Read Apatani 1 JON 5 Bible Online

1 JON 5 - Apatani bible

1 JON 5

¹ Kone abi huna henje donii Jisu mi Kristo hiila hii Pinii ka wiinga, ho kone abi huna annii-aba mi hendonii hii wiinga mitrḛ hendo.

²Siika silo ngunu chindo ngunu Pinii ka wiinga atañmi hendu hiila, niida ngunu Pinii mi henchi ho mohka lujubiniiñmi talii la miichi.

³ Niimpalukoda siika sike Pinii mika heniiñ, ngunuka mohka lujubiniiñ mika atii biiniiñ hii. Ho mohka lujubiniiñ hii hiimkane alluabama.

⁴ Niimpalukoda niijalopa Pinii lo bukodu dohadolo mi miimiñdu; ho siikasi pamiñniike dohadolo mika miimiñlyi ho, ngunuka henje lo.

⁵Hu hiikahii dohadolo mika miimiñnii, hii huna henje donii Jisu Pinii ka Oho hiila?

⁶ Siikasi hiike huna yasie la ai nyi hokii lintii nii, Jisu Kristo, yasie lo kontii ma hojalo yasie la ai nyi hokii.

⁷Ho Yajiyallo hii haki ke, niimpalukoda Yajiyallo hii jije.

⁸Hinge haki du, Yajiyallo, yasie, ho ai; siika hinge si tadiñ siido.

⁹ Ngunu matiirḛ miyu ka pyako niimi larii dokoda, Pinii ka pyakonii hii kaye yake; niimpalukoda siikasi Pinii ka pyakonii hiikahii mo mohka Oho mi haki bitii.

¹⁰ Hii huna henje donii Pinii ka Oho mi hiiko pyakonii hii do. Hii huna henje manii Pinii mohmi gollu niipa miibii do, niimpalukoda mo henjema pyakoniimi Pinii ka mohka Oho paka haki biniiñmi.

¹¹Ho siika sike pyakonii, Pinii ngunumi santḛrlamanii sango mi bitii, ho siika sango hii mohka Oho ko do.

¹² Huko hona Oho dunii hiiko sango do; huko hona Pinii ka Oho nyimanii sango nyima.

¹³ Ngo siika siimi kedu nunumi hutiina henje nyadonii Pinii ka Oho ka armyañ mi, niimpalukoda nunu chindupa nunuko santḛrlamanii sango hii do hiila.

¹⁴ Ho siika sike hatii niihna ngunukii mohko donii, hiikahii niijalo ngunu matiirḛ kuchi mohka henko ho mo ngunumi talii du.

¹⁵Ho ngunu matiirḛ chindo koda mo taliidu hiila ngunu niijalo kuchi, ngunu chindo ngunu patiiku mohkokii ka kuniiñmi.

¹⁶Hu kone jalopa matiirḛ mohka anubarmii mi miigyala dopa kapa talyi hiika ingyamiigya niihii shiigii kema koda, mo kukiñdo, ho Pinii mohmi sango bikiñdo hiika atañmi huka ingyamiigya na shiigii kemanii. Ingyamiigya tonge do niihna shiigii kendonii; Ngo hiila luma lyike kone hiipa kubikendo hiila.

¹⁷Hikha miigyanii hii ingyamiigya ke, hojalo ingyamiigya tonge do niihna shiigii kemanii.

¹⁸ Ngunu chindo hujalo Pinii lo bukotii hii ingyamiigya ma hiila, hojalo hii huna Pinii lo buko tiinii hii mohmi atii biidu, ho igii kone mohmi tene lakiñma.

¹⁹Ngunu chindo ngunu Pinii kii hiila, ho hikha dohadolo si igii koneka harchichike ka ura ho do hiila.

²⁰ Ho ngunu chindo Pinii ka Oho ahtii ho ngunumi chila nanii bitii, mohmi chila dopa huna jije nii; ho ngunu mohko da huna jije nii, mohka Oho Jisu Kristo. Siikasi jije Pinii ho santḛrlamanii sango.

²¹Himme atu atañ, nunu atohmi puchinii hokii dasa giitolya.