Read Apatani 2 PITAR 2 Bible Online

2 PITAR 2 - Apatani bible

2 PITAR 2

¹ Hojalo amuh nyibuhenii atañ tiirḛ miyu atañka punko ko sari nyane, nunuka punko hoka amuh tonsḛrbo atañ hiilyañ, huna chimiechomyo pa pyadulosa nii tonsḛrkhenyo mi biilii kendonii, Atoh mi lohepa mapa biidola huna mohlumi riitii nii, mohluka ayoho nyibya loda pyadu siiniiñmi ahgii la.

²Ho abuje mohluka hensamanii henko ho hembo nyakiñdo, ho mohluka piigopa jije ka lembo miya nyapakoya kendo.

³Ho mohluka diibuñ ho mohlu nunukokii pasermiiliñ biidupa miikiñdo amuh aguñ atañlo; bilo jakii mohlumika haliiniimi kago tola domake, ho mohlumika pyadu losanii hii imila do make.

⁴Niimpalukoda Pinii miidopopi miya apamatii koda mohluka ingyamiigya lyiho, hojalo yamuganda ho jopa lotii ho mohlumi kamoramba ho dachañranyi lo ratola atiitii ayakacho kalyi ko lohepa;

⁵mo matiirḛ bilo miyu atañmi lohe apamatii koda, hojalo Noha mi lyangurtii, denki mika gyukobomi, midiñkanu heka agiñho, mohka dohadolo daka piniihenju hemanii atañ koka yasie tuha kiine lyiho;

⁶Sodom la Gomora chitañ citi mi muyupa dopa matiirḛ miitii koda mo mohlumi lyumedopa khiiliitii ho mohlumi katiñ naniiñpa miitii hutiina piniihenju ho henya manii;

⁷ho mo matiirḛ denki Lot mi lyangur tiikoda, hempḛr henga henkhatii diimmah atañka hensamanii heniiñ lo

⁸(niimpalukoda niihna hiika denki miyu kapatiinii ho tapatiinii mohluka agiñho sambola dola, mohmi heru miipatii mohka denki yalloho allo loliñ karmyañmi mohluka piigoama miiniiñlo),

⁹ho Attoh chindu niitañpana tupya kendonii piniimiyu atañmi tenka nii hokii, ho ingyamiigya miyu atañmi atii biidu miikhiiñ dupa ayakacho kalyi allo lohepa,

¹⁰ho luchila hiika atañmi hutiina kalyikabyo ho miibḛr nyadanii ho otority mi khiipa donii. Haro la ho miichi lodahiila henii, mohlu biiso nyama nyapakoyadupa tatukatu bomi,

¹¹lusudokoda miidopopi atañ, kaye yasudo chikho la harchichike ho, nyapakoyala haliima mohlumi ayakacho kala Attoh ka hataho.

¹²Hojalo siika atañsi, henchiñ maniiñ achu-amyo hiilyañ, kiinyi achu-amyo, biiko nyatii latu lala ho menko dupa, mohlu chimadoda dola nyapakoya nyala, pyadu loko kendo mohlumika ahiñpaka pyadu lokoho,

¹³heru henkiñdo mohluka herudopa miikohopa. Mohlu siimi hempyo biida goropa sobiingarbii dola allo ho. Mohlu diigolugo giinii, goropa sola ngarla mohluka hempyo diikotanko ho, nunuka agiñho diibo tambola.

¹⁴Mohlu ipfyodiipyo amee mi giido, hembyañ lamanii ingyamiigya. Mohlu ingya giida henje alḛr giimanii atañmi. Mohluko diibuñ diinyo kunii ahha mi giido. Bekonii himme atañ!

¹⁵Lembo jijemiya apatela mohlu ngola ya da; mohlu Balam ka lembo mi paboda, Beor ka oho, huna hembyo danii ayamanii miiniiñ hokii pasermiiliñ biidupa,

¹⁶hojalo gakotii mohka atohka talemiile kopa; luhanii gadoh miyu ka aguñpa lutii ho lutiñtii nyibuhenii ka rungyaniimi.

¹⁷Siika atañsi yasie nyima nii shoo ho hapiñ allyiaro loka heduñ biikonii; mohlupa kamoramba urañ jami lumyo tola doku.

¹⁸Niimpalukoda, piigo ama niimi goropa khanya biidola, mohlu luhuluha do ayamanii asiialyo ka helyihembyo ho, hu miyu atañna gagḛr pala harliñ giitii kunii hiika atañ kokii hutiina miigyaniiho sala danii.

¹⁹Mohlu mohlumi dasḛrmi hemme bisudo, hojalo mohlu atohlya diimu niika miirapa lyinyada; niimpalukoda nii jalo miyumi miimiñ biido, hiika mo miira pa lyida

²⁰Niimpalukoda matiirḛ, mohlu dohadolo mika miibḛrnii hokii hargii kula la ngunu Attoh ho lyangurbo Jisu Kristo mika chiniiñlo, mohlu hiira mohluko hatu kodo koda ho miimiñkodo koda, kamikalo ada ayamaya kendo kapyo hokiimi hentola.

²¹Niimpalukoda si mohlupa aya yakiñtii denki ka lembo mi chima tiicko daya aya yatiido chimbiidola ka inkur kusa niimi mohlumika darii lujubiniiñ hokii.

²²Si mohluko hoka lyiniiñsi jije nitiñhormi hoka luniiñ chulido, akie hii atohka banii mi diiku siiduku, ho alyeemi ahu harsu jalo jebiho rabḛr raku hadu.