Read Aramaic Peshita Psalms 105 Bible Online

Psalms 105 - Aramaic Peshita bible

Psalms 105

¹ܐܲܘܕܵܘ ܠܡܵܪܝܵܐ ܘܲܩܪܵܘ ܫܡܹܗ.

²ܘܚܲܘܵܘ ܒܥܲܡܡܹ̈ܐ ܥܒ̣ܵܕ݂ܵܘ̈ܗܝ.

³ܫܲܒ̇ܚܘܼܗܝ ܘܲܙܡܲܪܘ ܠܹܗ.

⁴ܘܐܸܫܬܲܥܵܘ ܟܠܗܹܝܢ ܬܸܕ݂ܡ̱ܪ̈ܵܬܹܗ.

⁵ܫܲܒܲܚܘ ܠܲܫܡܵܐ ܕܩܘܼܕ݂ܫܹܗ.

⁶ܢܸܚܕܸ̇ܐ ܠܸܒܗܘܿܢ ܕܐܲܝܠܹܝܢ ܕܒ̣ܵܥܹ̇ܝܢ ܠܡܵܪܝܵܐ.

⁷ܒܥܵܘ ܠܡܵܪܝܵܐ ܘܐܸܬ̣ܚܲܝܲܠܘ.

⁸ܘܲܒ̣ܥܵܘ ܐܲܦܵܘ̈ܗܝ ܒܟ̣ܠܙܒܲܢ.

⁹ܐܸܬ̇ܕܲܟ̣ܪ̱ܘ ܬܸܕ݂ܡ̱ܪ̈ܵܬܹܗ ܕܲܥܒܲܕ݂.

¹⁰ܬܸܕ݂ܡ̱ܪ̈ܵܬܹܗ ܘܕ݂ܝܼܢܵܐ ܕܦܘܼܡܹܗ.

¹¹ܙܲܪܥܹܗ ܕܐܲܒ̣ܪܵܗܵܡ ܥܲܒ̣ܕܹ̇ܗ.

¹²ܘܲܒ̣ܢܲܝ̈ ܝܲܥܩܘܿܒ̣ ܓܒ̣ܵܘ̈ܗܝ.

¹³ܗܘ݀ܝܘܼ ܡܵܪܝܵܐ ܐܲܠܵܗܲܢ.

¹⁴ܕܲܒ̣ܟ̣ܠܵܗ̇ ܐܲܪܥܵܐ ܕܝܼܢܵܘ̈ܗܝ.

¹⁵ܐܸܬ̇ܕ̇ܟܲܪ ܠܥܵܠܲܡ ܩܝܵܡܹܗ.

¹⁶ܡܸܠܬ̣ܵܐ ܕܦܲܩܸܕ݂ ܠܐܵܠܹܦ ܕܵܪ̈ܝܼܢ.

¹⁷ܕܐܲܩܝܼܡ ܩܝܵܡܹܗ ܥܲܡ ܐܲܒ̣ܪܵܗܵܡ.

¹⁸ܘܡܲܘ̈ܡܵܬܹܗ ܥܲܡ ܐܝܼܣܚܵܩ.

¹⁹ܘܣܵܗܕ̇ܘܼܬܹܗ ܥܲܡ ܝܲܥܩܘܿܒ̣.

²⁰ܩܝܵܡܵܐ ܠܝܼܣܪܵܝܹܠ ܠܥܵܠܲܡ.

²¹ܘܐܸܡܲܪ݂ ܕܠܵܟ݂ ܐܸܬ̇ܠܝܼܗ̇ ܐܲܪܥܵܐ ܕܲܟ̣ܢܲܥܢ.

²²ܚܲܒ̣ܠܹ̈ܐ ܕܝܵܪܬ̇ܘܼܬ̣ܟ̣ܘܿܢ.

²³ܟܲܕ݂ ܙܥܘܿܪܝܼܢ ܗ݀ܘܲܝܬ̇ܘܿܢ ܒܡܸܢܝܵܢܵܐ.

²⁴ܩܲܠܝܼܠ ܗ݀ܘܲܝܬ̇ܘܿܢ ܘܥܵܡܘܿܪܹ̈ܐ ܗ݀ܘܲܝܬ̇ܘܿܢ ܒܵܗ̇.

²⁵ܗܲܠܸܟ݂ ܡ̣ܢ ܥܲܡܵܐ ܠܥܲܡܵܐ.

²⁶ܘܡ̣ܢ ܡܲܠܟ̇ܘܼܬ̣ܵܐ ܠܥܲܡܵܐ ܐ̄ܚܪܹܢܵܐ.

²⁷ܘܠܵܐ ܫܒܲܩ݂ ܠܒܲܪܢܵܫܵܐ ܕܢܸܛܠܘܿܡ ܐܸܢܘܿܢ.

²⁸ܐܲܟܸ̇ܣ ܡܲܠ̈ܟܹ̇ܐ ܥܲܠ ܐܲܦܲܝ̈ܗܘܿܢ.

²⁹ܕܠܵܐ ܬܸܬ̣ܩܲܪܒ̣ܘܼܢ ܠܲܡܫܝܼܚܲܝ̈.

³⁰ܘܠܲܢܒ̣ܝܲܝ̈[

³¹(2) ] ܠܵܐ ܬܲܒ̣ܐ̱ܫܘܼܢ.

³²(31) ܘܲܩ̣ܪܵܐ ܟܲܦܢܵܐ ܥܲܠ ܐܲܪܥܵܐ.

³³(32) ܘܟ̣ܠܹܗ ܩܲܢܝܵܐ ܕܲܥܒ̣ܘܼܪܗܘܿܢ ܬܒܲܪ.

³⁴(33) ܫܲܕܲܪ ܩܕ݂ܵܡܲܝܗܘܿܢ ܓܲܒ̣ܪܵܐ.

³⁵(34) ܠܥܲܒ̣ܕ̇ܘܼܬ̣ܵܐ ܐܸܙܕܲܒܲܢ ܝܲܘܣܸܦ.

³⁶(35) ܐܸܣܲܪܘ ܒܣܘܼܛܡܹ̈ܐ ܪܸ̈ܓ̣ܠܵܘܗܝ.

³⁷(36) ܘܲܒ̣ܦܲܪ̈ܙܠܹܐ ܥܸܠܲܬ݀ ܢܲܦ̮ܫܹܗ.

³⁸(37) ܥܕܲܡܵܐ ܕܫܸܪܲܬ݀ ܡܸܠܬܹܗ.

³⁹(38) ܡܹܐܡܪܹܗ ܕܡܵܪܝܵܐ ܒܩܵܝܗܝ.

⁴⁰(39) ܫܲܕܲܪ ܡܲܠܟܵܐ ܘܲܫܪܵܝܗܝ.

⁴¹(40) ܘܥܲܒ̣ܕܹ̇ܗ ܫܲܠܝܼܛܵܐ ܥܲܠ ܥܲܡܹܗ.

⁴²(41) ܡܵܪܵܐ ܥܲܠ ܒܲܝܬܹ̇ܗ ܘܫܲܠܝܼܛܵܐ ܥܲܠ ܟܠܹܗ ܩܸܢܝܵܢܹܗ.

⁴³(42) ܕܢܸܪܕܸ̇ܐ ܠܫܲܠܝܼܛܹ̈ܐ ܐܲܝܟ݂ ܕܨܵܒܹ̇ܐ.

⁴⁴(43) ܘܲܠܩܲܫܝܼܫܹ̈ܐ ܢܚܲܟܸ̇ܡ.ܦܵܣܘܿܩܵܐ.

⁴⁵(1) ܥܲܠ ܝܑܼܣܪܵܝܹܠ ܠܡܸܨܪܹܝܢ.

⁴⁶(2) ܘܝܲܥܩܘܿܒ̣ ܥ̣ܡܲܪ ܒܡܲܫܟ̇ܢܵܐ ܕܚܵܡ.

⁴⁷(3) ܐܲܣܓ̇ܝܼ ܛܵܒ̣ ܥܲܡܹܗ.

⁴⁸(4) ܘܐܲܥܫܢܹܗ ܝܲܬ̇ܝܼܪ ܡ̣ܢ ܒܥܸܠܕ̇ܒ̣ܵܒ̣ܵܘ̈ܗܝ.

⁴⁹(5) ܘܲܗ̣ܦܲܟ݂ ܠܸܒ̇ܗܘܿܢ ܠܡܸܣܢ̱ܝܹܗ ܠܥܲܡܹܗ.

⁵⁰(6) ܘܲܠܡܸܬ̣ܢܟ̣ܵܠܘܼ ܥܲܠ ܥܲܒ̣ܕܵܘ̈ܗܝ.

⁵¹(7) ܫܲܕܲܪ ܠܡܘܼܫܹܐ ܥܲܒ̣ܕܹ̇ܗ ܘܠܲܐܗܪܘܿܢ ܕܲܓ̣ܒ̣ܵܐ.

⁵²(8) ܥ̣ܒܲܕ݂ ܒܗܘܿܢ ܐܵܬ̣ܘܵܬܹ̈ܗ ܘܬܸܕ݂ܡ̱ܪ̈ܵܬܹܗ ܒܐܲܪܥܵܐ ܕܚܵܡ.

⁵³(9) ܫܲܕܲܪ ܚܸܫܘܿܟ̣ܵܐ ܘܐܲܚܫܸܟ݂ ܘܡܲܪܡܲܪܘ ܡܸܠܬܹܗ.

⁵⁴(10) ܗܦܲܟ݂ ܡܲܝܲܝ̈ܗܘܿܢ ܠܲܕ݂ܡܵܐ ܘܐܲܡܝܼܬ̣ ܢܘܼܢܲܝ̈ܗܘܿܢ.

⁵⁵(11) ܐܲܪܚܸܫ ܒܐܲܪܥ̱ܗܘܿܢ ܐܘܼܪ̈ܕ̇ܥܹܐ ܘܲܒ̣ܬ̣ܵܘܵܢܹ̈ܐ ܕܡܲܠܟܲܝ̈ܗܘܿܢ.

⁵⁶(12) ܐܸܡܲܪ݂ ܘܐܸܬ̣ܵܐ ܚܲܠܘܼܛܵܐ.

⁵⁷(13) ܘܩܲܠܡܵܐ ܒܟ̣ܠܹܗ ܬܚܘܼܡܗܘܿܢ.

⁵⁸(14) ܥ̣ܒܲܕ݂ ܡܸܛ̱ܪܗܘܿܢ ܒܲܪܕ݂ܵܐ.

⁵⁹(15) ܘܢܘܼܪܵܐ ܐܸܬ̣ܓܲܘܙܠܲܬ݀ ܒܐܲܪܥ̱ܗܘܿܢ.

⁶⁰(16) ܡܚ݂ܵܐ ܓܘܼܦܢܲܝ̈ܗܘܿܢ ܘܬܹܐܢܲܝ̈ܗܘܿܢ.

⁶¹(17) ܘܬܲܒܲܪ ܐܝܼܠܵܢܹ̈ܐ ܕܲܬ̣ܚܘܼܡܲܝ̈ܗܘܿܢ.

⁶²(18) ܐܸܡܲܪ݂ ܘܐܸܬ̣ܵܐ ܩܲܡܨܵܐ.

⁶³(19) ܘܙܵܚܠܵܐ ܕܠܵܐ ܡܸܢܝܵܢ ܒܟ̣ܠܵܗ̇ ܐܲܪܥ̱ܗܘܿܢ.

⁶⁴(20) ܐܸܟܲܠܘ ܟܠܹܗ ܥܸܣܒܵܐ ܘܦܹܐܪܹ̈ܐ ܕܐܲܪ̈ܥܵܬ̣ܗܘܿܢ.

⁶⁵(21) ܩܲܛܸܠ ܟܠ ܒܘܼܟ̣ܪܹ̈ܐ ܕܡܸܨܪܹܝܢ.

⁶⁶(22) ܪܹܫ ܟܠܹܗ ܝܲܠܕ̇ܗܘܿܢ.

⁶⁷(23) ܐܲܦܸܩ ܐܸܢܘܿܢ ܒܣܹܐܡܵܐ ܘܲܒ̣ܕܲܗܒ̣ܵܐ.

⁶⁸(24) ܘܠܲܝܬ̇ ܒܫܲܪ̈ܒ̣ܵܬ̣ܗܘܿܢ ܕܲܟ̣ܪܝܼܗ.

⁶⁹(25) ܚܸܕ݂ܝܲܬ݀ ܡܸܨܪܹܝܢ ܒܡܲܦܲܩܬ̇ܗܘܿܢ.

⁷⁰(26) ܡܸܛܠ ܕܢܸܦܠܲܬ݀ ܕܸܚܠܲܬ̣ܗܘܿܢ ܥܠܲܝܗܘܿܢ.

⁷¹(27) ܦܪ݂ܲܣ ܥܠܲܝܗܘܿܢ ܥܢܵܢܵܐ ܘܛܲܠܸܠ ܐܸܢܘܿܢ.

⁷²(28) ܘܢܘܼܪܵܐ ܠܡܲܢܗܵܪܘܼ ܒܠܸܠܝܵܐ.

⁷³(29) ܫܐܸܠ̣ܘ ܘܐܲܝܬ̇ܝܼ ܠܗܘܿܢ ܡܹܐܟ̣ܘܼܠܬܵܐ.

⁷⁴(30) ܘܠܲܚܡܵܐ ܕܲܫܡܲܝܵܐ ܣܲܒܲܥ ܐܸܢܘܿܢ.

⁷⁵(31) ܦ݂ܬܲܚ ܛܲܪܵܢܵܐ ܘܲܪܕ݂ܵܘ ܡܲܝ̈ܵܐ.

⁷⁶(32) ܘܗܲܠܸܟ̣ܘ ܡܲܝ̈ܵܐ ܒܐܲܬ̣ܪܵܐ ܨܲܗܝܵܐ.

⁷⁷(33) ܡܸܛܠ ܕܐܸܬ̇ܕ̇ܟܲܪ ܡܸܠܬ̣ܵܐ ܕܩܘܼܕ݂ܫܹܗ ܕܐܲܒ̣ܪܵܗܵܡ ܥܲܒ̣ܕܹ̇ܗ.

⁷⁸(34) ܐܲܦܸܩ ܠܥܲܡܹܗ ܒܚܲܕ݂ܘܼܬ̣ܵܐ.

⁷⁹(35) ܘܲܒ̣ܬܸܫܒ̇ܘܿܚܬܵܐ ܠܓܲܕ̇ܘܼܕ݂ܵܘ̈ܗܝ.

⁸⁰(36) ܝܲܗ݂̄ܒ̣ ܠܗܘܿܢ ܐܲܪ̈ܥܵܬ̣ܵܐ ܕܥܲܡܡܹ̈ܐ.

⁸¹(37) ܘܥܲܡܠܵܐ ܕܐܸܡ̈ܘܵܬ̣ܵܐ ܝܑܼܪܸܬ̣ܘ.

⁸²(38) ܕܢܸܙܕܲܗܪܘܼܢ ܒܦܘܼܩܕܵܢܵܘ̈ܗܝ.

⁸³(39) ܘܢܵܡܘܿܣܵܘ̈ܗܝ ܢܸܛܪܘܼܢ.