Read Aramaic Peshita 2 Chronicles 4 Bible Online

2 Chronicles 4 - Aramaic Peshita bible

2 Chronicles 4

¹ܘܲܥܒܲܕ݂ ܡܲܕ݂ܒ̇ܚܵܐ ܕܲܢܚܵܫܵܐ. ܥܣܲܪ ܐܲܡ̈ܝܼܢ ܐܘܼܪܟܹ̇ܗ. ܘܲܥܣܲܪ ܐܲܡ̈ܝܼܢ ܦܬ̣ܵܝܹܗ. ܘܲܥܣܲܪ ܐܲܡ̈ܝܼܢ ܪܵܘܡܹܗ.

⁴ܘܗ̤ܘ ܩܵܐܹ̇ܡ ܥܲܠ ܬܪܸܥܣܲܪ ܬܵܘܪ̈ܝܼܢ. ܬܠܵܬ̣ܵܐ ܦܵܢܹ̇ܝܢ ܠܓܲܪܒ̇ܝܵܐ. ܘܲܬ̣ܠܵܬ̣ܵܐ ܦܵܢܹ̇ܝܢ ܠܡܲܥ̱ܪܒ̣ܵܐ. ܘܲܬ̣ܠܵܬ̣ܵܐ ܦܵܢܹ̇ܝܢ ܠܬܲܝܡܢܵܐ. ܘܲܬ̣ܠܵܬ̣ܵܐ ܦܵܢܹ̇ܝܢ ܠܡܲܕ݂ܢ̱ܚܵܐ ܘܝܲܡܵܐ ܠܥܸܠ ܡܸܢܗܘܿܢ ܡ̣ܢ ܠܥܸܠ: ܘܟ݂ܠܗܹܝܢ ܐ̄ܚܪ̈ܵܝܵܬ̣ܗܘܿܢ ܡ̣ܢ ܠܓ̣ܵܘ.

⁵ܘܲܥܒ̣ܵܝܹܗ ܦܫܸܟ݂. ܘܣܸܦܬܹܗ ܕܝܲܡܵܐ: ܐܲܝܟ݂ ܣܸܦܬܵܐ ܕܟ݂ܵܣܵܐ ܓܠܝܼܠܵܐ. ܘܗ̤ܘ ܫܲܦܝܼܪ ܛܵܒ̣. ܘܲܥܒܲܕ݂ ܩܘܿܦܹ̈ܐ ܥܸܣܪܵܐ. ܘܝܲܗ̄ܒ̣ ܚܲܡܫܵܐ ܡ̣ܢ ܝܲܡܝܼܢܵܐ: ܘܚܲܡܫܵܐ ܡ̣ܢ ܣܸܡܵܠܵܐ. ܠܡܸܫܩܲܠ ܒܗܘܿܢ ܡܲܕ݂ܒ̇ܚܵܐ ܕܲܥܠܵܬ̣ܵܐ.

⁶ܘܲܥܒܲܕ݂ ܠܲܩܢܹ̈ܐ ܥܣܲܪ. ܘܝܲܗ̄ܒ̣ ܚܲܡܸܫ ܡ̣ܢ ܝܲܡܝܼܢܵܐ: ܘܚܲܡܸܫ ܡ̣ܢ ܣܸܡܵܠܵܐ: ܠܲܡܫܵܓ̣ܘܼ ܒܗܹܝܢ ܟܵܗ̈ܢܹܐ ܐܝܼܕܲܝ̈ܗܘܿܢ ܘܪܸ̈ܓ̣ܠܲܝܗܘܿܢ.

⁷ܘܲܥܒܲܕ݂ ܡܢܵܪ̈ܵܬ̣ܵܐ ܕܕܲܗܒ̣ܵܐ ܥܣܲܪ: ܐܲܝܟ݂ ܢܵܡܘܿܣܲܝ̈ܗܘܿܢ. ܘܝܲܗ̄ܒ̣ ܐܸܢܹܝܢ ܒܗܲܝܟ̇ܠܵܐ: ܚܲܡܸܫ ܡ̣ܢ ܝܲܡܝܼܢܵܐ: ܘܚܲܡܸܫ ܡ̣ܢ ܣܸܡܵܠܵܐ.

⁸ܘܬ̣ܘܼܒ̣ ܥܒܲܕ݂ ܦܵܬ̣ܘܿܪܹ̈ܐ ܥܸܣܪܵܐ: ܘܣܵܡ̣ ܐܸܢܘܿܢ ܒܗܲܝܟ̇ܠܵܐ. ܚܲܡܫܵܐ ܡ̣ܢ ܝܲܡܝܼܢܵܐ: ܘܚܲܡܫܵܐ ܡ̣ܢ ܣܸܡܵܠܵܐ. ܘܲܥܒܲܕ݂ ܫܵܚ̈ܠܹܐ ܕܕܲܗܒ̣ܵܐ ܕܲܟ݂ܝܵܐ: ܡܵܐܐ ܘܥܸܣܪܝܼܢ.

⁹ܘܲܥܒܲܕ݂ ܕܵܪܬܵܐ ܚܕ݂ܵܐ ܪܲܒ̇ܬ̣ܵܐ ܠܟ݂ܵܗ̈ܢܹܐ ܘܲܠܠܹܘܵܝܹ̈ܐ. ܘܲܩ̣ܪܲܡ ܬܲܪ̈ܥܹܐ ܘܣܘܼܟ̇ܪܹ̈ܐ: ܢܚܵܫܵܐ.

¹⁰ܘܝܲܡܵܐ ܣܵܡ̣ ܡ̣ܢ ܕܓܲܒܵܐ ܓܲܪܒ̇ܝܵܝܵܐ: ܘܚܵܐܲܪ ܠܪܘܼܚ ܬܲܝܡܢܵܐ.

¹¹ܘܲܥܒܲܕ݂ ܫܠܹܝܡܘܿܢ ܟܠܗܘܿܢ ܡܵܐܢܹ̈ܐ ܗܵܠܹܝܢ ܕܣܲܓ̇ܝܼܐܝܼܢ ܛܵܒ̣. ܘܠܵܐ ܗܘ̤ܵܐ ܡܸܢܝܵܢܵܐ ܠܡܲܬ̣ܩܵܠܵܐ ܕܲܢܚܵܫܵܐ ܕܡܵܐܢܹ̈ܐ ܗܵܠܹܝܢ ܕܲܥܒܲܕ݂ ܫܠܹܝܡܘܿܢ.