Read Aramaic Peshita Psalms 106 Bible Online

Psalms 106 - Aramaic Peshita bible

Psalms 106

¹ܐܲܘܕܵܘ ܠܡܵܪܝܵܐ ܕܛܵܒ̣ܘܼ ܘܲܠܥܵܠܲܡ ܛܲܝܒ̇ܘܼܬܹܗ.

²ܡܲܢ̣ܘܼ ܢܸܫܬܲܥܸܐ ܬܸܕ݂ܡ̱ܪ̈ܵܬܹܗ ܕܡܵܪܝܵܐ.

³ܘܢܲܫܡܲܥ ܟܠܗܹܝܢ ܬܸܫ̈ܒ̇ܚܵܬܹܗ.

⁴ܛܘܼܒܲܝܗܘܿܢ ܠܐܲܝܠܹܝܢ ܕܢܵܛ݁ܪܝܼܢ ܕܝܼܢܵܘ̈ܗܝ.

⁵ܘܥܵܒ̣ܕ̇ܝܼܢ ܙܲܕ̇ܝܼܩܘܼܬ̣ܵܐ ܒܟ̣ܠܙܒܲܢ.

⁶ܐܸܬ̇ܕܲܟ̣ܪܲܝܢ ܡܵܪܝܵܐ ܒܨܸܒ̣ܝܵܢܹܗ ܕܥܲܡܵܟ݂.

⁷ܘܲܦܪܘܿܩܲܝܢ ܒܦܘܼܪܩܵܢܵܟ݂.

⁸ܕܢܸܚܙܸܐ ܒܛܵܒ̣ܵـ̈ــܬ̣ܵܐ ܕܲܓ̣ܒܲܝ̈ܟ.

⁹ܘܢܸܚܕܸ̇ܐ ܒܚܲܕ݂ܘܼܬ̣ܵܟ݂ ܘܢܸܫܬܲܒܲܚ ܒܝܵܪܬ̇ܘܼܬ̣ܵܟ݂.

¹⁰ܚܛ݂ܲܝ̈ܢ ܥܲܡ ܐܲܒ̣ܵܗܲܝ̈ܢ ܘܐܲܣܟܸ̇ܠܢ ܘܐܲܪܫܲܥܢ.

¹¹ܐܲܒ̣ܵܗܲܝ̈ܢ ܒܡܸܨܪܹܝܢ ܠܵܐ ܐܸܣܬܲܟܲܠܘ ܬܸܕ݂ܡ̱ܪܵܬ̣ܵܟ݂.

¹²ܘܠܵܐ ܐܸܬ̇ܕ̇ܟܲܪܘ ܣܘܿܓ̣ܐܵܐ ܕܛܲܝܒ̇ܘܼܬ̣ܵܟ݂.

¹³ܘܐܸܬ̣ܚܪܝܼܘ ܥܲܠ ܡܲܝ̈ܵܐ ܒܝܲܡܵܐ ܕܣܘܿܦ.

¹⁴ܘܲܦܪ݂ܲܩ ܐܸܢܘܿܢ ܡܸܛܠ ܫܡܹܗ.

¹⁵ܕܲܢܚܲܘܸܐ ܓܲܢ̄ܒܵܪܘܼܬܹܗ.

¹⁶ܟܐ̣ܵܐ ܒܝܲܡܵܐ ܕܣܘܿܦ ܘܝܼܒܸܫ̣.

¹⁷ܘܗܲܠܸܟ݂ ܐܸܢܘܿܢ ܒܲܬ̣ܗܘܿܡܵܐ ܐܲܝܟ݂ ܕܲܒ̣ܡܲܕ݂ܒ̇ܪܵܐ.

¹⁸ܘܲܦܪ݂ܲܩ ܐܸܢܘܿܢ ܡ̣ܢ ܐܝܼܕ݂ܵܐ ܕܲܒ̣ܥܸܠܕ̇ܒ̣ܵܒ̣ܵܐ.

¹⁹ܘܦܲܨܝܼ ܐܸܢܘܿܢ ܡ̣ܢ ܐܝܼܕ݂ܵܐ ܕܐܵܠܘܿܨܵܐ.

²⁰ܘܟܲܣܝܼܘ ܡܲܝ̈ܵܐ ܠܐܵܠܘܿܨܲܝ̈ܗܘܿܢ.

²¹ܘܚܲܕ݂ ܡܸܢܗܘܿܢ ܠܵܐ ܐܸܫܬ̇ܚܲܪ.

²²ܗܲܝܡܸܢܘ ܒܡܸܠܵܘ̈ܗܝ ܘܫܲܒܲܚܘ ܬܸܫܒ̇ܚܵܬܹܗ.

²³ܐܸܣܬܲܪܗܲܒ̣ܘ ܘܲܛܥ݂ܵܘ ܠܐܲܠܵܗܵܐ.

²⁴ܘܠܵܐ ܣܲܒܲܪ ܠܬܲܪܥܝܼܬܹܗ.

²⁵ܪܲܓ̣ܘ ܪܸܓ̇ܬ̣ܵܐ ܒܡܲܕ݂ܒ̇ܪܵܐ.

²⁶ܘܢܲܣܝܼܘ ܠܐܲܠܵܗܵܐ ܒܐܲܫܝܼܡܘܿܢ.

²⁷ܝܲܗ݂̄ܒ̣ ܠܗܘܿܢ ܫܸܐܠܵܬ̣̈ܗܘܿܢ.

²⁸ܘܫܲܕܲܪ ܣܲܒ̣ܥܵܐ ܠܢܲܦ̮ܫܵܬ̣̈ܗܘܿܢ.

²⁹ܛܲܢ݂ܘ ܒܡܘܼܫܹܐ ܒܡܲܫܪܝܼܬ̣ܵܐ.

³⁰ܘܐܲܗܪܘܿܢ ܩܲܕ̇ܝܼܫܹܗ ܕܡܵܪܝܵܐ.

³¹ܐܸܬ̣ܦܲܬ̣ܚܲܬ݀ ܐܲܪܥܵܐ ܘܒܸܠܥܲܬ݀ ܠܕ݂ܵܬ̣ܵܢ.

³²ܘܟܲܣܝܲܬ݀ ܥܲܠ ܟܢܘܼܫܬܹ̇ܗ ܕܐܲܒ̣ܝܼܪܵܡ.

³³ܚܸܒܲܬ݀ ܢܘܼܪܵܐ ܒܲܟ̣ܢܘܼ̈ܫܵܬ̣ܗܘܿܢ.

³⁴ܘܫܲܠܗܹܒ̣ܝܼܬ̣ܵܐ ܐܲܘܩܕܲܬ݀ ܠܥܲܘܵܠܹ̈ܐ.

³⁵ܥܒ݂ܲܕ݂ ܥܸܓ̣ܠܵܐ ܒܚܘܿܪܝܼܒ̣ ܘܲܣ݂ܓܸܕ݂ܘ ܠܲܢܣܝܼܟ̣ܵܐ.

³⁶ܘܚܲܠܸܦܘ ܐܝܼܩܵܪܗܘܿܢ ܒܲܕ݂ܡܘܼܬ̣ܵܐ ܕܬܲܘܪܵܐ ܕܐܵܟܹ̇ܠ ܥܸܣܒܵܐ.

³⁷ܘܲܛܥ݂ܵܘ ܠܐܲܠܵܗܵܐ ܕܲܦܪ݂ܲܩ ܐܸܢܘܿܢ.

³⁸ܕܲܥܒ݂ܲܕ݂ ܪܲܘ̱ܪ̈ܒ̣ܵܬ̣ܵܐ ܒܡܸܨܪܹܝܢ.

³⁹ܘܬܸܕ݂ܡ̱ܪ̈ܵܬ̣ܵܐ ܒܐܲܪܥܵܐ ܕܚܵܡ.

⁴⁰ܘܲܕ݂ܚܝܼ̈ܠܵܬ̣ܵܐ ܒܝܲܡܵܐ ܕܣܘܿܦ.

⁴¹ܘܐܸܡܲܪ݂ ܕܢܲܘܒܸ̇ܕ݂ ܐܸܢܘܿܢ.ܦܵܣܘܿܩܵܐ.

⁴²(1) ܐܸܠܘܼܠܵܐ ܡܘܼܫܹܐ ܓܲܒ̣ܝܹܗ.

⁴³(2) ܕܩ̣ܵܡ ܒܬ̣ܘܼܪܥ̱ܬ̣ܵܐ ܩܕ݂ܵܡܵܘܗܝ.

⁴⁴(3) ܘܐܲܗܦܸܟ݂ ܪܘܼܓ̣ܙܹܗ ܕܠܵܐ ܢܚܲܒܸ̇ܠ ܐܸܢܘܿܢ.

⁴⁵(4) ܘܐܲܣܠ̱ܝܘܼܗ̇ ܠܐܲܪܥܵܐ ܕܪܸܓ̇ܬ̣ܵܐ.

⁴⁶(5) ܘܠܵܐ ܗܲܝܡܸܢܘ ܠܡܸܠܬܹܗ.

⁴⁷(6) ܘܲܪܛܲܢ݂ܘ ܒܡܲܫܟ̇ܢܲܝ̈ܗܘܿܢ ܘܠܵܐ ܫܡܲܥ݂ܘ ܒܩܵܠܹܗ ܕܡܵܪܝܵܐ.

⁴⁸(7) ܐܲܪܝܼܡ ܐܝܼܕܹܗ ܥܠܲܝܗܘܿܢ ܕܢܲܘܒܸ̇ܕ ܐܸܢܘܿܢ ܒܥܲܡܡܹ̈ܐ.

⁴⁹(8) ܘܲܢܒܲܕܲܪ ܙܲܪܥ̱ܗܘܿܢ ܒܥܲܡܡܹ̈ܐ.

⁵⁰(9) ܘܢܲܘܒܸ̇ܕ ܐܸܢܘܿܢ ܒܐܲܪ̈ܥܵܬ̣ܵܐ.

⁵¹(10) ܥܲܠ ܕܐܸܬ̣ܢܲܩܲܦܘ ܠܲܦܬܲܟ̣ܪܹ̈ܐ ܕܲܦܥܘܿܪ.

⁵²(11) ܘܐܸܟܲܠ݂ܘ ܕܸܒ̣ܚܹ̈ܐ ܕܡܝܼ̈ܬܹܐ.

⁵³(12) ܘܐܲܪܓ̇ܙܘܼܗܝ ܒܲܥܒ̣ܵܕܲܝ̈ܗܘܿܢ ܘܲܦܬܲܟ̣ܪ̈ܲܝܗܘܿܢ ܐܲܛܢܘܼܗܝ.

⁵⁴(13) ܘܲܥܫܸ݂ܢ ܥܠܲܝܗܘܿܢ ܡܲܘܬܵܢܵܐ ܡ̣ܢ ܫܸܠܝܵܐ.

⁵⁵(14) ܩܵܡ݂ ܦܝܼܢܚܸܣ ܘܨܲܠܝܼ ܘܐܸܬ̣ܟ̇ܠܝܼ ܡܲܘܬܵܢܵܐ.

⁵⁶(15) ܘܐܸܬ̣ܚܲܫܒܲܬ݀ ܠܹܗ ܙܵܟ̣ܘܼܬ̣ܵܐ ܠܕ݂ܵܪܕܵܪ̈ܝܼܢ ܘܲܥܕܲܡܵܐ ܠܥܵܠܲܡ.

⁵⁷(16) ܘܐܲܪܓ̇ܙܘܼܗܝ ܥܲܠ ܡܲܝ̈ܵܐ ܕܚܸܪܝܵܢܵܐ.

⁵⁸(17) ܘܐܲܒ̣ܐܸܫ ܠܡܘܼܫܹܐ ܡܸܛܠܵܬ̣ܗܘܿܢ.

⁵⁹(18) ܡܸܛܠ ܕܡܲܪܡܲܪܘ ܪܘܼܚܹܗ ܘܡܲܠܸܠܘ ܒܣܸܦ̈ܘܵܬܹܗ.

⁶⁰(19) ܘܠܵܐ ܐܲܘܒܸ̇ܕ݂ܘ ܠܥܲܡܡܹ̈ܐ ܕܐܸܡܲܪ݂ ܠܗܘܿܢ ܡܵܪܝܵܐ.

⁶¹(20) ܐܸܠܵܐ ܐܸܬ̣ܚܲܠܲܛܘ ܒܥܲܡܡܹ̈ܐ ܘܝܼܠܸܦ݂ܘ ܥܒ̣ܵܕܲܝ̈ܗܘܿܢ.

⁶²(21) ܘܲܕ݂ܚܸܠ݂ܘ ܠܲܦܬܲܟ̣ܪ̈ܲܝܗܘܿܢ ܘܲܗ݀ܘܵܘ ܠܗܘܿܢ ܠܬ̣ܘܼܩܠ̱ܬ̣ܵܐ.

⁶³(22) ܘܕܲܒܲܚܘ ܒܢܲܝ̈ܗܘܿܢ ܘܲܒ݂̈ܢܵܬ̣ܗܘܿܢ ܠܫܹܐܕܹ̈ܐ.

⁶⁴(23) ܘܐܸܫܲܕ݂ܘ ܕܡܵܐ ܙܲܟܵܝܵܐ.

⁶⁵(24) ܕܡܵܐ ܕܲܒ̣ܢܲܝ̈ܗܘܿܢ ܘܕܲܒ݂̈ܢܵܬ̣ܗܘܿܢ.

⁶⁶(25) ܕܲܒܲܚܘ ܠܲܦܬܲܟ̣ܪܹ̈ܐ ܕܲܟ̣ܢܲܥܢ.

⁶⁷(26) ܘܐܸܬ̇ܛܲܢܦܲܬ݀ ܐܲܪܥܵܐ ܒܲܕ݂ܡܵܐ.

⁶⁸(27) ܘܐܸܬ̇ܛܲܢܲܦܘ ܒܲܥܒ̣ܵܕܲܝ̈ܗܘܿܢ ܘܙܲܢܝܼܘ ܒܨܸܢ̈ܥܵܬ̣ܗܘܿܢ.

⁶⁹(28) ܘܐܸܬ̣ܚܲܡܲܬ̣ ܪܘܼܓ̣ܙܹܗ ܕܡܵܪܝܵܐ ܥܲܠ ܥܲܡܹܗ.

⁷⁰(29) ܘܐܲܣܠܝܼ ܠܝܵܪܬ̇ܘܼܬܹܗ.

⁷¹(30) ܘܐܲܫܠܸܡ ܐܸܢܘܿܢ ܒܐܝܼܕ݂ܵܐ ܕܥܲܡܡܹ̈ܐ.

⁷²(31) ܘܐܸܫܬܲܠܲܛܘ ܒܗܘܿܢ ܣܵܢܐܲܝ̈ܗܘܿܢ.

⁷³(32) ܘܫܲܥܒܸ̇ܕ݂ܘ ܐܸܢܘܿܢ ܒܥܸܠܕ̇ܒ̣ܵܒܲܝ̈ܗܘܿܢ.

⁷⁴(33) ܘܐܸܫܬܲܥܒܲܕ݂ܘ ܬܚܘܿܬ̣ ܐܝܼܕܲܝ̈ܗܘܿܢ.

⁷⁵(34) ܙܲܒ̣̈ܢܵܬ̣ܵܐ ܣܲܓ̇ܝܼ̈ܐܵܬ̣ܵܐ ܦܲܨܝܼ ܐܸܢܘܿܢ.

⁷⁶(35) ܘܗܸܢ̣ܘܿܢ ܡܲܪܡ̱ܪܘܼܗܝ ܒܬܲܪ̈ܥ̱ܝܵܬ̣ܗܘܿܢ.

⁷⁷(36) ܘܐܸܬ̣ܡܲܟܲܟ̣ܘ ܒܥܲܘܠ̱ܗܘܿܢ.

⁷⁸(37) ܘܲܚ݂ܙܵܐ ܒܐܘܼܠܨܵܢܲܝ̈ܗܘܿܢ ܘܲܫܡܲܥ݂ ܒܵܥܘܼܬ̣ܗܘܿܢ.

⁷⁹(38) ܘܐܸܬ̇ܕ̇ܟܲܪ ܩܝܵܡܹܗ ܘܪܲܚܸܡ ܥܠܲܝܗܘܿܢ.

⁸⁰(49) ܘܕܲܒܲܪ ܐܸܢܘܿܢ ܐܲܝܟ݂ ܣܘܿܓ̣ܐܵܐ ܕܛܲܝܒ̇ܘܼܬܹܗ.

⁸¹(40) ܘܝܲܗ݂̄ܒ̣ ܐܸܢܘܿܢ ܒܪ̈ܲܚܡܹܐ ܩܕ݂ܵܡ ܟܠ ܫܵܒܲܝ̈ܗܘܿܢ.

⁸²(41) ܦܪܘܿܩܲܝܢ ܡܵܪܝܵܐ ܐܲܠܵܗܲܢ ܘܟܲܢܸܫܲܝܢ ܡ̣ܢ ܥܲܡܡܹ̈ܐ.

⁸³(42) ܕܢܲܘܕܸ̇ܐ ܠܲܫܡܵܟ݂ ܩܲܕ̇ܝܼܫܵܐ ܘܢܸܫܬܲܒܲܚ ܒܝܵܪܬ̇ܘܼܬ̣ܵܟ݂.

⁸⁴(43) ܒܪܝܼܟ̣ܘܼ ܡܵܪܝܵܐ ܐܲܠܵܗܵܐ ܕܝܼܣܪܸܝܹܠ.

⁸⁵(44) ܡ̣ܢ ܥܵܠܲܡ ܘܲܥܕܲܡܵܐ ܠܥܵܠܲܡ.

⁸⁶(45) ܘܢܹܐܡܲܪ ܟܠܹܗ ܥܲܡܵܐ ܐܵܡܹܝܢ ܘܐܵܡܹܝܢ.