Read Aramaic Peshita Psalms 107 Bible Online

Psalms 107 - Aramaic Peshita bible

Psalms 107

¹ܐܲܘܕܵܘ ܠܡܵܪܝܵܐ ܕܛܵܒ̣ܘܼ ܘܲܠܥܵܠܲܡ ܛܲܝܒ̇ܘܼܬܹܗ.

²ܢܹܐܡܪܘܼܢ ܦܪ̈ܝܼܩܵܘܗܝ ܕܡܵܪܝܵܐ.

³ܕܲܦ݂ܪܲܩ ܐܸܢܘܿܢ ܡ̣ܢ ܐܝܼܕ݂ܵܐ ܕܐܵܠܘܿܨܵܐ.

⁴ܡ̣ܢ ܟܠܗܹܝܢ ܐܲܪ̈ܥܵܬ̣ܵܐ ܟܲܢܸܫ ܐܸܢܘܿܢ.

⁵ܡ̣ܢ ܡܲܕ݂ܢ̱ܚܵܐ ܘܡ̣ܢ ܡܲܥܪ̱ܒ̣ܵܐ.

⁶ܡ̣ܢ ܓܲܪܒ̇ܝܵܐ ܘܡ̣ܢ ܝܲܡܵܐ.

⁷ܛܥ݂ܵܘ ܒܡܲܕ݂ܒ̇ܪܵܐ ܕܐܲܫܝܼܡܘܿܢ.

⁸ܘܐܘܼܪܚܵܐ ܕܲܩܪܝܼܬ̣ܵܐ ܕܝܵܬ̣ܒܵܐ ܠܵܐ ܐܸܫܟܲܚܘ.

⁹ܟܦܸܢܘ݂ ܘܲܨܗ݂ܝܼܘ ܘܢܲܦ̮ܫܗܘܿܢ ܐܸܬ̇ܛܲܪܦܲܬ݀.

¹⁰ܒܥ݂ܵܘ ܡ̣ܢ ܡܵܪܝܵܐ ܒܐܘܼܠܨܵܢܲܝ̈ܗܘܿܢ.

¹¹ܘܡ̣ܢ ܥܵܩܵܬ̣̈ܗܘܿܢ ܐܲܦܸܩ ܐܸܢܘܿܢ.

¹²ܗܲܠܸܟ݂ ܐܸܢܘܿܢ ܒܐܘܼܪܚܵܐ ܕܩܘܼܫܬܵܐ.

¹³ܠܡܹܐܙܲܠ ܠܩܘܼܪ̈ܝܵܐ ܕܝܵܬ̣̈ܒܵܢ.

¹⁴ܢܲܘܕ̇ܘܼܢ ܠܡܵܪܝܵܐ ܙܲܕ̇ܝܼܩܵܘ̈ܗܝ.

¹⁵ܕܪ̈ܲܚܡܵܘܗܝ ܥܲܠ ܒܢܲܝ̈ܢܵܫܵܐ.

¹⁶ܡܸܛܠ ܕܣܲܒܲܥ ܢܲܦ̮̈ܫܵܬ̣ܵܐ ܡܛܲܪ̈ܦܵܬ̣ܵܐ.

¹⁷ܘܢܲܦ̮̈ܫܵܬ̣ܵܐ ܟܲܦ̈ܢܵܬ̣ܵܐ ܡܠ݂ܵܐ.

¹⁸ܕܐܲܝܠܹܝܢ ܕܝܵܬ̣ܒ̇ܝܼܢ ܒܚܸܫܘܿܟ̣ܵܐ ܘܲܒ̣ܛܸܠܵܠܲܝ̈ ܡܲܘܬܵܐ.

¹⁹ܘܐܲܣܝܼܪܝܼܢ ܒܡܸܣܟܹ̇ܢܘܼܬ̣ܵܐ ܘܲܒ̣ܦܲܪ̈ܙܠܹܐ.

²⁰ܡܸܛܠ ܕܡܲܪܡܲܪܘ ܡܸܠܬܹܗ ܕܐܲܠܵܗܵܐ.

²¹ܘܬܲܪܥܝܼܬܹܗ ܕܲܡܪܲܝܡܵܐ ܐܲܣܠܝܼܘ.

²²ܬܒܲܪ݂ ܒܥܲܡܠܵܐ ܠܸܒ̇ܗܘܿܢ.

²³ܐܸܬ̣ܟܪܲܗܘ ܘܠܲܝܬ̇ ܕܲܡܥܲܕܲܪ ܠܗܘܿܢ.

²⁴ܘܨܲܠܝܼܘ ܠܘܵܬ̣ ܡܵܪܝܵܐ ܒܥܵܩܵܬ̣̈ܗܘܿܢ.

²⁵ܘܡ̣ܢ ܐܘܼܠܨܵܢܲܝ̈ܗܘܿܢ ܦܪ݂ܲܩ ܐܸܢܘܿܢ.

²⁶ܐܲܦܸܩ݂ ܐܸܢܘܿܢ ܡ̣ܢ ܚܸܫܘܿܟ̣ܵܐ ܘܡ̣ܢ ܛܸܠܵܠܲܝ̈ ܡܲܘܬܵܐ.

²⁷ܘܲܚܢܵܩܲܝ̈ܗܘܿܢ ܦܲܣܸܩ.

²⁸ܢܲܘܕ̇ܘܿܢ ܠܡܵܪܝܵܐ ܙܲܕ̇ܝܼܩܵܘ̈ܗܝ.

²⁹ܕܪ̈ܲܚܡܵܘܗܝ ܥܲܠ ܒܢܲܝ̈ܢܵܫܵܐ.

³⁰ܡܸܛܠ ܕܬܲܒܲܪ ܬܲܪ̈ܥܹܐ ܕܲܢܚܵܫܵܐ.

³¹ܘܡܘܼܟ̣ܠܹ̈ܐ ܕܦܲܪܙܠܵܐ ܓܲܕܸ̇ܡ.

³²ܥܲܕܲܪ ܐܸܢܘܿܢ ܡ̣ܢ ܐܘܼܪܚܵܐ ܕܲܚܛܵܗܲܝ̈ܗܘܿܢ.

³³ܘܡ̣ܢ ܥܲܘܠ̱ܗܘܢ ܐܸܬ̣ܡܲܟܲܟ̣ܘ.

³⁴ܟܠ ܡܹܐܟ̣ܠܵܐ ܣܢܵܬ݀ ܢܲܦ̮ܫܗܘܿܢ.

³⁵ܘܡܲܛܝܼܘ ܥܕܲܡܵܐ ܠܬܲܪ̈ܥܲܝ ܡܲܘܬܵܐ.

³⁶ܒܥ݂ܵܘ ܡ̣ܢ ܡܵܪܝܵܐ ܒܐܘܼܠܨܵܢܲܝ̈ܗܘܿܢ.

³⁷ܘܡ̣ܢ ܥܵܩܵܬ̣̈ܗܘܿܢ ܐܲܦܸܩ ܐܸܢܘܿܢ.

³⁸ܫܲܕܲܪ ܡܸܠܬܹܗ ܘܐܲܣܝܼ ܐܸܢܘܿܢ.

³⁹ܘܦܲܨܝܼ ܐܸܢܘܿܢ ܡ̣ܢ ܚܒ̣ܵܠܵܐ.

⁴⁰ܢܲܘܕ̇ܘܿܢ ܠܡܵܪܝܵܐ ܙܲܕ̇ܝܼܩܵܘ̈ܗܝ.

⁴¹ܕܪ̈ܲܚܡܵܘܗܝ ܥܲܠ ܒܢܲܝ̈ܢܵܫܵܐ.ܦܵܣܘܿܩܵܐ.

⁴²(1) ܕܲܒܲܚܘ ܠܹܗ ܕܸܒ̣ܚܹ̈ܐ ܕܫܘܼܒ̣ܚܵܐ.

⁴³(2) ܫܲܒܲܚܘ ܥܲܒ̣ܕܵܘ̈ܗܝ ܒܬܸܕ݂ܡ̱ܪ̈ܵܬܹܗ.

⁴⁴(3) ܢܵܚܬܲܝ̈ ܝܲܡܵܐ ܒܐܸܠܦܹ̈ܐ.

⁴⁵(4) ܘܥܵܒ̣ܕܲܝ̈ ܥܒ̣ܵܕ݂ܵܐ ܒܡܲܝ̈ܵܐ ܣܲܓ̇ܝܼ̈ܐܹܐ.

⁴⁶(5) ܗܸܢ̣ܘܿܢ ܚܙ݂ܵܘ ܥܒ̣ܵܕ݂ܵܘ̈ܗܝ ܕܡܵܪܝܵܐ.

⁴⁷(6) ܘܬܸܕ݂ܡ̱ܪ̈ܵܬܹܗ ܒܥܘܼܡܩܵܘ̈ܗܝ ܕܝܲܡܵܐ.

⁴⁸(7) ܕܐܲܩܝܼܡ ܪܘܼܚܵܐ ܕܥܲܠܥܵܠܵܐ.

⁴⁹(8) ܘܐܸܬ̇ܬ̇ܪܝܼܡܘ ܓܲܠܠܵܘ̈ܗܝ ܕܝܲܡܵܐ.

⁵⁰(9) ܣܵܠܩܝܼܢ ܠܲܫܡܲܝܵܐ ܘܢܵܚܬ̇ܝܼܢ ܠܲܬ̣ܗܘܿܡܵܐ.

⁵¹(10) ܘܢܲܦ̮ܫܗܘܿܢ ܒܗܘܿܢ ܡܸܬ̇ܛܲܪܦܵܐ.

⁵²(11) ܙܵܥ݂ܘ ܘܢ݂ܵܕ݂ܘ ܐܲܝܟ݂ ܪ̈ܘܲܝܵܐ.

⁵³(12) ܘܟ̣ܠܵܗ̇ ܚܸܟ̣ܡܲܬ̣ܗܘܿܢ ܐܸܒ̣ܕܲܬ݀.

⁵⁴(13) ܓܥ݂ܵܘ ܠܘܵܬ̣ ܡܵܪܝܵܐ ܒܐܘܼܠܨܵܢܲܝ̈ܗܘܿܢ.

⁵⁵(14) ܘܡ̣ܢ ܥܵܩܵܬܼ̈ܗܘܿܢ ܐܲܦܸܩ ܐܸܢܘܿܢ.

⁵⁶(15) ܐܲܫܠܝܼ ܥܲܠܥܵܠܵܐ ܘܲܫ̣ܬܸܩ.

⁵⁷(16) ܘܐܸܬ̇ܬ̇ܢܝܼܚܘ ܓܲܠܠܵܘ̈ܗܝ ܕܝܲܡܵܐ.

⁵⁸(17) ܘܲܚܕ݂ܝܼܘ ܟܲܕ݂ ܫ̣ܬܸܩ.

⁵⁹(18) ܘܕܲܒܲܪ ܐܸܢܘܿܢ ܠܲܠܡܹܐܢܵܐ ܕܲܨܒ̣ܵܘ.

⁶⁰(19) ܢܲܘܕ̇ܘܿܢ ܠܡܵܪܝܵܐ ܙܲܕ̇ܝܼܩܵܘ̈ܗܝ.

⁶¹(20) ܕܪ̈ܲܚܡܵܘܗܝ ܥܲܠ ܒܢܲܝ̈ܢܵܫܵܐ.

⁶²(21) ܫܲܒ̇ܚܘܼܗܝ ܒܥܹܕ̄ܬܵܐ ܕܥܲܡܡܹ̈ܐ.

⁶³(22) ܘܥܲܠ ܡܲܘܬ̇ܒ̣ܵܐ ܕܣܵܒܹ̈ܐ ܪܲܡܪ̱ܡܘܼܗܝ.

⁶⁴(23) ܕܲܥܒ݂ܲܕ݂ ܢܲܗܪ̈ܵܘܵܬ̣ܵܐ ܐܲܝܟ݂ ܡܲܕ݂ܒ̇ܪܵܐ.

⁶⁵(24) ܘܡܲܒ̇ܘܼܥܹ̈ܐ ܕܡܲܝ̈ܵܐ ܠܨܲܗܝܵܐ.

⁶⁶(25) ܐܲܪܥܵܐ ܝܵܗ̄ܒܲܬ̣ ܦܹܐܪܹ̈ܐ ܠܡܵܠܲܚܬ̣ܵܐ.

⁶⁷(26) ܘܡ̣ܢ ܥܒ̣ܵܕܲܝ̈ܗܘܿܢ ܒܝܼܫܹ̈ܐ ܕܝܵܬ̣ܒܹ̇ܝ̈ܗ̇.

⁶⁸(27) ܕܲܥ̣ܒܲܕ݂ ܡܲܕ݂ܒ̇ܪܵܐ ܠܐܵܓ̣ܡܹ̈ܐ ܕܡܲܝ̈ܵܐ.

⁶⁹(28) ܘܐܲܪܥܵܐ ܨܗܝܼܬ̣ܵܐ ܠܡܲܒ̇ܘܼܥܹ̈ܐ ܕܡܲܝ̈ܵܐ.

⁷⁰(29) ܐܲܘܬܸܒ̣ ܬܲܡܵܢ ܟܲܦܢܹ̈ܐ.

⁷¹(30) ܘܲܒ̣ܢܵܘ ܩܘܼܪ̈ܝܵܐ ܘܝܼܬܸܒ̣ܘ ܒܗܹܝܢ.

⁷²(31) ܙܪܲܥ݂ܘ ܚܲܩ̈ܠܵܬ̣ܵܐ ܘܲܢ̣ܨܲܒ̣ܘ ܟܲܪ̈ܡܹܐ.

⁷³(32) ܘܐܸܟܲܠ̣ܘ ܡ̣ܢ ܦܹܐܪܹ̈ܐ ܕܥܲܠ̈ܠܵܬ̣ܗܘܿܢ.

⁷⁴(33) ܒܲܪܸܟ݂ ܐܸܢܘܿܢ ܘܲܣܓ̣ܝܼܘ ܛܵܒ̣.

⁷⁵(34) ܘܲܒ̣ܥܝܼܪ̈ܗܘܿܢ ܠܵܐ ܙܥ݂ܲܪ.

⁷⁶(35) ܘܲܙܥܲܪ݂ܘ ܘܐܸܬ̣ܡܲܟܲܟ̣ܘ ܒܣܘܿܓ̣ܐܵܐ ܕܒ̣ܝܼܫܬܵܐ ܘܲܕ̇ܕ݂ܵܘܘܿܢܵܐ.

⁷⁷(36) ܐܲܪܡܝܼ ܒܝܼܫܬܵܐ ܥܲܠ ܫܲܠܝܼܛܹ̈ܐ.

⁷⁸(37) ܘܐܲܛܥܝܼ ܐܸܢܘܿܢ ܒܬܲܘܫܵܐ ܕܠܵܐ ܐܘܼܪܚܵܐ.

⁷⁹(38) ܘܐܲܥܫܸܢ ܠܡܸܣܟܹ̇ܢܹ̈ܐ ܘܲܥ̣ܒܲܕ݂ ܐܲܝܟ݂ ܥܵــ̈ـܢܵܐ ܫܲܪ̈ܒ̣ܵܬ̣ܗܘܿܢ.

⁸⁰(49) ܕܢܸܚܙܘܿܢ ܙܲܕ̇ܝܼܩܹ̈ܐ ܘܢܸܚܕ̇ܘܿܢ.

⁸¹(40) ܘܟ̣ܠܗܘܿܢ ܥܲܘܵܠܹ̈ܐ ܢܸܣܟ̇ܪܘܼܢ ܚܸܟ̇ܗܘܿܢ.

⁸²(41) ܡܲܢ ܕܚܲܟ̇ܝܼܡ ܢܸܛܲܪ ܗܵܠܹܝܢ.

⁸³(42) ܘܢܸܕܲܥ ܚܸܣܕܹܗ ܕܡܵܪܝܵܐ.