Read Aramaic Peshita Job 16 Bible Online

Job 16 - Aramaic Peshita bible

Job 16

¹ܘܲܥܢ̣ܵܐ ܐܝܼܘܿܒ̣ ܘܐܸܡ̣ܲܪ.

²ܫܸܡܥܹ̇ܬ̣ ܕܣܲܓ̇ܝ̣ܵܐ̈ܢ ܐܲܝܟ݂ ܗܵܠܹܝܢ: ܘܲܡܒܲܝ̈ܐܢܲܝ ܒܥܵܘܼܠܵܐ ܐܲܢ̄ܬ̇ܘܿܢ ܟܠܟ݂ܘܿܢ.

³ܠܵܐ ܬܲܟ݂ܪܘܿܢ ܠܪܘܼܚܝ ܒܡܸܠܹ̈ܐ. ܘܐܵܦܸܢ ܬܹܐܡܪܘܼܢ ܠܝܼ: ܠܵܐ ܥܵܢܹ̇ܐ ܐ̄ܢܵܐ.

⁴ܐܵܦ ܐܸܢܵܐ ܐܲܟ݂ܘܵܬ̣ܟ݂ܘܿܢ ܐܹܡܲܠܸܠ ܐܸܫܬ̇ܘܿܦ ܕܹܝܢ ܥܒ̣ܝܼ̈ܕܵܢ ܗ̄ܘܲܝ̈ ܢܲܦ̮̈ܫܵܬ̣ܟ݂ܘܿܢ ܚܠܵܦ ܢܲܦ̮ܫܝ ܘܲܒ̣ܩܹܝ̇ܬ̣ܟ݂ܘܿܢ ܕܹܝܢ ܒܡܸܠܹ̈ܐ: ܘܐܲܢܝܼܕܹܬ̣ ܥܠܲܝܟ̇ܘܿܢ ܒܪܹܫܝ.

⁵ܒܨܹܝ̇ܬ̣ܟ݂ܘܿܢ ܕܹܝܢ ܒܡܸܠܲܝ̈ܟ̇ܘܿܢ. ܘܡܲܡܠܠܵܐ ܕܣܸܦ̈ܘܵܬ̣ܝ ܠܵܐ ܕܹܝܢ ܚܸܣܟܹ̇ܬ̣ ܡܸܢܟ݂ܘܿܢ.

⁶ܐܸܢ ܐܹܡܲܠܸܠ ܓܹܝܪ: ܠܵܐ ܦܵܪܹܩ ܟܹܐܒ̣ܝ. ܘܐܸܢ ܫܵܠܹ̇ܐ ܐ̄ܢܵܐ: ܡܲܢ̣ܘܼ ܡܲܪܘܲܚ ܠܝܼ.

⁹ܪܘܼܓ̣ܙܹܗ ܬܲܒ̣ܪܲܢܝ ܘܦܲܫ̣ܚܲܢܝ. ܘܚܲܪܸܩ ܥܠܲܝ ܫܸܢܵܘ̈ܗܝ. ܒܥܸܠܕ̇ܒ̣ܵܒܲܝ̈ ܚܲܒܲܪܘ ܥܲܝܢܲܝ̈ܗܘܿܢ ܥܠܲܝ.

¹⁰ܘܲܥܠܝ ܦܬܲܚ̣ܘ ܦܘܼܡܗܘܿܢ ܒܚܸܣܕܵܐ ܘܲܡܚ̣ܵܘ ܦܲܟ݂ܝ̈ ܐܲܟ݂ܚ̄ܕ݂ܵܐ. ܘܚܸܡܬ̣ܵܐ ܡܬ̣ܡ̱ܠܹܝܢ ܗ̄ܘܼܵܘ ܥܠܲܝ.

¹¹ܘܐܲܫܠ̱ܡܲܢܝ ܠܡܲܠܲܐܟ݂ܵܐ ܥܵܘܿܠܵܐ. ܘܠܐܝܼܕ݂ܵܐ ܕܪܲܫܝܼܥܵܐ ܐܲܫܠ̱ܡܲܢܝ.

¹²ܫܠܹܐ ܗ̄ܘܹܿܝܬ̣: ܘܛܲܪܦܲܢܝ ܐܸܚܲܕ݂ ܒܲܩܕ݂ܵܠܝ: ܘܒܲܕܿܪܲܢܝ. ܐܲܩܝܼܡܲܢܝ ܠܹܗ ܐܲܝܟ݂ ܢܝܼܫܵܐ.

¹³ܘܲܣܓ̣ܝܼܘ ܥܠܲܝ ܓܹܐܪ̈ܵܘܗܝ. ܘܲܫܕ̣ܵܐ ܒܟ݂̈ܘܿܠܝܵܬ̣ܝ ܘܠܵܐ ܚܵܣ ܐܸܫܲܕ݂ ܥܲܠ ܐܲܪܥܵܐ ܡܪܵܪܬ̇ܝ.

¹⁴ܬܲܪܥܲܢܝ ܬܘܼܪ̱ܥܬ̣ܵܐ ܒܓ̣ܵܘ ܬܘܼܪ̱ܥܬ̣ܵܐ. ܘܲܪܗܸܛ̣ ܥܠܲܝ ܐܲܝܟ݂ ܓܲܢ̄ܒܵܪܵܐ.

¹⁵ܣܲܩܵܐ ܐܸܬ̣ܟܲܒ̣ܢܹ̇ܬ̣ ܥܲܠ ܡܸܫܟ̇ܝ. ܘܦܲܠܦ̇ܠܹܬ̣ ܒܥܲܦܪܵܐ ܪܹܫܝ.

¹⁶ܐܲܦܲܝ̈ ܐܸܬ̇ܕܲܠܲܚ ܡ̣ܢ ܒܟ݂ܵܬ̣ܵܐ. ܘܚܵܙ̈ܝܵܬ̣ܝ ܡ̣ܢ ܛܸܠܵܠܹܗ ܕܡܵܘܬܵܐ.

¹⁷ܥܲܠ ܕܠܲܝܬ̇ ܥܵܘܼܠܵܐ ܒܐܝܼ̈ܕܲܝ: ܘܲܨܠܘܿܬ̣ܝ ܕܲܟ݂ܝܵܐ.

¹⁸ܐܲܪܥܵܐ ܠܵܐ ܬܟܲܣܸܐ ܕܹܡܝ. ܘܠܵܐ ܢܸܗܘܹܐ ܐܲܬ̣ܪܵܐ ܠܲܙܥܵـ̈ـܩܵܬ̣ܝ.

¹⁹ܘܗܵܫܵܐ ܗܵܐ ܒܲܫܡܲܝܵܐ ܣܵܗ̇ܕܲܝ̈: ܘܝܵܕ݂ܥܲܝ̈ ܒܲܡܪܵܘܡܵܐ.

²⁰ܐܲܚܲܝ̈ ܘܪ̈ܵܚܡܲܝ: ܠܘܵܬ̣ ܐܲܠܵܗܵܐ ܫܸܦܥܲܬ̤ ܥܲܝܢܝ.

²¹ܠܘܲܝ ܕܹܝܢ ܢܲܟܸ̇ܣ ܒܲܪܢܵܫܵܐ ܠܐܲܠܵܗܵܐ ܐܲܝܟ݂ ܓܲܒ̣ܪܵܐ ܠܚܲܒ̣ܪܹܗ.

²²ܕܡܸܢܝܵܢܵܐ ܕܲܫܢܵܘ̈ܗܝ ܐܵܬ̣̈ܝܵܢ ܘܐܘܼܪܚܵܐ ܕܠܵܐ ܗܵܦ̇ܟܵܐ ܐܵܙܹ̇ܠ.