Read Aramaic Peshita Job 23 Bible Online

Job 23 - Aramaic Peshita bible

Job 23

¹ܘܲܥ̣ܢܵܐ ܐܝܼܘܿܒ̣ ܘܐܸܡ̣ܲܪ.

²ܐܵܦ ܝܵܘܡܵܢܵܐ ܡܸܪܲܬ̤ ܫܘܿܥܝܲܬ̣ܝ ܘܐܝܼܕܹܗ ܝܸܩܪܲܬ̤ ܥܲܠ ܬܸܢܚܵܬ̣̈ܝ.

³ܡ̇ܢ ܕܹܝܢ ܥ̣ܒܲܕ݂: ܕܡܸܫܟܲܚ ܗ̄ܘܹܿܝܬ̣ ܠܲܡܡܲܛܵܝܘܼ ܥܕܲܡܵܐ ܠܡܵܘܬ̇ܒܹܗ.

⁴ܘܐܸܣܕ̇ܘܿܪ ܩܕ݂ܵܡܵܘܗܝ ܕܝܼܢܵܐ. ܘܦܘܼܡܝ ܐܸܡܠܹܐ ܡܲܟ̇ܣܵܢܘܼܬ̣ܵܐ.

⁵ܘܝܼܕ݂ܥܹ̇ܬ̣ ܕܹܝܢ ܡܵܢܵܐ ܥܵܢܹ̇ܐ ܗ̄ܘܼܵܐ ܠܝܼ. ܘܡܸܬ̣ܒܲܝܲܢ ܗ̄ܘܹܿܝܬ̣ ܡܵܢܵܐ ܐܵܡ̇ܲܪ ܗ̄ܘܼܵܐܠܝܼ.

⁸ܐܸܢ ܩܕ݂ܵܡܲܝ ܐܵܙܹ̇ܠ: ܠܵܐ ܝܵܕܲܥ ܐ̄ܢܵܐ. ܘܐܸܢ ܒܸܣܬܲܪܝ: ܠܵܐ ܡܸܬ̣ܒܲܝܲܢ ܐ̄ܢܵܐ ܠܹܗ.

⁹ܠܣܸܡܵܠܝ ܒܥܹ̇ܝܬ̣: ܘܠܵܐ ܐܸܬ̣ܚܙܝܼ ܠܝܼ ܘܥܸܛܦܹ̇ܬ̣ ܠܝܲܡܝܼܢܝ: ܘܠܵܐ ܚܙܹ̇ܝܬܹܗ.

¹⁰ܗ̤ܘܝܘܼ ܝܵܕܲܥ ܐܘܼܪܚܝ. ܘܲܩܝܵܡܝ ܘܒܲܚ̣ܪܲܢܝ ܐܲܝܟ݂ ܕܲܗܒ̣ܵܐ ܘܢܸܦܩܹ̇ܬ̣.

¹¹ܘܲܒܲܫܒ̣ܝܼܠܵܘ̈ܗܝ ܐܸܫܬܲܪܪܲܬ̤ ܪܸܓ̣ܠ̄ܝ. ܐܘܼܪ̈ܚܵܬܹܗ ܢܸܛܪܹܬ̣.

¹²ܘܠܵܐ ܫܵܛܹ̇ܬ̣ ܦܘܼܩ̈ܕܵܢܲܝ ܣܸܦ̈ܘܵܬܹܗ. ܘܠܵܐ ܫܲܢܝܼܬ̣ ܡ̣ܢ ܨܸܒ̣ܝܵܢܹܗ. ܢܸܛܪܹܬ̣ ܡܸـ̈ـܠܲܝ ܦܘܼܡܹܗ.

¹³ܘܗ̤ܘ ܒܲܚܕ݂ܵܐ ܡ̣ܢ ܗܵܠܹܝܢ ܡܵܢܵܐ ܢܬ̣ܝܼܒܲܢܝ: ܕܢܲܦ̮ܫܹܗ ܐܸܨܛܵܒ̣ܝܲܬ̤ ܘܲܥ̣ܒܲܕ݂.

¹⁴ܒܪܲܡ ܐܹܫܲܠܸܡ ܩܝܵܡܹܗ ܘܐܲܝܟ݂ ܗܵܠܹܝܢ ܣܲܓ̈ܝܼܵܐܢ ܐܝܼܬ̣ ܥܲܡܹܗ.

¹⁵ܡܸܛܠ ܗܵܢܵܐ ܡ̣ܢ ܩܕ݂ܵܡܵܘܗܝ ܕܸܚܠܹ̇ܬ̣. ܘܐܸܬ̣ܒܲܝܢܹ̇ܬ̣ ܘܙܵܥܹ̇ܬ̣ ܡܸܢܹܗ.

¹⁶ܡܸܛܠ ܕܐܲܠܵܗܵܐ ܐܲܙܝܼܥ ܠܹܒ̇ܝ: ܘܪܹܫܝ ܐܸܬ̇ܬ̇ܙܝܼܥ.

¹⁷ܡܸܛܠ ܕܠܵܐ ܐܸܫܬܲܬ̇ܩܹ̇ܬ̣ ܡ̣ܢ ܩܕ݂ܵܡ ܚܸܫܘܿܟ݂ܵܐ: ܘܡ̣ܢ ܩܕ݂ܵܡ ܬܲܚܦܝܼܬ̣ܵܐ ܕܥܲܡܛܵܢܵܐ.