Read Apatani 1 JON 2 Bible Online

1 JON 2 - Apatani bible

1 JON 2

¹ Ngiika himme atu atañ, ngo siimi nunumi kedu niisi nunumi ingyamiigya mayapa hiila; hojalo mih kone matiirḛ ingyamiigya dokoda, ngunu mika lubinii du Aba ka agiñho, Jisu Kristo denki bo;

² ho mo ngunuka ingyamiigyanii atañpa atohmi bisutii, ho ngunupa kontiima hojalo hikha dohadolo ka ingyamiigyanii atañpa.

³ Ho siika silo ngunu henjedo ngunu mohmi chindu hiila, ngunu matiirḛ mohka lujubiniiñ atañmi atii biido koda.

⁴ Mo huna ludonii, “Ngo mohmi chindu” hojalo mohka lujubiniiñ takho dokoda gollu niike, ho jije hii mohko giima;

⁵ hojalo hujalo mohka aguñmi atii biichi, mohko Pinii paka heniiñmi jije digoabiaya dopa miitii. Siika silo ngunu hentiñdo ngunu mohko du hiila:

⁶ hii huna ludonii mo mohka agiñho giigela da hiila hii inniiñ mi mohka inchañ jaho inkiñdo.

⁷ Heniiñja, ngo nunumi niti lujubiniiñ mi kema lyike, hojalo khu lujubiniiñ nii mina nunuko bilo kii dotiinii lotujaho hokii; khu lujubiniiñ hiika aguñke nii mina nunu tapa tiinii.

⁸ Hojalo ngo nunumi niti lujubiniiñ mi kebii lyike, niihna jijenii mohko ho nunuko, niimpalukoda kamo hii impala dokuke ho jije hutoh hii byohu la doku.

⁹Hii huna ludonii mo hutoh ho da hiila ho mohka anubarmii mi kanañ mapa miido koda siisi jalo kamo ho darañ.

¹⁰ Hii huna atohka anubarmii mi hendonii hutoh ho giigela da, ho hiikaho hang drih nyima mihmi liichi giidopa

¹¹hojalo hii huna atohka anubarmii mi kanañ mapa miidonii hii kamo hoke danii ho kamo hoke indonii, ho chimake mo no indo hiila, niimpalukoda kamohii mohka amee mi micha dopa miibii do.

¹²Ngo nunumi kebii lyike, himme atu atañ, niimpalukoda nunuka ingyamiigya niimi hello tiikuke mohkiipa.

¹³ Ngo nunumi kebiilyi, aba atañ, niimpalukoda nunu chindo huna lotuja hokii tiinii. Ngo nunumi kebii lyike, nyimuyapa atañ, niimpalukoda nunu diimmah kone mi pamiñ tiiku. Ngo nunumi kebii lyike, himme atañ, niimpalukoda nunu Aba mi chindo.

¹⁴Ngo nunumi kebii lyike, aba atañ, niimpalukoda nunu chindo mohmi huna lotuja hokii dutiinii. Ngo nunumi kebii lyike, nyimuyapa atañ, niimpalukoda nunu tamo do, ho Pinii ka aguñ hii nunuko do, ho nunu diimmah konemi pamiñtii.

¹⁵Dohadolo mi hembyo yo malo dohadolo hoka drih donii atañmi. Hu kone jalopa dohadolo mi hembyo talyi, Aba paka heniiñ hii mohko nyimake.

¹⁶Niimpalukoda hikha dohadolo hoka donii hii, asiialyo ka muniiñ ho amee ka kalyikabyo ho sango ka hentii siiniiñ si, Aba kokii make hojalo dohadolo kiike.

¹⁷Ho dohadolo hii lyukiñ doke, ho hiimika kalyi kabyonii; hojalo huna Pinii ka henko jaho miidonii hii ayudahepa sankiñdo.

¹⁸ Himme atañ, siikasi kamikalo myodu kuke; ho nunu tapa biine Kristo mika kanañ manii ahkiñ do hiila, hopa siisi abuje kristokamabo ahdo; hopa ngunu chindo siikasi kamikalo myodu ku hiila.

¹⁹Mohlu ngunu kokii linne, hojalo mohlu ngunu kokiima; niimpalukoda mohlu matiirḛ ngunu kokii tiikoda, mohlu ngunuka agiñho dakañ patiido; hojalo mohlu impa neku, hiikohopa si kadḛrdo mohlu hikharu ngunu kokiimake.

²⁰Hojalo nunu Darii konelo arrḛyartiiku, ho nunu hikha chindo.

²¹Ngo nunumi keduniisi, nunu jije mi chima hiilamake, hojalo niimpalukoda nunu siimi chindo, ho chindota gollu hii jije hokii pema lima hiila.

²² Hu gollunii hiike huna Jisu Kristo mi mapa donii? siikasi Kristokamabo, hii huna Aba la Oho nyimi mapa donii.

²³ Kone kotrḛ huna Oho mi mapa donii Aba nyima. Hii huna Oho mi khako donii hiiko Aba tiirḛ du.

²⁴Hopa niihna nunu lotuja hokii tapatiinii hiimi nunuko giigela doke nento. Niina nunu lotuja hokii tapa tiinii hii matiirḛ nunuko giigela dokoda, ho nunu Oho la Aba nyika agiñho giigela do.

²⁵Ho siikasi niihna mo hemme bitii nii ngunupa, santḛrlamanii sango.

²⁶Ngo siika siimi nunumi kedu hiika atañka piigomi huna nunumi talubalo kendonii;

²⁷ hojalo arrḛyarniiñ nii mina nunu mohkokii larii tiikunii hii nunuko giigela dokañ doke, ho nunumi kone lotrḛ tonsḛr kodo pa lyikiñ make; niimpalukoda mohka arrḛyarkuniiñ nunumi kapane piigomi tonsḛrdo, ho hiikahii jije, ho hiika hii golluma, niihtañpa hiikahiimi nunumi lukotii, mohko giigela datolya.

²⁸ Ho siisi, himme atu atañ, mohmi giigela dato, niimpalukoda niida mo ahchiku ngunu hatiimiilii dadupa ho hiinyañ la achu giila dama dopa mohka ahlyi ko.

²⁹ Nunu matiirḛ chindo koda mo denki hiila, nunu chinkiñdo kone abi hutiina denki mi miidonii hii mohloka bukonii.