Read Aramaic Peshita 1 Chronicles 3 Bible Online

1 Chronicles 3 - Aramaic Peshita bible

1 Chronicles 3

¹ܘܗܵܠܹܝܢ ܒܢܲـ̈ـܝܵܐ ܗܘ̤ܵܘ ܠܕ݂ܵܘܝܼܕ݂ ܒܚܸܒ̣ܪܘܿܢ. ܫܡܵܐ ܕܲܒ̣ܪܹܗ ܒܘܼܟ݂ܪܹܗ: ܚܲܡܢܘܿܢ ܕܡ̣ܢ ܐܲܚܝܼܢܥܸܡ ܕܡ̣ܢ ܐܝܼܙܲܪܥܹܝܠ. ܬܸܢܝܵܢܵܐ ܟܵܠܵܒ̣: ܕܡ̣ܢ ܐܲܒ̣ܝܼܥܸܠ ܐܲܢ̄ܬ̇ܬܹܗ ܕܢܵܒ̣ܵܠ ܕܡ̣ܢ ܛܘܼܪ ܟܲܪܡܠܵܐ.

²ܬܠܝܼܬ̣ܵܝܵܐ: ܐܲܒ̣ܫܵܠܘܿܡ ܒܲܪ ܡܲܠܟܵܐ ܒܲܪܬ̣ ܬܘܼܠܡܲܝ ܡܲܠܟܵܐ ܕܓ̣ܵܫܘܿܪ ܪܒ̣ܝܼܥܵܝܵܐ: ܐܲܕ݂ܘܿܢܝܼܵܐ ܒܲܪ ܚܲܓܝܼܬ̣.

³ܚܡܝܼܫܵܝܵܐ: ܫܦܲܛܝܵܐ ܒܲܪ ܐܵܦܝܼܛܸܠ. ܫܬ̇ܝܼܬ̣ܵܝܵܐ: ܐܝܼܬ̣ܘܿܪܥܲܡ: ܕܡ̣ܢ ܥܓܠܵܐ ܐܲܢ̄ܬ̇ܬܹܗ ܕܕ݂ܵܘܝܼܕ݂.

⁴ܗܵܠܹܝܢ ܒܢܲـ̈ـܝܵܐ ܫܬܵܐ: ܐܸܬ̣̱ܝܼܠܸܕ݂ܘ ܠܕ݂ܵܘܝܼܕ݂ ܒܚܸܒ̣ܪܘܿܢ. ܘܐܲܡ̣ܠܸܟ݂ ܬܲܡܵܢ ܫܒܲܥ ܫܢ̈ܝܼܢ: ܘܸܫܬܵܐ ܝܲܪ̈ܚܝܼܢ ܘܲܬ̣ܠܵܬ̣ ܫܢ̈ܝܼܢ ܐܲܡ̣ܠܸܟ݂ ܒܐܘܿܪܸܫܠܸܡ.

⁵ܘܗܵܠܹܝܢ ܫܡܵܗܹ̈ܐ ܕܲܒ̣ܢܲـ̈ـܝܵܐ ܕܐܸܬ̣̱ܝܼܠܸܕ݂ܘ ܠܹܗ ܒܐܘܿܪܸܫܠܸܡ: ܫܵܡܘܿܥ: ܘܲܫܟ݂ܘܿܒ̣: ܘܢܵܬ̣ܵܢ: ܘܲܫܠܹܝܡܘܿܢ.

⁶ܘܝܲܒ̣ܚܵܪ: ܘܐܹܠܝܼܫܡܲܥ: ܘܐܹܠܝܼܕܲܥ.

⁷ܘܐܹܠܝܼܦܠܵܛ: ܘܢܵܘܓܵܗ: ܘܲܢܦܵܓ̣.

⁸ܘܲܢܦܝܼܓ̣: ܘܐܹܠܝܼܫܲܥ.

⁹ܗܵܠܹܝܢ ܟܠܗܘܿܢ ܒܢܲܝ̈ ܕܵܘܝܼܕ݂ ܘܬ̣ܵܡܵܪ ܚܵܬ̣ܗܘܿܢ.

¹⁰ܘܲܒ̣ܢܵܘ̈ܗܝ ܕܲܫܠܹܝܡܘܿܢ: ܪܚܸܒ̣ܥܲܡ ܒܪܹܗ: ܐܲܒ̣ܝܼܵܐ ܒܪܹܗ: ܐܵܣܵܐ ܒܪܹܗ: ܝܘܿܫܵܦܵܛ ܒܪܹܗ.

¹¹ܝܘܿܪܵܡ ܒܪܹܗ: ܐܸܚܲܙܝܵܐ ܒܪܹܗ: ܝܘܿܐܵܫ ܒܪܹܗ.

¹²ܐܵܡܘܿܨܝܵܐ ܒܪܹܗ: ܥܘܿܙܝܼܵܐ ܒܪܹܗ: ܝܘܿܬ̣ܵܡ ܒܪܹܗ.

¹³ܐܵܚܵܙ ܒܪܹܗ: ܚܹܙܲܩܝܵܐ ܒܪܹܗ: ܡܢܲܫܹܐ ܒܪܹܗ.

¹⁴ܐܲܡܘܿܢ ܒܪܹܗ: ܝܘܿܫܝܼܵܐ ܒܪܹܗ.

¹⁵ܘܲܒ̣ܢܵܘ̈ܗܝ ܕܝܘܿܫܝܼܵܐ: ܒܘܼܟ݂ܪܹܗ ܝܘܿܚܲܢܵܢ: ܬܸܢܝܵܢܵܐ ܝܘܿܝܵܩܝܼܡ: ܬܠܝܼܬ̣ܵܝܵܐ ܨܹܕܲܩܝܵܐ: ܪܒ̣ܝܼܥܵܝܵܐ ܫܵܠܘܿܡ.

¹⁶ܘܲܒ̣ܢܵܘ̈ܗܝ ܕܝܘܿܝܵܩܝܼܡ: ܝܘܿܟܲܢܝܵܐ ܒܪܹܗ: ܨܹܕܲܩܝܵܐ ܒܪܹܗ.

¹⁷ܘܲܒ̣ܢܵܘ̈ܗܝ ܕܝܘܿܟܲܢܝܵܐ: ܐܲܫܪܲܫܬܹ̇ܝܠ ܒܪܹܗ.

¹⁸ܘܡܲܠܟ̇ܘܿܡ ܒܪܹܗ: ܘܲܦܪܵܝܵܐ ܒܪܹܗ: ܘܫܲܥܨܲܪ ܒܪܹܗ: ܘܲܢܩܲܡܝܵܐ ܒܪܹܗ: ܘܲܫܡܘܿܥ ܒܪܹܗ: ܘܲܢܕܲܒ̣ܝܵܐ ܒܪܹܗ.

¹⁹ܘܲܒ̣ܢܵܘ̈ܗܝ ܕܲܢܕܲܒ̣ܝܵܐ: ܙܘܼܪܒܵܒܹܠ ܘܫܲܡܥܝܼ ܘܲܒ̣ܢܲܝ̈ ܙܘܼܪܒܵܒܹܠ: ܡܲܫܠܲܡ ܘܚܲܢܲܢܝܵܐ: ܘܣܲܠܩܲܬ̣ ܚܵܬ̣ܗܘܿܢ.

²⁰ܘܲܚܫܝܼܒ̣ܵܐ: ܘܝܵܗܘܿܐܹܝܠ: ܘܲܒ̣ܪܝܼܥܵܐ: ܘܲܚܣܲܕ݂ܝܵܐ.

²¹ܒܢܲܝ̈ ܚܲܢܲܢܝܵܐ: ܦܠܲܛܝܵܐ: ܘܐܘܿܫܲܥܝܵܐ. ܐܲܪܦܵܝܵܐ ܒܪܹܗ: ܐܪܢܘܿܢ ܒܪܹܗ: ܥܘܿܒܲܕ݂ܝܵܐ ܒܪܹܗ ܕܐܘܿܫܲܥܝܵܐ.

²²ܘܲܒ̣ܪܹܗ ܕܲܫܒܲܢܝܵܐ: ܫܡܲܥܝܵܐ: ܘܲܒ̣ܪܹܗ ܕܲܫܡܲܥܝܵܐ: ܚܵܛܘܿܫ: ܘܲܢܓܵܐܹܝܠ: ܘܥܲܙܲܪܝܵܐ: ܘܚܹܙܲܩܝܵܐ.

²³ܘܗܘܿܕ݂ܝܼܵܐ: ܘܲܠܫܝܼܒ̣: ܘܲܦܠܵܝܵܐ: ܘܝܲܥܩܘܿܒ̣: ܘܝܘܿܚܲܢܵܢ: ܘܲܕ݂ܠܵܝܵܐ: ܘܥܲܢܵܢ.