Read Aramaic Peshita Psalms 101 Bible Online

Psalms 101 - Aramaic Peshita bible

Psalms 101

¹ܛܲܝܒ̇ܘܼܬ̣ܵܐ ܘܕ݂ܝܼܢܵܐ ܐܸܙܡܲܪ.

²ܘܠܵܟ݂ ܐܹܫܲܒܲܚ ܡܵܪܝܵܐ.

³ܐܹܗܲܠܸܟ݂ ܒܐܘܼܪܚܵܟ݂ ܕܠܵܐ ܡܘܼܡ.

⁴ܥܕܲܡܵܐ ܠܐܸܡܲܬ̣ܝ ܬܹܐܬܸܐ ܠܘܵܬ̣ܝ.

⁵ܗܲܠ݁ܟܹܬ̣ ܒܬܲܡܝܼܡܘܼܬܹܗ ܕܠܹܒ̇ܝ ܒܓ̣ܵܘ ܒܲܝܬ̇ܝ.

⁶ܘܠܵܐ ܣܵܡܹ̇ܬ̣ ܠܘܼܩܒܲܠ ܥܲܝܢܲܝ̈ ܡܸܠܬ̣ܵܐ ܕܥܵܘܠܵܐ.

⁷ܠܲܕ݂ܥܵܒܸܕ݂ ܒܝܼܫܬܵܐ ܣܢܹ̇ܝܬ̣ ܘܠܵܐ ܢܩܸܦ݂ ܠܝܼ.

⁸ܠܸܒܵܐ ܒܝܼܫܵܐ ܥܒ݂ܲܪ ܡܹܢܝ ܘܒ̣ܝܼܫܬܵܐ ܠܵܐ ܝܸܕ݂ܥܹ̇ܬ̣.

⁹ܠܡܲܢ ܕܐܵܟܹܠ݁ ܩܲܪܨܵܐ ܕܚܲܒ̣ܪܹܗ ܒܣܸܬ̣ܪܵܐ ܡܲܘܒܸ̇ܕ ܗ̄ܘܹܝ݁ܬ̣.

¹⁰ܠܲܕ݂ܪ̈ܵܡܵܢ ܥܲܝܢܵܘ̈ܗܝ ܘܲܪܘܝܼܚ ܠܸܒܹ̇ܗ ܥܲܡܹܗ ܠܵܐ ܐܵܟܹܠ݁ ܗ̄ܘܹ̇ܝܬ̣.

¹¹ܥܲܝܢܲܝ̈ ܒܲܡܗܲܝܡ̱ܢܹ̈ܐ ܕܐܲܪܥܵܐ ܕܢܸܬ̇ܒ̣ܘܼܢ ܥܲܡܝ.

¹²ܕܲܡܗܲܠܸܟ݂ ܒܐܘܼܪܚܵܐ ܕܠܵܐ ܡܘܼܡ ܗܘ݀ ܢܫܲܡܫܲܢܝ.

¹³ܘܠܵܐ ܢܸܬܸ̇ܒ̣ ܒܓ̣ܵܘ ܒܲܝܬ̇ܝ ܕܥܵܒܹ̇ܕ݂ ܢܸܟ̣ܠܵܐ.

¹⁴ܘܡܲܡܠ̱ܠܵܐ ܟܲܕܵܒ̣ܵܐ ܠܵܐ ܢܸܬ̣ܩܲܢ ܩܕ݂ܵܡ ܥܲܝܢܲܝ̈.

¹⁵ܒܨܲܦܪܵܐ ܐܹܫܲܬܸ̇ܩ ܠܟ̣ܠܗܘܿܢ ܪ̈ܲܫܝܼܥܹܐ ܕܐܲܪܥܵܐ.

¹⁶ܘܐܲܘܒܸ̇ܕ݂ ܡ̣ܢ ܡܕ݂ܝܼܢ̄ܬܹ̇ܗ ܕܡܵܪܝܵܐ.

¹⁷ܠܟ̣ܠܗܘܿܢ ܥܵܒ̣ܕܲܝ̈ ܥܲܘܠܵܐ.