Read Aralle-Tabulahan 1 Petrus 5 Bible Online

1 Petrus 5 - Aralle-Tabulahan bible

1 Petrus 5

¹Oa' ingkämmu pebulle ada', aha ang pahallu kupalau mating. Kuuki' noa indee aka' puha tumä' kodi' mendahi pebulle ada', anna puha tung kusa'bii kamadahhaang ang hali naolai Kristus dolu. Anna ke sumuleng dako' umpalanda' kamatandeanna, ya' la mangngala taha touä' koo yaling.

²Kupalau la undakai manahpa yato ingkänna to mampetahpa' ang ungkambi' sihapang domba. La sika undakaia' sitonda sangkalebu inaha situhu' pa'elo'na Puang Alataala anna daia' umbabe noa yatoo aka' umpahsa. Sika kalemuii mengkalao di unnä' inahammu; daumpihki'a' supu saho.

³Anna dauntomarayai yato ingkänna tau ang puha dibeakoa' la undakai, ampo' diare' mendahikoa' pohapangang pano diii.

⁴Anna ke suleng yato ang Handang Pongkaha To Pekambi' la nabeakoa' kamatandeang ang la lambi' sapano-panona ang sihapang songko' malekena tomaraya.

⁵Noa tumokoa' dio ang mahäti'kangko, tuhu'-tuhu'angkoa' pano di pebulle ada'. Mahempo' inaha asangkoa' anna sitahiaikoa' mesa anna mesa. Aka' ”tau ang malängkä' inaha napa'baline' Puang Alataala, ampo' tau ang mahempo' inaha nakalemui nei'.” [11]

⁶Dahia', solasohong, mahempo' inahakoa' anna tuhu'-tuhu'angkoa' dai' di Puang Alataala ang ma'kuasa, anna malakoa' napakeangka' ke lambi'mi tempona.

⁷Behoi dai' di Puang Alataala ingkänna aka siamo ang mampabata-batakoa' aka' Dianto ang mandakai lolokoa'.

⁸Madakakoa' anna pa'kaleha loloo. Aka' balimmu, dianto Pongkahana setang, si kalao-lao leleng sinnoa singa ang lella' mengngehheng umpeäng tau ang la nahopängngi.

⁹Balii umpake kapampetahpa'ammu ang matoho. Aka' ungnginsammia' ungngoatee ingkänna solasohommu to mampetahpa' di umba-umba naongei di lino si ungngolai kamadahhaang sinnoa yato ang si ungngolaia'.

¹⁰Anna ke puhang yato kamadahhaang ang sämpäi' supu, ya' la napasundummingkoa' Puang Alataala ingkänna yato ang ungkalala'i. Bahtuanna: la napamatohokoa', napakesumanga'koa' sibaha napatontongkoa'. Aka' Dianto pengkalaoanna ingkänna pa'kalemu. Dianto ang mantambaikoa' yaling di Kristus, anna malakoa' untahimbo taha yaling di kamatandeanna ang la lambi' sapano-panona.

¹¹Pudii, aka' Dianto ang ma'kuasa lambi' sapano-panona. Aming!

¹²Lella' kuuki' inde suha' ang kapo'de' mating, naduluiä' ta Silwanus ang taangka' mesa solasohonta ang mala dipetahpa'. Suhunna kuuki' inde suha' mating anna malakoa' kupakesumanga' sibaha kupainsangngikoa' umba noa pa'kalemunna Puang Alataala pano di kita'. Pentokei loloia' yato pa'kalemunna.

¹³Salama'na are' mating solasohommu to mampetahpa' dinne di Bohto Babel. [12] Noa toi ta Markus ang kupoänä', salama'na toe' are' mating.

¹⁴Sisalama'koa' mesa anna mesa yaling di pa'kalemu. Anna kuhannuang la nabeakoa' Puang Alataala kamasahkeang aka' sikentekoa' Kristus. Samantoo.