Read Aramaic Peshita Job 26 Bible Online

Job 26 - Aramaic Peshita bible

Job 26

¹ܘܲܥ̣ܢܵܐ ܐܝܼܘܿܒ̣ ܘܐܸܡ̣ܲܪ.

²ܠܡܵܢܵܐ ܡܥܲܕܲܪ ܐܲܢ̄ܬ̇ ܕܠܵܐ ܚܹܝܠ. ܘܦܵܪܹܩ ܐܲܢ̄ܬ̇ ܕܪܵܥܵܐ ܕܠܵܐ ܒܥܘܼܫܢܵܐ.

³ܡܵܢܵܐ ܐܸܬ̣ܪܲܥܝܼ̣ܬ̇ ܕܠܵܐ ܚܸܟ݂ܡ̱ܬ̣ܵܐ. ܘܝܘܼܠܦܵܢܵܐ ܣܲܓ̇ܝܼܵܐܐ ܐܵܘܕܲܥ̣ܬ̇.

⁴ܠܡܲܢ ܚܵܘ̣ܝܼܬ̇ ܡܸܠܹ̈ܐ: ܘܲܢܫܲܡܬ̣ܵܐ ܕܡ̇ܢ ܢܸܦܩܲܬ̤ ܡܸܢܵܟ݂.

⁵ܗܵܐ ܓܲܢ̄ܒܵܪܹ̈ܐ ܢܸܬ̣ܩܲܛܠܘܼܢ: ܘܡ̣ܢ ܡܲـ̈ـܝܵܐ ܢܸܫܠܘܿܢ.

⁶ܥܲܪܛܸܠܵܝܵܐ ܗ̄ܝܼ ܫܝܘܠ ܩܕ݂ܵܡܵܘܗܝ. ܘܠܲܝܬ̇ ܬܲܟ݂ܣܝܼ ܠܐܲܒ̣ܕܵܢܵܐ.

⁷ܡ̣ܬܲܚ ܓܲܪܒ̇ܝܵܐ ܡ̣ܢ ܚܘܼܪܒܵܐ. ܘܲܬ̣ܠܵܐ ܐܲܪܥܵܐ ܥܲܠ ܠܵܐ ܡܸܕܹ̇ܡ.

⁸ܨܲܪ ܡܲـ̈ـܝܵܐ ܒܲܥܢܵܢܵܘ̈ܗܝ. ܘܠܵܐ ܐܸܬ̣ܒܲܙܥܲܬ̤ ܥܢܵܢܵܐ ܬܚܘܿܬܲܝܗܘܿܢ.

⁹ܐܸܚܲܕ݂ ܒܐܲܦܲܝ̈ ܬܲܟ݂ܣܝܼܬ̣ܵܐ. ܘܲܦܪܲܣ̣ ܠܥܸܠ ܡܸܢܵܗ̇ ܥܢܵܢܵܐ.

¹⁰ܪܫܹ̇ܡ ܚܘܼܓ̣ܬ̣ܵܐ ܥܲܠ ܐܲܦܲܝ̈ ܡܲـ̈ـܝܵܐ: ܥܕܲܡܵܐ ܕܲܫ̣ܠܸܡ ܢܘܼܗܪܵܐ ܥܲܡ ܚܸܫܘܿܟ݂ܵܐ.

¹¹ܥܲܡܘܼ̈ܕܲܝ ܫܡܲܝܵܐ ܪܵܥ̇ܠܝܼܢ. ܘܢܸܬ̣ܡ̱ܗܘܿܢ ܡ̣ܢ ܟܐܵܬܹܗ.

¹²ܒ̇ܚܲܝܠܹܗ ܓܵܥܲܪ ܒܝܲܡܵܐ. ܘܲܒ̣ܚܸܟ݂ܡ̱ܬܹܗ ܡܲܚܸܐ ܣܲܓܝܼ̈ܐܹܐ.

¹³ܒܪܘܼܚܹܗ ܫܡܲܝܵܐ ܡܕܲܒܲܪ. ܘܩܸܛܠܲܬ̤ ܐܝܼܕܹܗ ܠܚܸܘܝܵܐ ܕܲܥܪܲܩ̣.

¹⁴ܗܵܐ ܗܵܠܹܝܢ ܟܠܗܹܝܢ ܡ̣ܢ ܩܸܨܲܬ̤ ܐܘܼܪ̈ܚܵܬܹܗ. ܘܐܲܝܢܵܐ ܦܸܬ̣ܓ̣ܵܡ ܒܝܼܫ ܐܸܫܬ̇ܡܲܥ ܥܠܵܘܗܝ. ܘܣܘܿܓ̣ܵܐܐ ܕܓܲܢ̄ܒܵܪܘܼܬܹܗ ܡܲܢ̣ܘܼ ܢܸܬ̣ܒܲܝܲܢ.