Read Aramaic Peshita 1 Chronicles 7 Bible Online

1 Chronicles 7 - Aramaic Peshita bible

1 Chronicles 7

¹ܒܢܵܘ̈ܗܝ ܕܐܝܼܣܵܟ݂ܵܪ: ܬܘܿܠܵܥ: ܘܦܘܿܐܵܐ: ܘܫܘܿܒ̣: ܘܫܸܡܪܘܿܢ. ܗܵܠܹܝܢ ܐܲܪܒ̇ܥܵܐ ܒܢܵܘ̈ܗܝ.

²ܒܢܲܝ̈ ܬܘܿܠܵܥ: ܥܲܙܝܼ: ܐܲܪܦܵܝܵܐ: ܝܘܿܐܹܝܠ: ܠܲܚܡܝܼ: ܘܝܲܒ̣ܣܲܡ: ܘܲܫܡܘܼܐܹܝܠ: ܪܹ̈ܫܲܝ ܒܹܝܬ̣ ܐܲܒ̣ܵܗܵܬ̣̈ܗܘܿܢ. ܘܗܵܠܹܝܢ ܒܢܵܘ̈ܗܝ ܕܬ̣ܘܿܠܵܥ: ܓܲܢ̄ܒܵܪ̈ܲܝ ܚܲܝܠܵܐ: ܠܫܲܪ̈ܒ̣ܵܬ̣ܗܘܿܢ ܠܬ̣ܵܘ̈ܠܕ݂ܵܬ̣ܗܘܿܢ: ܒܡܸܢܝܵܢܗܘܿܢ: ܘܲܒ̣ܝܵܘܡܵܘ̈ܗܝ ܕܕ݂ܵܘܝܼܕ݂ ܥܸܣܪܝܼܢ ܘܲܬ̣ܪܹܝܢ ܐܲܠܦ̈ܝܼܢ ܘܫܸܬ̣ܡܵܐܐ.

³ܘܲܒ̣ܢܵܘ̈ܗܝ ܕܥܘܿܙ: ܐܝܼܙܲܪܚܵܢ ܘܲܒ̣ܢܵܘ̈ܗܝ ܕܐܝܼܙܲܪܚܵܢ: ܡܲܠܟܵܐܝܹܠ: ܘܥܘܿܒܲܕ݂ܝܵܐ: ܘܝܘܿܐܹܝܠ: ܘܐܝܼܫܘܵܐ.

⁴ܐܲܪܒ̇ܥܵܐ ܪܹ̈ܫܲܝ ܟܠܗܹܝܢ ܫܲܪ̈ܒ̣ܵܬ̣ܗܘܿܢ ܠܒܹܝܬ̣ ܐܲܒ̣ܵܗܲܝ̈ܗܘܿܢ: ܓܲܢ̄ܒܵܪ̈ܲܝ ܚܲܝܠܵܐ: ܘܥܵܒ̣̈ܕܲܝ ܩܪܵܒ̣ܵܐ: ܬܠܵܬ̣ܝܼܢ ܘܸܫܬܵܐ ܐܲܠܦ̈ܝܼܢ ܡܸܛܠ ܕܲܣܓ̣ܝܼܘ ܗܸܢܘܿܢ ܘܢܸܫܲܝ̈ܗܘܿܢ: ܘܲܒ̣ܢܲܝ̈ܗܘܿܢ: ܘܐܲܚܲܝ̈ܗܘܿܢ.

⁵ܟܠ ܫܲܪ̈ܒ̣ܵܬ̣ܵܐ ܕܒܹܝܬ̣ ܐܝܵܣܵܟ݂ܵܪ ܓܲܢ̄ܒܵܪ̈ܲܝ ܚܲܝܠܵܐ: ܬܡܵܢܐܝܼܢ ܘܫܲܒ̣ܥܵܐ ܐܲܠܦ̈ܝܼܢ.

⁶ܘܗܵܠܹܝܢ ܫܡܵܗܹ̈ܐ ܕܲܒ̣ܢܲܝ̈ ܒܸܢܝܵܡܹܝܢ: ܒܵܠܵܥ: ܘܐܲܟ݂ܒܵܪ: ܘܲܐܫܟܵܠ: ܘܓܸܪܵܐ: ܘܢܲܥܡܵܢ: ܘܐܲܚܝܼ ܘܐܵܘܪܘܿܫ: ܘܡܵܦܝܼ: ܘܚܝܼܬ̣ܝܼܡ: ܘܐܵܕ݂ܵܪ.

⁷ܘܲܒ̣ܢܵܘ̈ܗܝ ܕܒ̣ܵܠܵܥ: ܐܲܨܒ̇ܥܘܿܢ: ܘܥܲܙܝܼ: ܘܙܵܐܹܝܠ: ܘܝܲܪܡܘܼܬ̣: ܘܥܲܙܝܼ: ܚܲܡܫܵܐ ܪܹ̈ܫܲܝ ܒܹܝܬ̣ ܐܲܒ̣ܵـ̈ـܗܵܬ̣ܵܐ: ܓܲܢ̄ܒܵܪ̈ܲܝ ܚܲܝܠܵܐ. ܘܲܗܘ̤ܵܐ ܡܸܢܝܵܢܗܘܿܢ: ܥܸܣܪܝܼܢ ܘܲܬ̣ܪܹܝܢ ܐܲܠܦ̈ܝܼܢ ܘܲܬ̣ܠܵܬ̣ܝܼܢ ܘܐܲܪܒ̇ܥܵܐ.

⁸ܘܲܒ̣ܢܵܘ̈ܗܝ ܕܐܲܟ݂ܒܵܪ: ܙܡܘܿܪܵܐ: ܘܝܲܥܘܿܫ: ܘܐܹܠܝܼܥܵܙܲܪ: ܘܐܸܠܥܵܢܝܼ: ܘܥܲܡܪܝܼ: ܘܝܲܪܡܘܼܬ̣: ܘܐܲܒ̣ܝܼܵܐ: ܘܲܥܢܵܬ̣ܘܿܬ̣: ܘܥܲܠܡܘܼܬ̣ ܗܵܠܹܝܢ ܟܠܗܘܿܢ ܒܢܵܘ̈ܗܝ ܕܐܲܟ݂ܒܵܪ.

⁹ܘܲܗܘ̤ܵܐ ܚܘܼܫܒܵܢܗܘܿܢ ܠܫܲܪ̈ܒ̣ܵܬ̣ܗܘܿܢ: ܠܪܹ̈ܫܲܝ ܒܹܝܬ̣ ܐܲܒ̣ܵܗܲܝ̈ܗܘܿܢ: ܠܬ̣ܵܘ̈ܠܕ݂ܵܬ̣ܗܘܿܢ: ܓܲܢܵܒܵܪ̈ܲܝ ܚܲܝܠܵܐ: ܥܸܣܪܝܼܢ ܘܲܬ̣ܪܹܝܢ ܐܲܠܦ̈ܝܼܢ ܘܡܲܐܬܹ̇ܝܢ.

¹⁰ܗܵܠܹܝܢ ܒܢܵܘ̈ܗܝ ܕܐܲܫܟ̇ܘܿܠ: ܒܲܠܗܵܢ. ܘܲܒ̣ܢܵܘ̈ܗܝ ܕܒܲܠܗܵܢ: ܝܲܥܘܿܫ: ܘܒܸܢܝܵܡܹܝܢ: ܘܐܝܼܗܘܿܪ: ܘܲܟ݂ܢܲܥܢܵܝܵܐ: ܘܙܲܝܬ̇ܘܿܢ: ܘܬܲܪܫܝܼܫ: ܘܐܲܚܫܪܲܚ.

¹¹ܟܠܗܘܿܢ ܗܵܠܹܝܢ ܒܢܵܘ̈ܗܝ ܕܐܲܫܟ̇ܘܿܠ ܠܪܹܫ ܐܲܒ̣ܵܗܵܬ̣̈ܗܘܿܢ: ܓܲܢ̄ܒܵܪ̈ܲܝ ܚܲܝܠܵܐ: ܫܒܲܬܲܥܣܲܪ ܐܲܠܦ̈ܝܼܢ ܘܡܲܐܬܹ̇ܝܢ ܕܢܵܦ̇ܩܝܼܢ ܒܚܲܝܠܵܐ ܒܲܩܪܵܒ̣ܵܐ.

¹²ܘܫܵܦܵܢ ܘܲܚܦܝܼܣ: ܒܢܵܘ̈ܗܝ ܕܥܘܼܕ݂: ܒܢܲܝ̈ ܚܘܿܫܵܐ.

¹³ܒܢܲܝ̈ ܢܲܦ̮ܬܵܠܝܼ: ܝܲܨܗܵܐܹܝܠ: ܘܓ̣ܘܿܢܝܼ: ܘܢܵܨܵܪ: ܘܫܵܠܘܿܡ ܗܵܠܹܝܢ ܒܢܹ̈ܝܗ̇ ܕܒܲܠܗܵܐ.

¹⁴ܒܢܵܘ̈ܗܝ ܕܲܡܢܲܫܸܐ ܕܝܸܠܕܲܬ̤ ܠܹܗ ܕܪܘܼܟ݂ܬܹ̇ܗ: ܐܝܼܣܲܪܟܸ̇ܠ ܘܐܲܕ݂ܘܿܢܝܼܵܐ ܘܝܸܠܕܲܬ̤ ܠܡܵܟ݂ܝܼܪ ܐܲܒ̣ܘܼܗܝ ܕܓܸܠܥܵܕ݂.

¹⁵ܘܡܵܟ݂ܝܼܪ ܢܣܲܒ̣ ܐܲܢ̄ܬ̇ܬ̣ܵܐ ܚܕ݂ܵܐ ܒܲܪܬ̣ ܪܵܘ̱ܪ̈ܒ̣ܵܢܹܐ. ܘܲܫܡܵܐ ܕܚܵܬ̣ܵܗ̇ ܡܲܠܟܵܐ. ܘܲܫܡܵܐ ܕܐܲܚܘܼܗܝ ܩܲܫܝܼܫܵܐ ܨܸܠܦܚܲܕ݂. ܘܲܠܨܸܠܦܚܲܕ݂ ܠܵܐ ܗܘ̤ܵܘ ܠܹܗ ܒ̈ܢܲܝܵܐ: ܐܸܠܵܐ ܒ̈ܢܵܬ̣ܵܐ.

¹⁶ܘܐܵܦ ܡܲܥܟܵܐ ܐܸܡܹܗ ܕܡܵܟ݂ܝܼܪ: ܝܸܠܕܲܬ̤ ܒܪܵܐ: ܘܲܩܪܵܬ̤ ܫܡܹܗ ܦܪܸܫ. ܘܲܫܡܵܐ ܕܐܲܚܘܼܗܝ ܫܪܸܫ.

¹⁷ܘܲܒ̣ܢܵܘ̈ܗܝ ܕܐܲܠܘܿܡ ܪܩܸܡ ܘܲܒ̣ܢܵܘ̈ܗܝ ܕܲܪܩܸܡ ܒܵܪܵܢ. ܗܵܠܹܝܢ ܒܢܵܘ̈ܗܝ ܕܓܸܠܥܵܕ݂ ܒܲܪ ܡܵܟ݂ܝܼܪ ܒܲܪ ܡܢܲܫܸܐ.

¹⁸ܘܚܵܬܹܗ ܡܲܥܟܵܐ ܝܸܠܕܲܬ̤ ܠܐܲܫܚܘܿܪ ܘܠܲܐܒ̣ܝܼܥܵܙܲܪ.

¹⁹ܘܠܲܫܡܝܼܪܵܐ ܘܠܲܐܥܠܹܝܢܘܿܢ: ܘܲܠܫܹܝܡ ܘܲܠܐܝܼܬ̣ܥܲܡ.

²⁰ܘܲܒ̣ܢܵܘ̈ܗܝ ܕܐܲܦܪܹܝܡ: ܫܘܼܬ̣ܠܵܚ: ܘܒ̣ܵܟ݂ܵܪ ܒܪܹܗ: ܘܬ̣ܵܚܵܬ̣ ܒܪܹܗ: ܘܐܸܠܕܲܥܵܐ ܒܪܹܗ: ܘܐܵܚܵܬ̣ ܒܪܹܗ.

²¹ܘܙܵܒ̣ܘܿܪ ܒܪܹܗ: ܘܫܘܼܬ̣ܠܵܚ ܒܪܹܗ: ܘܠܵܥܵܙܲܪ ܒܪܹܗ: ܐ̄ܢܵܫܵܐ ܒܢܲܝ̈ ܓܵܬ̣ ܕܐܸܬ̣̱ܝܼܠܸܕ݂ܘ ܒܐܲܪܥܵܐ: ܢܚܸܬ̣ܘ ܗ̄ܘ̣ܵܘ ܠܡܸܣܲܒ̣ ܢܸܟ݂ܣܲܝ̈ܗܘܿܢ.

²²ܘܡܸܬ̣ܐ̱ܒܸܠ ܗ̄ܘ̣ܵܐ ܐܲܦܪܹܝܡ ܐܲܒ̣ܘܼܗܘܿܢ ܝܵܘ̈ܡܵܬ̣ܵܐ ܣܲܓ̇ܝܼ̈ܐܹܐ ܘܐܸܬ̣ܵܘ ܗ̄ܘ̣ܵܘ ܐܲܚܵܘ̈ܗܝ ܠܲܡܒܲܝܲܐܘܼܬܹܗ: ܘܲܠܡܸܡܠܵܐ ܒܠܸܒܹ̇ܗ.

²³ܘܐܸܬ̣ܵܐ ܠܘܵܬ̣ ܐܲܢ̄ܬ̇ܬܹܗ ܘܒܸܛܢܲܬ̤ ܗ̄ܘ̣ܵܬ̣: ܘܝܸܠܕܲܬ̤ ܒܪܵܐ. ܘܲܩܪܵܬ̤ ܫܡܹܗ ܒܪܝܼܥܵܐ: ܡܸܛܠ ܕܒ̣ܝܼܫ ܗ̄ܘ̣ܵܐ ܠܵܗ̇ ܒܒܲܝܬܹ̇ܗ.

²⁴ܘܒܲܪܬ̣ܵܗ̇ ܕܐܸܫܬܲܚܪܲܬ̤ ܒܹܝܬ̣ ܚܘܿܪܵܢ ܬܲܚܬܵܝܬܵܐ ܘܥܸܠܵܝܬܵܐ: ܘܟ݂ܠܗܹܝܢ ܗܵܠܹܝܢ ܕܐܸܫܬ̇ܚܲܪ: ܐܲܣܝܲܬ̤ ܒܲܪܬ̣ܵܗ̇.

²⁵ܡܸܛܠ ܕܐܵܣܝܼܬ̣ܵܐ ܗ̄ܘ̣ܵܬ̣: ܘܡܲܐܣܝܲܬ̣ ܟܪ̈ܝܼܗܝܼܢ.

²⁶ܘܐܲܣܝܲܬ̤ ܠܥܲܕܵܢ ܒܲܪ ܥܲܡܝܼܗܘܿܕ݂.

²⁷ܡ̣ܢ ܒܢܵܘ̈ܗܝ ܕܐܲܢܘܿܢ ܐܲܒ̣ܘܼܗܝ ܕܗܘܿܫܵܥ.

²⁸ܘܝܘܼܪܬܵܢܗܘܿܢ ܘܥܲܪ̈ܣܵܬ̣ܗܘܿܢ ܒܹܝܬ̣ܐܹܝܠ: ܘܟܲܦܪ̈ܘܿܢܹܝܗ̇: ܘܲܫܟܹܝܡ ܘܟܲܦܪ̈ܘܿܢܹܝܗ̇: ܘܲܥܢܵܬ̣ ܘܟܲܦܪ̈ܘܿܢܹܝܗ̇.

²⁹ܥܲܠ ܬܚܘܼܡܵܐ ܕܲܒ̣ܢܲܝ̈ ܡܢܲܫܹܐ: ܒܹܝܬ̣ ܫܟܹܝܡ ܘܟܲܦܪ̈ܘܿܢܹܝܗ̇: ܬܲܥܢܵܟ݂ ܘܟܲܦܪ̈ܘܿܢܹܝܗ̇: ܘܡܲܓܕ̇ܘܿ ܘܟܲܦܪ̈ܘܿܢܹܝܗ̇: ܕܘܿܪ ܘܟܲܦܪ̈ܘܿܢܹܝܗ̇. ܐܲܝܟ݂ ܗܵܠܹܝܢ ܩܘܼܪ̈ܝܵܐ ܐܵܘܬܸ̇ܒ̣ܘ ܒܢܲܝ̈ ܝܵܘܣܸܦ ܒܲܪ ܝܼܣܪܵܝܹܠ.

³⁰ܒܢܵܘ̈ܗܝ ܕܐܵܫܹܝܪ: ܝܲܡܢܵܐ: ܘܲܫܘܵܐ: ܘܲܫܘܝܼ: ܘܲܒ̣ܪܝܼܥܵܐ: ܘܣܵܪܵܚ ܚܵܬ̣ܗܘܿܢ.

³¹ܘܲܒ̣ܢܲܝ̈ ܒܪܝܼܥܵܐ: ܚܵܒ̣ܵܪ: ܘܡܲܠܟܹ̇ܝܠ: ܕܗ̤ܘ ܐܲܒ̣ܘܼܗܝ ܕܒܲܪ ܙܝܼܬ̣.

³²ܘܚܵܒ̣ܵܪ ܐܵܘܠܸܕ݂ ܠܲܦܠܸܛ: ܘܲܠܫܵܡܝܼܪ: ܘܲܠܚܵܬ̣ܘܿܡ: ܘܲܠܫܘܿܥ ܚܵܬ̣ܗܘܿܢ.

³³ܘܲܒ̣ܢܵܘ̈ܗܝ ܕܲܦܠܸܛ: ܦܲܐܣܵܟ݂: ܘܒܸܡܗܲܠ: ܘܲܥܫܘܿܬ̣: ܗܵܠܹܝܢ ܒܢܵܘ̈ܗܝ ܕܲܦܠܸܛ.

³⁴ܐܵܪܵܚ: ܚܢܵܢܵܐܹܝܠ.

³⁵ܗܵܠܹܝܢ ܒܢܵܘ̈ܗܝ ܕܐܵܫܹܝܪ: ܪܹ̈ܫܲܝ ܒܹܝܬ̣ ܐܲܒ̣ܵܗܵܬ̣̈ܗܘܿܢ: ܒܕܲܪ̈ܲܝܗܘܿܢ ܓܲܢ̄ܒܵܪ̈ܲܝ ܚܝ̈ܠܹܐ: ܪܹ̈ܫܲܝ ܪܵܘ̱ܪ̈ܒ̣ܵܢܹܐ: ܕܲܗܘ̤ܵܐ ܚܘܼܫܒܵܢܗܘܿܢ ܒܚܲܝܠܵܐ ܕܲܩܪܵܒ̣ܵܐ ܒܡܸܢܝܵܢܗܘܿܢ: ܓܲܒ̣ܪܹ̈ܐ ܥܸܣܪܝܼܢ ܘܸܫܬܵܐ ܐܲܠܦ̈ܝܼܢ.