Read Apatani JUD 1 Bible Online

JUD 1 - Apatani bible

JUD 1

¹Jud, Jisu Kristo ka Miira ho Jems ka anu, Humina gyotiinii, Pinii Aba ko heniiñjapa ho Jisu Kristo pa atii tiinii:

²Aroh, chimie, ho hensunii hii abuyakiñ cho nunu miilañ ruko.

³Heniiñja, nunumi hempḛr kenañla ngunuka miilañrupaka sangopyako mi, ngo siimi kekiñ do loda hiila kapa biido nunumi yarla henjemi hembyañ rembiito nii mina ronge pada hikha piniimiyu atañmi biliñtiinii.

⁴ Niimpalukoda mih chimapa tonge ahnyatola du hutiina ayujaho hokii khiikotola dotii kunii siika haliikosako, piniihenjumanii miyuatañ hutiina Pinii ka aroh-aya mi ngogii donii hensamanii heniiñho ho mapa do ngunuka kone kontii Atoh mi ho Attoh, Jisu Kristo mi.

⁵Siisi ngo nunumi hempa dopa miinañdo, nunumi ronge pada luko siitii jalopa, hiika hii mo huna miyu atañmi lyangur tiinii Egip ka ganda hokii, hiikahiiba ho miidulotii hutiina henje matiinii.

⁶Ho miidopopi atañ hutiina atohka dasako daku matiinii hojalo mohluka ayapaka dusa komika apabomi atiibiido mo lyulamasa niika dachañ ranyilo ratola kamoramba ho atiitii kaye allo ka ayakacho kalyi hopa;

⁷Sodom la Gomora nyi hiilyañpa ho aruñare daka citi atañ hiilyañ, hutiina helyihembyo nyatiinii ho dumiñ henju maniiñka kalyikabyo ho chubḛr hanyatiinii, kagiñnaniipa miikhiiñ nyakotii lyamelamanii yamu lyakoho.

⁸Hojalo hiichulipa siika miyu atañsi mohluka henjuho apo mi miibḛr sako henyada, otority atañmi takhola, ho tatukatunii kone mi nyapakoyada.

⁹Hojalo akhoja miidopopi Mikel ka, igii ka agiñ hoka gasu lyiho, Mose ka apo paka chesu lyiho, mo mohmi ayakacho haliipa hematii, hojalo lutii, “Attoh niimi gadoke.”

¹⁰Hojalo siika miyuatañ nyapakoyado nii mina mohlu chima nii, ho hiika drih atañlo asiialyo loka heniiñmi morey achu-amyo atañka miiniiñ hiilyañ, mohlumi pyadu lobiido.

¹¹Aiya hiila hembido mohlupa! Niimpalukoda mohlu Ken ka inchañ ho indo, ho mohlu atohmi apa siibiido niimpalukoda paser miiliñbiidupa Balam ka miikha ko jaho, ho Kora ka chekho ko lyubo mondu pa hiila.

¹²Siika atañsi diigolugo giinii nunuka hensunii diigodiikoho, niihtañpa mohlu haroloda diigiitangii tola haggosonyada tongepa, atoh atohmi kasu biidola; miidohumanii jomii atañ, allyi loka heduñ biikonii; ahee hidu hoka himanii sannii atañ, ronye niipaka shiiti nii, bupalinko kunii;

¹³siimie ka biisokacho landoponiiñ hiilyañ, atohpa mohluka hiinyañmi hujḛrsiila; ngojonii takḛr atañ hupana hempḛr kamorambami miimyo bitola dokunii ayudahepa.

¹⁴Siika drih kiipa tiirḛ Enok Adam kokiila kanunii santuñ bo nyibuhentii, lubiidola, “Kato, Attoh ahla do mohka hempḛr toro darii miidopopi atañ agiñho,

¹⁵miilañrumi ayakacho kadupa, ho haliidupa hikha piniihenjumanii heniiñ atañmi hikha mohluka piniihenjumanii hoka miiniiñmi nii mina mohlu miinya tiinii piniihenju manii lembo ho, ho hikha herugiinii drih atañ nii mina piniihenjumanii atañ mohmi chekhola lutiinii.”

¹⁶Siika atañsi biicho choniiñ, hembyañ ramanii; mohluka atoh helyihembyo hoka sanii, goropa aguñlo khanjo siinii, khanjola miyuatañ agiñho mohlupa pasermiiliñ biidupa.

¹⁷Hojalo nunu hennge giikiñdo loda, heniiñja, Attoh Jisu Kristo ka kiiniñkonii atañka hiila lyikiñdo hiilaka kamyo niimi;

¹⁸mohlu nunumi lutii, “Kamikalo myodu ho khansunii atañ linkiñdo, mohluka piniihenjumanii helyihembyo ho miijola.”

¹⁹Siikasi hiika atañke huna tache giidonii, dohadolo ka miyu, Yajiyallo giimanii.

²⁰Hojalo nunu, heniiñja, attohpa pencha siito nunuka hempḛr darii henjeho; Darii Yajiyallo ho kutolya;

²¹nunu attohmi Pinii ka hensuko atii siito; Attoh Jisu Kristo ka aroh mi kalya tolya santḛrlamanii sango lohepa.

²²Ho tongemi yarto lya, huna hemmo donii;

²³tongemi lyangur tolya, mohlumi yamu hokii rore limbii dola; tonge mi aroh biiso biidola, hojalo asiialyo ka diigolugo giinii ka pulyetarii mi lohe kanamapa miibii lya.

²⁴Siisi mohmi huna nunumi huhi saniiñ hokii latu lakiñdonii ho huna nunumi kakiñ lakiñ donii mohka tatukatu ka hataho hang pahañ hansa giima dopa hempyo ka agiñho,

²⁵Pinii kone kontii pa, ngunu mika lyangur bo Jisu Kristo ngunu Attoh kiilo, tatukatumi, kahejami, domiñniimi, ho otority mi, kolyuñkolo jaho hokii ho siisi kii ayu dahepa dokiñcho. Amen.