Read Aramaic Peshita 2 Chronicles 29 Bible Online

2 Chronicles 29 - Aramaic Peshita bible

2 Chronicles 29

¹ܚܹܙܲܩܝܵܐ ܩܵܡ̣ ܒܡܲܠܟ̇ܘܼܬ̣ܵܐ. ܒܲܪ ܥܸܣܪܝܼܢ ܘܚܲܡܸܫ ܫܢ̈ܝܼܢ: ܐܝܼܬ̣ܵܘܗܝ ܗ̄ܘ̣ܵܐ: ܟܲܕ݂ ܩܵܡ ܒܡܲܠܟ̇ܘܼܬ̣ܵܐ ܘܥܸܣܪܝܼܢ ܘܲܬ̣ܫܲܥ ܫܢ̈ܝܼܢ ܐܲܡ̣ܠܸܟ݂ ܒܐܘܿܪܸܫܠܸܡ ܘܲܫܡܵܐ ܕܐܸܡܹܗ ܐܲܢܝܼ ܒܲܪܬ̣ ܙܟܲܪܝܵܐ.

²ܘܲܥܒܲܕ݂ ܕܫܲܦܝܼܪ ܩܕ݂ܵܡ ܡܵܪܝܵܐ: ܐܲܝܟܲܢܵܐ ܕܲܥܒܲܕ݂ ܕܵܘܝܼܕ݂ ܐܲܒ̣ܘܼܗܝ.

³ܒܫܲܢ̄ܬܵܐ ܩܲܕ݂ܡܵܝܬܵܐ ܕܡܲܠܟ̇ܘܼܬܹܗ: ܒܝܲܪܚܵܐ ܩܲܕ݂ܡܵܝܵܐ: ܦܬܲܚ̣ ܬܲܪ̈ܥܲܝ ܒܲܝܬܹ̇ܗ ܕܡܵܪܝܵܐ. ܘܲܒ̣ܕܲܩ̣ ܐܸܢܘܿܢ.

⁴ܘܐܲܝܬ̇ܝܼ ܟܵܗ̈ܢܹܐ ܘܠܹܘܵܝܹ̈ܐ. ܘܟܲܢܸܫ ܐܸܢܘܿܢ ܠܓ̣ܵܘܵܗ̇ ܕܕ݂ܵܪܬܵܐ ܕܡܲܩܕ̇ܫܵܐ.

⁵ܘܐܸܡܲܪ ܠܗܘܿܢ: ܫܘܼܡܥܘܼܢܝ ܠܹܘܵܝܹ̈ܐ: ܘܐܵܦ ܗܵܫܵܐ ܐܸܬ̣ܩܲܕܲܫܘ: ܘܩܲܕܸ̇ܫܘ ܒܲܝܬܹ̇ܗ ܕܡܵܪܝܵܐ ܐܲܠܵܗܵܐ ܕܐܲܒ̣ܵـ̈ـܗܵܬܲܢ. ܘܐܲܦܪܸܩܘ ܥܒ̣ܵܕܲܝ̈ܟ̇ܘܿܢ ܒܝܼ̈ܫܹܐ ܡ̣ܢ ܪܸ̈ܥܝܵܢܲܝܟ̇ܘܿܢ.

⁶ܘܠܵܐ ܢܸܥܒܸ̇ܕ݂ ܐܲܝܟܲܢܵܐ ܕܲܥܒܲܕ݂ܘ ܐܲܒ̣ܵـ̈ـܗܵܬܲܢ: ܕܲܥܒܲܕ݂ܘ ܕܒ̣ܝܼܫ ܩܕ݂ܵܡ ܡܵܪܝܵܐ ܐܲܠܵܗܲܢ: ܘܫܲܒ̣ܩܘܼܗܝ ܘܐܲܦܢܝܼܘ ܐܲܦܲܝ̈ܗܘܿܢ ܡ̣ܢ ܡܲܫܟ̇ܢܹܗ ܕܡܵܪܝܵܐ. ܘܐܲܟ݂ܪܸܒ̣ܘ ܩܕ݂ܵܠܲܝ̈ܗܘܿܢ: ܘܚܵܘܝܘܼܗܝ.

⁷ܘܐܵܦ ܐܸܚܲܕ݂ ܬܲܪ̈ܥܹܐ ܕܲܣܪܘܿܓ̣ܵܐ: ܘܐܲܕ݂ܥܸܟ݂ܘ ܫܪ̈ܵܓܹܐ. ܘܩܲܛܪ̈ܘܿܩܹܐ ܠܵܐ ܐܲܣܸܩ̣ܘ ܠܡܲܕ݂ܒ̇ܚܵܐ ܕܐܲܠܵܗܵܐ ܕܝܼܣܪܵܝܹܠ.

⁸ܘܲܗܘ̤ܵܐ ܪܘܼܓ̣ܙܹܗ ܕܡܵܪܝܵܐ ܥܲܠ ܝܼܗܘܼܕ݂ܵܐ ܘܥܲܠ ܐܘܿܪܸܫܠܸܡ ܘܝܲܗ̄ܒ̣ ܐܸܢܘܿܢ ܠܠܵܘܛܬ̣ܵܐ: ܘܲܠܨܲܕ݂ܝܘܼܬ̣ܵܐ: ܘܲܠܚܲܪܒܵܐ: ܐܲܝܟܲܢܵܐ ܕܚܵܙܹ̇ܝܢ ܐ̄ܢܬ̇ܘܿܢ ܒܥܲܝܢܲܝ̈ܟ̇ܘܿܢ.

²⁰ܘܩܲܕܸ̇ܡ ܚܹܙܲܩܝܵܐ ܡܲܠܟܵܐ. ܘܟܲܢܸܫ ܠܩܲܫܝܼܫܹ̈ܐ ܕܐܘܿܪܸܫܠܸܡ: ܘܥܲܠ ܠܒܲܝܬܹ̇ܗ ܕܡܵܪܝܵܐ.

²¹ܘܐܲܝܬ̇ܝܼܘ ܠܹܗ ܬܵܘܪܹ̈ܐ ܫܲܒ̣ܥܵܐ: ܘܕܸܟ݂ܪܹ̈ܐ ܫܲܒ̣ܥܵܐ: ܘܐܸܡܪܹ̈ܐ ܫܲܒ̣ܥܵܐ: ܘܨܸܦܪ̈ܵܝܹܐ ܕܥܸܙܹ̈ܐ ܫܲܒ̣ܥܵܐ: ܠܲܡܚܲܣܵܝܘܼ ܥܲܠ ܡܲܠܟ̇ܘܼܬ̣ܵܐ: ܘܥܲܠ ܝܼܗܘܼܕ݂ܵܐ: ܘܥܲܠ ܡܲܩܕ̇ܫܵܐ. ܘܐܸܡܲܪ ܠܲܒ̣ܢܵܘ̈ܗܝ ܕܐܲܗܪܘܿܢ ܟܵܗ̈ܢܹܐ: ܕܢܲܣܩܘܼܢ ܥܠܵـ̈ـܘܵܬ̣ܵܐ ܥܲܠ ܡܲܕ݂ܒ̇ܚܹܗ ܕܡܵܪܝܵܐ.

²²ܘܢܸܟ̇ܣܘܼܢ ܬܵܘܪܹ̈ܐ: ܘܲܢܩܲܒ̇ܠܘܼܢ ܟܵܗ̈ܢܹܐ ܠܕܸܡܗܘܿܢ: ܘܢܸܪܣܘܼܢ ܥܲܠ ܩܲܪ̈ܢܵܬ̣ܵܐ ܕܡܲܕ݂ܒ̇ܚܵܐ.

²³ܘܲܢܩܲܪܒ̣ܘܼܢ ܨܸܦܪ̈ܵܝܹܐ ܩܕ݂ܵܡ ܡܵܪܝܵܐ: ܘܲܩܕ݂ܵܡ ܡܲܠܟܵܐ: ܘܲܩܕ݂ܵܡ ܥܲܡܵܐ ܕܝܼܣܪܵܝܹܠ. ܘܢܸܣܡ̱ܟ݂ܘܼܢ ܐܝܼܕܲܝ̈ܗܘܿܢ ܥܠܲܝܗܘܿܢ.

²⁴ܘܢܸܟ̇ܣܘܼܢ ܐܸܢܘܿܢ ܟܵܗ̈ܢܹܐ: ܘܢܸܪܙܦܘܼܢ ܕܸܡܗܘܿܢ ܥܲܠ ܩܲܪ̈ܢܵܬ̣ܵܐ ܕܡܲܕ݂ܒ̇ܚܵܐ. ܘܲܢܚܲܣܘܿܢ ܥܲܠ ܟܠܹܗ ܝܼܣܪܵܝܹܠ ܡܸܛܠ ܕܲܠܟ݂ܠܹܗ ܝܼܣܪܵܝܹܠ ܦ̣ܩܲܕ݂ ܡܲܠܟܵܐ: ܕܢܲܝܬ̇ܘܿܢ ܥܠܵـ̈ـܘܵܬ̣ܵܐ ܘܕܸܒ̣ܚܹ̈ܐ.

²⁵ܘܐܲܩܝܼܡ ܐܸܢܘܿܢ ܠܠܹܘܵܝܹ̈ܐ ܒܒܲܝܬܹ̇ܗ ܕܡܵܪܝܵܐ: ܒܬܸܫܒ̇ـ̈ـܚܵܬ̣ܵܐ ܒܩܵܠܵܐ ܕܟܸܢܵܪܹ̈ܐ: ܘܲܒ̣ܬܸܫܒ̇ـ̈ـܚܵܬܹܗ ܕܕ݂ܵܘܝܼܕ݂: ܘܲܒ̣ܬܸܫܒ̇ـ̈ـܚܵܬܹܗ ܕܓ̣ܵܕ݂ ܢܒ̣ܝܼܵܐ ܕܡܲܠܟܵܐ ܕܵܘܝܼܕ݂: ܘܲܕ݂ܢܵܬ̣ܵܢ ܢܒ̣ܝܼܵܐ ܕܡܲܠܟܵܐ ܕܵܘܝܼܕ݂: ܡܸܛܠ ܕܲܗܘ̤ܵܐ ܕܵܘܝܼܕ݂ ܡܫܲܒܲܚ ܬܸܫܒ̇ـ̈ـܚܵܬܹܗ ܕܡܵܪܝܵܐ ܐܲܠܵܗܹܗ: ܐܲܝܟ݂ ܕܡ̣ܢ ܦܘܼܡܵܐ ܕܲܢܒ̣ܝܹ̈ܐ.

²⁶ܘܩܵܡ̣ܘ ܠܹܘܵܝܹ̈ܐ ܒܬܸܫܒ̇ـ̈ـܚܵܬܹܗ ܕܕ݂ܵܘܝܼܕ݂. ܘܟ݂ܵܗ̈ܢܹܐ ܡܝܲܒ̇ܒ̣ܝܼܢ ܗ̄ܘ̣ܵܘ ܒܩܲܪ̈ܢܵܬ̣ܵܐ ܟܦܝܼܦܵܬ̣ܵܐ ܘܲܦܫܝܼ̈ܛܵܬ̣ܵܐ.

²⁷ܘܐܸܡܲܪ ܚܹܙܲܩܝܵܐ ܠܡܲܣܵܩܘܼ ܥܠܵـ̈ـܘܵܬ̣ܵܐ ܠܡܲܕ݂ܒ̇ܚܵܐ. ܘܟܲܕ݂ ܫܲܪܝܼ ܥܠܵـ̈ـܘܵܬ̣ܵܐ ܠܡܸܣܲܩ: ܫܲܪܝܼ ܚܹܙܲܩܝܵܐ ܠܲܡܫܲܒܵܚܘܼ ܬܸܫܒ̇ܚܵܬܹ̈ܗ ܕܡܵܪܝܵܐ: ܐܲܝܟ݂ ܕܡ̣ܢ ܦܘܼܡܵܐ ܕܕ݂ܵܘܝܼܕ݂ ܡܲܠܟܵܐ ܕܝܼܣܪܵܝܹܠ.

²⁸ܘܟ݂ܠܹܗ ܥܲܡܵܐ ܕܝܼܣܪܵܝܹܠ: ܣܵܓ̣ܕ̇ܝܼܢ ܗ̄ܘ̣ܵܘ: ܘܲܡܫܲܒ̇ܚܝܼܢ ܒܬܸܫܒ̇ـ̈ـܚܵܬ̣ܵܐ: ܘܩܵܪܹܝܢ ܗ̄ܘ̣ܵܘ ܒܩܲܪ̈ܢܵܬ̣ܵܐ ܟܦܝܼ̈ܦܵܬ̣ܵܐ ܘܲܦܫ̈ܝܼܛܵܬ̣ܵܐ: ܥܕܲܡܵܐ ܕܫܲܠܸܡ̣ܘ ܠܡܲܣܵܩܘܼ ܥܠܵـ̈ـܘܵܬ̣ܵܐ.

²⁹ܘܟܲܕ݂ ܫܲܠܸܡ̣ܘ ܠܡܲܣܵܩܘܼ ܥ̈ܠܵܘܵܬ̣ܵܐ: ܒܪܲܟ ܡܲܠܟܵܐ ܥܲܠ ܒܘܼܪ̈ܟܵܘܗܝ. ܘܟ݂ܠ ܐ̄ܢܵܫ ܕܐܸܫܬ̇ܟܲܚ ܠܘܵܬܹܗ: ܢܦܲܠ̣ܘ ܘܲܣܓܸܕ݂ܘ.

³⁰ܘܐܸܡܲܪ ܚܹܙܲܩܝܵܐ ܡܲܠܟܵܐ ܘܪܵܘ̱ܪ̈ܒ̣ܵܢܹܐ ܠܠܹܘܵܝܹ̈ܐ: ܠܲܡܫܲܒܵܚܘܼ ܠܡܵܪܝܵܐ: ܒܦܸܬ̣ܓ̣ܵܡܵܘ̈ܗܝ ܕܕ݂ܵܘܝܼܕ݂: ܘܕ݂ܵܐܣܵܦ ܢܒ̣ܝܼܵܐ. ܘܫܲܒܲܚܘ ܛܵܒ̣ ܒܚܲܕ݂ܘܼܬ̣ܵܐ: ܘܲܢܦܲܠܘ ܘܲܣܓܸܕ݂ܘ.

³¹ܘܲܥܢܵܐ ܚܹܙܲܩܝܵܐ ܘܐܸܡܲܪ: ܡܸܟܹ̇ܝܠ ܐܸܬ̣ܩܲܪܲܒ̣ܬ̇ܘܿܢ ܠܐܘܼܪܚܹܗ ܕܡܵܪܝܵܐ: ܩܪܘܿܒ̣ܘ ܐܲܝܬܵܘ ܠܝܼ ܕܸܒ̣ܚܹ̈ܐ ܘܬܲܘܕ̇ܝܼܬ̣ܵܐ: ܠܒܲܝܬܹ̇ܗ ܕܡܵܪܝܵܐ. ܘܐܲܝܬ̇ܝܼܘ ܥܲܡܵܐ ܕܸܒ̣ܚܹ̈ܐ ܘܬ̣ܵܘܕ̇ܝܼܬ̣ܵܐ. ܘܟ݂ܠ ܡܸܕܸ̇ܡ ܕܨܵܒܹ̇ܐ ܗ̄ܘ̣ܵܐ ܠܸܒ̇ܗܘܿܢ: ܡܲܝܬܹ̇ܝܢ ܗ̄ܘ̣ܵܘ.

³²ܘܲܗܘ̤ܵܐ ܡܸܢܝܵܢܵܐ ܕܲܥܠܵـ̈ـܘܵܬ̣ܵܐ ܕܐܲܝܬ̇ܝܼܘ ܥܲܡܵܐ: ܬܵܘܪܹ̈ܐ ܫܲܒ̣ܥܝܼܢ: ܘܕܸܟ݂ܪܹ̈ܐ ܡܵܐܐ: ܘܐܸܡܪܹ̈ܐ ܡܲܐܬܹ̇ܝܢ: ܠܲܥܠܵܬ̣ܵܐ ܕܡܵܪܝܵܐ.

³³ܟܠܗܘܿܢ ܗܵܠܹܝܢ ܕܐܸܬ̣ܩܲܕܲܫܘ: ܬܵܘܪܹ̈ܐ ܫܸܬ̣ܡܵܐܐ: ܘܥܵـ̈ـܢܵܐ ܐܲܠܦܹ̈ܐ ܬܠܵܬ̣ܵܐ.

³⁴ܒܲܠܚܘܿܕ݂ ܟܵܗܢܹ̈ܐ ܙܥܘܿܪܝܼܢ ܗ̄ܘ̣ܵܘ. ܘܠܵܐ ܡܸܫܟ̇ܚܝܼܢ ܗ̄ܘ̣ܵܘ ܠܲܡܫܲܡܵܫܘܼ ܠܟ݂ܠܗܹܝܢ ܥܠܵـ̈ـܘܵܬ̣ܵܐ. ܘܥܲܕܲܪܘ ܐܸܢܘܿܢ ܐܲܚܲܝ̈ܗܘܿܢ ܠܹܘܵܝܹ̈ܐ: ܥܕܲܡܵܐ ܠܐܲܝܟܵܐ ܕܫܸܠܡܲܬ̤ ܟܠܵܗ̇ ܥܒ̣ܝܼܕ̇ܬܵܐ. ܘܡ̣ܢ ܒܵܬܲܪ ܗܵܠܹܝܢ: ܐܸܬ̣ܩܲܕܲܫܘ ܟܵܗ̈ܢܹܐ. ܡܸܛܠ ܕܠܹܘܵܝܹ̈ܐ ܡܲܟ̇ܝܼܟ݂ܝܼܢ ܗ̄ܘ̣ܵܘ ܒܠܸܒ̇ܗܘܿܢ: ܠܡܸܬ̣ܩܲܕܵܫܘܼ ܡ̣ܢ ܟܵܗ̈ܢܹܐ.

³⁵ܘܐܵܦ ܥ̈ܠܵܘܵܬ̣ܵܐ ܠܣܘܿܓ̣ܵܐܐ: ܐܲܝܟ݂ ܬܲܪܒܵܐ ܕܫܲܠܡܹ̈ܐ: ܘܕܸܐܡܪܹ̈ܐ ܠܲܥܠܵـ̈ـܘܵܬ̣ܵܐ ܘܫܸܠܡܲܬ̣ ܥܒ̣ܝܼܕ̇ܬܵܐ ܕܒܲܝܬܹ̇ܗ ܕܡܵܪܝܵܐ.

³⁶ܘܚܕ݂ܝܼ ܚܹܙܲܩܝܵܐ ܘܟ݂ܠܹܗ ܥܲܡܵܐ ܕܝܼܣܪܵܝܹܠ: ܥܲܠ ܕܫܸܠܡܲܬ̤ ܥܒ̣ܝܼܕ̇ܬܵܐ ܕܒܲܝܬܵܐ: ܕܡ̣ܢ ܫܹܠܝ ܗܘ̤ܵܐ ܦܸܬ̣ܓ̣ܵܡܵܐ.