Read Aramaic Peshita Nehemiah 11 Bible Online

Nehemiah 11 - Aramaic Peshita bible

Nehemiah 11

¹ܘܢܸܬ̇ܒ̣ܘܼܢ ܩܲܫܝܼ̈ܫܲܝ ܥܲܡܵܐ ܒܐܘܿܪܸܫܠܸܡ. ܘܫܲܪܟܵܐ ܕܥܲܡܵܐ ܢܲܪܡܘܿܢ ܦܸܨܹ̈ܐ ܠܡܲܝܬܵܝܘܼ ܚܲܕ݂ ܡ̣ܢ ܥܸܣܪܵܐ ܒܢܲܝ̈ܢܵܫܵܐ ܠܡܸܥܡܲܪ ܒܐܘܿܪܸܫܠܸܡ ܡܕ݂ܝܼܢ̄ܬܵܐ ܕܩܘܼܕ݂ܫܵܐ. ܘܲܬ̣ܫܲܥ ܡܢܵـ̈ـܘܵܢ ܢܸܗ̱ܘ̈ܝܵܢ ܒܩܘܼܪ̈ܝܵܐ.

²ܘܒܲܪܸܟ݂ܘ ܥܲܡܵܐ ܠܟ݂ܠܗܘܿܢ ܐ̄ܢܵܫܵܐ ܐܲܝܠܹܝܢ ܕܲܨܒ̣ܵܘ ܡ̣ܢ ܪܸܥܝܵܢܗܘܿܢ ܠܡܸܬܲܒ̣ ܒܐܘܿܪܸܫܠܸܡ.

³ܘܗܵܠܹܝܢ ܪܹ̈ܫܹܐ ܕܲܡܕ݂ܝܼܢ̄ܬܵܐ ܕܝܼܬܸܒ̣ܘ ܒܐܘܿܪܸܫܠܸܡ: ܘܲܒ̣ܩܘܼܪ̈ܝܵܐ ܕܲܝܗܘܼܕ݂ܵܐ: ܘܝܼܬܸܒ̣ܘ ܓܲܒ̣ܪܵܐ ܒܝܘܼܪܬܵܢܹܗ: ܒܩܘܼܪ̈ܝܼܗܘܿܢ ܕܝܼܣܪܵܝܹܠ: ܟܘܼܡܪܹ̈ܐ ܘܠܹܘܵܝܹ̈ܐ: ܘܥܲܡܵܐ: ܘܲܒ̣ܢܲܝ̈ ܥܲܒ̣̈ܕܲܝ ܫܠܹܝܡܘܿܢ: ܒܐܘܿܪܸܫܠܸܡ.

⁴ܘܡ̣ܢ ܒܢܲܝ̈ ܝܼܗܘܼܕ݂ܵܐ ܘܡ̣ܢ ܒܢܲܝ̈ ܒܸܢܝܵܡܹܝܢ. ܡ̣ܢ ܒܢܝ̈ ܝܼܗܘܼܕ݂ܵܐ: ܢܬܲܢܝܵܐ ܒܲܪ ܥܘܿܙܝܼܵܐ: ܒܲܪ ܙܟܲܪܝܵܐ: ܒܲܪ ܐܵܡܲܪܝܵܐ: ܒܲܪ ܫܦܲܛܝܵܐ: ܒܲܪ ܡܲܗܠܵܠܵܐܹܝܠ.

⁵ܡ̣ܢ ܒܢܝ̈ ܦܲܪܨ: ܡܥܲܣܝܵܐ ܒܲܪ ܒܵܪܘܿܟ݂. ܒܲܪ ܟܸܠܚܵܙܹܐ: ܒܲܪ ܢܝܼܪܝܼܵܐ: ܒܲܪ ܥܲܙܲܪܝܵܐ: ܒܲܪ ܝܘܿܢܵܕ݂ܵܒ̣: ܒܲܪ ܙܟܲܪܝܵܐ: ܒܲܪ ܫܸܠܵܐ.

⁶ܟܠܗܘܢ ܒܢܲܝ̈ ܦܲܪܨ ܕܥܵܡ̇ܪܝܼܢ ܒܐܘܿܪܸܫܠܸܡ: ܐܪܒܲܥܡܵܐܐ ܘܸܫܬ̇ܝܼܢ ܘܲܬ̣ܡܵܢܝܵܐ: ܓܲܢ̄ܒܵܪ̈ܲܝ ܚܲܝܠܵܐ.

⁷ܘܗܵܠܹܝܢ ܒܢܲܝ̈ ܒܸܢܝܵܡܹܝܢ: ܣܸܠܵܐ ܒܲܪ ܡܲܫܠܘܿܡ: ܒܲܪ ܝܘܿܕ݂ܵܥ: ܒܲܪ ܦܪܵܝܵܐ: ܒܲܪ ܩܠܵܝܵܐ: ܒܲܪ ܡܥܲܣܝܵܐ: ܒܲܪ ܐܲܬ̣ܢܵܐܹܝܠ: ܒܲܪ ܐܹܫܲܥܝܵܐ.

⁸ܘܒ̣ܵܬ̣ܪܹܗ ܬܫܲܥܡܵܐܐ ܘܥܸܣܪܝܼܢ ܘܲܬ̣ܡܵܢܝܵܐ.

⁹ܘܝܘܼܐܹܝܠ ܒܲܪ ܙܟܲܪܝܵܐ: ܫܲܠܝܼܛ ܥܠܲܝܗܘܿܢ. ܘܲܝܗܘܼܕ݂ܵܐ ܒܲܪ ܣܢܵܐܵܐ ܫܲܠܝܼܛ ܥܲܠ ܩܪܝܼܬ̣ܵܐ ܕܬܲܪܬܹ̇ܝܢ.

¹⁰ܡ̣ܢ ܟܘܼܡܪܹ̈ܐ: ܒܪܲܟ݂ܝܵܐ ܒܲܪ ܝܘܿܝܵܕ݂ܵܥ: ܘܲܣܪܲܒ̣ܝܵܐ ܒܲܪ ܚܹܠܲܩܝܵܐ: ܒܲܪ ܡܲܫܠܘܿܡ.

¹¹ܒܲܪ ܨܵܕ݂ܘܿܩ: ܒܲܪ ܡܟܲܪ̱ܝܘܼܬ̣: ܒܲܪ ܐܲܚܝܼܛܘܿܒ̣: ܫܲܠܝܼܛ ܥܲܠ ܒܲܝܬܹ̇ܗ ܕܡܵܪܝܵܐ.

¹²ܘܐܲܚܵܘ̈ܗܝ ܥܵܒ̣ܕ̇ܝܼܢ ܥܒ̣ܵܕ݂ܵܐ ܠܓ̣ܵܘ: ܬܡܵܢܹܡܵܐܐ ܘܥܸܣܪܝܼܢ ܘܲܬ̣ܪܹܝܢ: ܘܥܲܙܲܪܝܵܐ ܒܲܪ ܝܲܪܚܘܿܡ: ܒܲܪ ܦܵܠܝܵܐ: ܒܲܪ ܥܡܝܼܨܵܪ: ܒܲܪ ܙܟܲܪܝܵܐ: ܒܲܪ ܦܸܫܚܘܿܪ: ܒܲܪ ܡܠܲܟ݂ܝܵܐ.

¹³ܘܐܲܚܲܝ̈ܗܘܿܢ ܪܹ̈ܫܹܐ ܠܒܹܝܬ̣ ܐܲܒ̣ܵܗܲܝ̈ܗܘܿܢ: ܡܲܐܬܹ̇ܝܢ ܘܐܲܪܒ̇ܥܝܼܢ ܘܲܬ̣ܪܹܝܢ: ܘܲܥܡܝܼܣܲܝ ܒܲܪ ܥܲܙܪܵܐܹܝܠ: ܒܲܪ ܐܲܚܙܲܝ: ܒܲܪ ܡܲܫ̱ܠܡܘܼܬ̣: ܒܲܪ ܐܵܡܝܼܪ.

¹⁴ܘܐܲܚܲܝ̈ܗܘܿܢ ܓܲܢ̄ܒܵܪ̈ܲܝ ܚܲܝܠܵܐ: ܡܵܐܐ ܘܥܸܣܪܝܼܢ ܘܲܬ̣ܡܵܢܝܵܐ. ܘܫܲܠܝܼܛ ܥܠܲܝܗܘܿܢ ܙܲܒ̣ܕܵܐܹܝܠ ܒܲܪ ܪܵܘ̱ܪ̈ܒ̣ܵܢܹܐ.

¹⁵ܘܡ̣ܢ ܠܹܘܵܝܹ̈ܐ: ܫܡܲܥܝܵܐ ܒܲܪ ܝܼܫܘܿܥ: ܒܲܪ ܥܪܝܼܩܵܡ: ܒܲܪ ܚܫܲܒ̣ܝܵܐ: ܒܲܪ ܒܲܢܝܼ: ܒܲܪ ܫܲܒ̇ܬ̇ܝܼ.

¹⁶ܘܝܘܿܙܵܒ̣ܵܪ ܥܲܠ ܥܒ̣ܝܼ̈ܕ݂ܵܬ̣ܵܐ ܒܲܪ̈ܵܝܵܬ̣ܵܐ ܕܒܲܝܬܵܐ ܕܡܵܪܝܵܐ: ܒܲܪ ܙܲܒ̣ܕ̇ܝܼ: ܒܲܪ ܐܵܣܵܦ.

¹⁷ܘܡ̣ܢ ܪܹ̈ܫܹܐ ܕܠܹܘܵܝܹ̈ܐ: ܡܬܲܢܝܵܐ ܒܲܪ ܡܝܼܟ݂ܵܐ: ܪܹܫ ܩܲܕ݂ܡܵܝܘܼܬ̣ܵܐ ܕܲܝܗܘܼ̈ܕ݂ܵܝܹܐ ܕܲܨܠܘܿܬ̣ܵܐ. ܘܒܲܩܒ̇ܘܼܩܵܐ ܬܸܢܝܵܢܵܐ ܕܐܲܚܵܘ̈ܗܝ: ܘܥܝܼܪܵܐ ܒܲܪ ܫܡܘܿܥ: ܒܲܪ ܓܠܵܠ: ܒܲܪ ܝܲܬ̣ܪܘܿܢ.

¹⁸ܟܠܗܘܿܢ ܠܹܘܵܝܹ̈ܐ ܕܲܒ̣ܩܘܼܪܝܲܬ̣ ܩܘܼܕ݂ܫܵܐ: ܡܲܐܬܹ̇ܝܢ ܘܲܬ̣ܡܵܢܐܝܼܢ ܘܐܲܪܒ̇ܥܵܐ.

¹⁹ܘܬ̣ܵܪ̈ܥܹܐ ܥܲܩܘܿܒ̣ ܘܐܲܛܠܡܵܢ. ܘܐܲܚܲܝ̈ܗܘܿܢ ܕܢܵܛ̇ܪܝܼܢ ܒܬ̣ܵܪ̈ܥܹܐ: ܡܵܐܐ ܘܫܲܒ̣ܥܝܼܢ ܘܲܬ̣ܪܹܝܢ.

²⁰ܘܫܲܪܟܵܐ ܕܝܼܣܪܵܝܠ: ܕܟ݂ܘܼܡܪܹ̈ܐ ܘܠܹܘܵܝܹ̈ܐ ܒܟ݂ܠ ܩܘܼܪ̈ܝܵܐ ܕܲܝܗܘܼܕ݂ܵܐ: ܓܒܲܪ ܒܝܵܪܬ̇ܘܼܬܹܗ.

²¹ܘܥܲܒ̣ܕܲܝ̈ܗܘܿܢ ܝܵܬ̣ܒ̇ܝܼܢ ܓܒܲܪ ܥܲܠ ܦܘܼܠܚܵܢܹܗ ܘܥܲܠ ܦܲܕܵܢܹܗ.

²²ܘܲܕ݂ܫܲܠܝܼܛ ܥܲܠ ܠܹܘܵܝܹ̈ܐ ܕܒ̣ܐܘܿܪܸܫܠܸܡ: ܥܲܒ̣ܕܲܝ ܒܲܪ ܟܲܢܘܝܼ: ܒܲܪ ܚܫܲܒ̣ܝܵܐ: ܒܲܪ ܡܬܲܢܝܵܐ: ܒܲܪ ܡܝܼܟ݂ܵܐ: ܡ̣ܢ ܒܢܲܝ̈ ܐܵܣܵܦ ܕܲܡܫܲܡܫܝܼܢ ܠܘܼܩܒܲܠ ܥܒ̣ܝܼܕ̇ܬܵܐ ܕܒܲܝܬܹ̇ܗ ܕܡܵܪܝܵܐ.

²³ܡܸܛܠ ܕܦܘܼܩܕܵܢܵܐ ܕܡܲܠܟܵܐ ܥܠܲܝܗܘܿܢ: ܘܲܫܪܵܪܵܐ ܦܣܝܼܩ ܗ̄ܘ̣ܵܐ ܥܲܠ ܡܫܲܡ̈ܫܵܢܹܐ: ܟܠ ܝܘܿܡ ܒܝܘܿܡ.

²⁴ܘܲܦܬܲܚܝܵܐ ܒܲܪ ܡܫܘܿܡܵܐܹܝܠ ܡ̣ܢ ܒܢܲܝ̈ ܙܲܪܚ: ܒܲܪ ܝܼܗܘܼܕ݂ܵܐ: ܗ̤ܘ ܫܲܠܝܼܛ ܗ̄ܘ̣ܵܐ ܥܲܠ ܟܠ ܡ̇ܢ ܕܐܸܡܲܪ ܡܲܠܟܵܐ: ܥܲܠ ܟܠܢܵܫ: ܥܲܠ ܚܘܼܫܒܵܢܵܐ ܕܥܲܡܵܐ: ܥܲܠ ܪܹ̈ܫܲܝܗܘܿܢ ܘܥܲܠ ܚܲܩ̈ܠܵܬ̣ܗܘܿܢ.

²⁵ܘܡ̣ܢ ܒܢܲܝ̈ ܝܑܼܗܘܼܕ݂ܵܐ ܝܑܼܬܸܒ̣ ܒܩܘܼܪܝܲܬ̣ ܐܲܪܒܲܥ ܘܲܒ̣ܟܲܦܪ̈ܘܿܢܹܝܗ̇: ܘܲܒ̣ܪܝܼܒ̣ܘܿܢ ܘܲܒ̣ܟܲܦܪ̈ܘܢܹܝܗ̇: ܘܲܒ̣ܩܲܒ̣ܨܵܐܹܝܠ ܘܲܒ̣ܟܲܦܪ̈ܘܿܢܹܝܗ̇.

²⁶ܘܲܒ̣ܗܘܿܫܵܥ: ܘܲܒ̣ܡܵܘܠܵܕ݂ܵܐ: ܘܲܒ̣ܒܹܝܬ̣ ܦܠܵܛ.

²⁷ܘܒܲܚܨܵܪ ܫܘܿܥ: ܘܲܒ̣ܒܹܪ ܫܒܲܥ ܘܲܒ̣ܟܲܦܪ̈ܘܿܢܹܝܗ̇.

²⁸ܘܲܒ̣ܨܸܢܩܠܵܓ̣: ܘܒܲܡܟ݂ܝܼܵܐ ܘܲܒ̣ܟܲܦܪ̈ܘܿܢܹܝܗ̇.

²⁹ܘܲܒ̣ܥܹܝܢ ܪܲܡܘܿܢ: ܘܲܒ̣ܨܸܕ݂ܥܵܐ: ܘܲܒ̣ܝܲܪܡܘܿܬ̣.

³⁰ܘܲܒ̣ܙܝܼܘܿܚ ܘܒ̣ܵܐܪܵܡ ܘܲܒ̣ܟܲܦܪ̈ܘܿܢܲܝܗܹܝܢ: ܘܒܲܠܟ݂ܝܼܫ ܘܲܒ̣ܟܲܦܪ̈ܘܿܢܹܝܗ̇: ܘܲܒ̣ܥܲܙܩܵܐ ܘܲܒ̣ܟܲܦܪ̈ܘܿܢܹܝܗ̇. ܘܫܪܵܘ ܡ̣ܢ ܒܹܪ ܫܒܲܥ ܘܲܥܕܲܡܵܐ ܠܲܦܩܲܥܬ̣ܵܐ ܕܗܵܠܘܿܡ.

³¹ܘܡ̣ܢ ܒܢܲܝ̈ ܒܸܢܝܵܡܹܝܢ: ܡ̣ܢ ܪܵܡܬ̣ܵܐ ܕܡܲܟ݂ܡܲܣ ܘܥܵܝ: ܘܒܹܝܬ̣ ܐܹܝܠ ܘܟܲܦܪ̈ܘܿܢܹܝܗ̇.

³²ܘܲܥܢܵܬ̣ܘܿܬ̣ ܘܐܵܘܿܝܵܒ̣: ܘܲܥܢܲܢܝܵܐ.

³³ܘܚܵܨܘܿܪ: ܘܪܵܡܬ̣ܵܐ: ܘܲܓ̣ܬ̣ܝܼܡ.

³⁴ܘܝܲܛܒܵܠ: ܘܠܘܿܕ݂: ܘܐܝܼܢܘܿ.

³⁵ܘܢܝܼܚܵܐ ܘܚܲܪܫܵܐ.

³⁶ܘܡ̣ܢ ܠܹܘܵܝܹ̈ܐ: ܦܵܠܓܘܼܬ̣ܵܐ ܕܲܝܗܘܼܕܵܐ: ܘܲܕ݂ܒܸܢܝܵܡܹܝܢ.