Read Aramaic Peshita 1 Chronicles 25 Bible Online

1 Chronicles 25 - Aramaic Peshita bible

1 Chronicles 25

¹ܘܲܦܪܲܫ̣ ܕܵܘܝܼܕ݂ ܘܪܵܘ̱ܪ̈ܒ̣ܵܢܵܘܗܝ: ܚܲܝܠܵܐ ܠܲܥܒ̣ܝܼ̈ܕ݂ܵܬ̣ܵܐ ܕܲܒ̣ܢܲܝ̈ ܐܵܣܵܦ: ܗܵܡܵܢ: ܘܝܼܪܘܼܬ̣ܘܿܢ. ܒܢܵܘ̈ܗܝ ܕܥܲܙܪܲܡ ܒܪܹܗ. ܗܵܠܹܝܢ ܐܸܢܘܿܢ ܒܢܲܝ̈ ܠܹܘܵܝܹ̈ܐ ܠܒܹܝܬ̣ ܐܲܒ̣ܵܗܲܝ̈ܗܘܿܢ. ܘܐܲܪܝܼܡܘ ܐܵܦ ܗܸܢܘܿܢ ܦܸܨܹ̈ܐ ܠܘܼܩܒܲܠ ܐܲܚܲܝ̈ܗܘܿܢ: ܒܢܵܘ̈ܗܝ ܕܐܲܗܪܘܿܢ: ܩܕ݂ܵܡ ܕܵܘܝܼܕ݂ ܡܲܠܟܵܐ: ܘܨܵܕ݂ܘܿܩ: ܘܐܲܚܝܼܡܲܠܟ ܪܹ̈ܫܲܝ ܐܲܒ̣ܵـ̈ـܗܵܬ̣ܵܐ ܕܟ݂ܵܗ̈ܢܹܐ ܘܲܕ݂ܠܹܘܵܝܹ̈ܐ. ܒܚܘܼܫܒܵܢܵܐ ܘܡܸܢܝܵܢܵܐ: ܙܥܘܿܪܵܐ ܐܲܝܟ݂ ܐܲܚܘܼܗܝ ܩܲܫܝܼܫܵܐ: ܗܵܟܲܢܵܐ ܐܸܬ̣ܚܫܸܒ̣ܘ ܘܲܗܘ̤ܵܐ ܡܸܢܝܵܢܵܐ ܕܓܲܒ̣ܪܹ̈ܐ ܥܵܒ̣ܕܲܝ̈ ܥܒ̣ܵܕ݂ܵܐ ܠܲܥܒ̣ܝܼ̈ܕ݂ܵܬ̣ܗܘܿܢ.

²ܒܢܵܘ̈ܗܝ ܕܐܵܣܵܦ: ܙܲܟ̇ܘܼܪܝܼ: ܝܵܘܣܸܦ: ܘܲܢܬܲܢܝܵܐ: ܘܝܼܣܪܵܝܹܠ ܘܲܒ̣ܢܵܘ̈ܗܝ ܕܐܵܣܵܦ ܗܵܠܹܝܢ ܕܐܲܫܠܸܡ ܡܲܠܟܵܐ ܠܝܼܪܘܼܬ̣ܘܿܢ ܒܬܸܫܒ̇ـ̈ـܚܵܬ̣ܵܐ.

³ܒܢܵܘ̈ܗܝ ܕܝܼܪܘܼܬ̇ܘܿܢ: ܥܲܙܲܪܝܵܐ: ܘܐܹܫܲܥܝܵܐ: ܚܫܲܒ̣ܝܵܐ: ܘܡܲܬ̇ܝܼܬ̣ܵܐ: ܘܝܼܪܘܼܬ̣ܘܼܢ. ܫܬܵܐ ܗܵܠܹܝܢ: ܐܸܫܬ̇ܠܸܡܘ ܠܝܼܪܘܼܬ̣ܘܼܢ ܐܲܒ̣ܘܼܗܘܿܢ ܕܲܗܘ̤ܵܘ ܡܫܲܒ̇ܚܝܼܢ ܒܟܸܢܵܪܹ̈ܐ: ܘܡܵܘܕܹ̇ܝܢ ܠܡܵܪܝܵܐ.

⁷ܘܲܗܘ̤ܵܐ ܡܸܢܝܵܢܗܘܿܢ ܥܲܡ ܐܲܚܲܝ̈ܗܘܿܢ: ܘܲܡܫܲܒ̇ܚܝܼܢ ܗ̄ܘ̣ܵܘ ܬܸܫܒ̇ـ̈ـܚܵܬ̣ܵܐ ܠܡܵܪܝܵܐ. ܘܲܗܘ̤ܵܘ ܡܸܢܝܵܢܹ̈ܐ ܕܗܵܠܹܝܢ ܡܫܲܒ̇ܚܵܢܹ̈ܐ: ܡܲܐܬܹ̇ܝܢ ܘܲܬ̣ܡܵܢܐܝܼܢ ܘܲܬ̣ܡܵܢܝܵܐ.

⁸ܙܥܘܿܪܵܐ ܐܲܝܟ݂ ܩܲܫܝܼܫܵܐ ܐܸܬ̣ܚܫܸܒ̣: ܝܵܠܘܿܦܵܐ ܐܲܝܟ݂ ܡܲܠܦܵܢܵܐ.

⁹ܘܣܸܠܩܲܬ̤ ܦܸܨܬ̣ܵܐ: ܩܲܕ݂ܡܵܝܬܵܐ: ܠܐܵܣܵܦ: ܠܝܵܘܣܸܦ: ܓܕܲܠܝܵܐ ܬܸܢܝܵܢܵܐ ܗ̤ܘ ܘܐܲܚܵܘ̈ܗܝ ܘܲܒ̣ܢܵܘ̈ܗܝ ܬܪܸܥܣܲܪ.

¹⁰ܬܠܝܼܬ̣ܵܝܵܐ ܙܥܘܿܪܝ ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.

¹¹ܪܒ̣ܝܼܥܵܝܵܐ ܢܲܨܪܝܼ ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.

¹²ܚܡܝܼܫܵܝܵܐ ܠܬܲܢܝܵܐ ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.

¹³ܫܬ̇ܝܼܬ̣ܵܝܵܐ ܒܩܲܥܝܵܐ. ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.

¹⁴ܫܒ̣ܝܼܥܵܝܵܐ ܠܲܣܪܵܝܹܠ ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.

¹⁵ܬܡܝܼܢܵܝܵܐ ܐܹܫܲܥܝܵܐ. ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.

¹⁶ܬܫܝܼܥܵܝܵܐ ܡܬܲܢܝܵܐ. ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.

¹⁷ܥܣܝܼܪܵܝܵܐ ܫܡܲܥܠܝܼ ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.

¹⁸ܕܲܚܕܲܥܣܲܪ ܥܙܵܐܹܝܠ ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.

¹⁹ܕܲܬ̣ܪܸܥܣܲܪ ܚܫܲܒ̣ܝܵܐ. ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.

²⁰ܕܲܬ̣ܠܵܬ̣ܥܣܲܪ ܫܘܿܒܵܠ ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.

²¹ܕܐܲܪܒܲܬܲܥܣܲܪ ܡܲܬ̇ܝܼܬ̣ܵܐ ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.

²²ܕܚܲܡܸܫܬܲܥܣܲܪ ܝܲܪܡܘܿܬ̣ ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.

²³ܕܫܸܬ̇ܬܲܥܣܲܪ ܚܲܢܲܢܝܵܐ. ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.

²⁴ܕܲܫܒܲܬܲܥܣܲܪ ܠܐܹܠܝܼܫܲܒ̣ ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.

²⁵ܕܲܬ̣ܡܵܢܬܲܥܣܲܪ ܠܚܲܢܵܢܝܼ ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.

²⁶ܕܲܬ̣ܫܲܬܲܥܣܲܪ ܠܡܲܠܘܼܬ̣ ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.

²⁷ܕܥܸܣܪܝܼܢ ܠܐܹܠܝܲܒ̣ ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.

²⁸ܕܚܲܕ݂ ܘܥܸܣܪܝܼܢ ܠܝܵܬ̣ܵܪ ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.

²⁹ܕܲܬ̣ܪܹܝܢ ܘܥܸܣܪܝܼܢ ܠܪܲܒܲܝ ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.

³⁰ܕܲܬ̣ܠܵܬ̣ܵܐ ܘܥܸܣܪܝܼܢ ܠܲܡܚܲܙܝܘܼܬ̣. ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.

³¹ܕܐܲܪܒ̇ܥܵܐ ܘܥܸܣܪܝܼܢ ܠܪܘܿܡܵܢ ܘܲܒ̣ܢܵܘ̈ܗܝ ܘܐܲܚܵܘ̈ܗܝ ܬܪܸܥܣܲܪ.