Read Aramaic Peshita 1 Chronicles 9 Bible Online

1 Chronicles 9 - Aramaic Peshita bible

1 Chronicles 9

¹ܘܐܸܬ̣ܚܲܫܲܒ̣ܘ ܟܠܗܘܿܢ ܒܢܲܝ̈ ܝܼܣܪܵܝܹܠ ܘܲܒ̣ܢܲܝ̈ ܝܼܗܘܼܕ݂ܵܐ: ܥܵܘܼܠܵܐ ܗܸܢܘܿܢ ܕܓܲܠܝܼܘ ܠܒ̣ܵܒܹܠ ܒܥܵܘܿܠܘܼܬ̣ܗܘܿܢ.

²ܘܲܕ݂ܝܵܬ̣ܒ̇ܝܼܢ ܗ̄ܘ̣ܵܘ ܩܲܕ݂ܡܵܝܑܬ̣ ܒܝܵܪܬ̇ܘܼܬ̣ܗܘܿܢ: ܘܲܒ̣ܩܘܼܪ̈ܝܼܗܘܿܢ ܝܼܣܪܵܝܹܠ: ܘܟ݂ܵܗ̈ܢܹܐ: ܘܠܹܘܵܝܹ̈ܐ: ܘܓ̣ܝܼܘܿܪܹ̈ܐ.

³ܘܒ̣ܐܘܿܪܸܫܠܸܡ ܝܵܬ̣ܒ̇ܝܼܢ ܗ̄ܘ̣ܵܘ: ܡ̣ܢ ܝܼܗܘܼܕ݂ܵܐ: ܘܡ̣ܢ ܒܢܲܝ̈ ܒܸܢܝܵܡܹܝܢ: ܘܡ̣ܢ ܒܢܲܝ̈ ܐܲܦܪܹܝܡ: ܘܡ̣ܢ ܒܢܲܝ̈ ܡܢܲܫܸܐ.

⁴ܙܥܘܿܪܝܼ ܒܲܪ ܥܲܡܝܼܗܘܿܕ݂: ܒܲܪ ܥܲܡܪܝܼ: ܒܲܪ ܐܲܡܪܝܼ: ܒܲܪ ܒܸܢܝܵܡܹܝܢ: ܒܢܲܝ̈ ܦܲܪܨ: ܒܢܲܝ̈ ܝܼܗܘܼܕ݂ܵܐ.

⁵ܘܡ̣ܢ ܐܵܬ̣ܪܵܐ ܕܫܝܼܠܘܿܢܝܼܵܐ: ܥܫܵܝܵܐ ܒܘܼܟ݂ܪܹܗ: ܘܒ̣ܵܨܝܵܐ ܐܲܚܘܼܗܝ.

⁶ܘܡ̣ܢ ܒܢܲܝ̈ ܙܲܪܚ: ܝܲܥܘܵܐܹܝܠ: ܘܐܲܚܲܝ̈ܗܘܿܢ ܫܸܬ̣ܡܵܐܐ ܘܬܸܫܥܝܼܢ.

⁷ܘܡ̣ܢ ܒܢܵܘ̈ܗܝ ܕܒܸܢܝܵܡܹܝܢ: ܣܲܠܘܼ ܒܲܪ ܡܲܫܠܲܡ: ܒܲܪ ܗܘܿܕ݂ܝܼܵܐ: ܒܲܪ ܝܲܗܒܵܢܵܐ.

⁸ܘܝܘܿܟܲܢܝܵܐ ܒܲܪ ܝܲܪܚܘܿܡ ܗܵܠܹܝܢ ܒܢܲܝ̈ ܥܲܙܝܼ ܒܲܪ ܡܵܟ݂ܝܼܪ: ܘܡܲܫܠܲܡ ܒܲܪ ܐܲܪܥܘܿܒܸܠ: ܒܲܪ ܝܼܟܲܢܝܵܐ.

⁹ܘܐܲܚܲܝ̈ܗܘܿܢ ܠܫܲܪ̈ܒ̣ܵܬ̣ܗܘܿܢ: ܬܫܲܥܡܵܐܐ ܘܬܸܫܥܝܼܢ ܘܬܸܫܥܵܐ ܟܠܗܘܿܢ ܗܵܠܹܝܢ ܓܲܒ̣ܪܹ̈ܐ ܓܲܢ̄ܒܵܪ̈ܲܝ ܚܲܝܠܵܐ: ܪܹ̈ܫܲܝ ܡܲܐ̈ܘܵܬ̣ܵܐ ܠܫܲܪ̈ܒ̣ܵܬ̣ܗܘܿܢ.

¹⁰ܘܡ̣ܢ ܟܵܗ̈ܢܹܐ ܝܘܿܢܵܕ݂ܵܒ̣: ܝܘܿܕ݂ܵܥ: ܙܵܟ݂ܝܼܡ.

¹¹ܥܲܙܲܪܝܵܐ ܒܲܪ ܚܹܠܲܩܝܵܐ ܒܲܪ ܡܲܫܠܲܡ: ܒܲܪ ܨܵܕ݂ܘܿܩ: ܒܲܪ ܡܲܙܘܼ: ܒܲܪ ܐܲܚܝܼܛܘܿܒ̣: ܕܲܫܪܸܐ ܗ̄ܘ̣ܵܐ ܒܲܝܬܹ̇ܗ ܠܘܼܩܒܲܠ ܒܲܝܬܹ̇ܗ ܕܡܵܪܝܵܐ.

¹²ܘܥܲܙܲܪܝܵܐ ܒܲܪ ܝܲܪܚܘܿܡ: ܒܲܪ ܦܲܫܚܘܿܪ: ܒܲܪ ܡܠܲܟ݂ܝܵܐ: ܘܡܲܢܣܝܼ ܒܲܪ ܥܘܼܕ݂ܝܵܐܹܝܠ: ܒܲܪ ܝܘܿܚܲܢܵܢ: ܒܲܪ ܡܲܫܠܲܡ: ܒܲܪ ܡܲܫܕܵܐܘܼܬ̣: ܒܲܪ ܐܵܡܵܪ.

¹³ܘܐܲܚܲܝ̈ܗܘܿܢ ܪܹ̈ܫܹܐ ܕܒܹܝܬ̣ ܐܲܒ̣ܵܗܲܝ̈ܗܘܿܢ: ܐܵܠܹܦ ܘܲܫܒܲܥܡܵܐܐ ܘܸܫܬ̇ܝܼܢ: ܓܲܢ̄ܒܵܪ̈ܲܝ ܚܲܝܠܵܐ: ܥܵܒ̣ܕܲܝ̈ ܥܒ̣̈ܝܼܕ݂ܵܬ̣ܵܐ ܕܒܲܝܬܹ̇ܗ ܕܡܵܪܝܵܐ.

¹⁴ܘܡ̣ܢ ܠܹܘܵܝܹ̈ܐ: ܫܡܲܥܝܵܐ ܒܲܪ ܚܫܘܿܡ: ܒܲܪ ܥܙܲܪܩܝܼܡ: ܒܲܪ ܚܫܲܒ̣ܝܵܐ.

¹⁵ܡ̣ܢ ܒܢܲܝ̈ ܡܪܵܪܝܼ: ܝܲܪܚܘܿܡ ܒܲܪ ܚܕ݂ܘܿܫ: ܒܲܪ ܥܠܵܠ: ܡܬܲܢܝܵܐ ܒܲܪ ܡܝܼܟ݂ܵܐ: ܒܲܪ ܙܲܒ̣ܕ̇ܝܼ: ܒܲܪ ܐܵܣܵܦ.

¹⁶ܘܥܘܿܒܲܕ݂ܝܵܐ ܒܲܪ ܫܡܲܥܝܵܐ: ܒܲܪ ܟܠܵܠ ܒܲܪ ܝܼܪܝܼܬ̣ܘܿܢ ܘܲܒ̣ܪܲܟ݂ܝܵܐ ܒܲܪ ܐܵܣܵܦ: ܒܲܪ ܗܲܠܩܵܢܵܐ: ܕܝܵܬܹ̇ܒ̣ ܗ̄ܘ̣ܵܐ ܒܪܵܡܬ̣ܵܐ.

¹⁷ܫܵܠܘܿܡ: ܘܝܲܥܩܘܿܒ̣: ܘܛܵܠܵܢ: ܘܚܲܡܢܘܿܢ: ܘܐܲܚܝܼܗܘܿܡ: ܘܫܵܠܘܿܡ.

¹⁸ܥܕܲܡܵܐ ܠܗܵܪܟܵܐ ܬܲܪܥܵܐ ܕܡܲܠܟܵܐ ܡܲܕ݂ܢ̱ܚܵܝܵܐ. ܗܵܠܹܝܢ ܐܸܢܘܿܢ ܬܲܪ̈ܥܹܐ ܕܩܵܝ̇ܡܝܼܢ ܒܗܘܿܢ ܡܲܛܲܪܬܵܐ ܕܲܒ̣ܢܲܝ̈ ܠܹܘܝܼ.

¹⁹ܘܫܵܠܘܿܡ ܒܲܪ ܩܘܿܪܵܐ: ܒܲܪ ܐܲܟ݂ܣܝܼܦ: ܒܲܪ ܩܘܿܪܚ. ܘܐܲܚܵܘ̈ܗܝ ܘܐ̄ܢܵܫܲܝ̈ ܒܹܝܬ̣ ܐܲܒ̣ܘܼܗܝ: ܕܩܵܝܡܝܼܢ ܥܲܠ ܥܒ̣ܝܼ̈ܕ݂ܵܬ̣ܵܐ: ܘܢܵܛܪ̈ܲܝ ܬܲܪܥܹܗ ܕܡܲܫܟ̇ܢܵܐ: ܘܐܲܒ̣ܵܗܹ̈ܐ ܕܝܼܠܗܘܿܢ ܥܲܠ ܡܲܫܪܝܼܬ̣ܵܐ. ܘܗܸܢܘܿܢ ܗܘ̤ܵܘ ܢܵܛܪ̈ܲܝ ܡܲܦܩܵܢܵܐ ܘܡܲܥܠܵܢܵܐ.

²⁰ܘܦܝܼܢܚܸܣ ܒܲܪ ܐܹܠܝܼܥܵܙܲܪ: ܗܘ̤ܵܐ ܪܲܒܵܐ ܥܠܲܝܗܘܿܢ: ܡ̣ܢ ܠܘܼܩܕ݂ܵܡ: ܘܡܵܪܝܵܐ ܥܲܡܹܗ.

²¹ܙܟܲܪܝܵܐ ܒܲܪ ܡܲܫܠܲܡ: ܢܵܛܲܪ ܬܲܪܥܵܐ ܕܡܲܫܟܲܢ ܙܲܒ̣ܢܵܐ.

²²ܟܠܗܘܿܢ ܗܵܠܹܝܢ ܩܵܝܡܝܼܢ ܒܬܲܪ̈ܥܹܐ: ܒܡܸܢܝܵܢܵܐ ܡܲܐܬܹ̇ܝܢ ܘܲܬ̣ܪܸܥܣܲܪ ܗܵܠܹܝܢ ܐܸܬ̣ܚܲܫܲܒ̣ܘ ܒܕ݂ܵܪ̈ܲܝܗܘܿܢ: ܗܵܠܹܝܢ ܕܲܥܒܲܕ݂ܘ ܕܵܘܝܼܕ݂ ܘܲܫܡܘܼܐܹܝܠ ܢܒ̣ܝܼܵܐ: ܒܗܲܝܡܵܢܘܼܬ̣ܗܘܿܢ.

²³ܘܗܸܢܘܿܢ ܐܲܩܝܼܡܘ ܠܗܵܠܹܝܢ: ܠܗܘܿܢ ܘܠܲܒ̣ܢܲܝ̈ܗܘܿܢ. ܕܢܸܗܘܘܿܢ ܢܵܛܪܝܼܢ ܬܲܪ̈ܥܹܐ ܗܵܠܹܝܢ ܕܒܲܝܬܹ̇ܗ ܕܡܵܪܝܵܐ: ܘܲܠܒܹܝܬ̣ ܡܲܫܟܲܢ ܙܲܒ̣ܢܵܐ: ܘܡܲܛܪ̈ܵܬ̣ܵܐ.

²⁴ܠܐܲܪܒܲܥ ܪ̈ܘܼܚܝܼܢ ܦܬ̣ܝܼܚܝܼܢ ܗ̄ܘ̣ܵܘ ܗܵܠܹܝܢ ܬܲܪ̈ܥܹܐ: ܠܡܲܕ݂ܢ̱ܚܵܐ: ܘܲܠܡܲܥ̱ܪܒ̣ܵܐ: ܘܲܠܓܲܪܒ̇ܝܵܐ: ܘܲܠܬܲܝܡܢܵܐ.

²⁵ܘܐܲܚܲܝ̈݁ܗܘܿܢ ܗܵܠܹܝܢ ܢܵܛܪܝܼܢ ܗ̄ܘ̣ܵܘ ܒܕ݂ܵܪ̈ܲܝܗܘܿܢ: ܘܠܵܐ ܥܵܐܠܝܼܢ ܗ̄ܘ̣ܵܘ: ܐܸܠܵܐ ܚܕ݂ܵܐ ܠܫܲܒ̣ܥܵܐ ܝܵܘ̈ܡܝܼܢ: ܡ̣ܢ ܥܸܕܵܢ ܠܥܸܕܵܢ.

²⁶ܡܸܛܠ ܕܲܒ̣ܗܲܝܡܵܢܘܼܬ̣ܵܐ ܗܘ̤ܵܘ ܗܸܢܘܿܢ ܗܵܠܹܝܢ. ܡܸܛܠ ܕܥܲܠ ܐܲܪܒܲܥ ܪ̈ܘܼܚܝܼܢ ܕܬܲܪ̈ܥܹܐ ܗܵܠܹܝܢ: ܠܹܘܵܝܹ̈ܐ ܩܵܝ̇ܡܝܼܢ ܘܢܵܛܪܝܼܢ ܗ̄ܘ̣ܵܘ. ܘܗܸܢܘܿܢ ܩܵܝܡܝܼܢ ܗ̄ܘ̣ܵܘ ܥܲܠ ܥܒ̣ܝܼ̈ܕ݂ܵܬ̣ܵܐ: ܘܥܲܠ ܓܲܙܵܐ ܕܒܲܝܬܹ̇ܗ ܕܡܵܪܝܵܐ.

²⁷ܘܲܟ݂ܪܝܼܟ݂ܝܼܢ ܗ̄ܘ̣ܵܘ ܠܒܲܝܬܹ̇ܗ ܕܡܵܪܝܵܐ: ܘܒ̣ܵܝܬ̇ܝܼܢ ܡܸܛܠ ܕܗܵܕܹܐ ܗܘ̤ܵܬ̣ ܡܲܛܲܪܬ̇ܗܘܿܢ ܥܲܠ ܬܲܪ̈ܥܹܐ.

²⁸ܘܲܒ̣ܟ݂ܠ ܨܦܲܪ ܘܲܨܦܲܪ ܣܵܥܪܝܼܢ ܗ̄ܘ̣ܵܘ ܟܠܗܘܿܢ ܡܵܐܢܹ̈ܐ ܕܦܘܼܠܚܵܢܵܐ: ܡܸܛܠ ܕܲܒ̣ܡܸܢܝܵܢܵܐ ܡܲܥܠܝܼܢ ܗ̄ܘ̣ܵܘ ܠܗܘܿܢ: ܘܲܒ̣ܡܸܢܝܵܢܵܐ ܡܲܦܩܝܼܢ ܗ̄ܘ̣ܵܘ ܠܗܘܿܢ.

²⁹ܘܡܸܢܗܘܿܢ ܡ̣ܢ ܠܹܘܵܝܹ̈ܐ ܡܫܲܠܛܝܼܢ ܗ̄ܘ̣ܵܘ ܥܲܠ ܡܵܐܢܹ̈ܐ: ܘܥܲܠ ܟܠܗܹܝܢ ܥܒ̣ܝܼ̈ܕ݂ܵܬ̣ܵܐ ܕܩܘܼܕ݂ܫܵܐ: ܥܲܠ ܡܲܕ݂ܒ̇ܚܵܐ: ܘܥܲܠ ܡܵܐܢܹ̈ܐ: ܘܥܲܠ ܚܲܡܪܵܐ: ܘܥܲܠ ܡܸܫܚܵܐ: ܘܥܲܠ ܠܒ̣ܘܿܢ̄ܬܵܐ: ܘܥܲܠ ܒܸܣܡܹ̈ܐ ܕܟܲܝܵܐ.

³⁰ܘܡ̣ܢ ܒܢܲܝ̈ ܟܵܗ̈ܢܹܐ ܡܲܬ̣ܩ̄ܢܝܼܢ ܒܸܣܡܹ̈ܐ ܠܦܝܼܪ̈ܡܹܐ. ܘܡܵܘܗܲܒ̣ܬ̣ܵܐ ܡ̣ܢ ܠܹܘܵܝܹ̈ܐ ܡܸܬ̣ܝܲܗ̄ܒܵܐ ܗ̄ܘ̣ܵܬ̣.

³¹ܘܡܲܬ̣ܝܼܬ̣ܵܐ ܡ̣ܢ ܠܹܘܵܝܹ̈ܐ: ܗܘ̤ܝܘܼ ܗܘ̤ܵܐ ܒܘܼܟ݂ܪܹܗ ܕܫܵܠܘܿܡ. ܒܗܲܝܡܵܢܘܼܬ̣ܵܐ ܫܲܠܝܼܛ ܗ̄ܘ̣ܵܐ ܥܲܠ ܥܒ̣ܵܕܹ̈ܐ ܟܣܲܝܵܐ.

³²ܘܐܵܦ ܡ̣ܢ ܒܢܵܘ̈ܗܝ ܕܩܵܗܵܬ̣: ܡܫܲܠܛܝܼܢ ܗ̄ܘ̣ܵܘ ܥܲܠ ܐܲܚܲܝ̈ܗܘܿܢ: ܘܥܲܠ ܠܲܚܡܵܐ ܕܣܸܕ݂ܪܹ̈ܐ: ܠܲܡܛܲܝܵܒ̣ܘܼ ܫܵܪܘܼܬ̣ܵܐ ܕܫܲܒ̇ܬ̣ܵܐ ܒܫܲܒܬ̣ܵܐ.

³³ܘܗܵܠܹܝܢ ܡܫܲܡ̈ܫܵܢܹܐ ܪܹ̈ܫܲܝ ܐܲܒ̣ܵܗܹ̈ܐ ܕܠܹܘܵܝܹ̈ܐ: ܢܵܛܪܝܼܢ ܗ̄ܘ̣ܵܘ ܒܚܵܢ̈ܘܵܬ̣ܵܐ ܕܲܚܕ݂ܵܪ̈ܵܘܗܝ ܕܒܲܝܬܵܐ. ܡܸܛܠ ܕܗܸܢܘܿܢ ܡܫܲܠܛܝܼܢ ܗ̄ܘ̣ܵܘ ܥܲܠ ܥܒ̣ܝܼ̈ܕ݂ܵܬ̣ܵܐ: ܒܐܝܼܡܵܡܵܐ ܘܲܒ̣ܠܸܠܝܵܐ.

³⁴ܘܗܵܠܹܝܢ ܗܘ̤ܵܘ ܪܹ̈ܫܲܝ ܐܲܒ̣ܵܗܵܬ̣̈ܗܘܿܢ ܕܠܹܘܵܝܹ̈ܐ: ܒܬ̣ܵܘ̈ܠܕ݂ܵܬ̣ܗܘܿܢ: ܘܗܵܠܹܝܢ ܝܵܬ̣ܒ̇ܝܼܢ ܗ̄ܘ̣ܵܘ ܒܐܘܿܪܸܫܠܸܡ.

³⁵ܘܲܒ̣ܓܸܒ̣ܥܘܿܢ ܝܵܬܹܒ̣ ܗ̄ܘ̣ܵܐ ܐܲܒ̣ܘܼܗܝ ܕܓܸܒ̣ܥܘܿܢ ܘܲܫܡܵܐ ܕܲܒ̣ܪܹܗ ܒܘܼܟ݂ܪܹܗ: ܝܘܿܐܹܝܠ. ܘܲܫܡܵܐ ܕܐܲܢ̄ܬ̇ܬܹܗ ܡܲܥܟܵܐ.

³⁶ܘܲܒ̣ܪܹܗ ܬܸܢܝܵܢܵܐ ܥܸܒ̣ܪܘܿܢ: ܘܨܘܿܪ: ܘܩܝܼܫܘܿܢ: ܘܒ̣ܵܠܵܥ: ܘܢܝܼܪ: ܘܢܵܕ݂ܵܒ̣.

³⁷ܘܲܓ̣ܕ݂ܘܿܪ: ܘܐܲܚܝܼܵܐ: ܘܲܙܟܲܪܝܵܐ.

³⁸ܘܡܲܩܠܘܿܬ̣ ܘܡܲܩܠܘܿܬ̣ ܐܵܘܠܸܕ݂ ܠܫܲܡܲܐܨ. ܘܐܵܦ ܗܸܢܘܿܢ ܠܘܼܩܒܲܠ ܐܲܚܲܝ̈ܗܘܿܢ ܥܵܡܪܝܼܢ ܗ̄ܘ̣ܵܘ ܥܲܡ ܐܲܚܲܝ̈ܗܘܿܢ ܒܐܘܿܪܸܫܠܸܡ.

³⁹ܘܢܝܼܪ ܐܵܘܠܸܕ݂ ܠܫܝܼܩ. ܘܩܝܼܫ ܐܵܘܠܸܕ݂ ܠܫܵܐܘܿܠ ܘܫܵܐܘܿܠ ܐܵܘܠܸܕ݂ ܠܝܘܿܢܵܬ̣ܵܢ: ܘܲܠܡܲܠܟ̇ܝܼܫܘܿܥ: ܘܲܠܝܲܫܘܝܼ: ܘܠܲܐܫܒܵܫܘܿܠ.

⁴⁰ܘܲܠܝܲܫܘܝܼ ܗܘ̤ܵܐ ܒܪܵܐ: ܘܲܫܡܹܗ ܡܪܲܒ̇ܥܸܠ. ܘܲܡܪܲܒ̇ܥܸܠ ܐܵܘܠܸܕ݂ ܠܡܝܼܟ݂ܵܐ.

⁴¹ܘܲܒ̣ܢܵܘ̈ܗܝ ܕܡܝܼܟ݂ܵܐ: ܦܝܼܬ̣ܘܿܢ: ܘܐܝܼܡܠܸܟ݂: ܘܐܵܚܵܙ.

⁴²ܘܐܵܚܵܙ ܐܵܘܠܸܕ݂ ܠܝܲܥܙܲܢܝܵܐ. ܘܝܲܥܙܲܢܝܵܐ ܐܵܘܠܸܕ݂ ܠܥܲܠܡܘܿܬ̣ ܘܥܲܠܡܘܿܬ̣ ܐܵܘܠܸܕ݂ ܠܙܲܡܪܝܼ. ܘܙܲܡܪܝܼ ܐܵܘܠܸܕ݂ ܠܡܘܿܨܵܐ.

⁴³ܘܡܘܿܨܵܐ ܐܵܘܠܸܕ݂ ܠܲܟ݂ܢܲܥܢܵܝܵܐ: ܐܲܪܦܝܼܵܐ ܒܪܹܗ: ܐܵܨܵܠ ܒܪܹܗ: ܐܹܠܥܲܣܵܐ ܒܪܹܗ.

⁴⁴ܘܠܵܐܨܵܠ ܗܘ̤ܵܘ ܫܬܵܐ ܫܢ̈ܝܼܢ ܘܗܵܠܹܝܢ ܫܡܵܗܲܝ̈ܗܘܿܢ: ܥܲܙܝܼ ܒܘܼܟ݂ܪܹܗ: ܩܝܼܡ ܬܸܢܝܵܢܵܐ: ܘܐܲܫܡܲܥ ܒܪܹܗ: ܫܥܲܕ݂ܝܵܐ ܒܪܹܗ: ܥܘܿܒܲܕ݂ܝܵܐ ܒܪܹܗ: ܚܲܢܵܢ ܒܪܹܗ. ܗܵܠܹܝܢ ܒ̈ܢܲܝܵܐ ܕܐܵܨܵܠ.