu mi khiimapama miida. Siikasi mingo masu peha nunu mika hensḛrkadu dopa miiniibo, siikasi mohluma siipeha nunu mika gondu lusuko hoka selii giinii bo?

⁷Siikasi mohluma siipeha huna nipakoya danii khiiniiñ armyañ mi nunu mika myaniiñ mi?

⁸Nunu matiirḛ jije khiiniiñ dapo mi miipe dokoda, piniipota hoka keniiñ chulipa, “Nunu nunuka ariapii mi hento atohmika henchañho,” nunu miidiko miido.

⁹Hojalo nunu matiirḛ henguhere la hendo koda, nunu ingyamiigya da, ho dapo kii dalyipa ludo koda nunu talemiilenii atañ.

¹⁰Niimpalukoda hu jalopa hikha dapo mi atii biitola hojalo hiikahokii kone mijalo miima miido koda hikha rumi miigyado.

¹¹Niimpalukoda mo huna ludonii, “Ipfyo yo,” hiira ludo, “miyu meyo.” Nunu matiirḛ ipfyo masujalo hojalo miyu mendo koda, nunu dapo mika talemiile niipa lyido.

¹²Hopa luto ho hii hiilyañpa miito hiika atañmi hutiina ayakacho kako kendonii dasḛrgiinii ka dapo lo.

¹³Niimpalukoda ayakacho kaniiñ ho aroh nyimake huna aroh kakiñ manii; hojalo aroh hii ayakacho kaniiñmi pamiñ doke.

¹⁴Nii pe miijo donii, ngiika anubarmii atañ, miyu matiirḛ ludo koda mohko henje do hojalo miigo miima koda? Mohka henje hii mohmi lyangur lakiñ dopeha?

¹⁵Anu malo barmii jalo matiirḛ abitarii aya giisa nyimapa ho dumiñ diigo diisa nyima koda,

¹⁶ho nunuka punko hokii kone ludo koda, “Chimie pa ingeku, gubupa dutolya ho diide tolya,” hang drih bimapa mohlumi niihna apo pa anna donii, hii nii aya giikiñdo?

¹⁷Hopa henje atohpa, matiirḛ miigo miima koda, hiikahii shiinii ke.

¹⁸Hojalo mi kone ludo koda, “Niiko henje do ho ngiiko miiniiñ hii.” Niika henje mi kakiñpe miigo miimapa, ho ngo miigo miibii dola ngiika henje mi kakiñso.

¹⁹Nunu henjedo Pinii kone sii; nunu hendiko hendo. Igii atañ lohepa henjedu-ho alye nyadu.

²⁰No chinna doha, no piicha miyu, henje mi miila miikiñ makoda arra sii hiila?

²¹Ngunuka aba Abraham miigo miiniiñ loma siipeha lupya kobii nenii, mohka wiinga Isak mika yugyañ ho bila ka lyilyi ho?

²²Nunu kato henje hii mohka miigo miiniiñ ka agiñ hosu ayasiidonii, ho henje hii miigo miiniiñ losu lyipe giisu donii,

²³ho piniipota si lyipe do niihna ludonii, “Abraham Pinii mi henje tii, ho hiikohopa mohmi myantii denkibo hiila”; ho mohmi Pinii ka ajiñ hiila gyotii.

²⁴Nunu kato miyu mi miigo miiniiñ loke lupya tiinii ho henje kontii lomake.

²⁵Ho hiichulipa Rahab pfyoaridiisunii botrḛ miigo miiniiñ kopa masupeha lupya kobii nenii mohka puyu bakobomi kariilala ka lembo byahe yaho hopa ka kiiniñ lyiho?

²⁶Niimpalukoda apo hii yajiyallo giima koda shiido, hiichulipa henje hiitiirḛ miigo miima koda shiinii sii.