Read Aramaic Peshita 1 Chronicles 6 Bible Online

1 Chronicles 6 - Aramaic Peshita bible

1 Chronicles 6

¹ܒܢܵܘ̈ܗܝ ܕܠܹܘܝܼ: ܓܸܪܫܘܿܢ: ܘܩܵܗܵܬ̣: ܘܲܡܪܵܪܝܼ.

²ܘܲܒ̣ܢܵܘ̈ܗܝ ܕܩܵܗܵܬ̣: ܥܲܡܪܲܡ: ܘܝܲܨܗܵܪ: ܘܚܸܒ̣ܪܘܿܢ: ܘܥܘܼܙܝܼܐܹܠ.

³ܘܲܒ̣ܢܵܘ̈ܗܝ ܕܥܲܡܪܲܡ: ܡܘܼܫܹܐ: ܘܐܲܗܪܘܿܢ: ܘܡܲܪܝܲܡ. ܘܲܒ̣ܢܵܘ̈ܗܝ ܕܐܲܗܪܘܿܢ: ܢܵܕ݂ܵܒ̣: ܘܐܲܒ̣ܝܼܗܘܿ: ܘܐܹܠܝܼܥܵܙܲܪ: ܘܐܝܼܬ̣ܵܡܵܪ.

⁴ܘܐܹܠܝܼܥܵܙܲܪ ܐܵܘܠܸܕ݂ ܠܦܝܼܢܚܸܣ ܘܦܝܼܢܚܸܣ ܐܵܘܠܸܕ݂ ܠܐܲܒ̣ܝܼܫܘܿܥ.

⁵ܘܐܲܒ̣ܝܼܫܘܿܥ ܐܵܘܠܸܕ݂ ܠܐܲܒ̣ܝܼܩܵܪ. ܘܐܲܒ̣ܝܼܩܵܪ ܐܵܘܠܸܕ݂ ܠܥܲܙܝܼ.

⁶ܘܥܲܙܝܼ ܐܵܘܠܸܕ݂ ܠܲܙܪܲܚܝܵܐ. ܘܙܲܪܲܚܝܵܐ ܐܵܘܠܸܕ݂ ܠܡܲܪܘ.

⁷ܘܡܲܪܘ ܐܵܘܠܸܕ݂ ܠܐܵܡܲܪܝܵܐ: ܘܐܵܡܲܪܝܵܐ ܐܵܘܠܸܕ݂ ܠܐܲܚܝܼܛܘܿܒ̣.

⁸ܘܐܲܚܝܼܛܘܿܒ̣ ܐܵܘܠܸܕ݂ ܠܨܵܕ݂ܘܿܩ. ܘܨܵܕ݂ܘܿܩ ܐܵܘܠܸܕ݂ ܠܐܲܚܝܼܡܥܸܨ.

⁹ܘܐܲܚܝܼܡܥܸܨ ܐܵܘܠܸܕ݂ ܠܥܲܙܲܪܝܵܐ. ܘܥܲܙܲܪܝܵܐ ܐܵܘܠܸܕ݂ ܠܝܘܿܚܲܢܵܢ.

¹⁰ܘܝܘܿܚܲܢܵܢ ܐܵܘܠܸܕ݂ ܠܥܲܙܲܪܝܵܐ. ܘܥܲܙܲܪܝܵܐ ܗ̤ܘ ܫܲܡܸܫ ܒܒܲܝܬܵܐ ܕܲܒ̣ܢܵܐ ܫܠܹܝܡܘܿܢ ܒܐܘܿܪܸܫܠܸܡ.

¹¹ܘܐܵܘܠܸܕ݂ ܥܲܙܲܪܝܵܐ ܠܐܵܡܲܪܝܵܐ: ܘܐܵܡܲܪܝܵܐ ܐܵܘܠܸܕ݂ ܠܐܲܚܝܼܛܘܿܒ̣.

¹²ܘܐܲܚܝܼܛܘܿܒ̣ ܐܵܘܠܸܕ݂ ܠܨܵܕ݂ܘܿܩ ܘܨܵܕ݂ܘܿܩ ܐܵܘܠܸܕ݂ ܠܫܵܠܘܿܡ.

¹³ܘܫܵܠܘܿܡ ܐܵܘܠܸܕ݂ ܠܚܹܠܲܩܝܵܐ ܘܚܹܠܲܩܝܵܐ ܐܵܘܠܸܕ݂ ܠܥܲܙܲܪܝܵܐ.

¹⁴ܘܥܲܙܲܪܝܵܐ ܐܵܘܠܸܕ݂ ܠܲܣܪܵܝܵܐ ܘܲܣܪܵܝܵܐ ܐܵܘܠܸܕ݂ ܠܨܵܕ݂ܘܿܩ.

¹⁵ܘܨܵܕ݂ܘܿܩ ܐܸܫܬ̇ܒ̣ܝܼ: ܟܲܕ݂ ܓܲܠܝܼ ܡܵܪܝܵܐ ܠܐ̄ܢܵܫܲܝ̈ ܝܼܗܘܼܕ݂ܵܐ ܘܠܐܘܿܪܸܫܠܸܡ: ܠܒ̣ܵܒܹܠ ܠܘܵܬ̣ ܢܒ̣ܘܼܟܲܕ݂ܢܵܨܲܪ.

¹⁶ܒܢܵܘ̈ܗܝ ܕܠܹܘܝܼ: ܓܪܸܫܘܿܢ: ܘܩܵܗܵܬ̣: ܘܲܡܪܵܪܝܼ.

¹⁷ܘܗܵܠܹܝܢ ܫܡܵܗܹ̈ܐ: ܕܲܒ̣ܢܲܝ̈ ܓܸܪܫܘܿܢ: ܠܲܒ̣ܢܝܼ: ܘܫܲܡܥܝܼ.

¹⁸ܘܲܒ̣ܢܵܘ̈ܗܝ ܕܩܵܗܵܬ̣: ܥܲܡܪܲܡ: ܘܝܲܨܗܵܪ: ܘܚܸܒ̣ܪܘܿܢ: ܘܥܘܼܙܝܼܐܹܠ.

¹⁹ܘܲܒ̣ܢܵܘ̈ܗܝ ܕܲܡܪܵܪܝܼ: ܡܲܚܠܝܼ: ܘܡܘܼܫܝܼ. ܗܵܠܹܝܢ ܐܸܢܹܝܢ ܫܲܪ̈ܒ̣ܵܬ̣ܵܐ ܕܠܹܘܵܝܹ̈ܐ: ܠܐܲܒ̣ܵܗܵܬ̣̈ܗܘܿܢ.

²⁰ܓܸܪܫܘܿܢ ܒܪܹܗ: ܢܵܚܵܬ̣ ܒܪܹܗ: ܙܹܡܵܐ ܒܪܹܗ.

²¹ܝܘܿܐܵܚ ܒܪܹܗ: ܐܲܕ̇ܘܼ ܒܪܹܗ: ܝܵܬ̣ܘܿܪ ܒܪܹܗ.

²²ܒܢܵܘ̈ܗܝ ܕܩܵܗܵܬ̣: ܥܲܡܝܼܢܵܕ݂ܵܒ̣ ܒܪܹܗ: ܩܘܿܪܚ ܒܪܹܗ: ܘܐܵܣܝܼܪ ܒܪܹܗ.

²³ܗܲܠܩܵܢܵܐ ܒܪܹܗ: ܐܲܟܸܢܣܵܦ ܒܪܹܗ.

²⁴ܬܵܚܘܿܬ̣ ܒܪܹܗ: ܐܘܿܪܝܹܠ ܒܪܹܗ: ܥܘܿܙܝܼܵܐ ܒܪܹܗ: ܫܵܐܘܿܠ ܒܪܹܗ.

²⁵ܘܲܒ̣ܢܵܘ̈ܗܝ ܕܗܲܠܩܵܢܵܐ: ܥܲܡܫܝܼ: ܘܐܲܚܝܼܡܘܼܬ̣.

²⁶ܗܲܠܩܵܢܵܐ ܒܪܹܗ: ܨܘܿܦ ܒܪܹܗ: ܢܵܚܵܬ̣ ܒܪܹܗ: ܙܲܪܚ ܒܪܹܗ: ܫܡܲܠܵܐ ܒܪܹܗ: ܡܲܪܝܼ ܒܪܹܗ.

²⁷ܐܹܠܝܼܵܒ̣ ܒܪܹܗ: ܓܲܕ݂ܚܝܼܠ ܒܪܹܗ: ܗܲܠܩܵܢܵܐ ܒܪܹܗ.

²⁸ܘܲܒ̣ܢܲܝ̈ ܫܡܘܼܐܹܝܠ: ܒܪܹܗ ܒܘܼܟ݂ܪܹܗ: ܝܘܿܐܹܝܠ: ܘܲܫܡܵܐ ܕܲܒ̣ܪܹܗ ܬܸܢܝܵܢܵܐ ܐܲܒ̣ܝܼܵܐ.

²⁹ܘܲܒ̣ܢܲܝ̈ ܡܪܵܪܝܼ: ܡܲܚܠܝܼ ܒܪܹܗ: ܠܸܒ̣ܢܝܼ ܒܪܹܗ.

³⁰ܫܲܡܥܝܼ ܒܪܹܗ: ܥܲܙܵܐ ܒܪܹܗ: ܫܡܲܥܝܵܐ ܒܪܹܗ: ܥܫܵܢܵܐ ܒܪܹܗ.

³¹ܘܗܵܠܹܝܢ ܟܠܗܘܿܢ ܕܐܲܩܝܼܡ ܕܵܘܝܼܕ݂ ܕܢܸܗܘܘܿܢ ܡܫܲܡܫܝܼܢ ܒܒܲܝܬܹ̇ܗ ܕܡܵܪܝܵܐ: ܒܕ݂ܘܼܟ̇ܬ̣ܵܐ ܕܣܝܼܡܵܐ ܬܲܡܵܢ ܩܹܒ̣ܘܿܬ̣ܵܐ.

³²ܘܢܸܗܘܘܿܢ ܡܫܲܡܫܝܼܢ ܩܕ݂ܵܡ ܡܵܪܝܵܐ ܒܡܲܫܟܲܢܙܲܒ̣ܢܵܐ: ܒܬܸܫ̈ܒ̇ܚܵܬ̣ܵܐ ܪܵܘ̱ܪ̈ܒ̣ܵܬ̣ܵܐ: ܥܕܲܡܵܐ ܕܲܒ̣ܢܹܐ ܫܠܹܝܡܘܿܢ ܒܲܝܬܹ̇ܗ ܕܡܵܪܝܵܐ: ܕܒ̣ܐܘܿܪܸܫܠܸܡ. ܘܐܲܩܝܼܡ ܐܸܢܘܿܢ ܐܲܝܟ݂ ܢܵܡܘܿܣܲܝ̈ܗܘܿܢ ܥܲܠ ܥܒ̣ܝܼ̈ܕ݂ܵܬ̣ܗܘܿܢ.

³³ܘܗܵܠܹܝܢ ܡܫܲܡܫܵܢܹ̈ܐ ܗܸܢܘܿܢ ܘܲܒ̣ܢܲܝ̈ܗܘܿܢ: ܡ̣ܢ ܒܢܲܝ̈ ܩܵܗܵܬ̣: ܡ̣ܢ ܫܲܪܒ̇ܬ̣ܵܐ ܕܠܹܘܵܝܹ̈ܐ: ܗܵܡܵܢ: ܘܝܘܿܐܹܝܠ ܒܲܪ ܫܡܘܼܐܹܝܠ.

³⁴ܒܲܪ ܗܲܠܩܵܢܵܐ: ܒܲܪ ܝܲܪܚܘܿܡ: ܒܲܪ ܐܲܠܝܼܾܠ: ܒܲܪ ܬܵܚܘܿ.

³⁵ܒܲܪ ܨܘܿܦ: ܒܲܪ ܗܲܠܩܵܢܵܐ: ܒܲܪ ܚܡܵܬ̣.

³⁶ܒܲܪ ܡܘܼܫܝܼ: ܒܲܪ ܗܲܠܩܵܢܵܐ: ܒܲܪ ܝܘܿܐܹܝܠ: ܒܲܪ ܥܲܙܲܪܝܵܐ: ܒܲܪ ܨܦܲܢܝܵܐ.

³⁷ܒܲܪ ܬܵܚܵܬ̣: ܒܲܪ ܐܵܣܝܼܪ: ܒܲܪ ܐܲܟ݂ܣܝܼܦ: ܒܲܪ ܩܘܿܪܚ.

³⁸ܒܲܪ ܝܲܨܗܵܪ: ܒܲܪ ܩܵܗܵܬ̣: ܒܲܪ ܠܹܘܝܼ: ܒܲܪ ܝܼܣܵܪܵܝܹܠ.

³⁹ܘܐܲܚܘܼܗܝ ܐܵܣܵܦ ܕܩܵܐܹ̇ܡ ܥܲܠ ܝܲܡܝܼܢܹܗ ܕܐܵܣܵܦ ܒܲܪ ܒܪܲܟ݂ܝܵܐ: ܒܲܪ ܫܡܲܥܝܵܐ.

⁴⁰ܒܲ ܡܝܼܟ݂ܵܐܝܹܠ: ܒܲܪ ܡܥܲܣܝܵܐ: ܒܲܪ ܡܠܲܟ݂ܝܵܐ.

⁴¹ܒܲܪ ܐܵܬ̣ܝܼ: ܒܲܪ ܙܲܪܚ: ܒܲܪ ܥܲܪܝܼܵܐ.

⁴²ܒܲܪ ܐܵܬ̣ܵܢ: ܒܲܪ ܙܸܡܵܐ: ܒܲܪ ܫܲܡܥܝܼ.

⁴³ܒܲܪ ܝܘܿܚܵܐ: ܒܲܪ ܓܸܪܫܘܿܢ: ܒܲܪ ܠܹܘܝܼ.

⁴⁴ܒܢܵܘ̈ܗܝ ܕܲܡܪܵܪܝܼ ܐܲܚܘܼܗܘܿܢ: ܕܐܲܩܝܼܡ ܥܲܠ ܣܸܡܵܠܵܐ: ܐܵܬ̣ܵܢ ܒܲܪ ܩܝܼܫܝܼ: ܒܲܪ ܥܵܡܵܪ: ܒܲܪ ܡܵܠܘܿܟ݂.

⁴⁶

⁴⁷ܒܲܪ ܡܲܚܠܝܼ: ܒܲܪ ܡܘܼܫܝܼ: ܒܲܪ ܡܪܵܪܝܼ: ܒܲܪ ܠܹܘܝܼ.

⁴⁸ܘܐܲܚܲܝ̈ܗܘܿܢ ܠܹܘܵܝܹ̈ܐ ܕܝܵܗ̄ܒ̇ܝܼܢ ܠܟ݂ܠܗܹܝܢ ܥܒ̣ܝܼ̈ܕ݂ܵܬ̣ܵܐ ܕܒܹܝܬ̣ ܡܲܫܟ̇ܢܵܐ ܕܒܹܝܬ̣ ܡܵܪܝܵܐ.

⁴⁹ܘܐܲܗܪܘܿܢ ܘܲܒ̣ܢܵܘ̈ܗܝ ܥܲܠ ܡܲܕ݂ܒ̇ܚܵܐ ܡܩܪܒ̣ܝܼܢ ܥܠܵـ̈ـܘܵܬ̣ܵܐ: ܠܟ݂ܠ ܥܒ̣̈ܝܼܕ݂ܵܬ̣ܵܐ ܕܲܩܕ݂ܘܿܫ ܩܘܼܕ݂ܫܹ̈ܐ ܠܲܡܚܲܣܵܝܘܼ ܥܲܠ ܝܼܣܪܵܝܹܠ.

⁵⁰ܘܗܵܠܹܝܢ ܒܢܵܘ̈ܗܝ ܕܐܲܗܪܘܿܢ: ܐܸܠܝܼܥܵܙܲܪ ܒܪܹܗ: ܐܲܒ̣ܝܼܫܘܿܥ ܒܪܹܗ.

⁵¹ܒܲܩܝܼ ܒܪܹܗ: ܥܲܙܝܼ ܒܪܹܗ: ܙܪܲܚܝܵܐ ܒܪܹܗ.

⁵²ܡܲܪܘܼ ܒܪܹܗ: ܐܵܡܲܪܝܵܐ ܒܪܹܗ: ܐܲܚܝܼܛܘܿܒ̣ ܒܪܹܗ.

⁵³ܨܵܕ݂ܘܿܩ ܒܪܹܗ: ܐܲܚܝܼܡܥܸܨ ܒܪܹܗ.

⁵⁴ܘܗܵܠܹܝܢ ܫܡܵܗܹ̈ܐ ܕܩܘܼܪ̈ܝܵܐ ܕܲܡܛܲܝ̈ ܥܲܠ ܫܲܪ̈ܒ̣ܵܬ̣ܵܐ ܒܲܬ̣ܚܘܼ̈ܡܲܝܗܹܝܢ: ܠܲܒ̣ܢܵܘ̈ܗܝ ܕܐܲܗܪܘܿܢ ܠܫܲܪܒ̇ܬ̣ܵܐ ܕܩܵܗܵܬ̣: ܡܸܛܠ ܕܲܠܗܘܿܢ ܡܛܵܬ̤ ܦܸܣܵܐ ܩܲܕ݂ܡܵܝܑܬ̣.

⁵⁵ܘܝܲܗ̄ܒ̣ܘ ܠܗܘܿܢ ܚܸܒ̣ܪܘܿܢ ܒܐܲܪܥܵܐ ܕܲܝܗܘܼܕ݂ܵܐ: ܘܟ݂ܠܗܘܿܢ ܟܲܦܪ̈ܘܿܢܹܐ ܕܲܚܕ݂ܵܪܹ̈ܝܗ̇ ܕܐܝܼܬ̣ ܒܐܲܪܥܵܐ ܕܲܝܗܘܼܕ݂ܵܐ.

⁵⁶ܘܲܠܟ݂ܠܗܹܝܢ ܚܲܩ̈ܠܵܬ̣ܵܐ ܕܲܩܪܝܼܬ̣ܵܐ: ܘܕܲܚܕ݂ܵܪܹ̈ܝܗ̇: ܝܲܗ̄ܒ̣ܘ ܠܟ݂ܵܠܵܒ̣ ܒܲܪ ܝܘܿܦܲܢܵܐ.

⁵⁷ܘܠܲܒ̣ܢܵܘ̈ܗܝ ܕܐܲܗܪܘܿܢ: ܝܲܗ̄ܒ̣ܘ ܠܟ݂ܠܗܹܝܢ ܩܘܼܪ̈ܝܵܐ ܕܲܡܫܵܘܙܒ̣ܘܼܬ̣ܵܐ. ܝܲܗ̄ܒ̣ܘ ܠܟ݂ܵܗܢܹ̈ܐ: ܠܚܸܒ̣ܪܘܿܢ ܘܲܠܟܲܦܪ̈ܘܿܢܹܝܗ̇ ܘܲܠܠܸܒ̣ܢܵܐ ܘܲܠܟܲܦܪ̈ܘܿܢܹܝܗ̇: ܘܲܠܝܵܬ̣ܵܪ ܘܲܠܟܲܦܪ̈ܘܿܢܹܝܗ̇: ܘܠܲܠܚܸܡ ܘܲܠܟܲܦܪ̈ܘܿܢܹܝܗ̇.

⁵⁸ܘܠܸܐܫܬ̇ܡܘܿܥ ܘܲܠܟܲܦܪ̈ܘܿܢܹܝܗ̇: ܘܲܠܕ݂ܵܒ̣ܝܼܪ ܘܲܠܟܲܦܪ̈ܘܿܢܹܝܗ̇.

⁵⁹ܘܲܠܥܵܫܵܢ ܘܲܠܟܲܦܪ̈ܘܿܢܹܝܗ̇: ܘܲܠܥܸܛܪܵܐ ܘܲܠܟܲܦܪ̈ܘܿܢܹܝܗ̇: ܘܲܠܒܹܝܬ̣ ܫܡܸܫ ܘܲܠܟܲܦܪ̈ܘܿܢܹܝܗ̇.

⁶⁰ܡ̣ܢ ܫܲܒ̣ܛܵܐ ܕܒܸܢܝܵܡܹܝܢ: ܝܲܗ̄ܒ̣ܘ ܓܒܲܥ ܘܟܲܦܪ̈ܘܿܢܹܝܗ̇: ܥܲܠܡܘܼܬ̣ ܘܟܲܦܪ̈ܘܿܢܹܝܗ̇: ܥܢܵܬ̣ܘܿܬ̣ ܘܟܲܦܪ̈ܘܿܢܹܝܗ̇ ܟܠܗܹܝܢ ܩܘܼܪ̈ܝܵܐ: ܬܠܵܬ̣ܥܸܣܪܹ̈ܐ ܠܫܲܪ̈ܒ̣ܵܬ̣ܗܘܿܢ.

⁶¹ܘܠܲܒ̣ܢܵܘ̈ܗܝ ܕܩܵܗܵܬ̣ ܕܝܼܪܸܬ̣ܘ ܡ̣ܢ ܫܲܒ̣ܛܵܐ ܕܲܡܢܲܫܹܐ: ܒܡܸܢܝܵܢܵܐ ܩܘܼܪ̈ܝܵܐ ܥܣܲܪ.

⁶²ܘܲܒ̣ܢܵܘ̈ܗܝ ܕܓܸܪܫܘܿܢ ܠܫܲܪ̈ܒ̣ܵܬ̣ܗܘܿܢ: ܡ̣ܢ ܫܲܒ̣ܛܵܐ ܕܐܝܼܣܵܟ݂ܵܪ: ܘܡ̣ܢ ܫܲܒ̣ܛܵܐ ܕܒܹܝܬ̣ ܐܵܫܹܝܪ: ܘܡ̣ܢ ܫܲܒ̣ܛܵܐ ܕܲܡܢܲܫܹܐ: ܘܡ̣ܢ ܫܲܒ̣ܛܵܐ ܕܒܹܝܬ̣ ܢܲܦ̮ܬܵܠܝܼ: ܒܡܲܬ̣ܢܝܼܢ ܩܘܼܪ̈ܝܵܐ ܬܠܵܬ̣ܥܸܣܪܹ̈ܐ.

⁶³ܠܲܒ̣ܢܵܘ̈ܗܝ ܕܲܡܪܵܪܝܼ ܠܫܲܪ̈ܒ̣ܵܬ̣ܗܘܿܢ: ܡ̣ܢ ܫܲܒ̣ܛܵܐ ܕܒܹܝܬ̣ ܪܘܼܒܹܝܠ: ܘܡ̣ܢ ܫܲܒ̣ܛܵܐ ܕܲܒ̣ܢܲܝ̈ ܕܵܢ: ܘܡ̣ܢ ܫܲܒ̣ܛܵܐ ܕܲܒ̣ܢܲܝ̈ ܙܒ̣ܘܿܠܘܿܢ: ܒܡܸܢܝܵܢܵܐ ܩܘܼܪ̈ܝܵܐ ܬܲܪܬܲܥܸܣܪܹ̈ܐ.

⁶⁴ܝܲܗ̄ܒ̣ܘ ܒܢܲܝ̈ ܝܼܣܪܵܝܹܠ ܠܠܹܘܵܝܹ̈ܐ: ܩܘܼܪ̈ܝܵܐ ܗܵܠܹܝܢ ܘܟܲܦܪ̈ܘܿܢܲܝܗܹܝܢ.

⁶⁵ܘܝܲܗ̄ܒ̣ܘ ܡ̣ܢ ܫܲܒ̣ܛܵܐ ܕܒܹܝܬ̣ ܝܼܗܘܼܕ݂ܵܐ: ܘܡ̣ܢ ܫܲܒ̣ܛܵܐ ܕܲܒ̣ܢܲܝ̈ ܫܸܡܥܘܿܢ: ܘܡ̣̤ ܫܲܒ̣ܛܵܐ ܕܒܸܢܝܵܡܹܝܢ: ܩܘܼܪ̈ܝܵܐ ܗܵܠܹܝܢ ܕܩܵܪܹܝܢ ܗ̄ܘ̣ܵܘ ܠܗܹܝܢ: ܒܫܸܡ ܫܲܪ̈ܒ̣ܵܬ̣ܵܐ ܕܲܒ̣ܢܲܝ̈ ܩܵܗܵܬ̣.

⁶⁶ܘܲܗ̤ܘܲܝ̈ ܩܘܼܪ̈ܝܵܐ ܘܲܬ̣ܚܘܼ̈ܡܲܝܗܹܝܢ: ܡ̣ܢ ܫܲܒ̣ܛܵܐ ܕܒܹܝܬ̣ ܐܲܦܪܹܝܡ.

⁶⁷ܘܝܲܗ̄ܒ̣ܘ ܠܗܘܿܢ ܠܩܘܼܪ̈ܝܵܐ ܕܲܡܫܵܘܙܒ̣ܘܼܬ̣ܵܐ: ܠܲܫܟܹܝܡ ܘܲܠܟܲܦܪ̈ܘܿܢܹܝܗ̇ ܒܛܘܼܪܵܐ ܕܫܲܒ̣ܛܵܐ ܐܲܦܪܹܝܡ: ܘܲܠܝܲܥܙܝܼܪ ܘܲܠܟܲܦܪ̈ܘܿܢܹܝܗ̇.

⁶⁸ܘܲܠܒܹܝܬ̣ ܚܵܘܪܵܢ ܘܲܠܟܲܦܪ̈ܘܿܢܹܝܗ̇.

⁶⁹ܘܲܠܐܝܼܠܘܿܢ ܘܲܠܟܲܦܪ̈ܘܿܢܹܝܗ̇: ܘܲܠܓܸܬ̣ܪܸܡܘܿܢ ܘܲܠܟܲܦܪ̈ܘܿܢܹܝܗ̇.

⁷⁰ܘܡ̣ܢ ܦܸܠܓ̇ܘܼܬ̣ ܫܲܒ̣ܛܵܐ ܕܲܡܢܲܫܹܐ: ܝܲܗ̄ܒ̣ܘ ܥܢܵܬ̣ ܘܟܲܦܪ̈ܘܿܢܹܝܗ̇: ܘܝܲܒ̣ܠܝܼܢ ܘܟܲܦܪ̈ܘܿܢܹܝܗ̇: ܘܲܠܫܲܪܒ̇ܬ̣ܵܐ ܕܲܒ̣ܢܲܝ̈ ܩܵܗܵܬ̣: ܕܝܼܪܸܬ̣ܘ.

⁷¹ܘܠܲܒ̣ܢܵܘ̈ܗܝ ܕܓܸܪܫܘܿܢ ܡ̣ܢ ܦܸܠܓܘܼܬ̣ ܫܲܒ̣ܛܵܐ ܕܲܡܢܲܫܹܐ: ܥܘܵܠܵܢ ܕܲܒ̣ܡܲܬ̣ܢܝܼܢ ܘܟܲܦܪ̈ܘܿܢܹܝܗ̇: ܘܥܲܫܬ̇ܘܿܪ ܘܟܲܦܪ̈ܘܿܢܹܝܗ̇.

⁷²ܘܡ̣ܢ ܫܲܒ̣ܛܵܐ ܕܐܝܼܣܵܟ݂ܵܪ: ܪܩܸܡ ܘܟܲܦܪ̈ܘܿܢܹܝܗ̇: ܕܲܒ̣ܪܘܼܬ̣ ܘܟܲܦܪ̈ܘܿܢܹܝܗ̇.

⁷³ܥܝܼܠܵܡ ܘܟܲܦܪ̈ܘܿܢܹܝܗ̇.

⁷⁴ܘܡ̣ܢ ܫܲܒ̣ܛܵܐ ܕܒܹܝܬ̣ ܐܵܫܹܝܪ: ܡܵܫܵܠ ܘܟܲܦܪ̈ܘܿܢܹܝܗ̇ ܥܒ̣ܪܘܿܢ ܘܟܲܦܪ̈ܘܿܢܹܝܗ̇.

⁷⁵ܥܩܝܼܩ ܘܟܲܦܪ̈ܘܿܢܹܝܗ̇: ܕܵܗܵܒ̣ ܘܟܲܦܪ̈ܘܿܢܹܝܗ̇.

⁷⁶ܘܡ̣ܢ ܫܲܒ̣ܛܵܐ ܕܒܹܝܬ̣ ܢܲܦ̮ܬܵܠܝܼ: ܪܩܸܡ ܕܒܲܓ̣ܠܝܼܠܵܐ ܘܟܲܦܪ̈ܘܿܢܹܝܗ̇: ܗܵܡܘܿܢ ܘܟܲܦܪ̈ܘܿܢܹܝܗ̇: ܩܘܼܪܝܲܬ̇ܝܼܡ ܘܟܲܦܪ̈ܘܿܢܹܝܗ̇.

⁷⁷ܡ̣ܢ ܫܲܒ̣ܛܵܐ ܕܒܹܝܬ̣ ܡܪܵܪܝܼ: ܕܝܼܪܸܬ̣ܘ ܡ̣ܢ ܫܲܒ̣ܛܵܐ ܕܒܹܝܬ̣ ܙܒ̣ܘܿܠܘܿܢ: ܐܲܪܡܘܿܢܝܼ ܘܟܲܦܪ̈ܘܿܢܹܝܗ̇: ܬܵܒ̣ܘܿܪ ܘܟܲܦܪ̈ܘܿܢܹܝܗ̇.

⁷⁸ܘܲܒ̣ܥܸܒ̣ܪܵܐ ܕܝܘܿܪܕ̇ܢܵܢ ܕܐܝܼܪܝܼܚܘܿ ܡ̣ܢ ܡܲܕ݂ܢܵܚܲܝ̈ ܝܘܿܪܕ̇ܢܵܢ: ܡ̣ܢ ܫܲܒ̣ܛܵܐ ܕܒܹܝܬ̣ ܪܘܼܒܹܝܠ: ܒܘܿܨܵܪ ܕܲܒ̣ܡܲܕ݂ܒ̇ܪܵܐ ܘܟܲܦܪ̈ܘܿܢܹܝܗ̇: ܡܦܘܿܦܲܬ̣ ܘܟܲܦܪ̈ܘܿܢܹܝܗ̇: ܝܵܗܵܨ ܘܟܲܦܪ̈ܘܿܢܹܝܗ̇.

⁷⁹ܩܲܕ݂ܡܘܼܬ̣ ܘܟܲܦܪ̈ܘܿܢܹܝܗ̇: ܡܵܘܥܦܲܬ̣ ܘܟܲܦܪ̈ܘܿܢܹܝܗ̇.

⁸⁰ܪܲܡܘܼܬ̣ ܘܟܲܦܪ̈ܘܿܢܹܝܗ̇: ܡܲܚܠܲܡ ܘܟܲܦܪ̈ܘܼܢܹܝܗ̇.

⁸¹ܝܲܥܙܝܼܪ ܘܟܲܦܪ̈ܘܿܢܹܝܗ̇: ܚܸܫܒ̇ܘܿܢ ܘܟܲܦܪ̈ܘܿܢܹܝܗ̇.