Read Apatani MIHUKAKIÑNIIÑ 16 Bible Online

MIHUKAKIÑNIIÑ 16 - Apatani bible

MIHUKAKIÑNIIÑ 16

¹Ho ngo tapato hempḛr goro luniiñ piniiude hokii kanuhe miidopopi mika lukoniimi, “Inge ho riipuhe kiiddiapiñ mi Pinii ka hadii paaka kanuhe lo.”

²Hopa kapyoja miidopopi impyone ho mohka paaka lo riipu biine kiiddiapiñ mi, ho kacho ho ayamanii huli giiliñ miyu atañko huna achu-amyo miihoniiñ giidonii ho heriidonii hiika puchi niimi.

³Anyenii miidopopi mohka paaka mi siimie ho riilo biido, ho hiika hii miyu shiinii ka ai hiilyañ lyine, ho hikha turnii achu-amyo hii shiinyane siimie hoka danii atañ.

⁴Hingenii miidopopi mohka paaka mi kiiley la yasie shoo nyiho riilo biine, ho hiika atañ ai pa lyine.

⁵Ho ngo tapato yasie ka miidopopi ka luniiñmi, “Kadiko kado niika ayakacho kaniiñ hii, no huna dunii ho dutiinii, O Darii Kone.

⁶Niimpalukoda miyuatañ ai mi bipatii piniimiyu atañ la nyibuhenii atañ kiimi, ho no mohlumi bitii ai mi tando pa. Siikasi mohluka miijosii!”

⁷Ho ngo tapato agyañ ka kheniiñmi, “Ḛh, Attoh Pinii Tamoja, jije ho kadiko niika ayakacho kaniiñhii!”

⁸Piilyenii miidopopi mohka paaka mi danyi ho riipu biido, ho hiika hii miyu atañmi hempḛr uro yamu hiilyañ bembiido;

⁹miyu atañmi bemya biido hempḛr beñkhe gubulo, ho mohlu Pinii ka armyañ mi bebiido huna siika doli ka harchichike mi giidonii, ho mohlu henkur nyama ho mohmi assañ nyama.

¹⁰Yangonii miidopopi mohka paka mi achu-amyo ka raddeduko ho riipu biido, ho hiika raddeganda hii kamo ho dotii; miyuatañ mohluka allyo mi nyensu nyado henga henkhala

¹¹ho bebiido dariiganda daka Pinii mi mohluka achih ho henga henkhami, ho henkur nyama mohluka miiniiñmi.

¹²Khiiniiñ miidopopi mohka paaka mi hempḛr kahe kiiley Euphrate ho riilo biido, ho hiika yasie hii gyage do, lembo mi miimyo bila radde atañpa danyichaggo dalyi hokiimi.

¹³Ho ngo kapato, biliñniimi tabuka aguñ hokii ho achu-amyo ka aguñ hokii ho amuh nyibuhenii ka aguñ hokii, hinge kacho yajiyallo kako ho tatii hiilyañ;

¹⁴niimpalukoda mohlu igii ka yajiyallo, kagiñnanii miila, huna intiinii adhoganda ho radde atañ ko hikha dohadolo ho, mohlumi gyokuñla gyambo pake nendupa hempḛr kahe allo Pinii Tamoka.

¹⁵ (“Kato, ngo diipyo nii hiilyañ ahchi! Lyanko kendo hii huna hurola dunii, mohka tariimi hendila mo ara pa imma dopa ho mihlo kapa koma dopa!”)

¹⁶Ho mohlu mohlumi gyokuñ nyatii gandaho nii mina Hebrew ho Armageddon hiila ludu nii.

¹⁷Kanunii miidopopi mohka paaka mi allyi ho rupu biido, ho hempḛr goro aguñ piniiude hokii lindo, raddeduko hokii, lubiidola, “Siikasi miitii ku!”

¹⁸Ho hiikaho dolya byoliñdo, adu-abiñne, yapuñ geniiñ, ho hempḛr uro myobu hudo hiitañ ronge hetrḛ miyu atañka kiiddiapiñ hoka dubii hokii huka manii, hiitañ uro hiika myobu huniiñ.

¹⁹Hempḛr kahe citi hii tache la hinge hakhu pa lyine, ho ganda daka citi atañ huhi nyane, ho Pinii hempane kaye Babilon mi, mohmi tanke nendupa hadii ka turla mi mohka hempḛr hadii lo.

²⁰Ho kapane siilokiiddi hii lyuhine, ho putoo puhe tiirḛ kapa kuma;

²¹ho hempḛr uro tari kune, tulange aie kane, miyu ka ayoh ho alotii yapuñ hokii, miyu atañka Pinii mika bemiñ da hemi tari doli kiipa. Hiitañ biiso hiika doli hii.