Read Aramaic Peshita Nehemiah 7 Bible Online

Nehemiah 7 - Aramaic Peshita bible

Nehemiah 7

¹ܗܵܝܕܹ̇ܝܢ ܟܲܕ݂ ܐܸܬ̣ܒ̇ܢܝܼ ܫܘܼܪܵܐ: ܘܐܸܬ̣ܩܲܝܲܡܘ ܦܪ̈ܘܼܣܬ̇ܕܹܐ: ܘܐܸܫܬܲܟ݂ܠܲܠܘ ܬܲܪ̈ܥܹܐ: ܘܲܡܫܲܡ̈ܫܵܢܹܐ ܘܠܹܘܵܝܹ̈ܐ.

²ܦܲܩܕܹ̇ܬ̣ ܠܚܲܢܵܢܝܼ ܐܵܚܝ: ܘܲܠܚܲܢܲܢܝܵܐ ܫܲܠܝܼܛܵܐ ܕܒܝܼܪܬܵܐ ܘܕ݂ܐܘܿܪܸܫܠܸܡ ܡܸܛܠ ܕܗ̤ܘ ܗ̄ܘ̣ܵܐ ܓܲܒ̣ܪܵܐ ܬܪܝܼܨܵܐ: ܘܕ݂ܵܚܹ̇ܠ ܡ̣ܢ ܐܲܠܵܗܵܐ: ܘܣܵܛܹ̇ܐ ܡ̣ܢ ܕܒ̣ܝܼܫ.

³ܘܐܸܡ̇ܪܹܬ̣ ܠܗܘܿܢ ܠܵܐ ܢܸܬ̣ܦܲܬ̣ܚܘܿܢ ܬܲܪ̈ܥܹܐ ܕܐܘܿܪܸܫܠܸܡ: ܥܕܲܡܵܐ ܕܣܵܠܹ̇ܩ ܝܵܘܡܵܐ. ܘܥܲܕ݂ ܝܵܘܡܵܐ ܩܵܐܹ̇ܡ: ܢܸܬ̣ܓܲܝܦܘܼܢ ܬܲܪ̈ܥܹܐ ܘܢܸܬ̇ܬܲܚܕ̇ܘܼܢ. ܘܲܢܩܘܼܡܘܼܢ ܒܡܲܛܲܪܬܵܐ ܥܵܡܘܿܪܹ̈ܝܗ̇ ܕܐܘܿܪܸܫܠܸܡ: ܓܒܲܪ ܒܡܲܛܲܪܬܹ̇ܗ: ܘܓܲܒ̣ܪܵܐ ܠܘܼܩܒܲܠ ܒܲܝܬܹ̇ܗ.

⁴ܘܲܡܕ݂ܝܼܢ̄ܬܵܐ: ܪܲܒܵܐ ܘܦܲܬ̣ܝܵܐ. ܘܥܲܡܵܐ ܙܥܘܿܪ ܗ̄ܘ̣ܵܐ ܒܓ̣ܵܘܵܗ̇. ܘܠܲܝܬ̇ ܗ̄ܘ̣ܵܐ ܠܗܘܿܢ ܒܵـ̈ـܬܹ̇ܐ ܕܒ̣ܵܢܹܝܢ.

⁵ܘܐܲܪܡܝܼ ܐܲܠܵܗܵܐ ܒܠܹܒ̇ܝ ܘܟܲܢܫܹܬ̣ ܠܚܹܐܪܹ̈ܐ ܘܲܠܪܵܘ̱ܪ̈ܒ̣ܵܢܹܐ ܕܥܲܡܵܐ ܠܫܲܪ̈ܒ̣ܵܬ̣ܗܘܿܢ ܘܐܸܫܟ̇ܚܹ̇ܬ̣ ܠܣܸܦܪܵܐ ܕܫܲܪ̈ܒ̣ܵܬ̣ܵܐ ܕܲܟ݂ܬ̣ܝܼܒ̣ ܒܹܗ.

⁶ܗܵܠܹܝܢ ܒܢܲܝ̈ ܡܕ݂ܝܼܢ̄ܬܵܐ ܕܲܣܠܸܩܘ ܡ̣ܢ ܫܸܒ̣ܝܵܐ ܕܓ̣ܵܠܘܼܬ̣ܵܐ: ܕܓܲܠܝܼ ܢܒ̣ܘܼܟܲܕ݂ܢܵܨܲܪ ܡܲܠܟܵܐ ܕܒ̣ܵܒܹܠ: ܠܒ̣ܵܒܹܠ. ܘܲܗܦܲܟ݂ܘ ܠܐܘܿܪܸܫܠܸܡ: ܘܠܲܝܗܘܼܕ݂: ܓܒܲܪ ܠܲܩܪܝܼܬܹܗ.

⁷ܕܲܣܠܸܩܘ ܥܲܡ ܙܘܼܪܒܵܒܹܠ: ܘܝܼܫܘܿܥ: ܘܲܢܚܲܡܝܵܐ: ܘܥܲܙܲܪܝܵܐ: ܘܲܪܥܲܡܝܵܐ: ܘܢܲܚܡܵܐܹܝܠ: ܘܡܘܼܪܕ̇ܟܲܝ: ܘܲܒ̣ܠܝܼܫܵܢ: ܘܡܲܣܦܪܘܿܬ̣: ܘܒܲܓ̣ܘܲܝ: ܘܢܵܚܘܿܡ: ܘܒܲܥܢܵܐ. ܡܸܢܝܵܢܵܐ ܕܐ̄ܢܵܫܵܐ ܕܥܲܡܵܐ ܕܝܼܣܪܵܝܹܠ.

⁸ܒܢܲܝ̈ ܦܲܪܥܵܫ: ܬܪܹܝܢ ܐܲܠܦ̈ܝܼܢ: ܘܲܡܵܐܐ ܘܫܲܒ̣ܥܝܼܢ ܘܲܬ̣ܪܹܝܢ.

⁹ܒܢܲܝ̈ ܫܦܲܛܝܵܐ: ܬܠܵܬ̣ܵܐ ܐܲܠܦ̈ܝܼܢ: ܘܫܲܒ̣ܥܝܼܢ ܘܲܬ̣ܪܹܝܢ.

¹⁰ܒܢܲܝ̈ ܐܵܪܵܚ: ܫܸܬ̣ܡܵܐܐ ܘܚܲܡܫܝܼܢ ܘܲܬ̣ܪܹܝܢ.

¹¹ܒܢܲܝ̈ ܫܘܼܠܛܵܢ ܡܘܼܐܵܒ̣ ܠܲܒ̣ܢܲܝ̈ ܝܼܫܘܿܥ ܘܝܘܿܐܵܒ̣: ܬܪܹܝܢ ܐܲܠܦ̈ܝܼܢ ܘܲܬ̣ܡܵܢܹܡܵܐܐ ܘܲܬ̣ܡܵܢܬܲܥܣܲܪ.

¹²ܒܢܲܝ̈ ܥܝܼܠܵܡ: ܐܵܠܹܦ ܘܡܲܐܬܹ̇ܝܢ ܘܚܲܡܫܝܼܢ ܘܐܲܪܒ̇ܥܵܐ.

¹³ܒܢܲܝ̈ ܢܬܲܢܝܵܐ: ܬܡܵܢܹܡܵܐܐ ܘܚܲܡܫܝܼܢ ܘܐܲܪܒ̇ܥܵܐ.

¹⁴ܒܢܲܝ̈ ܙܲܟ̇ܝܼ: ܫܒܲܥܡܵܐܐ ܘܸܫܬ̇ܝܼܢ.

¹⁵ܒܢܲܝ̈ ܒܲܢܝܼ: ܫܸܬ̣ܡܵܐܐ ܘܐܲܪܒ̇ܥܝܼܢ ܘܐܲܪܒ̇ܥܵܐ.

¹⁶ܒܢܲܝ̈ ܒܲܟ̇ܝܼ: ܫܸܬ̣ܡܵܐܐ ܘܥܸܣܪܝܼܢ ܘܲܬ̣ܡܵܢܝܵܐ.

¹⁷ܒܢܲܝ̈ ܥܲܙܓܵܪ: ܬܪܹܝܢ ܐܲܠܦ̈ܝܼܢ ܘܲܬ̣ܠܵܬ̣ ܡܵܐܐ: ܘܥܸܣܪܝܼܢ ܘܲܬ̣ܪܹܝܢ.

¹⁸ܒܢܲܝ̈ ܐܲܪܚܩܘܿܡ: ܫܸܬ̣ܡܵܐܐ ܘܸܫܬ̇ܝܼܢ ܘܫܲܒ̣ܥܵܐ.

¹⁹ܒܢܲܝ̈ ܒܲܓ̣ܘܲܝ: ܬܪܹܝܢ ܐܲܠܦ̈ܝܼܢ: ܘܸܫܬ̇ܝܼܢ ܘܫܲܒ̣ܥܵܐ.

²⁰ܒܢܲܝ̈ ܥܲܕ̇ܘܿܢ: ܫܸܬ̣ܡܵܐܐ ܘܚܲܡܫܝܼܢ ܘܚܲܡܫܵܐ.

²¹ܒܢܲܝ̈ ܐܵܛܵܪ: ܬܡܵܢܹܡܵܐܐ ܘܚܲܡܫܝܼܢ ܘܐܲܪܒ̇ܥܵܐ: ܠܚܹܙܲܩܝܵܐ ܬܸܫܥܝܼܢ ܘܲܬ̣ܡܵܢܝܵܐ.

²²ܒܢܲܝ̈ ܢܲܚܫܘܿܡ: ܬܠܵܬ̣ܡܵܐܐ ܘܥܸܣܪܝܼܢ ܘܲܬ̣ܡܵܢܝܵܐ.

²³ܒܢܲܝ̈ ܒܲܨܝܼ: ܬܠܵܬ̣ܡܵܐܐ ܘܥܸܣܪܝܼܢ ܘܐܲܪܒ̇ܥܵܐ.

²⁴ܒܢܲܝ̈ ܚܘܿܪܵܡ: ܡܵܐܐ ܘܲܬ̣ܪܸܥܣܲܪ.

²⁵ܒܢܲܝ̈ ܓܸܒ̣ܥܘܿܢ: ܬܸܫܥܝܼܢ ܘܚܲܡܫܵܐ.

²⁶ܐ̄ܢܵܫܲܝ̈ ܒܹܝܬ̣ ܠܚܸܡ ܘܢܘܼܛ̈ܦܵܝܹܐ: ܡܵܐܐ ܘܲܬ̣ܡܵܢܐܝܼܢ ܘܲܬ̣ܡܵܢܝܵܐ.

²⁷ܐ̄ܢܵܫܲܝ̈ ܥܢܵܬ̣ܘܿܬ̣: ܡܵܐܐ ܘܥܸܣܪܝܼܢ ܘܲܬ̣ܡܵܢܝܵܐ.

²⁸ܐ̄ܢܵܫܲܝ̈ ܒܹܝܬ̣ ܪܡܘܿܬ̣: ܐܲܪܒ̇ܥܝܼܢ ܘܲܬ̣ܪܹܝܢ.

²⁹ܐ̄ܢܵܫܲܝ̈ ܒܹܝܬ̣ ܢܲܥܪܹܝܢ ܘܲܟ݂ܦܝܼܪܵܐ ܘܒܹܐܪܘܿܬ̣: ܫܒܲܥܡܵܐܐ ܘܐܲܪܒ̇ܥܝܼܢ ܘܲܬ̣ܠܵܬ̣ܵܐ.

³⁰ܐ̄ܢܵܫܲܝ̈ ܓܒܲܥ ܘܪܵܡܬܵܐ: ܫܒܲܥܡܵܐܐ ܘܥܸܣܪܝܼܢ ܘܚܲܕ݂.

³¹ܐ̄ܢܵܫܲܝ̈ ܡܲܟ݂ܡܲܣ: ܡܵܐܐ ܘܥܸܣܪܝܼܢ ܘܲܬ̣ܪܹܝܢ.

³²ܐ̄ܢܵܫܲܝ̈ ܒܹܝܬ̣ ܐܹܝܠ ܘܥܵܝ: ܡܵܐܐ ܘܥܸܣܪܝܼܢ ܘܲܬ̣ܠܵܬ̣ܵܐ.

³³ܐ̄ܢܵܫܲܝ̈ ܢܵܒ̣ܘܿ: ܚܲܡܫܝܼܢ ܘܲܬ̣ܪܹܝܢ.

³⁴ܕܒܹܝܬ̣ ܥܝܼܠܵܡ: ܐܵܠܹܦ ܘܡܵܐܬܹ̇ܝܢ: ܘܚܲܡܫܝܼܢ ܘܐܲܪܒ̇ܥܵܐ.

³⁵ܒܢܲܝ̈ ܚܵܪܵܡ: ܬܠܵܬ̣ܵܐ ܡܵܐܐ ܘܥܸܣܪܝܼܢ.

³⁶ܒܢܲܝ̈ ܐܝܼܪܝܼܚܘܿ: ܬܠܵܬ̣ܡܵܐܐ ܘܐܲܪܒ̇ܥܝܼܢ ܘܚܲܡܫܵܐ.

³⁷ܒܢܲܝ̈ ܠܘܿܕ݂ ܘܐܝܼܢܘܼ: ܫܒܲܥ ܡܵܐܐ ܘܥܸܣܪܝܼܢ ܘܚܲܕ݂.

³⁸ܒܢܲܝ̈ ܣܢܵܐܵܐ: ܬܠܵܬ̣ܵܐ ܐܲܠܦ̈ܝܼܢ ܘܲܬ̣ܫܲܥܡܵܐܐ ܘܲܬ̣ܠܵܬ̣ܝܼܢ.

³⁹ܟܵܗ̈ܢܹܐ ܒܢܲܝ̈ ܝܼܕܲܥܝܵܐ: ܠܒܹܝܬ̣ ܝܼܫܘܿܥ: ܬܫܲܥܡܵܐܐ ܘܫܲܒ̣ܥܝܼܢ ܘܲܬ̣ܠܵܬ̣ܵܐ.

⁴⁰ܒܢܲܝ̈ ܐܵܡܝܼܪ: ܐܵܠܹܦ ܘܚܲܡܫܝܼܢ ܘܲܬ̣ܪܹܝܢ.

⁴¹ܒܢܲܝ̈ ܦܸܫܚܘܿܪ: ܐܵܠܹܦ ܘܡܲܐܬܹ̇ܝܢ ܘܐܲܪܒ̇ܥܝܼܢ ܘܫܲܒ̣ܥܵܐ.

⁴²ܒܢܲܝ̈ ܚܕ݂ܘܿܡ: ܐܵܠܹܦ ܘܲܫܒܲܬܲܥܣܲܪ.

⁴³ܠܹܘܵܝܹ̈ܐ ܒܢܲܝ̈ ܝܼܫܘܿܥ ܠܩܲܕ݂ܡܵܐܹܝܠ: ܠܲܒ̣ܢܲܝ̈ ܝܼܗܘܼܕ݂ܵܐ ܫܲܒ̣ܥܝܼܢ ܘܐܲܪܒ̇ܥܵܐ.

⁴⁴ܡܫܲܡ̈ܫܵܢܹܐ ܒܢܲܝ̈ ܐܵܣܵܦ: ܡܵܐܐ ܘܐܲܪܒ̇ܥܝܼܢ ܘܲܬ̣ܡܵܢܝܵܐ.

⁴⁵ܘܬ̣ܵܪ̈ܥܹܐ ܒܢܲܝ̈ ܫܵܠܘܿܡ: ܒܢܲܝ̈ ܐܵܛܲܪ: ܒܢܲܝ̈ ܐܲܛܠܡܵܢ: ܒܢܲܝ̈ ܥܩܘܿܦ: ܒܢܲܝ̈ ܚܛܘܿܛܵܐ: ܒܢܲܝ̈ ܫܲܒ̇ܝܼ: ܡܵܐܐ ܘܲܬ̣ܠܵܬ̣ܝܼܢ ܘܲܬ̣ܡܵܢܝܵܐ ܓܲܒ̣ܪܹ̈ܐ.

⁴⁶ܒܢܲܝ̈ ܐܵܨܚܵܐ: ܒܢܲܝ̈ ܚܫܘܿܦܵܐ: ܒܢܲܝ̈ ܛܲܒ̣ܥܘܿܬ̣.

⁴⁷ܒܢܲܝ̈ ܐܵܩܪܵܣ: ܒܢܲܝ̈ ܫܝܼܥܵܐ: ܒܢܲܝ̈ ܦܵܪܘܿܢ.

⁴⁸ܒܢܲܝ̈ ܠܸܒ̣ܢܵܐ: ܒܢܲܝ̈ ܚܲܓܒܵܐ: ܒܢܲܝ̈ ܫܲܠܡܝܼ.

⁴⁹ܒܢܲܝ̈ ܚܲܢܵܢܝܼ: ܒܢܲܝ̈ ܥܲܕܵܐ: ܒܢܲܝ̈ ܚܵܓܵܪ.

⁵⁰ܒܢܲܝ̈ ܐܲܢܵܐ: ܒܢܲܝ̈ ܕܝܼܨܘܿܢ: ܒܢܲܝ̈ ܕܩܘܿܪܵܐ.

⁵¹ܒܢܲܝ̈ ܓܵܙܵܡ: ܒܢܲܝ̈ ܥܲܕܵܐ: ܒܢܲܝ̈ ܦܵܨܵܚ.

⁵²ܒܢܲܝ̈ ܒܲܣܝܼ: ܒܢܲܝ̈ ܡܥܲܬ̣ܢܝܼܡ: ܒܢܲܝ̈ ܢܦܘܿܣܝܼܢ.

⁵³ܒܢܲܝ̈ ܒܩܘܿܩ: ܒܢܲܝ̈ ܚܛܘܿܦܵܐ: ܒܢܲܝ̈ ܚܲܕ݂ܚܘܼܬ̣.

⁵⁴ܒܢܲܝ̈ ܒܲܨܠܵܐܘܼܬ̣: ܒܢܲܝ̈ ܡܚܲܕ̇ܝܵܐ: ܒܢܲܝ̈ ܚܲܪܫܵܐ.

⁵⁵ܒܢܲܝ̈ ܒܙܘܿܩ: ܒܢܲܝ̈ ܣܹܣܪܵܐ: ܒܢܲܝ̈ ܬܲܡܢܲܥ.

⁵⁶ܒܢܲܝ̈ ܢܨܝܼܚ: ܒܢܲܝ̈ ܚܛܘܿܦܵܐ.

⁵⁷ܒܢܲܝ̈ ܥܲܒ̣̈ܕܲܝ ܫܠܹܝܡܘܿܢ: ܒܢܲܝ̈ ܣܲܛܝܼ: ܒܢܲܝ̈ ܣܦܘܿܬ̣: ܒܢܲܝ̈ ܦܵܪܘܿܝܵܐ.

⁵⁸ܒܢܲܝ̈ ܥܲܠܵܐ: ܒܢܲܝ̈ ܕܲܪܥܘܿܢ: ܒܢܲܝ̈ ܓܵܙܵܠ.

⁵⁹ܒܢܲܝ̈ ܫܦܲܛܝܵܐ: ܒܢܲܝ̈ ܚܦܲܛܝܵܐ: ܒܢܲܝ̈ ܒܲܟ̇ܪܘܼܬ̣: ܒܢܲܝ̈ ܨܘܿܒ̣ܝܼܢ: ܒܢܲܝ̈ ܐܲܡܘܿܢ.

⁶⁰ܟܠܗܘܿܢ ܢܵܬ̣̈ܢܵܝܹܐ: ܘܲܒ̣ܢܲܝ̈ ܥܲܒ̣̈ܕܲܝ ܫܠܹܝܡܘܿܢ: ܬܠܵܬ̣ܡܵܐܐ ܘܬܸܫܥܝܼܢ ܘܲܬ̣ܪܹܝܢ.

⁶¹ܗܵܠܹܝܢ ܕܲܣܠܸܩ̣ܘ ܡ̣ܢ ܬܸܠܡܸܠܚܵܐ ܠܬܸܠܚܲܪܫܵܐ. ܘܠܲܟ݂ܪܘܿܒ̣ ܗܵܠܹܝܢ ܐܸܡܲܪܘ. ܘܠܵܐ ܐܸܫܟܲܚܘ ܠܲܡܚܵܘܵܝܘܼ ܫܲܪ̈ܒ̣ܵܬ̣ܵܐ ܕܐܲܒ̣ܵܗܲܝ̈ܗܘܿܢ ܘܙܲܪ̈ܥܝܵܬ̣ܗܘܿܢ: ܐܸܠܵܐ ܕܡ̣ܢ ܝܼܣܪܵܝܹܠ ܐܸܢܘܿܢ.

⁶²ܒܢܲܝ̈ ܒܲܢܝܼ: ܒܢܲܝ̈ ܕܠܵܝܵܐ: ܒܢܲܝ̈ ܛܘܿܒ̇ܝܼܵܐ: ܒܢܲܝ̈ ܙܩܘܿܪܵܐ: ܫܸܬ̣ܡܵܐܐ ܘܐܲܪܒ̇ܥܝܼܢ ܘܲܬ̣ܪܹܝܢ.

⁶³ܘܡ̣ܢ ܟܘܼܡܪܹ̈ܐ ܒܢܲܝ̈ ܚܲܢܲܢܝܵܐ: ܒܢܲܝ̈ ܗܩܘܿܨ: ܒܢܲܝ̈ ܒܲܪܙܸܠܝܼ: ܕܲܢܣܲܒ̣ܘ ܡ̣ܢ ܒ̈ܢܵܬ̣ ܒܲܪܙܹܠܝܼ ܓܸܠܥܵܕ݂ܵܝܵܐ ܐܲܢ̄ܬ̇ܬ̣ܵܐ. ܘܐܸܬ̣ܩܪܝܼ ܥܲܠ ܫܸܡܗܘܿܢ.

⁶⁴ܘܗܵܠܹܝܢ ܒܥ̣ܵܘ ܒܲܟ݂ܬ̣ܵܒ̣ܵܐ ܠܫܲܪ̈ܒ̣ܵܬ̣ܗܘܿܢ: ܘܠܵܐ ܐܸܫܟܲܚܘ ܘܲܥܒܲܕ݂ ܠܗܘܿܢ ܡ̣ܢ ܟܘܼܡܪܘܼܬ̣ܵܐ.

⁶⁵ܘܐܸܡܲܪܘ ܠܗܘܿܢ ܩܲܫܝܼܫܹ̈ܐ ܕܟ݂ܘܼܡܪܹ̈ܐ: ܕܠܵܐ ܢܹܐܟ݂ܠܘܼܢ ܡ̣ܢ ܩܕ݂ܘܿܫ ܩܘܼܕ݂ܫܹ̈ܐ: ܥܕܲܡܵܐ ܕܲܢܩܝܼܡ ܟܵܗܢܵܐ ܪܲܒܵܐ: ܘܢܸܫܐܲܠ ܘܢܸܚܙܹܐ.

⁶⁶ܟܠܵܗ̇ ܟܢܘܼܫܬܵܐ ܐܲܟ݂ܚ̄ܕ݂ܵܐ: ܐܲܪܒܲܥ ܪܸ̈ܒ̇ܘܵܢ ܘܲܬ̣ܪܹܝܢ ܐܲܠܦܝܼ̈ܢ: ܘܐܲܪܒܲܥܡܵܐܐ ܘܫܲܒ̣ܥܝܼܢ.

⁶⁷ܠܒܲܪ ܡ̣ܢ ܥܒ̣ܕܲܝ̈ܗܘܿܢ ܘܐܲܡ̈ܗܵܬ̣ܗܘܿܢ. ܗܵܠܹܝܢ ܫܲܒ̣ܥܵܐ ܐܲܠܦ̈ܝܼܢ ܘܲܬ̣ܠܵܬ̣ܡܵܐܐ ܘܲܬ̣ܠܵܬ̣ܝܼܢ ܘܲܬ̣ܠܵܬ̣ܵܐ

⁶⁸ܟܠܗܘܿܢ ܡܫܲܡ̈ܫܵܢܹܐ ܘܲܡܫܲܡܫܵܢ̈ܝܵܬ̣ܵܐ: ܡܵܐܬܹ̇ܝܢ ܘܐܲܪܒ̇ܥܝܼܢ ܘܚܲܡܫܵܐ.

⁶⁹ܓܲܡ̈ܠܹܐ ܐܲܪܒܲܥܡܵܐܐ ܘܲܬ̣ܠܵܬ̣ܝܼܢ ܘܚܲܡܫܵܐ. ܚܸܡܪ̈ܵܐ ܫܬܵܐ ܐܲܠܦ̈ܝܼܢ ܘܲܫܒܲܥܡܵܐܐ ܘܥܸܣܪܝܼܢ.

⁷⁰ܘܡ̣ܢ ܪܹܫܹܐ ܕܐܲܒ̣ܵـ̈ـܗܵܬ̣ܵܐ: ܝܲܗ̄ܒ̣ܘ ܠܲܥܒ̣ܵܕ݂ܵܐ ܕܒܲܝܬܵܐ: ܩܲܫܝܼܫܹ̈ܐ ܕܟ݂ܘܼܡܪܹ̈ܐ: ܝܲܗ̄ܒ̣ܘ ܠܒܹܝܬ̣ ܓܲܙܵܐ: ܕܲܗܒ̣ܵܐ: ܕܪ̈ܝܼܟ݂ܘܼܢܹܐ ܐܲܠܦܵܐ ܚܲܕ݂. ܦܸܛܩܹ̈ܐ: ܚܲܡܫܝܼܢ ܟܘܿܬ̇ܝܼܢ̈ܝܵܬ̣ܵܐ ܠܟ݂ܘܼܡܪܹ̈ܐ: ܚܲܡܸܫܡܵܐܐ ܘܲܬ̣ܠܵܬ̣ܝܼܢ.

⁷¹ܘܡ̣ܢ ܪܹ̈ܫܲܝ ܐܲܒ̣ܵـ̈ـܗܵܬ̣ܵܐ: ܝܲܗ̄ܒ̣ܘ ܠܓܲܙܵܐ ܕܲܥܒ̣ܝܼܕ̇ܬܵܐ: ܕܲܗܒ̣ܵܐ ܕܪ̈ܝܼܟ݂ܘܿܢܹܐ ܬܲܪܬܹ̇ܝܢ ܪܸ̈ܒ̇ܘܵܢ. ܘܟܸܣܦܵܐ ܡܢ̈ܝܼܢ ܬܪܹܝܢ ܐܲܠܦ̈ܝܼܢ ܘܡܲܐܬܹ̇ܝܢ.

⁷²ܘܝܲܗ̄ܒ̣ܘ ܫܲܪܟܵܐ ܕܥܲܡܵܐ: ܕܪ̈ܝܼܟ݂ܘܿܢܹܐ ܬܲܪܬܹ̇ܝܢ ܪܸ̈ܒ̇ܘܵܢ: ܡܢ̈ܝܼܢ ܬܪܹܝܢ ܐܲܠܦ̈ܝܼܢ: ܘܟ݂ܘܿܬ̇ܝܼܢ̈ܝܵܬ̣ܵܐ ܠܟ݂ܘܼܡܪܹ̈ܐ ܫܬ̇ܝܼܢ ܘܲܫܒܲܥ.

⁷³ܘܗܲܠܸܟ݂ܘ ܟܘܼܡܪܹ̈ܐ ܘܠܹܘܵܝܹ̈ܐ: ܘܬ̣ܵܪ̈ܥܹܐ ܘܲܡܫܲܡܫܵܢܹ̈ܐ: ܘܡ̣ܢ ܥܲܡܵܐ ܘܢܵܬ̣̈ܢܵܝܹܐ: ܘܟ݂ܠܹܗ ܝܼܣܪܵܝܹܠ: ܠܩܘܼܪ̈ܝܼܗܘܿܢ. ܘܟܲܕ݂ ܡ̣ܛܵܐ ܝܲܪܚܵܐ ܫܒ̣ܝܼܥܵܝܵܐ: ܘܲܒ̣ܢܲܝ̈ ܝܼܣܪܵܝܹܠ ܒܩܘܼܪ̈ܝܼܗܘܿܢ.