Read Apatani MIHUKAKIÑNIIÑ 13 Bible Online

MIHUKAKIÑNIIÑ 13 - Apatani bible

MIHUKAKIÑNIIÑ 13

¹Ho ngo kapato achu-amyo siimie hokii chadopa, arii bulyañhe ho adiñ pukkanuhe giinii, tahiñbyopa palyañhe giitola arii ka ayoho ho nipakoya niika armyañ mi hiika adiñ atañ ho giitola.

²Ho achu-amyo ngiika kapaniibo hogya kapune, hiika alih hii siitiñ kii hiilyañne, ho hiika aguñ hii patii kii hiilyañne. Ho hiimi tabu hii mohka harchichike mi bibiine ho mohka raddeduko mi ho kahe otority mi.

³Hiika adiñ puhe hii kakoso une giidoniitañne, hojalo hiika une mi miipya tiiku, ho hikha kiiddiapiñ hiika achu-amyo mi imbo montii kahotamo biidola.

⁴Miyu atañ tabu mi herii nyatii, niimpalukoda mo mohka otority mi achu-amyo mi bitii, ho mohlu achu-amyo mi heriitii, lubiidola, “Hu siika achu-amyo chuli da, ho hu siika siimi parii lakiñdo?”

⁵Ho achu-amyo mi nipakoya aguñmi lula dopa bibiido, ho hiika hiimi piilo alyañpiilye la banye otority mi miina nando pa bitii;

⁶hiika hii Pinii mi nipakoya la aguñ luliñ biido, mohka armyañ la mohka duko mi nipakoyala, hiika hii, hutiina dariiganda ho dunya dunii.

⁷Piniimiyu atañmi gyambo parii dopa miilañ bitii ho mohlumi pamiñ dopa. Ho otority mi bitii hiimi kapane halugiira ho miyu atañmi ho aguñ atañmi ho ganda mi kabiidopa,

⁸ho hikha hutiina kiiddiapiñ so dunii hii herii kendo siimi, kone abi huka armyañ mina kema nii dohadolo mika liidi rammarampa Subuñ menko boka sango ka kheta ho hiimi menkiñdo.

⁹ Hu kone kiijalo matiirḛ yaroo giido, mohmi take nento:

¹⁰Hu kone jalo matiirḛ nyima lako kendo, nyima lako kendoke mo; mi kone matiirḛ ilyo lo pakhii kokiñ dokoda, ilyo lo mo pakhii kokiñdo loda. Siika sike gyoniiñ pigiidopa ho piniimiyu atañka henje.

¹¹Ho ngo koneta achu-amyo kapato niihna kiiddiapiñ hokii chadonii; hiikii arii bunye giido kakoho subuñ kii hiilyañ ho hiika hii tabu hiilyañ ludo.

¹²Hiika hii kapyo achu-amyo ka hikha otority mi miina nando mo ka dapa, ho kiiddiapiñla ho hiika hoka dunii atañmi kapyo achu-amyo mi herii dopa miibiido, huka une mina miipya bitii nii.

¹³Hii miigo miitii hempḛr kagiñ nandopa, hiila lohe miitii yapuñ hokii kiiddiapiñ so yamu lyahidopa hikha miyu atañka kadopa;

¹⁴ho hiika kagiñnaniilo nii mina miila dopa bitiinii achu-amyo ka dapa, hii talubalodo hutiina kiiddiapiñ so dunii, mohlumi achu-amyo pa puchi tote hiila lutii nii mina une agii tiinii ilyo lo ho hojalo turla da;

¹⁵ho achu-amyo mika puchi niimi allyi mulii dopa bibiido niimpalukoda achu-amyo ka puchi niimi lula lohe lula dopa, ho hutiina achu-amyo mika puchi niimi herii manii hiimi mendopa.

¹⁶Hii hikha rumi, atu kahe hema, mingo aroh hema, dasḛr malo miira hema, miiho kodopa lyido lahbi alah malo tiiriiho,

¹⁷niimpalukoda kone mitrḛ riila malo pyula madopa nii dahepa miihoniiñ giitema, hiika hii, achu-amyo ka armyañ malo achu-amyo mika khiikananii.

¹⁸Siikasi chila nanii mi kudo: hutiina chindonii hiika hiimi khiika kiineto achu-amyo ka khiikananii mi, niimpalukoda hiika hii miyu khiikananii, hiika khiikananii hii 666 ke.