Read Aramaic Peshita Nehemiah 10 Bible Online

Nehemiah 10 - Aramaic Peshita bible

Nehemiah 10

¹ܢܚܲܡܝܵܐ ܩܲܫܝܼܫܵܐ ܒܲܪ ܚܲܢܲܢܝܵܐ ܪܹܫ ܟܘܼܡܪܹ̈ܐ: ܘܙܲܪܲܚܝܵܐ.

²ܘܲܣܪܲܒ̣ܝܵܐ: ܘܥܲܙܲܪܝܵܐ: ܘܐܹܪܲܡܝܵܐ.

³ܘܦܸܫܚܘܿܪ: ܘܐܵܡܲܪܝܵܐ: ܘܲܡܠܲܟ݂ܝܵܐ: ܘܲܫܦܲܛܝܵܐ.

⁴ܘܲܚܛܘܿܫ: ܘܲܫܟܲܢܝܵܐ: ܘܲܡܠܘܿܟ݂.

⁵ܘܲܫܟ݂ܘܿܡ: ܘܥܲܙܡܘܿܬ̣: ܥܒܲܪܝܵܐ.

⁶ܕܵܢܝܼܐܹܝܠ: ܓܒ̣ܝܼܬ̣ܗܘܿܢ: ܒܵܪܘܿܟ݂.

⁷ܡܲܫܠܸܡ: ܐܲܒ̣ܝܼܵܐ: ܒܸܢܝܵܡܹܝܢ.

⁸ܡܥܲܣܝܵܐ: ܒܸܠܓܵܢ: ܫܡܲܥܝܵܐ. ܗܵܠܹܝܢ ܟܘܼܡܪܹ̈ܐ.

⁹ܘܠܹܘܵܝܹ̈ܐ ܝܼܫܘܿܥ ܒܲܪ ܝܼܙܲܢܝܵܐ: ܒܲܢܝܼ: ܡܲܒ̣ܢܝܼ: ܚܵܕ݂ܵܪ: ܘܩܲܕ݂ܡܝܼܵܐ.

¹⁰ܘܐܲܚܲܝ̈ܗܘܿܢ ܫܟܲܢܝܵܐ: ܘܐܘܿܪܝܼܵܐ: ܩܠܲܛܝܵܐ: ܦܠܲܛܝܵܐ: ܚܲܢܵܢܝܼ.

¹¹ܡܝܼܟ݂ܵܐ: ܪܟ݂ܘܿܒ̣: ܚܫܲܒ̣ܝܵܐ.

¹²ܙܟ݂ܘܿܪ: ܫܪܲܒ̇ܝܵܐ: ܫܟ݂ܢܝܵܐ.

¹³ܗܘܼܕ݂ܝܼܵܐ: ܒܢܲܝ̈ ܒܲܢܝܼ.

¹⁴ܪܹ̈ܫܲܝ ܥܲܡܵܐ: ܦܲܪܥܵܫ ܫܲܠܝܼܛ ܡܘܼܐܵܒ̣: ܥܝܼܠܵܡ ܙܹܬ̣ܵܝܹ̈ܐ.

¹⁵ܒܢܲܝ̈ ܥܲܙܓܵܪ: ܘܲܒ̣ܢܲܝ̈ ܐܲܕ݂ܘܿܢܝܼܵܐ.

¹⁶ܒܲܓ̣ܘܲܝ: ܥܲܕ̇ܘܿܢ.

¹⁷ܐܵܛܲܪ: ܚܹܙܲܩܝܵܐ: ܥܙܘܿܪ.

¹⁸ܐܘܿܪܝܼܵܐ: ܚܩܘܿܡ: ܒܲܨܝܼ.

¹⁹ܚܘܿܙܝܼܦ: ܥܢܵܬ̣ܘܿܬ̣: ܢܲܒ̇ܝܼ.

²⁰ܡܲܦܓ̇ܢܸܫ: ܡܲܫܠܲܡ: ܥܙܝܼܦܝܼ.

²¹ܡܫܘܼܙܦܵܐܹܝܠ: ܨܵܕ݂ܘܿܩ: ܝܘܿܝܵܕ݂ܵܥ.

²²ܦܠܲܛܝܵܐ: ܚܲܢܵܢܝܼ: ܥܢܲܢܝܵܐ.

²³ܗܘܿܫܵܥ: ܚܲܢܲܢܝܵܐ: ܝܼܫܘܿܥ.

²⁴ܗܠܘܼܫ: ܦܥܲܢܝܵܐ: ܫܒ̣ܘܿܩ.

²⁵ܐܲܪܚܘܿܡ: ܚܫܲܒ̣ܝܵܐ: ܡܥܲܣܝܵܐ.

²⁶ܐܲܚܝܼܵܐ: ܚܲܢܵܢܝܼ: ܥܢܵܢ.

²⁷ܡܠܘܿܟ݂: ܚܵܪܵܡ: ܒܲܥܢܵܐ.

²⁸ܘܫܲܪܟܵܐ ܕܥܲܡܵܐ. ܟܘܼܡܪܹ̈ܐ ܘܠܹܘܵܝܹ̈ܐ: ܘܬ̣ܵܪ̈ܥܹܐ: ܘܲܡܫܲܡ̈ܫܵܢܹܐ: ܘܥܲܒ̣̈ܕܹ̇ܐ: ܘܟ݂ܠ ܕܐܸܬ̣ܦܪܸܫܘ ܡ̣ܢ ܥܲܡܡܹ̈ܐ ܕܲܡܕ݂ܝܼ̈ܢܵܬ̣ܵܐ ܕܢܹܐܬ̣ܘܿܢ ܠܘܵܬ̣ ܢܵܡܘܿܣܵܐ ܕܡܵܪܝܵܐ ܗܸܢܘܿܢ ܘܢܸܫܲܝ̈ܗܘܿܢ: ܘܲܒ̣ܢܲܝ̈ܗܘܿܢ: ܘܲܒ̣ܢܵܬ̣̈ܗܘܿܢ: ܘܟ݂ܠܡܲܢ ܕܝܵܕܲܥ̣ ܘܡܸܣܬܲܟܲܠ.

²⁹ܘܲܡܥܲܫܢܝܼܢ ܥܲܠ ܐܲܚܲܝ̈ܗܘܿܢ ܘܥܲܠ ܩܲܪ̈ܝܼܒܲܝܗܘܿܢ: ܘܥܵܐܠܝܼܢ ܒܡܵܘ̈ܡܵܬ̣ܵܐ ܘܒܲܩܝܵܡܵܐ: ܠܲܡܗܲܠܵܟ݂ܘܼ ܒܢܵܡܘܿܣܹܗ ܕܡܵܪܝܵܐ: ܕܝܲܗ̄ܒ̣ ܒܐܝܼܕ݂ܵܐ ܕܡܘܼܫܹܐ ܥܲܒ̣ܕܹ̇ܗ ܕܡܵܪܝܵܐ: ܘܲܠܡܸܛܲܪ ܘܲܠܡܸܥܒܲܕ݂ ܟܠܗܘܿܢ ܦܘܼܩܕܵܘ̈ܗܝ ܕܡܵܪܝܵܐ ܡܵܟ݂ܵܢ: ܘܕ݂ܝܼܢܵܘ̈ܗܝ ܘܢܵܡܘܿܣܵܘ̈ܗܝ.

³⁰ܘܲܕ݂ܠܵܐ ܢܸܬܸ̇ܠ ܒ̈ܢܵܬܲܢ ܠܥܲܡܡܹ̈ܐ ܕܐܲܪܥܵܐ: ܘܲܒ̣̈ܢܵܬ̣ܗܘܿܢ ܠܵܐ ܢܸܣܲܒ̣ ܠܲܒ̣ܢܲܝ̈ܢ.

³¹ܘܡ̣ܢ ܥܲܡܡܹ̈ܐ ܕܐܲܪܥܵܐ ܕܡܲܝܬܹ̇ܝܢ: ܠܵܐ ܢܸܣܒ̣ܘܼܢ. ܘܟ݂ܠ ܕܡܵܘܓܲܪ ܒܥܝܼܪܵܐ ܒܝܵܘܡܵܐ ܕܫܲܒ̇ܬ̣ܵܐ: ܐܲܓ̣ܪܵܐ ܠܵܐ ܢܸܣܲܒ̣ ܘܛܲܥܢܵܐ ܒܝܵܘܡܵܐ ܕܫܲܒ̇ܬ̣ܵܐ ܠܵܐ ܢܸܫܩܘܿܠ: ܡܸܛܠ ܕܩܲܕ̇ܝܼܫܵܐ ܗ̄ܝ̣. ܘܢܸܫܒ̇ܘܿܩ ܟܠܡܸܕܸ̇ܡ ܕܚܲܝܵܒ̣ܝܼܢ ܠܲܢ. ܘܲܚܢܲܢ ܒܫܲܢ̄ܬܵܐ ܕܲܫܒܲܥ ܢܸܫܒ̇ܘܿܩ.

³²ܘܐܲܫܪܢ ܥܠܲܝܢ ܦܘܼܩ̈ܕܵܢܹܐ: ܕܢܸܗܘܐ ܝܵܗ̄ܒ̇ܝܼܢ ܬܘܼܠܬܹܗ ܕܐܸܣܬܹ̇ܪܵܐ ܒܫܲܒ̇ܬ̣ܵܐ: ܠܦܘܼܠܚܵܢܵܐ ܕܒܲܝܬܵܐ ܕܐܲܠܵܗܲܢ.

³³ܠܠܲܚܡܵܐ ܕܦܘܼܪܫܵܢܵܐ: ܠܩܘܼܪܒܵܢܵܐ ܐܲܡܝܼܢܵܐ: ܘܠܲܥܠܵܬ̣ܵܐ ܐܲܡܝܼܢܬܵܐ ܕܫܲـ̈ـܒܹ̇ܐ ܘܲܕ݂ܪܹ̈ܫܲܝ ܝܲܪ̈ܚܹܐ: ܘܲܕ݂ܥܲܕ݂ܠܹ̈ܕܹܐ: ܘܲܕ݂ܡܲܩܕ̇ܫܹ̈ܐ: ܘܲܕ݂ܫܘܼܒ̣ܩܵܢ ܚܛܵܗܹ̈ܐ ܕܝܼܣܪܵܝܹܠ: ܘܲܠܟ݂ܠܵܗ̇ ܥܒ̣ܝܼܕ̇ܬܵܐ ܕܒܲܝܬܵܐ ܕܐܲܠܵܗܲܢ.

³⁴ܘܦܸܨܹ̈ܐ ܐܲܪܡ̣ܝܼܘ ܥܲܠ ܩܘܼܪ̈ܒܵܢܹܐ ܕܩܲܝܣܹ̈ܐ: ܟܵܗ̈ܢܹܐ ܘܠܹܘܵܝܹ̈ܐ: ܘܥܲܡܵܐ: ܠܡܲܝܬܵܝܘܼ ܠܒܲܝܬܹ̇ܗ ܕܡܵܪܝܵܐ ܐܲܠܵܗܲܢ: ܐܲܝܟ݂ ܕܲܟ݂ܬ̣ܝܼܒ̣ ܒܲܟ݂ܬ̣ܵܒ̣ܵܐ ܕܢܵܡܘܿܣܵܐ.

³⁵ܠܡܲܝܬܵܝܘܼ ܪܹ̈ܫܝܵܬ̣ܵܐ ܕܐܲܪܒ̇ܥܝܼܢ: ܘܪܹ̈ܫܝܵܬ̣ܵܐ ܕܟ݂ܠ ܐܸܒܵܐ ܕܐܝܼܠܵܢܹ̈ܐ: ܕܟ݂ܠ ܫܢܵܐ ܒܲܫܢܵܐ.

³⁶ܠܡܲܝܬܵܝܘܼ ܠܒܲܝܬܹ̇ܗ ܕܡܵܪܝܵܐ: ܒܘܼܟ݂ܪܹ̈ܐ ܕܲܒ̣ܢܲܝ̈ܢ ܘܕܲܒ̣ܥܝܼܪ̈ܵܢ: ܐܲܝܟܲܢܵܐ ܕܲܟ݂ܬ̣ܝܼܒ̣ ܒܢܵܡܘܿܣܹܗ ܕܡܵܪܝܵܐ: ܘܒ̣ܘܼܟ݂ܪܹ̈ܐ ܕܬ̣ܵܘܪ̈ܲܝܢ ܘܲܕ݂ܥܵـ̈ـܢܲܢ.

³⁷ܠܡܲܝܬܵܝܘܼ ܠܒܲܝܬܹ̇ܗ ܕܐܲܠܵܗܲܢ: ܠܟ݂ܘܼܡܪܹ̈ܐ ܕܲܡܫܲܡܫܝܼܢ ܒܒܲܝܬܵܐ ܕܐܲܠܵܗܲܢ. ܪܹ̈ܫܝܵܬ̣ܵܐ ܕܐܵܨ̈ܘܵܬܲܢ ܘܕܸܐܕ̇ܪ̈ܲܝܢ ܘܕܹܐܒܵܐ ܕܟ݂ܠ ܐܝܼܠܵܢܝܼ̈ܢ. ܘܚܲܡܪܵܐ ܘܡܸܚܫܵܐ ܢܸܬܸ̇ܠ ܠܟ݂ܵܗ̈ܢܹܐ ܕܲܡܫܲܡܫܝܼܢ ܩܕ݂ܵܡ ܐܲܠܵܗܲܢ. ܘܚܲܕ݂ ܡ̣ܢ ܥܸܣܪܵܐ ܡ̣ܢ ܐܲܪ̈ܥܵܬܲܢ: ܢܸܬܸ̇ܠ ܠܠܹܘܵܝܹ̈ܐ. ܘܗܸܢܘܿܢ ܠܹܘܵܝܹ̈ܐ ܢܸܗܘܘܿܢ ܢܵܣܒ̇ܝܼܢ ܡܲܥܣܵܪܹ̈ܐ ܡ̣ܢ ܟܠ ܩܘܼܪ̈ܝܵܐ ܕܦܘܼܠܚܵܢܲܢ.

³⁸ܘܢܸܗܘܹܐ ܟܘܼܡܪܵܐ ܒܲܪ ܐܲܗܪܘܿܢ ܥܲܡ ܠܹܘܵܝܹ̈ܐ ܒܡܲܥܣܵܪ̈ܲܝܗܘܿܢ. ܘܠܹܘܵܝܹ̈ܐ ܢܲܣܩܘܼܢ ܚܲܕ݂ ܡ̣ܢ ܥܸܣܪܵܐ ܠܒܲܝܬܵܐ ܕܐܲܠܵܗܲܢ: ܠܒܹܝܬ̣ ܩܦܵܣܹ̈ܐ: ܘܲܠܒܹܝܬ̣ ܓܲܙܵܐ.

³⁹ܡܸܛܠ ܕܲܠܒܹܝܬ̣ ܩܦܵܣܹ̈ܐ ܢܲܝܬ̇ܘܿܢ ܒܢܲܝ̈ ܝܼܣܪܵܝܹܠ: ܘܲܒ̣ܢܲܝ̈ ܠܹܘܝܼ: ܪܹ̈ܫܝܵܬ̣ܵܐ ܕܲܥܒ̣ܘܼܪܵܐ ܘܲܕ݂ܚܲܡܪܵܐ ܘܲܕ݂ܡܸܫܚܵܐ ܬܲܡܵܢ ܡܵܐܢܲܝ̈ ܩܘܼܕ݂ܫܹ̈ܐ. ܘܟ݂ܘܼܡܪܹ̈ܐ ܘܠܹܘܵܝܹ̈ܐ: ܘܬ̣ܵܪ̈ܥܹܐ ܘܢܵܛܘܿܪܹ̈ܐ: ܠܵܐ ܢܸܫܒ̇ܩܘܼܢ ܠܒܲܝܬܵܐ ܕܐܲܠܵܗܲܢ.