Read Aramaic Peshita 1 Chronicles 24 Bible Online

1 Chronicles 24 - Aramaic Peshita bible

1 Chronicles 24

¹ܘܠܲܒ̣ܢܵܘ̈ܗܝ ܕܐܲܗܪܘܿܢ ܦܵܠܓܘܼܬ̣ܗܘܿܢ: ܒܢܵܘ̈ܗܝ ܕܐܲܗܪܘܿܢ: ܢܵܕ݂ܵܒ̣: ܘܐܲܒ̣ܝܼܗܘܼ: ܘܐܹܠܝܼܥܵܙܲܪ: ܘܐܝܼܬ̣ܵܡܵܪ.

²ܘܡܝܼܬ̣ܘ ܢܵܕ݂ܵܒ̣ ܘܐܲܒ̣ܝܼܗܘܼ ܒܚܲܝܵܘ̈ܗܝ ܕܐܲܗܪܘܿܢ ܐܲܒ̣ܘܼܗܘܿܢ ܘܲܒ̣̈ܢܲܝܵܐ ܠܵܐ ܗܘ̤ܵܐ ܠܗܘܿܢ. ܘܫܲܡܸܫ̣ܘ ܐܹܠܝܼܥܵܙܲܪ ܘܐܝܼܬ̣ܵܡܵܪ.

³ܘܦܲܠܸܓ̣ ܐܸܢܘܿܢ ܕܵܘܝܼܕ݂: ܨܵܕ݂ܘܿܩ ܡ̣ܢ ܒܢܲܝ̈ ܐܹܠܝܼܥܵܙܲܪ: ܘܐܲܚܝܼܡܲܠܟ ܡ̣ܢ ܒܢܲܝ̈ ܐܝܼܬ̣ܵܡܵܪ: ܠܡܸܢܝܵܢܗܘܿܢ ܒܫܘܼܠܛܵܢܗܘܿܢ.

⁴ܘܐܸܫܬ̇ܟܲܚܘ ܒܢܵܘ̈ܗܝ ܕܐܹܠܝܼܥܵܙܲܪ ܕܣܲܓ̇ܝܼܐܝܼܢ ܠܪܹܫ ܐ̄ܢܵܫ ܡ̣ܢ ܒܢܲܝ̈ ܐܝܼܬ̣ܵܡܵܪ. ܘܦܲܠܸܓ̣ ܐܸܢܘܿܢ ܠܲܒ̣ܢܵܘ̈ܗܝ ܕܐܹܠܝܼܥܵܙܲܪ ܠܪܹܫ ܐ̄ܢܵܫ ܠܒܹܝܬ̣ ܐܲܒ̣ܵܗܵܬ̣̈ܗܘܿܢ: ܘܲܗܘ̤ܵܘ ܒܡܸܢܝܵܢܵܐ ܫܸܬ̇ܬܲܥܣܲܪ: ܘܠܲܒ̣ܢܵܘ̈ܗܝ ܕܐܝܼܬ̣ܵܡܵܪ ܠܒܹܝܬ̣ ܐܲܒ̣ܵܗܵܬ̣̈ܗܘܿܢ: ܠܪܹܫ ܐ̄ܢܵܫ ܬܡܵܢܝܵܐ.

⁵ܘܦܲܠܸܓ̣ ܐܸܢܘܿܢ ܒܦܸܨܹ̈ܐ: ܗܵܠܹܝܢ ܥܲܡ ܗܵܠܹܝܢ: ܡ̣ܢ ܒܢܵܘ̈ܗܝ ܕܐܹܠܝܼܥܵܙܲܪ: ܘܡ̣ܢ ܒܢܵܘ̈ܗܝ ܕܐܝܼܬ̣ܵܡܵܪ.

⁶ܘܲܟܬܲܒ̣ ܐܸܢܘܿܢ ܫܡܲܥܝܵܐ ܒܲܪ ܡܲܬ̣ܢܝܹܠ ܣܵܦܪܵܐ ܡ̣ܢ ܠܹܘܵܝܹ̈ܐ: ܩܕ݂ܵܡ ܡܲܠܟܵܐ ܕܵܘܝܼܕ݂: ܘܲܩܕ݂ܵܡ ܩܲܫܝܼܫܹ̈ܐ ܕܝܼܣܪܵܝܹܠ: ܘܨܵܕ݂ܘܿܩ ܟܵܗܢܵܐ ܘܐܲܚܝܼܡܲܠܟ ܒܲܪ ܐܲܒ̣ܝܼܬ̣ܵܪ: ܪܹ̈ܫܲܝ ܐܲܒ̣ܵـ̈ـܗܵܬ̣ܵܐ ܕܟ݂ܵܗ̈ܢܹܐ ܘܲܕ݂ܠܹܘܵܝܹ̈ܐ: ܒܹܝܬ̣ ܐܲܒ̣ܵܐ ܩܲܕ݂ܡܵܝܵܐ ܚܲܕ݂ ܐܹܠܝܼܥܵܙܲܪ: ܘܚܲܕ݂ ܐ̄ܚܪܹܢܵܐ ܐܝܼܬ̣ܵܡܵܪ.

⁷ܘܣܸܠܩܲܬ̤ ܦܸܨܬ̣ܵܐ ܩܲܕ݂ܡܵܝܬܵܐ ܠܝܵܗܘܿܝܵܕ݂ܵܥ: ܬܸܢܝܵܢܵܐ ܠܝܲܕ݂ܥܝܼܵܐ.

⁸ܠܲܬ̣ܠܝܼܬ̣ܵܝܵܐ ܚܵܪܵܡ: ܠܲܪܒ̣ܝܼܥܵܝܵܐ ܣܥܘܿܪܝܼܡ.

⁹ܠܲܚܡܝܼܫܵܝܵܐ ܡܠܲܟ݂ܝܵܐ: ܠܲܫܬ̇ܝܼܬ̣ܵܝܵܐ ܡܝܲܡܝܼܢ.

¹⁰ܠܲܫܒ̣ܝܼܥܵܝܵܐ ܐܲܩܘܿܨ: ܠܲܬ̣ܡܝܼܢܵܝܵܐ ܐܲܒ̣ܝܼܵܐ.

¹¹ܠܲܬ̣ܫܝܼܥܵܝܵܐ ܐܹܠܝܼܫܲܥ: ܠܲܥܣܝܼܪܵܝܵܐ ܫܟܲܢܝܵܐ.

¹²ܠܕܲܚܕܲܥܣܲܪ ܐܹܠܝܼܫܲܦ: ܠܕܲܬ̣ܪܸܥܣܲܪ ܐܹܠܝܼܩܪܲܒ̣.

¹³ܠܕܲܬ̣ܠܵܬܲܥܣܲܪ ܚܘܼܦܵܐ: ܠܲܕ݂ܐܲܪܒܲܬܲܥܣܲܪ ܐܹܚܲܙܝܵܐ.

¹⁴ܠܲܕ݂ܚܲܡܸܫܬܲܥܣܲܪ ܒܲܓܠܵܐ: ܠܲܕ݂ܫܸܬ̇ܬܲܥܣܲܪ ܐܵܡܲܪ.

¹⁵ܠܕܲܫܒܲܬܲܥܣܲܪ ܐܹܚܲܙܝܵܐ: ܠܕܲܬ̣ܡܵܢܬܲܥܣܲܪ ܦܲܨܝܼܢ.

¹⁶ܠܕܲܬ̣ܫܲܥܣܲܪ ܦܬ̣ܝܼܚܵܐ: ܠܲܕ݂ܥܸܣܪܝܼܢ ܚܲܙܩܝܼܐܹܝܠ.

¹⁷ܠܲܕ݂ܚܲܕ݂ ܘܥܸܣܪܝܼܢ ܝܲܟ݂ܝܼܢ: ܠܕܲܬ̣ܪܹܝܢ ܘܥܸܣܪܝܼܢ ܓܡܘܿܠ.

¹⁸ܠܕܲܬ̣ܠܵܬ̣ܵܐ ܘܥܸܣܪܝܼܢ ܕܠܵܝܵܐ: ܠܕܲܐܪܒ̇ܥܵܐ ܘܥܸܣܪܝܼܢ ܡܥܲܕ݂ܝܵܐ.

¹⁹ܗܵܠܹܝܢ ܡܸܢܝܵܢܲܝ̈ܗܘܿܢ. ܠܲܥܒ̣ܝܼ̈ܕ݂ܵܬ̣ܗܘܿܢ. ܥܵܐܠܝܼܢ ܗ̄ܘ̣ܵܘ ܠܒܲܝܬܹ̇ܗ ܕܡܵܪܝܵܐ: ܐܲܝܟ݂ ܢܵܡܘܿܣܲܝ̈ܗܘܿܢ: ܐܲܝܟ݂ ܕܡܸܬ̣ܒ̇ܥܹܐ ܠܗܘܿܢ ܒܡܸܠܟܹ̇ܗ ܕܐܲܗܪܘܿܢ ܐܲܒ̣ܘܼܗܘܿܢ: ܐܲܝܟܲܢܵܐ ܕܦܲܩܸܕ݂ ܡܵܪܹܐ ܡܵܪ̈ܵܘܵܬ̣ܵܐ ܠܝܼܣܪܵܝܹܠ.

²⁰ܘܠܲܒ̣ܢܵܘ̈ܗܝ ܕܠܹܘܝܼ ܕܐܸܫܬ̇ܚܲܪܘ: ܠܲܒ̣ܢܵܘ̈ܗܝ ܕܥܲܡܪܲܡ: ܫܒ̣ܘܿܠ. ܠܲܒ̣ܢܵܘ̈ܗܝ ܕܲܫܒ̣ܘܿܠ: ܝܲܚܕ̇ܝܼܵܐ: ܘܐܲܪܚܲܒ̣ܝܵܐ.

²¹ܠܲܒ̣ܢܵܘ̈ܗܝ ܕܐܲܪܚܲܒ̣ܝܵܐ: ܩܲܫܝܼܫܹܗ ܝܲܫܘܵܐ: ܘܨܵܗܵܪ: ܘܣܲܠܡܘܿܬ̣.

²²ܠܲܒ̣ܢܵܘ̈ܗܝ ܕܣܲܠܡܘܿܬ̣: ܢܵܚܵܬ̣.

²³ܘܐܹܪܲܡܝܵܐ: ܘܲܚܙܵܐܹܝܠ: ܘܲܢܫܵܡܝܼܡ.

²⁴ܘܲܒ̣ܢܵܘ̈ܗܝ ܕܲܥܙܵܐܹܝܠ: ܡܝܼܟ݂ܵܐ. ܠܲܒ̣ܢܵܘ̈ܗܝ ܕܡܝܼܟ݂ܵܐ: ܫܵܡܵܪ: ܘܝܲܫܘܵܐ.

²⁵ܠܲܒ̣ܢܵܘ̈ܗܝ ܕܝܲܫܘܵܐ: ܙܟܲܪܝܵܐ.

²⁶ܒܢܵܘ̈ܗܝ ܕܲܡܪܵܪܝܼ: ܡܲܚܠܝܼ ܘܡܘܼܫܝܼ.