Read Apatani 1 PITAR 4 Bible Online

1 PITAR 4 - Apatani bible

1 PITAR 4

¹Niimpalukoda Kristo tiirḛ heru hentii asiialyoho, nunutiirḛ atohpa alḛrpa siika henchañ jaho hento, niimpalukoda huna asiialyoho heru hendonii hii ingyamiigya kumake,

²hopa siisi kii sango sansa niimi miyu ka helyihembyo ka sanju ho sayo hojalo Pinii ka henko jaho santo.

³Myodu khepa sambii nekuke Midomiyu atañka miiniiñ hiilyañ pa miibii dola, kalyikabyo, helyihembyo, o taniiñ, rukha adu-abiñ, diigiitangii tola haggosonii, ho piigoama puchiniimi ka herii nii hoka saniiñ.

⁴Mohlu hemur nyada niimpalukoda siisi nunu mohluka moreymiyu hiilyañ piigoama soko sobokuma, ho mohlu nunumi miipyudo;

⁵hojalo mohlu luko kendoke mohmi huna hemmyola dunii halii dupa turnii la shiinii nyimi.

⁶Siika sipa niihna ayapuyu mi tonsḛrkhenyo tiinii shiinii miilañmi, niimpalukoda asiialyo mi miyu mika hanchañ ho halii siitii jalo, mohlumi yajiyallo ho Pinii chuli sanke nendupa.

⁷Hikha drih atañka kamikalo hii tunii dokuke; hopa hendila ho hendḛrla dato nunuka kuna naniipa.

⁸Kapanemi ka kahejapa henguñ manii kone anyañ mika hensu niimi atiito, niimpalukoda hensunii hii abuje ingyamiigya mi apu duke.

⁹Hapumibya mi kiirañ miitolya kone anyañ mi ahiare siimapa.

¹⁰Niitañpa kone abi ahmiñayiñ mi lariitii, ako anyañpa miiho siina nanto, Pinii ka ponsa ponsa aroh-aya biniiñka denki kalya binyaniipa:

¹¹hujalo luchi, kone Pinii ka luniiñ mika lubinii hiilyañ; hujalo miigo miiho talyi, miihoto hiimi Pinii kokii ka tamo bitii niihiilyañ; niimpalukoda kapaneho Pinii mi assañdopa Jisu Kristo kiilo. Mohkiike tatukatu hii ho pamiñ biiniiñhii ayudahepa. Amen.

¹²Heniiñja, aluñ lyayo nunukoka herumyanka ahlyi ho niihna nunumi miidḛr dupa ahdonii, dumiñ hoka lyika maniiñ drihja nunuko lyido hiilyañ.

¹³Hojalo hempyo tolya nunu Kristo ka heru heniiñmi henche mondo hiila, niimpalukoda nunu tiirḛ hempyo mondupa ho hempyoto mohka tatukatu mika kakiñ lyikuho.

¹⁴Nunumi matiirḛ khiimapama miido koda Kristo ka armyañ pa, nunu lyanko niike, niimpalukoda tatukatu ka yajiyallo ho Pinii nunuka agiñho duke.

¹⁵Hojalo nunu kone tiirḛ heru helya yo miyu menniibo hiilyañ, malo diipyonii hiilyañ, malo miigyanii hiilyañ, malo gollumisu miinii hiilyañ;

¹⁶hojalo kone matiirḛ kristan lyikohopa heruhendo koda, mohmi hiinyañ kiine lyayo, hojalo hiika armyañ ho mohmi Pinii mi assañ kiineto.

¹⁷Niimpalukoda myodu si ahlyi kuke ayakacho kari biidu kupa Pinii ka ude atañ hokii kari biila; ho hiikahii matiirḛ ngunu kokii kari biido koda, nii lyikiñdo mohluka kamikalo hii hutiina Piniika aya puyu mi luniiñ tama nenii?

¹⁸Ho “Denki miyu hiiya gagḛrpala lyangur kodo koda, piniimika khiimanii ho ingyamiigyanii atañ ada nii lyine sayu?”

¹⁹Hopa hutiina heruhendanii Pinii ka henko jaho miidiko miido ho mohluka yallo mi lotii Puniiboko tiilii siibida.