Read Aramaic Peshita Job 30 Bible Online

Job 30 - Aramaic Peshita bible

Job 30

¹ܘܗܵܫܵܐ ܗܵܐ ܓܚܸܟ݂ܘ ܥܠܲܝ: ܐܲܝܠܹܝܢ ܕܲܒ݂ܨܝܼܪܝܼܢ ܡܹܢܝ ܒܝܵܘ̈ܡܵܬ̣ܵܐ: ܐܲܝܠܹܝܢ ܕܐܸܢܵܐ ܐܲܣܠ̇ܝܼܬ̣ ܠܐܲܒ̣ܵܗܲܝ̈ܗܘܿܢ: ܘܠܵܐ ܚܸܫܒܹ̇ܬ̣ ܐܸܢܘܿܢ ܥܲܡ ܟܲܠܒܹ̈ܐ ܕܥܵܢ̈ܝ.

²ܘܚܲܝܠܵܐ ܕܐܝܼܕܲܝ̈ܗܘܿܢ ܠܡܵܢܵܐ ܐܵܙܹ̇ܠ ܗ̄ܘܼܵܐ ܠܝܼ: ܕܲܥܠܲܝܗܘܿܢ ܐܲܒ̇ܝܼܕ݂ ܟܠܹܗ ܥܘܼܫܢܵܐ.

⁸ܢܸܣܬܲܚܦܘܼܢ ܒ̈ܢܲܝܵܐ ܫܵܛܲـ̈ـܝܵܐ ܥܲܡ ܒ̈ܢܲܝܵܐ ܥܵܘܿܠܹ̈ܐ. ܬܲܡܵܢ ܢܸܬ̣ܡܲܟ̇ܟ݂ܘܼܢ ܡ̣ܢ ܐܲܪܥܵܐ.

⁹ܘܗܵܫܵܐ ܪܸܢܝܼܗܘܿܢ ܗܘܹ̇ܝܬ̣: ܘܲܗܘܹ̇ܝܬ̣ ܠܗܘܿܢ ܠܬܸܡܗܵܐ.

¹⁰ܐܲܣܠ̱ܝܘܼܢܝ: ܘܐܸܬ̣ܪܲܚܲܩܘ ܡܹܢܝ. ܘܡ̣ܢ ܐܲܦܲܝ̈ ܚ̣ܣܲܟ݂ܘ ܪܘܼܩܵܐ.

¹¹ܡܸܛܠ ܕܒܵܬܲܪܝ ܫܲܪܝܼܘ: ܘܡܲܟ̇ܟ݂ܘܼܢܝ. ܘܲܦܓ̣ܘܼܕ̇ܬܹ̇ܗ ܒܦܘܼܡܝ ܐܲܪܡܝܼܘ.

¹²ܥܲܠ ܝܲܡܝܼܢܝ ܩ̣ܵܡܘ: ܘܥܲܪܩܸܠ̣ܘ ܠܪܸ̈ܓ̣ܠܲܝ ܘܥܲܪܩ̣ܠܘܼܢܝ ܒܲܫܒ̣ܝܼܠܹ̈ܐ ܕܐܘܼܪ̈ܚܵܬ̣ܗܘܿܢ.

¹³ܘܒܲܫܒ̣ܝܼ̈ܠܲܝ ܥܲܪܩܸܠ̣ܘ ܣܪܝܼܩܵܐܝܼܬ̣. ܘܥܲܠ ܡܵܐ ܕܲܗܘܼܵܢܝ ܚܕ݂ܝܼܘ. ܘܲܠܗܘܿܢ ܠܵܐ ܢܸܗܘܹܐ ܥܘܼܕ݂ܪܵܢ.

¹⁴ܐܲܝܟ݂ ܬܘܼܪ̱ܥܬ̣ܵܐ ܪܲܒܿܬ̣ܵܐ ܢܹܐܬ̣ܘܿܢ: ܘܲܬ̣ܚܹܝܬ̣ ܥܲܠܥܵܠܵܐ ܢܸܬ̇ܬܲܒ̣ܪܘܼܢ.

¹⁵ܕܐܲܗܦܸܟ݂ܘ ܥܠܲܝ ܕܠܘܼܚܝܵܐ. ܘܲܪܕܲܦ̣ܘ ܐܲܝܟ݂ ܪܘܼܚܵܐ ܫܒ̣ܝܼ̈ܠܲܝ: ܘܐܲܝܟ݂ ܥܢܵܢܵܐ ܕܥܵܒ̣ܪܵܐ ܦܘܼܪܩܵܢܝ.

¹⁶ܘܗܵܫܵܐ ܐܸܬ̇ܛܲܪܦܲܬ̤ ܢܲܦ̮ܫܝ. ܘܚܲܕ݂ܪܘܼܢܝ ܝܵܘ̈ܡܲܝ ܡܘܼܟܵܟ݂ܝ.

¹⁷ܒܠܸܠܝܵܐ ܓܲܪ̈ܡܲܝ ܝܼܩܲܪܘ ܥܠܲܝ. ܘܓ̣ܘܼܫܡܝ ܠܵܐ ܫ̣ܪܵܐ ܒܣܘܿܓ̣ܵܐܐ ܕܚܲܝܠܵܐ.

¹⁸ܐܸܬ̣ܠܲܒ̣ܫܹܬ̣ ܠܒ̣ܘܼܫܝ: ܘܐܸܬ̣ܚܲܙܩܹ̇ܬ̣ ܒܟ݂ܘܿܬ̇ܝܼܢܝ.

¹⁹ܐܲܪܡܝܘܼܢܝ ܠܛܝܼܢܵܐ: ܘܐܸܬ̣ܡܲܬ̇ܠܹܬ̣ ܐܲܝܟ݂ ܥܲܦܪܵܐ ܘܩܸܛܡܵܐ.

²⁰ܐܸܓ̣ܥܹܐ ܠܘܵܬ̣ܵܟ݂ ܘܠܵܐ ܬܸܥܢܹܝܢܝ. ܩܵܡ̣ܬ̇ ܘܐܸܬ̣ܒܲܝܲܢܬ̇ ܒܝܼ.

²¹ܘܲܥ̣ܒܲܕ̇ܬܵܢܝ ܠܵܟ݂ ܒܥܸܠܕ̇ܒ̣ܵܒ̣ܵܐ. ܘܲܒ̣ܥܘܼܫܢܵܐ ܕܐܝܼܕܲܝ̈ܟ ܣܛܲܡ̣ܬܵܢܝ.

²²ܘܲܫ̣ܩܲܠܬܵܢܝ ܘܐܲܪܒܲܥܬܵܢܝ ܥܲܠ ܪܘܼܚܵܐ. ܘܡܲܟܸ̇ܟ݂ܬܵܢܝ ܘܐܲܕ݂ܘܝܼܬܵܢܝ.

²³ܡܸܟܹ̇ܝܠ ܝܵܕܲܥ ܐ̄ܢܵܐ ܕܡ̣ܢ ܡܵܘܬܵܐ ܬܲܗܦܟܲܢܝ: ܠܒܹܝܬ̣ ܘܲܥܕܵܐ ܕܟ݂ܠܗܘܿܢ ܚܲܝܹ̈ܐ.

²⁴ܒܪܲܡ ܠܵܐ ܥܠܲܝ ܢܵܘܫܸܛ ܐܝܼܕܹܗ: ܘܡܵܐ ܕܲܓ̣ܥܹ̇ܝܬ̣ ܠܘܵܬܹܗ ܢܸܦ̱ܪܩܲܢܝ.

²⁵ܒܟܹ̇ܝܬ̣ ܥܲܠ ܡܸܣܟܹ̇ܢܵܐ ܒܐܝܼܡܵܡܵܐ. ܘܢܲܦ̮ܫܝ ܐܸܬ̇ܛܲܪܦܲܬ̤ ܥܲܠ ܒܵܝ̇ܫܵܐ.

²⁶ܣܲܟ̇ܝܼ̇ܬ̣ ܠܛܵܒ̣ܬ̣ܵܐ: ܘܐܸܬܲܬ̤ ܒܝܼܫܬܵܐ ܣܲܟ̇ܝܼ̇ܬ̣ ܠܢܘܼܗܪܵܐ: ܘܐܸܬ̣ܵܐ ܥܲܡܛܵܢܵܐ.

²⁷ܡܥܲܝ̈ ܐܸܬ̇ܕܲܠܲܚܘ ܘܠܵܐ ܫ̣ܠܝܼܘ. ܩܲܕ݂ܡܘܼܢܝ ܝܵܘ̈ܡܵܬ̣ܵܐ ܕܡܘܼܟܵܟ݂ܝ.

²⁸ܟܡܝܼܪܵܐܝܼܬ̣ ܗܲܠܟܹ̇ܬ̣ ܕܠܵܐ ܚܸܡܬ̣ܵܐ. ܩܵܡܹ̇ܬ̣ ܒܲܟ݂ܢܘܼܫܝܵܐ ܘܲܒ̣ܟܹ̇ܝܬ̣.

²⁹ܐܲܚܵܐ ܗܘܹ̇ܝܬ̣ ܠܝܵܪܘܿܪܹ̈ܐ: ܘܪܵܚ̇ܡܵܐ ܠܲܒ̣̈ܢܵܬ̣ ܢܲܥܵܡܹ̈ܐ.

³⁰ܡܸܫܟ̇ܝ ܩ̣ܦܘܿܕ݂ ܥܠܲܝ. ܘܓܲܪ̈ܡܲܝ ܣ̣ܵܛܘ ܐܲܝܟ݂ ܕܲܒ̣ܫܵܘܒܵܐ.

³¹ܗܘ̤ܵܐ ܟ݂ܢܵܪܝ ܠܐܸܒ̣ܠܵܐ: ܘܲܙܡܵܪܝ ܠܩܵܠܵܐ ܕܲܒ̣ܟ݂ܵܬ̣ܵܐ.